اترك براد الظل ما دام به داب

محروم.كوم · #1 09-19-2014, 05:10 PM

السلام عليكم ورحمة الله وبركاته
اطرح تحت انظاركم هذه الابيات التي تشير الى قصة وقعت اغنى التلميح اليها خلال سرد القصيدة عن التصريح بها . مع أملي أن تحوز استحسانكم

دعيت باسم اللي نهابه ولا هاب
اللي جميع الخلق تسجد وتدعيه

ارجيك يارجواي ياالواحد التواب
ياسامع (ن) عبد خضع له يناجيه

تسمع دبيب النمل تفرح بالاواب
مخلوق مهما صار فالضعف واليه

يالله تجعل لي عن الشر مجناب

والخير في درب سلكته عن التيه

الحول حولك يارحيم ومعطاب
وبذل النصيحه ديننا واجب فيه

وانا نصحت الغر لا شك ما تاب
كثرت محاورنا بنقد ومشاريه

وخليت له ماغليت عضيت بالناب
واليوم يرجي من تعدواه يغليه

دارت تفاكيري بعجب وتعجاب !
واللي حصل يامرخص من يخاويه ؟

من عقب طوعك كل جاهل ومرتاب !
لا ترجي اللي ترخصه لا تراعيه

انا على فرقاك جوي كما طاب
وش عاد لي في شيل هم ازازيه

واباعترف لك بالخطا كبر الاهضاب
عندي قصور مستقر ولا اخفيه

ماضي مضى واليوم نطويه باعتاب
ما فات مات وكل حي سلى فيه

وان كان صامل فاعلم الظن ماخاب
هذا الوعد رزه على الخير نرجيه

لامن صرمنا التمر من ركز الاقطاب
والعيش يبذر في ضواحي نواحيه

وافريقيا من عقب قيض وتقحطاب
يزهى سهلها والجبل ثلج يكسيه

نفتح ملف اللي مفارق وقد غاب
وندور اسباب الزعل وش هقاويه

اما رضينا وراعي الكيد منصاب
ولا دلهنا وراعي الغي يبكيه

وان كان تفهم قفل الدرب والباب
ما عاد تدخل دام راسي مراسيه

قيل المعود في الخطاء عنه ما ثاب
كانه البقر مسي وصبح مناحيه

من عادني ورع ومن عقب ما شاب
راسي على الشدات مالان قاسيه

اترك براد الظل ما دام به داب
يقطع براد ما تونس مراكيه

اسوقها ما دام تبعد بالانشاب
ويلا تقافا الشين فالعقل نخطيه

هاذي نصيحه واعرف القول باسباب
اثبت مقامك مع خوي تلاقيه

ولا فعشها بين زاد ومشراب
وراعى الهقاوي الكايده لا تماشيه

وصلاة ربي عد ما سار طلاب
على نبي الخير ياحظ قافيه __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
براد شــــــــــــــــــــــــــــــــــــــــــاي	محروم.كوم	منتدى أخبار المواقع والمنتديات العربية والأجنبية	0	04-22-2014 04:00 PM
اثرك في الانترنت ابقى من اثرك في الواقع؟	محروم.كوم	منتدى أخبار المواقع والمنتديات العربية والأجنبية	0	04-04-2014 02:30 AM
براد قلص امريكي	محروم.كوم	منتدى أخبار المواقع والمنتديات العربية والأجنبية	0	12-09-2012 08:50 PM
[ اضافة ] اجمل مؤثرات الظل قد رايتها .. 9 طرق مختلفة لتطبيق الظل على العناصر بالـcss فقط	محروم.كوم	منتدى أخبار المواقع والمنتديات العربية والأجنبية	0	10-03-2011 03:10 PM
زيارة لوادي ثراد وسد وادي ثراد-العقيق-الباحة- الخميس 20/6/1431هـ (alsat3)	محروم.كوم	منتدى أخبار المواقع والمنتديات العربية والأجنبية	0	06-07-2010 01:30 AM