علامة النفاق في الاخوه

محروم.كوم · #1 08-17-2014, 02:40 PM

السلام عليكم
مساء الخير جميعا
علومكم يالمطاليق!!!
عسى اني ماثقلت عليكم

حبيت اني اشاركم قصة حصلت قبل 8سنوات لشخصين تربطهم علاقه طويله من ايام الدراسه

طبعا راح اسمي كل واحد منهم اسم علشان تفهمون القصه بشكل اوضح

الاول فارس
الثاني خالد

مثل ماتفضلت تربطهم علاقه طويله من ايام الدراسه قبل 8سنوات

فارس وخالد هاويين البر وطلعاته والمقانيص وهذي اللي تجمعهم مع بعض بحماس وشغف لاان كل واحد منهم يشتغل بوظيفه بعييد عن الثاني ويتلقون بعد كل اسبوعين

المهم ظلو على هذا الحال لمن جاء الموقف الصعب

خالد مدير مدرسه ماشاءالله
يطلب من فارس اللي على قد حاله مبلغ معيين كسلفه ف خالد وافق واعطاه المبلغ
حتى يزين ظروفه ويرد له المبلغ , المهم جاء وقت ان فارس محتاج المبلغ , ف اتصل على خالد وقال له ارجو انك ظروفك زينه لاني محتاج المبلغ ,ف رد عليه خالد وقال له اي مبلغ!!! فذكره فارس بهذاك المبلغ , فتذكر خالد وقال اذكر ان المبلغ كان هدية منك يافارس!!! ف رد فارس وقال مااذكر انها كانت هدية مني لك , المهم مع الجدال خالد يتهرب من دفع المبلغ له, فارس سكت لاحترام العشره

بعد فترة وقت الربيع جاء وقت الكشتات والطلعات الزينه, قائد الرحله خالد اتفق مع الشباب والقطه, خالد جمع الفلوس وصار يحدد المؤونه على مزاجه والباقي ماندري عنه , فارس معترض قال ارجو اللي يتولى المقاضي واحد ثاني ولا اعفوني من الرحله هذي, طبعا من ضمن الرحله ابوه خالد قال ياعيال خلو المقاضي على وفالكم طيب , اتفقو والحمدالله ابوه ماقصر شاري مقاضي كنها للبيت ماشاءالله , جاء وقت الذهاب الى فيضة معينه , اوصلو الفيضه وحطو المقاضي والخيام ورتبن كل شئ في محله, جاء الليل تحلى السمره حول الضية والدلال وعلوم الطيبه والزينه, معهم شايب ينقال له ابواحمد له خبره في البر والمقانيص شايب هادي ذو حكمه ورجاحة عقل, سالفه ورى سالفه , طمر خالد بسالفة سلوم العرب والهياط وعن العادات والتقاليد, وفارس جالسن يسمعن بس, لما خالد قضى من سالفته , فارس حس بشئ في داخله مثل حرقة نار, وقامن وقال ل خالد قدام الشيبان

انت متوكد ان علوم الرجاجيل فيك ياخالد!!!
انت متوكد ان سلوم العرب فيك!!!

طبعا خالد مو قادر يجاوب على اي سؤال , طبعا هذا على كلام الرجال لي, فارس قام على رجوله , وقال للشيبان ياجماعة الخير استرو على مواجهتو واعتبرو ان هذي اخر لي طلعه معكم, ردو الشيبان عليه , وليه يافارس!!!

فرد فارس عليهم !!!
قال هذا الرجال اطالبه بحق من زمان ويلعبن علي , ويجي هنا يتكلم عن المراجل وسلوم العرب, انا ماشفت سلوم شفت نصب ونفاق, على العموم ان ماشي لحالي وفي امان الله

فارس ركب سيارته الجيب ويجهز له الاحداثيات والسير, اثناء ذالك هطلت المطره قوية عليهم وعج وكلهم قامو يضفون اغراضهم علشان الرحييل

فارس شيل شوية من اغراضهم بغرض المساعده ولما اوصولو للديره نثر اغراضهم على باب بيتهم وسلم عليهم وستر عليهم
ومشى عنهم
وعرف عن انواع النفاق

وهذ نهاية القصه

وسامحوني عن الاطاله

تحياتي لكم

__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
[مشكلة] فجأة اختفاء علامة الاستثمار نهائيا بعد وجود علامة الدولار	محروم.كوم	منتدى أخبار المواقع والمنتديات العربية والأجنبية	0	07-26-2014 01:51 AM
[ درس ] حل مشكلة علامة ? عند اختصار الرابط او إي علامة محجوزة للغة	محروم.كوم	منتدى أخبار المواقع والمنتديات العربية والأجنبية	0	03-25-2014 06:50 AM
تيار الوفاء الإسلامي - تعليق سياسي: ظلامة القائد المشيمع هي ظلامة شعب	محروم.كوم	منتدى أخبار المواقع والمنتديات العربية والأجنبية	0	12-31-2012 07:50 PM
السيد جميل كاظم : إن بقاء فضيلة المبارك في السجن ظلامة ما بعدها ظلامة	محروم.كوم	منتدى أخبار المواقع والمنتديات العربية والأجنبية	0	12-10-2011 02:30 PM
الاخوه المكشاتيـون ..الاخوه اعضاء رابطة البليزر ..هلموو با أبي انتم وأمي	محروم.كوم	منتدى أخبار المواقع والمنتديات العربية والأجنبية	0	03-06-2010 02:20 PM