السلام عليكم ورحمه الله وبركاته

عيدكم مبارك جميع اعاده الله علينا وعليكم باليمن والمسرات امين


عيدك مبارك يا اطهر القلوب يختي الغاليه قوافي

وكل عام ونتي بصحه وسلامه وسعاده تغمر قلبك امين


صحيح الدنيا تغيرت مثل قول اخواني والكثير من الناس

ولاكن باقي من الناس منهو يجزيه المعروف بس قليل جدا


انا من اسبوع مريت بتجربه اتعبتني بصراحه وظيقت صدري

كنت مسلف احد الاصدقاء مبلغ 13 الف ريال اذكره اتصل علي وقالي ظروري جبلي المبلغ وقلت له وين اجي يمك فيه انا ماعندي ارتباط وقالي عند اسواق السلوم الي في الشفاء بالرياض حول بيتهم وهلحين هدوها من سنين اسواق السلوم المهم اعطيته المبلغ ورجعت لبيتي في اقصا الشمال منول وهلحين مخرج 9 حي الازدهار
ومرت السنين تتلا السنين وتزوج الصاحب ورزق بعيال يعني لي معطيه الفلوس حول الخمس طعش سنه ويشهد علي ربي ماعمري فتحت فمي بكلمه من ناحيه الفلوس وتدين الرجال وصار له لحيه ولا تسمع الا الكلام الطيب يطلع منه وفرحت له ولهدايته والتزامه الشديد مهوب يخالف كلش فيه طاعه الله نفرح فيه
وتصلت عليه في دخول العشر منذو الحجه من كم يوم وباركت له وهو ماقصر بالحفاوه والترحيب وسكرت منه
وبلحظه ويجيني اتصال من احد الربع يبي الفزعه الله لا يفزعنا وقلت له شوي وكلمك المهم ذكرت رفيقي الي انا متصل عليه اهنيه وذكرت ان عنده لي 13 الف ريال من سنه نوح عليه السلام
وتصلت عليه ابو فلان والله ماجت في بالي الا بسبب مطلب رفيق وقلت له انا محتاجها جعلي معدمك وعلى طول قالي ابشر من عيوني بس عطني رقم حسابك في البنك ولا يكون خاطرك الا طيب وعطيته رقم الحساب وجلست انتظر وتصل ثانيه الي يبي المبلغ وقلت له فيه واحد توي مكلمه ويبي يحطه بس في الحساب وهو يعرفه ومن ربعه بس انا مخفيه منهوماله داعي كلش يدرابه ولو هم ربع هذا من زود محبتي لهم ونتظر ونتظر يوم يومين والي يبي المبلغ شاب علي ونا اصبره
ويوم اتصلت على الي عنده المبلغ رابع يوم ولا الجوال مقطوع وبيته ماادله لانه كل سنه في بيت وااقسم بربي حتا لوي اعرف البيت يحرم علي اطق الباب وطالبه بفلوس وربي يشهد على كلامي

بس اخطا في حقي وحرجني عند الثاني الي يبي الفلوس
ولوه قالي اطلب ربك مااملك المبلغ كان اهون علي والدنيا تحظر وتغيب ولا هوب قبل تجي في يدينا الدراهم احيان وحيان ماتطيع تجي الا بالجهاد :d
واليوم صبح العيد ومازلت انتظر بس اني اتصل عليه ماسنه الله ان جابها ولا مهيب اغلا منه عندي


والزمن غير طباع اهله


سبحانك اللهم وبي حمدك اشهد ان لا اله الا انت