تغريدات شعرية

محروم.كوم · #1 09-02-2014, 02:50 AM

هذه مجموعة تغريدات شعرية⬇

وقت الغضب للسان ردود
وتميّز الرجل من ردّه
كالجمر يظْهر خفايا العُود
لا دخّن يبان وش سدّه
#
كل البشر ماهم علي الكيف والظنّ
فيهم كذا👍والبض فيهم كذيا👎
كالملح والسكر يجي لونهم ونّ
وبالتجربه فرق الثري والثريا
#
الارض تصمت كنّها ماتحرّك
ولازلزلت تخفي جبالٍ رواسي
وصمت الشفايف مثلها لايغرّك
تقلب حياة اهل الفرح لامآسي
#
سر الليالي كلها بغيب محجوب
ياخير والاّ شر قدام نلقاه
والغيب لو انه علي الكف مكتوب
يشيب راس العبد قدام يقراه
#
بعض العرب شكراً قليله بحقه
اخوان والا انساب والا بني عمّ
سجلت موقفهم سماء دوب احقّه
وسوالهم يهدا علي شانه اليمّ
#
لولا الكريم اللي له الفضل كلّه
ابن آدم بجهده ماقدّم ولا شي
وتري الموفق شكر ربه يدلّه
والليل مايبقي سواده مع الضي
#
(خلّه يولِّي) قالها شخص هندي
واصبح مثل عند العرب له معاني
من ضمنها طنّش ومشي وعدي
وبالمختصر غمّض وصُك الآذاني
#
العمر مثل الظل وايامنا شمس
وتفاوت الاعمار حسب الظلالي
احدٍ ظلاله شبر يمناه بالخمس
وأحدٍ كما اللي فيّته كالجبالي
#
الذنب يحتاج له توبه
وان تبت ذنبك مسحته
ولو يتكرر كذا نوبه
كالثوب رحت وغسلته
#
الذنب ينكت نكت سوداء
في قلب حجمه وش اكْبيْره

كالليل لقبل علي البيداء
يخفي جبل كنه إصْريْره
#
أحدٍ مع الزله يحكم ضميره
ومن اسمها زلّه حليم وسترها
واحدٍ يبث ارسالها بكل ديره
وبالواتس وتويتر بيدّه نشرها
#
مقياس لصحابك اللي معْكْ
وقت الرخا مع نهار الضنّك
خل الشدايد يبا يسبّعْكْ
وخل الرخا صدّ وجهه عنك
#
ليت الزحام اللي نشوفه للاعمال
نقدر نشوفه لذّن الفجر للفجر
وياليت هم البيت لصبح بالاطفال
يصبح عشان الفجر مانهجره هجر
#
احذر ثلاثه فالغضب لاتضرك
عقلك ويدّك واللسان احترص منه
طبع الثلاثه للمشاكل تجرّك
ويمكن تروح بشرها اللي نتج عنه
#
للحلم صدر ولاتهزه عباره
لو انها من عاقل او جاهل او بزر
كالبحر لو تُرمى عليه الحجاره
لامد صار ولاحدث للبحر جزر
#
بعض العرب شجاعته مالها حدّ
مصْعَبْ علي عشره لحاله يشلّه
والفجر لذّن نومته مالها ندّ
يصْعب عليه لحاف نومه يقلّه
#
تاملوا ياأولو الابصار
في مساله شعري يعبرها
العقب ياويله من النار
كيف الصلاه اللي نأخرها
☝شعر ابو راكان الرفيعي الصاعدي __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
لغز من ابيات شعرية	محروم.كوم	منتدى أخبار المواقع والمنتديات العربية والأجنبية	0	09-25-2012 03:00 AM
أمسية شعرية	السليمي	شعر و خواطر	4	12-31-2009 09:33 PM
امسية شعرية	fdf	شعر و خواطر	1	05-06-2009 08:02 PM
امسية شعرية	fdf	الشعر المسموع	0	04-22-2009 12:54 PM
مصافحة شعرية	ضاحي عبدالله	شعر و خواطر	2	06-19-2008 04:09 AM