#poem_544e19d0a60ac td {font-family: 'DecoType Naskh', Arial, Helvetica, sans-serif;font-size: large;font-weight: bold;} يغوص ببحور الشعر يأتي لنا جزل(ن) سمين فخر الحروف إليا نطق تزهى وهو يزهابها ماله عوين إليا كتب . بالشعر ماإحتاج لعوين إليا رمع صاب الهدف ولاّ يجيب صوابها غطواتنا ما عاقته لو فتلها فتل(ن) دفين يجيبها وإلاّ ترى خلخل صليب أطنابها نار(ن) تعلّت له علم . شمس(ن) على العالم تبين سحابة(ن) تمطر على مكشات وإيا أحبابها راع البشاشة شاعر(ن) ومرحّب(ن) بالزايرين راع العلوم الغانمة ماراح منها جابها تحيا يابو ماجد ولا هانوا جميع الحاضرين واللغز بنت(ن) مرعبة كل(ن) يحسب إحسابها البنت صوته يزعجك من القساوة ما تلين في جوفها موت(ن) حمر من شافها يهابها أطرافها إن شلتها قدام عينك يالفطين شوف البشر تستخدمه بذهابها وايابها