`·.¸.-> ح ـكاية ع ـشق مـ ج ـنـونـهـ !!! - الصفحة 94

حمامـہ منقطـہ · 07-16-2008, 12:50 AM

حكايه عشق مجنونه

البارت ،، ( اللي تتريونه وما خلص من كتابته هع )
السموحه ظروفي هالايام زااااايددددده واللللللللللللللللللللللله ،،

العيوز : يسلم عليج
سارهـ : الله يسلمه من الشر ..
العيوز : سارهـ انتي يابوج لا يكون يالسه عندي زعلانـه تسوينها
سارهـ : لا يدووه هب زعلانهـ ولا شياتـه بس مشتاقه لج بعدين هم كلهم مشغولين بملجتهـ وانا ما بحضرها غير جيه يتقطع قلبي ع هالطاري
العيوز : يا بنتي شو تسوين . . .
سارهـ : عسب جيه ساكتـ ه انا يدوه الله يهنيه وياها ..
العيوز : ويخليج لهـ
سارهـ : انا ! خليها ع اللهـ ..
العيوز : الله كريم الغالي بقومـ آنآ آرقد
سارهـ : ههه وفديتج يدووه تبيني اسحي لج شعرج ادهنج اهمزج
العيوز : ما بتعبج الغالي
سارهـ " تبتسم " : ع راحتـج ..
نشت العيووز عنها وسارت غرفتها ترقد سارهـ في مكانها في الصالهـ يالسه طالع التلفزيون .. ~ شوي وحد دق باب الصالهـ .. { ساره تروعت شوي منوو ياي في هالوقت
ربعت بسرعه لغرفتها

خالد : مرحبا
سارهـ : مرحبتين ..~
خالد : عاش من سمع صوتـج
سارهـ " بعد يتنقم " : شو عندك داق ؟
خالد : اغراضج في الصالـ ه ..
سارهـ: اوكيه الحين بنزل
خالد : عيل بتريااج
سارهـ: ف خاطرهاا خير ان شاء الله ،، اوكيه خالد دقايق بس
تنزل ساره تحت وتحصل خالد يالس ع الكنبه ،،
خالد: يامرحباا بذا الشوف ماشاءالله محلوهـ
سارهـ: طالعه بطريقه تنرفز
خالد: عمري تعاالي يلسي عدالي
سارهـ: تنبش ف الشنطه وهي مستغربه :::: خلووود شو هااا ليش الملابس شويه
خالد: خلود ف عينج // بعدين ع شو ناويه ان شاء الله حدج اسبوع
سارهـ: افففف
خالد: صدق ما تنعطين ويه
سارهـ: خالد حرام عليك ،، انت بعد كم يوم الملجه والعرس بعد كم شهر شو تبى فيني ،، حتى غرفتيه ما دشها خلني رتاااح
خالد: لا حول ولا قوه الا بالله انتي كل ما اقول لج شئ تردين ع طير اللي ،، ما تباني ومادل شو ساره يابنت الحلال استهدي بالله وانا ان شاء الله بعد كم بيي وبشلج وانا اللي اقوله يصير وغير جيه تعرفين اسلوبي
سارهـ: الضرب صح
خالد: تبين نعيد ترا والله انه ف خاطري
سارهـ: تصيييييح ،، والله الضرب ما يعورني بس اخافه ايدك تعورك
خالد: لسانج انتي بيبهدلج اكثر ،، وكان يرمسها بصوت عاالي وجان تسمعهم العيوز
العيوز: لا حول ولا قوه الا بالله ،، ابا ادري انتوا الاثنين من الاساس من جمع من بينكمـ استغفر الله العظيمـ
تمسك ساره وتأشر لها انها تظهر فوق ف الغرفه وتاشر حق خالد انه ايي وراهاا ،،
ساره من دخلت الغرفه وهي تصيح وتذكرت اهلها وايام يوم كانت تحب خالد
شيخه :: شفيك ياولدي ع حرمتك
خالد :: امايه تبين الصراحه ما اعرف من اقرب صوبها تنرفزني
شيخه:: حرام عليك ياولدي ما يصير هااي مهما تكون يتيمه ومالها غير الله وغيرك
خالد:: ف خاطره مالها غيري هااي من الاساس مستغنيه عنيه
اميه شوفي اناغيرت راي بيب اغراضها ولين ما يسدها اتيي البيت ،،
شيخه: افا هااا اللي طلع منك يابوك ترا الله فوق واذا الله يسامح انت ما تسامح
خالد ::انا شو سويت
شيخه :: ما سويت شئ بس اللي تسويه ولا فرعون يسويه
خالد :: اميه انتي شكلج الا شرات ساره اثرت عليج شكلها انت وانت ،،

