ياهل الهجن اللي يبي الطيب يدخل

محروم.كوم · #1 06-17-2009, 04:10 AM

بسم الله الرحمن الرحيم

اخواني اعضاء ومشرفين منتدى مكشــــــــات الاعزاء

اليوم جايب لكم لقاح على ركاب طيبه شي منها مشهور وشي على طريق الشهره ان الله وفق

الصورة الاولى لظبيه مهجنه ولقحه على رياض محمد بن زايد وشراه الشيخ تميم بـ 8 مليون وحاليا في عزبة الشيخ تميم وتاريخ الضراب 26 / 1 / 2009 وفيديوها موجود يوم ضربت

الصورة الثانيه : الحساسه مهجنه ابوها الحساس بعير الشيخ حمد امير البلاد واضربتها لقيه بتاريخ 5 / 1 / 2009 على السفير والسفير سوداني خلص جاي من عمر البشير رئيس السودان هديه لشيخ تميم وهو حاليا في عزبة سموه والبعير معروف هناك في السودان بأنجازاته القويه

الصورة الثالثه : هداره عليها وسم ال ضابت وتم الاتصال بهم وقالو انهم جايبينها من الامارات وعليها دين من صاحبها مصبح المنصوري انها اصيل وابوها ولد جبار المختبر والناقه لقحه على صوغان غانم بن منصور الخيارين اللي خذ الاول في اول مزاين في قطر والبعير غني عن التعريف والناقه فيديو ضرابها موجود بتاريخ 31 / 1 / 2009 وللعلم كل فديوات الضراب تصويري الخاص

الصورة الرابعه : وحيشه ابوها عصيل غني عن التعريف وبنات عصيل معروف شكلها واحد والناقه عمانيه ولقحه على الشقب بعير الشيخ تميم والشقب غني عن التعريف وهالسنه اول ضراب له والناقه مضربه بتاريخ 6 / 1 / 2009

الصورة الخامسه : الذيبه من ابل ال خليفه هل عين دار والذيبه مربطها معروف وعمانيات اصايل لدى ال خليفه والناقه انا بنفسي جايبها من السعوديه والناقه لقحه على جساس ( مصيحان المقارح ) ابو الجساسيه وهو غني عن التعريف والناقه مضربه بتاريخ 22 / 12 / 2008

الصورة السادسه : الشيهانه شكلها عمانيه لا اعرف عنها شي والناقه لقحه على بعير بن عجلان المري سلهود من سلاله سلهود وماخذ الخامس في مزاين العين ومعه شهادته وهو سابق بيده الثاني والثالث واول انتاجه حيران والناقه مضربه متاخر بتاريخ 7 / 4 / 2009

الصورة السابعه : الصلفه عمانيه اصيل ( باطنيه ) راعيها شاريها من سوق العمانين اللي سووه في الشحانيه من حوالي 9 سنوات وتم بيعها على بن عرار النعيمي وباعها على الكعبي صاحب المزاينات وانا شريتها من السوق والناقه تحتها بكره طيبه ابوها بعير بن عرار

الصورة الثامنه : خنوف مجهم باكستانيه والناقه لقحه على سبلان بعير الشيخ عبدالله بن خالد والناقه مضربه بتاريخ 13 / 4 / 2009

وان شاء الله وضحت كل شي لكم والبل تراها في قطر واللي يبي يشوفهم او يبي أي معلومات يتصل على جوالي ( 5807719 00974) __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
اللي يبي يفيدني يدخل واللي يبي يحشني لا يدخل	محروم.كوم	منتدى أخبار المواقع والمنتديات العربية والأجنبية	0	04-20-2010 09:30 AM
اللي يبي يعرف الفشق الطيب للشوزن ؟	محروم.كوم	منتدى أخبار المواقع والمنتديات العربية والأجنبية	0	10-04-2009 12:20 AM
اللي عنده مشاكل في تنزيل الافلام من روابط موقع Megashares اللي في مواضيعي يدخل ضروري	الجنــــــــــرال	افلام عربية , أجنبية, هندية , يابانية , كورية وغيرها	12	03-17-2009 11:05 AM
اللي عنده خبرة باللاب اللي فيه كاميرا يدخل......	دلوعة باباتي	طلبات البرامج والشروحات وحل مشاكل الحاسب الآلي	5	08-22-2008 12:45 AM