للبيع حر سبوق

محروم.كوم · #1 06-15-2009, 01:10 PM

بسم الله الرحمن الرحيم

هذا طيري الي قنصت فيه العام

واليوم ابعرضه للبيع

ما نوع الطير حر أصيل
ماعمرالطير ؟؟ : ثالث ينقل رابع

ما(قياسه او وزنه)؟؟ : 17*17 وزنة الان بالربطة 1210
مالمزرعه التي انتجته (للمفرخات والمهجنات) ؟؟ :ماله دخل
أين مكان الطير حاليا (المنطقه / المدينه)؟؟: عنيزة
ماهي الحاله الصحيه للطير؟؟ : سليم ولله الحمد
علوم الطير ؟؟ (للقرانيس البيتيه)
هل صاد الطير الحباري والكروان ؟؟ الحبارى ماصاد اما الكروان صايد معي ومع راعيه الي قبل
هل الطير طلاع ؟؟ لا
هل الطير راكد على التكايه ؟؟ لا
هل الطير يمسح على التلواح او يلاعب الشلو(خالي ) ؟؟ نعم
هل توجد في الطيرعيوب (الارتفاع,الكوشه,نقل العلف,الصياح)؟؟ كوشه فقط
ماهو حدك في الطير أو اخر سومه للطير ؟؟؟ اخر سومه وهوفي المربط الوقت الحالي 6500 صافي والربطه على المشتري وعليها شوي
ملاحظات اخرى :
الطير سبوووق ويالحق الحمام النشيط وفيه نفس على الصيده انا ما أقول يالحق السوادي ولا الزاجل لا يالحق الحمام الهمل العادي سلم من دون نتف وفيه شي يخليه
يسام مع راعيه الي قبل 27 الف على حمام
لكن الطير سبوق وفيه صمله ويطلب البعيد وطبوعه كله على كيف كيفك تهده مع طيرين مايناظر الا الصيده راكد بالسيارة مهب كفاخ بالبرقع من النوع الي اذا فرعتله تبي تهد مايهد على طول يناظر الصيده ويطلب مهب من يوم تفك البرقع يكفخ

اما الحبار وهي الزبده ماذبح ابد ولا فارسه ولا تعلوم لا معي ولا مع راعيه الي قبل وراعيه الي قبل معروف من ناس ثقات من طرفي لقو حبارى بالرمله وكان الطير صنيع وزنه 1100 وبالرمله يعني اكيد الجو حار لقولهم خرب وهدو طير ورتفع مع الحبارى وطرح ولحقو بالطير هذا ولحق الخرب ونزله يوم كوبر ضايف جو وجذبو الطير هذا وهدو طير ثاني وذبحه ولا امداهم يخلصون

والطير يبي طيار فكيتله شي كبير مايبي الا اطيار وذا طار وكل الله بأذن الله يذبحه
ذبح معي وز وديكه

وريته اخر الوقت تعلوم مخلصه طلبه يوم كوبرت ضايف يبيه طيار لكن الحبارى ماتطير الشكوى لله

والطير مايهد الا على وزن اذا اضعفته ماطار

اما الركاده ماركدته ابيه يذبح ماقسم الله
لكن افرعله نصف ساعه ساعه يكفخ وبرقع

ورجو مايسومه الا الي صامل

وهذي الصور
والله يكتب الي فيه خير وصالح
حمر مجاهيم صافي ممسوح العمد

__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ليبي سبوق للبيع ...؟	محروم.كوم	منتدى أخبار المواقع والمنتديات العربية والأجنبية	0	06-18-2010 01:20 AM
قعود سبوق للبيع..	محروم.كوم	منتدى أخبار المواقع والمنتديات العربية والأجنبية	0	05-05-2010 05:50 PM
طير حر بكر سبوق للبيع	محروم.كوم	منتدى أخبار المواقع والمنتديات العربية والأجنبية	0	03-13-2010 02:50 PM
حر سبوق للبيع	محروم.كوم	منتدى أخبار المواقع والمنتديات العربية والأجنبية	0	01-11-2010 10:10 PM
مطلوب حر سبوق سبوق ويكون مشروط	محروم.كوم	منتدى أخبار المواقع والمنتديات العربية والأجنبية	0	01-04-2010 11:41 PM