شيخه :: استغفر الله ،، تبى الصراحه انت الرمسه ضايعه عندك قبض الباب لا بركتن فيك
خالد: يالله انا بظهر ويحبها ع راسها ،،
الشيخه :: الله يكون ف عونج ياسارهـ ،،

يوم الملجه

الكل مستانس إلا سارهـ ..
صوب سارهـ ْ

العيوز : الغالي انا بسيرر بيت عمتج مريم ها شو بتغيرين الراي بتسيرين وياي ؟
سارهـ : لا يدوه ما اقدر آسير ~ سلمي ع شمسهـ قولي له الله يكون في عونج
العيوز : مالومج يا بنتي .. وتحبها و تقبض الدرب ~

المسـاء
يوم الخميسـ ..
كلووليليييش ألف الصلاة والسلام عليك يا حبيب الله محمد .. كلووووليش .. حريمـ العايله يزغرطن .. وتدخل شمسـ ه الصراحه كان شكلها يجنن لابسـه فستان سكري مع كرستال خفيف ملون وعليه طرحه و مكياجها كان روعه عند لندا خليفهـ .. وشعرها تسريحه بسيطه عسب الطررحه وشمسه كانت فرحانه وايد إنه تحقق حلمها ..

/

سارهـ من الملل ما عرفت شو تسوي لبست شيلتها وطلعت فوق السطح وتتخيل شو يالسين يسوون فخطر في بالها أول شيء كيف شعورر خالد يوم بيشوف شمسه وهيه متلبسه ومتعدله تذكرت شعوره يوم شافها يوم ملجتها ويلست تتذكر كيف كان خالد في عينها وايد حلوو ومافي حد مثله مسحت دموعها وتذكرت أول يوم تغير عليها خالد .. وظحكت بطريقة هستيريـه و من الظيجه اللي فيها مسكت تلفوونها وطرشت مسج لخالد ..

لكن يطول الوقت وتعرف الأسباب..
.تندم على وقتن مضى كنت ضدي..!!

خالد يالس يسلم على المعازيمـ ...
توه واحد يقوله مبروكـ .. ويرد عليه خالد : الله يبارك في حياتك وييه المسج اللي طرشته سارهـ صوبهـ ..
خالد يوم قرا المسج عوره قلبه ع الكلام حس انه ظلمها وظلم نفسه ويااها ~ لانه خالد لين يومه يحب ساره بس الظروف عكـس ما هو يتتمنى ~
في ذيج اللحظهـ.. كان خالد هادي وساكت ويفكر في سارهـ " وخطر في باله انه يطيب خاطرها بكم كلمـ ه ~ فقرر انه يرد عليها بمسج بس الغريب انه خالد فـ نفس الوقت كان مبتسم تذكر ايام سارهـ الحلوه وإنه صدق بيندم عليها

هذي هي الدنيا متاهات وأحزان

كلن يــــــدور راحته ما لقاهـــا

سارهـ من شافت المسج .. استانست .. لانه في هالفتره الأخيره ما حست بخالد قريب منها كثر هالوقت مع إنه لازم تتضايق ع المسج .. بس فكرت انه حتى لو هو قريب من شمسه تفكيره معاها .. قرت المسج كم مرهـ ... فهمت سارهـ قصد خالد من ناحيته بس انه هو يدور شيء ما حصله عندها بس هيه شو اللي ما حصلته من خالد عشان دور غيرهـ صح هالفتره تغير عليها بس قبل لا ردت ع كلامه بمسج

القصد والمعنى فهمناه ، والامل فـ الله لا زال موجود

بس انت اللي هويناه ،، وانت الذي ف القــلب معهود

خالد طير حر يتيم سلمناه ،، امانه من الله الواحد المعبود

من كتابات الغزال الدماني { أم منصور }

انصدم خالد من المسج ،، سكر التيلفون ويلس يفكر ف ساره،
وفجأه ياه هزاع
هزاع : يالله يا خالد عرووسك تترياك
خالد " تذكر شمسه " بس كلام ساره مأثر فيـــــ ه

