أسامي شباب و بنات...اللي يبا يعرف شخصيته

][ نزاعـــة القلـــوب ][ · #1 03-11-2008, 10:46 AM

مرررررررررحبا الساااع ...
يالله كل واحد فيكم يشوف اسمه...وخبروني اذا الرمسه صح و لا لا

^&)§¤°^°§°^°¤§(&^الشباب^&)§¤°^°§°^°¤§(&^

وعاد يسمحلي اللي اسمه مب موجود .....

أحمد : طيب القلب ، قد يغفر لك اكبر اخطائك في حقه .. دمه خفيف ورزين عند اللزوم

ابراهيم : خلوق ، بار بوالديه ، يحب اخوانه واخواته كثيرا وعطوف بهم

بدر : اسم على مسمى .. خير ملجا عند الازمات بدونه تضيع كما يضيع الانسان في الليلة الظلماء وجوده ينير لك دربك

باسم : يضحك دائما غير ان هناك حزن عميق به يحاول اخفاءه دائما .

تركي : يحب السفر كثيرا يخاف من الارتباط ويهرب منه .. يحب ان يكون حرا طليقا ..

جاسم : شخصية محبوبة .. قائد بطبيعته .. المهم لديه الفعل لا القول

جابر : كريم جدا .. يحب السفر والطلعات والوناسة .. ما يحرم اهله ونفسه من شيء

حمد : انسان تثق به ، اذا احبك تضحك لك الدنيا ( لي حبتك عيني ما ضامك الدهر ) يقف معك في الازمات ماديا ومعنويا ..

حسين : دمه ثقيل غالبا ، ما يعرف يعبر عن حبه وعاطفته حتى ولو كانت صادقه .

خليفة : انسان رائع ، غالبا ما تكون به بقايا طفولة يحن لها ، حنون مع الاطفال ( زوج مثالي ) غير انه لا يستطيع ان يقاوم اصحاب العيون الكحيلة ( قصدي البنات )

خالد : ماهر جدا في اخراجك من حزنك ، ذويق جدا في كل شيء ، اسلوبه مميز في الحديث ، يحب ويهتم بالكشخة .

عبد الله : طيب جدا ، مخلص ووفي مهما طال الوقت والفراق .. بس فيه شويه عند تخرب عليه ..

عبد العزيز : يحب طلعات البر والحداق ، تقريبا مستبد برايه لا يحب ان يقول له احد انت غلط بل هو الصح دائما .

عبد الرحمن : يزداد وزنه كلما كبر ، دمه خفيف .. يشغل باله بالتفاصيل .. مسالة الاخلاص عنده نسبيه قليلا ..

عيد .. انسان شديد جدا يحب كل شيء يكون حسب الاصول وعصبي جدا بس شحلاته وهو هادي ورايق ..

علي : انسان مريح في التعامل معه ، لكن مع اسرته فيه شويه عصبية .. تنبيه : لا تقرب صوبه وهو معصب نهائيا ..

عيسى : طيب وحبوب ويدش القلوب غير انه غير ماهر في الاحتفاظ بالصداقات كثيرا .. غالبا ما يكون ذو عقليه تجارية ..

عادل : يحب يعرف غلاته عندك لذلك غالبا ما يحاول معرفة هل الشيء سواء بالسوال المباشر او حتى بافتعال المشاكل ليرى ردة فعلك ..

سلطان : محبوب من الفتيات ، مهمل قليلا في الدراسة وربما العمل .. يحب الرياضة كثيرا ومخلص للنادي الذي يشجعه ..

سعد : يا يكون ضعيف او متين مافيه وسط .. يحب الاكل كثيرا هو الذي ينطبق عليه ( الطريق الى قلب الرجل هو معدته ) تلاقيه اخر الليل عند الثلاجة بس جاد في حياته العلمية والعملية .. يحب الالعاب الاكترونية
حتى لو كان كبير في العمر ..

سيف : شخصية جادة .. يحب التفلسف ، مستحيل تطلع منه شيء غصب عليه ،( يعني ما تقدر تقص عليه بكلمتين ) افكاره غالبا ما تكون قديمة ، ولكنه غالبا شاطر وناجح في عمله ودراسته .

سعيد : وسيم ، غالبا ما يكون شاعرا او يهوى الشعر ويتفوق في المجال الذي يحبه .. لكنه يحب يبين مسكين ويكسر الخاطر مع انه ابعد الناس عن هل الشيء ..

