مرحله من حياة فلان وفلنتان - النبهاني

محروم.كوم · #1 09-24-2014, 11:30 PM

فلان وفلنتان عيال عم تخرجوا من المتوسطه وسجلوا بالثانويه لكن ماهو بديرتهم لان وقتها مافيه ثانويه بالديره وبالتالي توسع عندهم المجال للسرح والمرح واصبح كل واحد يسلك السلوك الذي يهواه فكانوا ينامون بالنثيله . فلان ثقيل نومه عكس فلنتان الذي يصحى قبل واذا اراد ان يصحي ولد عمه دفه همن يتدربى على شان يصحى غصب وبعد الفطور يركبون سيارتهم وعلى ديرة مدرستهم اول يوم ما اعجبتهم المدرسه ولا الدراسه وبغوا يطلعون الضحى لكن الحارس عيا عليهم وقال لازم تجيبون ورقه من المدير ومختومه بعد . حاولوا فيه لكن الحارس اصر . واحد منهم قال يالله للمدير نجيب ورقه ورجعوا للفصل وطلّعوا اربع قروش وصبوا عليه حبر وطبعوه بالورقه مع بعض الشخاميط وراحوا للحارس وعطوه الورقه قال هالحين بسلامتكم . وعلى هكالطلعه .
مدير المدرسه سأل عنهم مدرسين وطلبه وقالوا يجون كل يوم بس مايمرون المدرسه قام المدير يراقبهم كل يوم وعرف سالفتهم وصار يكتب خطابات ويرسله لأولياء اموره وهم شيبان لكن هالخطابات يستلمونه فلان وفلنتان بالديره ويقرونه على اهلهم على اساس انه مدح وطلب مزيد من التوفيق .
جاء هكاليوم ودخل على المدير ولد عمٍ لهم وسلم وقال للمدير يابن الحلال انا ودي اطلّع تابعيه وطلبوا مني شهود ولو تسمح ابي فلان وفلنتان نصف ساعه يشهدون لي بالاحوال المدنيه ويرجعون قال المدير نصف ساعه يشهدون ويرجعون ! قال ولد عمهم او اقل بعد .
قام المدير من الكرسي وهو يناظر بالارض ورفع راسه وهو يتنهت وقال تبي فلان تلقاه بسوق الذهب يتسكع يغازل وفلنتان تلقاه يبيع جح بسوق عنيزه من يوم بدت الدراسه وهذي دراستهم . والحين مدري يمديك تجمعهم وتخلصون اليوم والا لا . قال ولد عمهم وش هالحكي قل غيره قال المدير ايه قل لبوهاتهم على كثر الخطابات اللي ارسلته لهم مانفعن واظن كلهم ماش . راحت الايام والسنين والان فلان وفلنتان تقاعدوا عن طريق الشيك الذهبي بعد ان وصلوا الى مراكز مرموقه في مطار الرياض ومطار جده .

انتهت السالفه غفر الله لي ولكم ولهم وجعلنا جميعا من الذاكرين الشاكرين
محبكم
النبهاني
خيمة السوالف الشعبيه - منتديات مكشات

__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ظاهرة صور النساء في التواقيع والرمزيات..واسماء (حبيبة فلان..عاشقة فلان.الخ)	محروم.كوم	منتدى أخبار المواقع والمنتديات العربية والأجنبية	0	05-27-2009 12:00 PM
ظاهرة صور النساء في التواقيع والرمزيات..واسماء (حبيبة فلان..عاشقة فلان.الخ)	محروم.كوم	منتدى أخبار المواقع والمنتديات العربية والأجنبية	0	05-27-2009 11:50 AM
ظاهرة صور النساء في التواقيع والرمزيات..واسماء (حبيبة فلان..عاشقة فلان.الخ)	محروم.كوم	منتدى أخبار المواقع والمنتديات العربية والأجنبية	0	05-27-2009 11:40 AM
ظاهرة صور النساء في التواقيع والرمزيات..واسماء (حبيبة فلان..عاشقة فلان.الخ)	محروم.كوم	منتدى أخبار المواقع والمنتديات العربية والأجنبية	0	05-27-2009 11:30 AM