دخل خالـد والكل يصفق ومدخلينه على قصيده حمدان بن راشد
تعال يا وجه السعد واشطب على وجه البغيض
ياحيك وطلتك في وجهي بعد ياحيها
تنعشني انعاش الشفاء العاجل لقلب المريض
يـاأيها .. تدري يالبيك انت وش يا أيها؟
مانته بزي الناس واكتبها لك بخط عريض
تبغيني احلف؟ لاورب البيت مانت بزيها
ياللي غرامك في خفوقي من كثر قدره يفيض
النفس تندب حظها والعين تبكي حيها
من عوضك ليا فقدتك وان وجد كيف استعيض
وانت النهار وشمسه وشجرة غلاي وفيّها
هاجرت واصبح زولك فـعيني يهاجرني وميض
يـا أول جروحي دخيل الله من تاليها
أحيا على وصلك واموت بكل برد وكل قيض
تظما مشاعر خافقي لك وانت سبة ريها
لبيك ياللي من عشقتك قمت أحس اني حضيض
يا مغوي ٍ نفسي ونفسي ذايبه من غيــها
أنا اعرف ان كل الليالي سود و الأيام بيض
دامك معي ماهمني في كثرها وشويها

شمسه كانت مستانسه مع شويه مستحى لانه اول مره خالد يشوفها وجيه متلبسهـ
خالد كان مستانس ع هالدخله و يطالع شمسه صدق كانت حلوه من الخاطر ..
سلم عليهـا : يعله مبروووووك الغناه ..
شمسه : الله يبارك فيك ..
خالد : شوو هالحلاه من وين يابتنها
يلس خالد فتره يتغزل فيها وشمسه عايبنها وتظحك ..
خالد : انزين رمسي لا تمين ساكته جيه ويلي ع اللي يستحوون ~

يلسو تقريبا ربع ساعه بدون اي كلامـ وخالد شكله جثه بليا روح
شمسـه : خالد فيك شيء مريض ؟
خالد " مب منتبه لشمسه "
شمسه مسكت ايد خالــد : خالد
وهزت ايده شوي
وقتها خالد انتبه : آمري !
شمسه : آسألك انت مريض ؟
خالد : لا ليش ؟
شمسه : ما ادري اللي يشوفك يقول توه ظاهر من المستشفى !

خالد: لهدرجه !
شمسه : صدق خالد شوفيك صدق ؟ ؟
خالد : والله مافيني شيء استانسي استانسي
شمسه " حاسه انه خالد في شيء "

بعد ما قصو الكيك وشربوو العصير وصورو ... سارو المعازيمـ و يلسوو العايله شوي .. بس خالد سلم على شمسه وظهر عشان البنات يكملن الحفلهـ

سارهـ ما درت بعمرها إلا راقده يوم ردت العيوز من الحفله وما لقت ساره احتشرت .. دورت في كل مكان في البيت وما حصلتها خافت العيوز .. دقت على خالد ..
خالد " وفيه رقاد " : هلا امايه
العيوز : الحق يا ولدي ادور ساره ما حصلتها ! أسأل اللي في البيت يقوولون ما شافووها بالمره أخاف سوت شيء بعمرها
خالد " طار قلبه "
ركب سيارتـه وراح بسرررررعه بيت العيوووز في دقايق حصل عمره هناكـ ..
ما عرفوو شو يسوون .. والحبيبه ساره من كثر ما هيه كانت تعبانه ومظايجه ما حست بعمرها وهيه راقده ع الأرض ..
ثلاث ساعات تقريبا وهم يدورونها في المستشفيات وخالد يلس يدور عليها في الشوارع مثل المينوون ..
في هالوقت وهو يدور دقت عليه شمسهـ
خالد يوم شاف انها داقه ما رد عليها ولا فكر يشل التيلفوون همه هو يحصل سارهـ .. وهيه تمت دق .. وخالد شوي بدا يظيج منها .. ورد عليها ..