شعيل : غالبا ما يكون فاقد المسؤلية همه الاساسي راحته وبس ..بس فيه شويه طيبة

صالح : انسان حساس ، ذوقه ممتاز عند اختيار الهدايا ، يضحي بنفسه في سبيل اسرته ومن يحب ، يتغاضى كثيرا عن الاخطاء ، ما يحب يغلط على حد .. بس عنده احساس بانه افضل من الجميع ..

طارق : صاحب ذوق رفيع جدا .. يصلح مهندس ديكور .. يحب التكنولوجيا والاشياء الجديدة .. اذا حط شيء براسه لا يياس حتى يحصل عليه ... متواضع جدا ولا يبخل عليك بالمساعدة لو طلبتها .. بس جايز يتاخر في تنفيذها لك ..

راشد : غيور في علاقاته العاطفية لا يحب الخيانه ويخاف منها متطلب كثيرا .. ولا يرضى الا بالافضل وغالبا ما يحصل عليه ..

فيصل : به شويه ثقل دما ولكن وسيم غالبا مغرور جدا حتى لو حاول يبين العكس وفيه شويه طول ( غالبا فوق 170 سم )

فهد : شخصية قويه جدا يحب التمسك بالاصالة يتبع العادات والتقاليد في معظم تصرفاته

محمد : طيب متسامح غالبا لكنه لا ينسى يعني اذا غلطت بحقه لا تستغرب اذا عقب 5 ست سنوات جاك وقالك تذكر يوم تسوي هذه وذيك ؟؟

مبارك : ذكي جدا ( متى ما بغى ) مخلص جدا في علاقاته وحبه لا يحب القيل والقال رومانسي جدا وهو انسان على قدر المسئولية .

ناصر : مربرب شوي ، غير جاد في معظم علاقاته يبحث دائما عن المراءة الكاملة والتي نادرا ما يجدها .. غالبا ما يتزوج في سن متاخرة ..

يوسف : جاذب انظار الفتيات .. به وسامه ويحب ان تكون سيارته كشخه واخر موديل ونفس الشيء لكشخته .. بس به شويه حرص </font color>

^&)§¤°^°§°^°¤§(&^ و البنات^&)§¤°^°§°^°¤§(&^

ابتسام : رزينه .. و ثقيله .. و خدومه ,,

..

أمل : طيبة قلب .. و تفكر ألف مره قبل ماتقرر بشي ..

أحلام : قوية شخصيه .. ذكيه .. خدومه .. و دايم تحلم و تخطط حق المستقبل عندها طموووح ..

أسماء : هاديه و علطوووول ساكته .. و مخلصه .. بس غامضه ..

ايمان : طيبة قلب .. يحبونها اللي حولها .. مشكلتها انها ماتعرف تعبر عن حبها .. وتحس ان مافي حد يفهمها ..

بدور : مثل اسمها حلوه و مزيونه و خجوله .. بس ياويلك منها اذا سويت فيها شي ..

بشرى : تحب تثبت نفسها .. ذكيه .. تحب الناس .. غامضه ..

بدريه : ثقيله و رزينه .. وكتووووووومه .. يعني اذا قلتلها سر .. تطمن سرك في بير.. بس ثقيلة دم ..

بسمه : انسانه ذكيه .. شخصيتها قويه .. ماتحب اللف و الدوران .. اذا حست ان في انسان بيغلط عليها .. تفرش خامسينه بالأرض ..

تهاني: خفيفة دم و من خفة دمها أحيان تظن انها مرجوجه .. حذره في تعاملها مع الناس ..

تغريد: طيبه و محبوبه من الجميع .. بس فيها عرق سوداني .. يعني كسلانه ..

جميله : ذكيه .. و جريئه .. و الواحد يعتمد عليها .. مشكلتها انها ماتقدر تمتنع عن الحش ..

حنان : خفيفة دم .. خدومه .. مخلصه .. و مطيعه .. بس أحيانا تصير أنانيه بشكل فظيع

حصه : قوية شخصيه .. محبوبه .. بس للأسف مالها حظ .. دايم مقروده ..

حوريه : محبوبه .. و تحب التعارف و الصداقات .. بس انها شرسه .. محد يتحمل لسانها الطويل ..

حياة : اللي مايعرفها مايثمنها .. عاقله .. بس شينها انها تحب كل شي قدامها يكون جاهز ..

