نشيد : بالروغه Vs العفاسي - الصفحة 2

*_* العنوديه *_* · #1 03-08-2008, 02:08 AM

.

.

السلام عليكم.. ادري ادري العنوان قووو شويه
بس بغيت اشدكم للموضوع
.
.
شحالكم والاناشيد
عندي لكم معلومه يديده.. يمكن مب يديده عليكم.. ان شا الله تكون يديده

نشيدة العفاسي "ريض يالطارش" <- من البومه اليديد
كان مغننها بالروغه قبله !

بس العفاسي غير فكلماتها شوي
هذي النشيده للي يبا يسمعها

للتحميل والأستماع

وهاي كلماتها بعد التعديل..

ريض يالطارش يالمعنا"="خط بكتابك ابترحيبه
لو سرى بك ليلك أو جنا"="بالدجى في الليل تسريبه
وان سأل عنا له المنا"="قل على ما جنت تدريبه
مدعيكم غايب ن عنا"="و الحكم ميوز في الغيبه
ينبغي لانسان يتأنى"="و يحكم باحكام ن امصيبه
لا تحسب الحيف ذا منا"="النصف ناخذ أو نعطي به
سو جميل و بلغه عنا =بالسلام و ألف ترحيبه
ريض يالطارش يالمعنا"="خط بكتابك ابترحيبه
لو سرى بك ليلك أو جنا"="بالدجى في الليل تسريبه
ريض يالطارش يالمعنا"="خط بكتابك ابترحيبه
لو سرى بك ليلك أو جنا"="بالدجى في الليل تسريبه
بلغ المهموم ما تهنى=ساهر ليله يهاذيبه
يشغله بالفكر و الظنة =مكر وسواس و ألاعبيه
حزن في قلبه مخفنه =دون ناس خايف تعيبه
قول له اللي له المنة =عالم بالجهر و الغيبة
يعلم بحالك و لكنه =يختبر عبده بالمصيبة
ريض يالطارش يالمعنا"="خط بكتابك ابترحيبه
لو سرى بك ليلك أو جنا"="بالدجى في الليل تسريبه
ريض يالطارش يالمعنا"="خط بكتابك ابترحيبه
لو سرى بك ليلك أو جنا"="بالدجى في الليل تسريبه
من بغى مثواه للجنة =ما رضى بالنفس التعيبة
حد كل حيلته يتمنى =وحد حلمه بايده اييبه
و اللي يقول يا رب آمنا =ما يعرف الياس و الريبة
زاده القرآن و السنة =و اندعاه الداعي يجيبه
طارشي ان ييت قول انه =على العهد و الوعد نوفيبه

بما اني ماقدر احطلكم الاغنيه..
هذي الكلمات الاصليه لي غنابها بالروغه

ريض يالطارش يالمعنا ... جد بكتابك و ترحيبه
و لي دجالك ليلك و جنا ... الرجا فالليل تسريبه
و لي وصلته سيد الفنا ... لي محارب كل حريبه
وان سأل عنا له المنا ... اقل على ما كنت تدريبه
خطكم يانا و فطنا ... و ادعواكم كلها مجيبه
و مدعيكم غايبن عنا ... و الحكم ما ياز فالغيبه
و ان بغا الانسان يتهنا ... يحكم بأحكامن مصيبه
و ان نسى اسباب المحنا .. و الهوا يعمي من يصيبه
ولي يخضب كفه بحنا ... لا تظن العهد يوفيبه
ولو عطيته السلو والمنا ... و الذي يطلبك له اتيبه
و مول لا تحسن به الظنا ... اتله و يبين لك عيبه

وين قيس و وين المعنا ... و الكروم الي لهم هيبه
تيمنا يوم غننا .. و ابتلوا منهن بالمصيبه

لخوانّا اللي مايعرفون منو بالروغه
علي بالروغه كان مغني ذو شعبيه كبيره فالماضي بس ما شالله التزم وتاب ومايغني من زماااان

__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
[ نشيد مع الله \| مشاري العفاسي ]	محروم.كوم	منتدى أخبار المواقع والمنتديات العربية والأجنبية	1	06-26-2012 09:40 AM
[ نغمة نشيد ارى الدنيا \| مشاري العفاسي ]	محروم.كوم	منتدى أخبار المواقع والمنتديات العربية والأجنبية	0	05-19-2010 11:30 PM
[ نغمة نشيد ارى الدنيا \| مشاري العفاسي ]	محروم.كوم	منتدى أخبار المواقع والمنتديات العربية والأجنبية	0	05-19-2010 11:00 PM
جديد \| نشيد رمضـان - مشاري راشد العفاسي \| بثلاث لغات	♕ وليد الجسمي ♕	اناشيد وصوتيات ومحاظرات ومقاطع دينيه وصوتيات ويوتويب اسلامي,	19	09-09-2009 10:34 PM
جديد \| نشيد رمضـان - مشاري راشد العفاسي \| بثلاث لغات	محروم.كوم	منتدى أخبار المواقع والمنتديات العربية والأجنبية	0	08-22-2009 11:00 PM