خالد " بمزاج مب رايق " : ها شو تبين ؟
شمسهـ : خالد شو فيك ؟
خالد : شمسه اللي فيني مكفينييي تبين شيء ؟
شمسهـ : خالد شوووووووفيك ؟؟؟؟
خالد : اووووووووووووووهوووووووووووو مافيه شيء تبين شيء خلصيني ؟
شمسهـ " ساكته ولا ترمس "
خالد : أقول انا مب فاضيي لج الحين بسكر ..
شمسه زعلت وتمت تفكر خالد شو فيه ؟

الساعهـ 7 الصبح
خالد و العيوز راقدين في الصاله يتريون أي خبر عن سارهـ. . وبكل برود ساره تنزل من الدري ~ وجنه هالصبااح صباخ خير عليها ،، كانت رايقه وتضحك ومرتاحه لانه من زمان ما رقدت مثل هالرقده ع الجو الطبيعي بس صح شويه الارض السطح معلمه ف جسمها

وبكل برود تزااقر يدتها من اول بدت تنزل من الدري
خالد نش ع الصوت ومثل المينون ربع من دون حاسيه يدور ساره
اول ما جافها تفاجأ بشكل ساره
سارهـ،، خالد انت هنيه ف خاطرها تقول مب البارحه كانت الملجه وهي تفكر ما لقت الا بخالد يلوي عليها
خالد::ساره وين كنتي خوفتينا عليج
ساره :: مثل المصدومه
خالد:: فيج شئ ساره انتي تعباانه وين كنتي
سارهـ:: خالد خالد
خالد:: يطالع ساره بنظره يترياهاا ترمس
سارهـ:: كنت يالسه فوق حسيت بضيج ومدريت بعمري الا راقده
خالد:: الحمدلله االله يسامحج يدوه خوفتني عليج من الليل وانا ادرو عليج ما خليت مكان ف دبي
سارهـ:: تضحك ومن خاطرها
خالد:: اضحكي شو عليج انا اللي تعبت
سارهـ:: طالع خالد وتذكرت ايام اول ،، اممم خالد انزين تبى ريوق
خالد:: اكيييد ابا ريوق
سارهـ يلست فتره طالع خالد بنظرات غريبه
خالد :: اول مره تشوفين ريال حلوو جدامج
سارهـ :: وييييه مالت
خالد :: الحين ظمنت اني في عينج حلو وإنه عينج ما تشوف غيري
سارهـ :: يتمنى مهنى
العيوز في خاطرها عساها دوومـ آن شاء الله .. ~ وشوي .. يرن تلفوون خالد ..

خالد يشوف التلفوون ويشوف سارهـ ..
سارهـ : خالد تلفوونك يررررررن
خالد : هيه ادري
سارهـ : ما بترد ؟
خالد : هاي شمسهـ ..
سارهـ " بنظره غريبه " : يعني ما بترد ؟
خالد : اكيد برد عليها بس ما بخسرها رصيد انا بدق لها
سارهـ تنش من مكانها في خاطرها " مسرع ما تغير "

خالد ما اهتمـ بسارهـ طاف طلع من البيت ~
مسك تلفوونه ودق على شمسه .. واعتذر عن حركة البارحهـ .. شمسهـ كانت مظايجه بس ما بغت تبين حق خالد لانه خالد طبيعته عصبي ومزاجي وما بغت تخسره من البدايه حبت تكسبه من اولهاآآ ..
خالد وسارهـ .. يومـ اوكي مع بعض واحيانا يظهرها من البيت واسبوع ظرابه ومقاطعنها بس عند شمسه العكس إذا زعلها بيزعلها دقيقه ..
يوومـ الأثنين
قبل العرس بشهر ..
خالد يحوط ساره في السيارهـ ...... ويسولفووون
سارهـ : خالد همممم شو صارر في سالفة البيت ..
خالد : ساره انا قايل لج إنه بيت ماشي وانا عند كلمتي ..
سارهـ : حرام عليك البيت عندك متعايزز بس تأثثه ؟ انا بكلم عميييه لووو مب قادر تسدني .....
خالد : البيت حق شمسه وحق عيال المستقبل ان شاء الله انتي شو تبين به البيت ؟
ساره نزلت دمعتها بس بدون صوت منها : العيال من الله ! وانا ما بيأس والله كريمـ . . بس انت ملزوم إنك تأمن لي بيت ولا طلقني
خالد : اشوف موال يديد طلع الطلاق !
سارهـ : لا هب يديد
خالد : شوفي انا عند كلمتيييي ماشي بيت ولا طلاق وبيت هلي مفتوح متى ما تبين ردي
سارهـ : خالد ودني بيت يدووه
خالد : انتي جيه محد يدز لج بويه ..

وصلها خالد بيت يدتها وما كلمها ليووم العـرس

كـــــــــــــــــــــــــــــت
سوري ع الأخطاء الإملائيه هعهعهع

لي بااااااااااكـ ..
مع أحداث مشوقه خخخ __DEFINE_LIKE_SHARE__