خلود : طيبة قلب .. شخصيتها قويه .. محبوبه من الجميع .. دلوعه .. وراسها يابس ..

خديجه : خدوووومه .. و تحب الناس .. و قلبها طيب .. ماتحب الحش .. و تتعامل مع الناس بطيبة قلب .. بس اذا غلط عليها أحد توريه نجوم الظهر ...

دلال : حلوه و جذابه .. بس مشكلتها انها ضعيفة شخصيه ..

ديما : قوية شخصيه .. تتعامل مع الشخص مثل مايعاملها .. كلمتها وحده .. و قلبها طيب .. من طيبته يوديها في مشاكل ..

دانه : أهلها يمووووتون فيها .. دلوعه .. و حلوه ولسانها طويل

رشا : ياحليلها .. طيبة قلب .. و دمعتها دايم على خدها .. عاطفيه .. بس ياويل من يغلط على أحبابها ..

روان : دلوعه .. و محبوبه .. بس دايماً تكون ضايعه في الطوشه يعني ماتدري وين الله حاطها

رقيه : مخلصه في شغلها .. ماتحب اللي يلعب بذيله .. متحفظه .. و ماتحب اللعب و اللف و الدوران ...

ريم : طيبة قلب .. و خدومه .. و على نياتها .. مطيعه .. تحب الناس .. بس مقروده مالها حظ ..

رنا : حلوه .. حنونه .. و تحب الناس .. اجتماعيه .. واجتماعيتها ذي تسبب لها مشاكل ...

رانيا : دلوعه .. ويعتمد عليها .. بس مشكلتها انها ثقيلة دم ..

زينب : حلوه و مزيونه .. و لها شخصيه قويه .. خدومه .. و تحب تعبر عن مشاعرها بطلاقه .. و راسها يااااابس

زهره : ذكيه وشاطره .. حبوبه .. تحب الصداقات .. مشكلتها غيرتها اللي تذبحها و تذبح اللي حولها ..

زكيه : تحب الضحك .. و المزاح .. و المرح .. شاطره .. و حنونه .. بس لسانها دايم يخونها ..

سماح : وفيه .. وحبوبه .. و تفكر بعقلها قبل قلبها في الامور العاطفيه .. بس للأسف انها مقروده مالها حظ

سلوى : قلبها طيب ..مطيعه و خدومه .. و حلوه و مزيونه .. دلوعه .. بس للأسف مالها حظ ..

سعاد : شاطره و ذكيه .. بس شرانيه ..

ساره : محبوبه .. ذكيه .. طموحه .. عنيده ..و مزعجه

سلمى : ذكيه .. شخصيتها قويه .. تحب الحريه و التجديد .. لكنها مزعجه

سناء : حبوبه و خفيفة دم .. و اذا حبت تبيع الدنيا للي تحبه .. مشكلتها انها تفكر بقلبها قبل عقلها .. و هذا يسبب لها مشاكل

شعاع : ذكيه .. و مجتهده .. و شخصيتها قويه .. واذا حطت براسها شي لازم تسويه .. بس انها شينه ..

شريفه : خفيفة دم .. تحب صديقاتها .. و الناس تحبها .. بس وقت الجد جد .. ماعندها مزح و كلام فاضي .. ( عسكريه )

شوق : رقيقه.. و تحب تثبت نفسها .. خواااافه ..

عبير : مجتهده و شاطره .. و حبوبه و دلوعه .. غامضه .. بس مشكلتها انها متهوره ..

عايشه : شاطره .. صبوره .. مخلصه .. اذا حبت أحد تحبه بجنون .. بس مشكلتها انها تمشي ورى هواها ..

عزيزه : مخلصه .. رزينه .. ثقيله .. وثقيلة الدم ..

العنود : شخصيه قويه .. مزيونه .. محبوبه .. لها شعبيه كبيره .. و ذكيه .. طموووحه .. و ياويل من يتجرء يغلط عليها ..

فاتن : حلوه .. حبوبه .. ذكيه .. شخصيتها ضعيفه ..

فردوس : ذكيه .. طموحه .. شخصيتها قويه ..

لمياء : محبوبه .. تحب تبني صداقات .. و دلوعه . و ياويله اللي اذا طلبت منه شي و لا جابه لها ..

لينا : طيبة قلب .. و على نياتها .. و دمعتها علطول على خدها .. بس تحس ان محد يفهمها ..

