حل موضوعي بالكرسيدا حقتي

محروم.كوم · #1 09-25-2014, 08:40 AM

السلام عليكم ورحمه الله وبركاته
كيفكم ياخوان عساكم بخير
الحراره عندي الربع او السي بدون مكيف اما مع المكيف عالنص او تحته بشرطه ماتذكر وتثبت وشوي وتزيد لقريب الاتش علما ان راعي السياره قالي طبيعي ويمكن بعدها يفصل المكيف ويقلب حار هاذا اول ماكتبته باعلاني القديم
وغيرت الرديتر بحكم ان السياره ماخذه واجهه وصلت لرديتر المويه ولحمه راعيه مكان كبير وسابه لي

رحت لبني مالك شاف الرديتر قال هاذا ماينفع لازم تغيره وقالي الحراره ماتكون النص ابدا رجال كبير بالسن وشغله معروف فك المسكات حقت الرديتر مادري ياش اسمها
وشاف الرديتر من الحواف الحافه اليمين في ضربه وصارت المويه ماتدور من نفس المنطقه الى بصعوبه قالي غير الرديتر
دبرت قرشين والله بالقوه ورحت نزلت واشتريت رديتر صيني طبعا الاردني سيئ والكل يشتكي منه طباته تهرب
لانها طبات تتركب بالاردن وهو نفس رديتر الصين بس تجميع اردني وتجميعهم ماينفع نوعا مااا يهرب المويه
واشتريت الصيني بالمناحله180ريال سالته عن رواح خارجيه قالي في توليف صيني قلتله مابغاها سيارتي فيها حراره
مراوح مساعده ماتنفع لازم مروحه اساسيه ركبت الرديتر الحراره تحسنت بشكل خفيف بس المشكله نفسها توصل للنص وتعديه للاحمر بالظهر وبالليل وباي وقت ولازم اطفي المكيف تنزل وارجع اشغله اذا ماطفيته ترتفع عن النص وتولع السياره واخاف الراس يروح علي
كلمت الوالد نافخ فيني انا اشتريتلك سياره مو شغلي تصليحها اقنعته ان المكينه بتروح علي لان الراس ماحيتحمل
حراره فاخذت بالعافيه 100ريال نقزت ليله الخميس لغليل في محلات تبيع مراوح مستعمله شافو مروحتي قالو صينيه ضعيفه ماتنفع لازم تركب ياباني
رواني مروحه كورولا94حتى2000الشكل القديم تجي 4ريش جربها لي تبريدها ممتاز لايعلى عليه قالي 130
انصدمت وقلت الله ليش مستعمله و130قالي يابانيه واصليه وفي حق كرسيدا قراندي6سلندر190ريال وقال وقويه والكلام ده مشيت من عنده
رحت لغيره نفس السعر ومروحته تطلع صوت قعدت الفلف لف 5محل لقيت عنده وحده ماشاء الله عليها ممتازه
تبريدها حلو قالي 130متفقين كلهم قلتله ماينفع ومدري ايش تعرفو الهنود هات سعرك قلتله 100ريال قال انا جمله اجيبها 95ايش 100قلتله خلاص بشوف غيرك بس المشكله عجبتني مروحته ممتازه لسه فيها روح
وانا ماشي قالي تعال خذها اعطاني ضمان3ايام ضد اي عطل قلتله خذ الميه اعطيته بسرعه قبل لاستلم المروحه
هههههههههههه تحمست رجعت البيت نزلت تحت السياره قعدت شئ ونص ساعه اركبها واحاول فيها وبالنهايه ركبتها
الحراره وين ووين تحسنت الحمدلله ماتوصل للنص ابدا تحته دايما والمروحه صوتها حلو وممتازه بالتبريد وضمانها اليوم راح انا ثقتي فيهم فوق الضمان
ماعلي دامي ركبتها صح وشديتها صح باذن الله حتعيش
وبالنسبه الي يقول مافي داعي المروحه الخارجيه مهمه جدا ياجماعه الخير لاي سياره انا سيارتي ماله مروحه اساسا
بس لمن ركبت الخارجيه ارتاحت المكينه مرررره واي سياره بتسوي الحركه دي بترتاح السياره وهو يشيل
من راسه هم الحراره
والصور تثبت كلامي المكيف شغال له فتره طويله والصور تثبت كلامي الحمدلله والشكر تخلصت من مشكله الحراره اول صوره بعد ماقدت شغاله فتره طويله والباقي لها ربع ساعه او اقل بالزحمه طبعا واخر صوره الحراره القديمه[IMG]www.haraj.com[/IMG] __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
=- ابي تقيمكم لا هنتو للسلقه حقتي ولكم الشكر -=	محروم.كوم	منتدى أخبار المواقع والمنتديات العربية والأجنبية	0	06-26-2012 12:10 AM
كيف اعرف السكتون حقتي ديانا 27 قديمة ولا جديدة ؟؟؟؟	محروم.كوم	منتدى أخبار المواقع والمنتديات العربية والأجنبية	0	09-19-2011 05:40 PM
شي غريب صاير بيد الps3 حقتي	محروم.كوم	منتدى أخبار المواقع والمنتديات العربية والأجنبية	0	09-08-2010 03:40 AM
[ مسـاعـدة ] : بطاقة الذاكرة حقتي خربت	محروم.كوم	منتدى أخبار المواقع والمنتديات العربية والأجنبية	0	10-13-2009 11:50 PM
مشكله صغيره في الحمايه حقتي	محروم.كوم	منتدى أخبار المواقع والمنتديات العربية والأجنبية	0	08-18-2009 05:00 AM