ليلى : شخصيه قويه .. ذكيه .. حبوبه . تحب المزاح .. لكنها مزعجه ..

منيره : واضحه .. ماتحب اللف و الدوران .. صريحه .. و أم حنون .. بس لسانها طويل

منال : هاديه .. و حلوه . ودلوعه .. وواثقه من نفسها .. بس انها مغروره ..

مريم : طيبه و على نياتها .. عاطفيه .. و مندفعه .. تحب الحش ..

منى : هاديه .. و رزينه .. ذكيه .. و تحب المظاهر ..

مشاعل : محبوبه .. تحب بناء صداقات .. لكنها غامضه ..

نوره : شخصيتها قويه .. ذكيه .. و شاطره .. تفكر بعقلها في الأمور العاطفيه .. تحب تزيد ثقافتها .. صريحه ماتعرف تجامل .. مشكلتها انها ماتعرف تعبر..

نوف : تحب بناء الصداقات .. تحب المغامرات ... تحب التراث .. لكن يا حبها حق الحش ..

نوال : شخصيه قويه .. محبوبه .. و تحب الناس .. مطيعه .. و عنيييييييييده ..

ناديه : شخصيتها قويه .. و تحب تثبت نفسها .. تعتمد على نفسها .. وماتحب تغامر بشي .. تفكر مليون مره قبل ماتسوي أي شي ..

هدى : شخصيه قويه .. يعتمد عليها في أصعب المواقف .. خدومه .. لكنها غامضه .. و تحب الحش ..

هناء : على نياتها .. تتصرف حسب مايملي عليها عاطفتها .. بدون تفكير .. ذكيه .. خدومه ..

هيا : محبوبه .. تحب اللي يحبها بس .. مطيعه .. مخلصه .. لكنها عصبييييييه

هند : عاطفيه .. ذكيه و شاطره .. اذا حبت شي تحب تمتلكه لحالها .. غيووووره ..

هنادي : شخصيه قويه .. تحب الدلع و المظاهر .. ذكيه .. ومحبوبه من الجميع ..

وفاء : شاطره و ذكيه .. بس ياويل اللي هي تحط عينها عليه ...

ياسمين : قلبها طيب .. خدومه .. مزيونه .. لكنها متهوره ..

يسرى : شخصيه قويه .. تحب تثبت ذاتها .. و تحب المظاهر ..

°ˆ~*¤®§(*§*)§®¤*~ˆ°للأماااااااااااااااانة
م ن ق و ل°ˆ~*¤®§(*§*)§®¤*~ˆ° __DEFINE_LIKE_SHARE__

احلى مينونه · 03-11-2008, 11:02 AM

خخخخخخخخخخخخخخخخ

يسلموووووووو

بس للأسف اسمي مب موجود

^^
__DEFINE_LIKE_SHARE__

Tfoo7ah · 03-11-2008, 12:06 PM

اسمي مــوجـــوووود

موضوع حلو،، تسلمين ^^ __DEFINE_LIKE_SHARE__

سردال · 03-11-2008, 12:29 PM

أحمد : طيب القلب ، قد يغفر لك اكبر اخطائك في حقه .. دمه خفيف ورزين عند اللزوم فعلن هذا انا ..................

يسلمو __DEFINE_LIKE_SHARE__

@ العامري @ · 03-11-2008, 01:04 PM

هع هع ماشاء الله طيب خخخخ

يسلموو ع الموووضوع الرااائع

وربي يعطيج الف عاافيه

ونترياا اليديد من صوبج __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
شباب وين بحصل مكينة كابريس موديل 88 او 89 او 90 اللي يعرف يخبرني ومشكورين	محروم.كوم	منتدى أخبار المواقع والمنتديات العربية والأجنبية	0	07-09-2010 09:50 PM
شباب اللي يعرف عن ساكتون البيكال الروسيه	محروم.كوم	منتدى أخبار المواقع والمنتديات العربية والأجنبية	0	06-07-2010 10:10 PM
شباب اللي يعرف جامعة الغرير ..ساعدوني..	mashkalge 19	الطلاب والتعليم والجامعات	4	08-27-2009 03:20 AM
صور بـ أسامي شباب	@غرشوبة قطر@	المسنجر وملحقاته , توبيكات , ماسنجر بلس , msn	29	02-21-2008 04:12 PM