السلام عليكم ورحمة الله وبركاته

وفي آخر نفحات في القيام ،، وإنت طالع عجامع ،،
وبقلبك غصة ،، غصة فراق رمضان ،، فجئه ،، بيمر شريط الشهر كله قدامك ،،!!
شو قدمت ،، شو عملت ،، هل أعطيته حقه ،، طب هل قصرت ،،
بتفوت الجامع ،، لتصلي آخر ركعات قيام في هذا الشهر ،، ،،
وفي هذه اللحظة ،، بتتذكر إنو !!!!
حنودعه خلص ..~
رح نشتاق
للدموع في السجود !
للعيون الدبلانة !
لما نحكي كلنا مرة وحدة في الوتر لكلمة : يارب ، !!!
لمّا نحكي كلما مرة وحدة : آمين !!!
لمّا ندعي كلنا لغزّة !!!
يوماً ما ، خلقنا الله من تراب !
لكن في مضغة مصنوعة من التراب في جسدنا ،،،~
إلها حق علينا كبير !
خلص الشهر وطول الشهر عم نحاول نصلح هاي المضغة !
هاي المضغة ، هي منزل الله في جسد المؤمن ،
هي ‫#‏قلبك‬ !
فتّش فيه منيح . .. ؟
في اشي أغلى من الله فيه !! ،،،~
لساته متعلق بالدنيّا ؟
لساته حامل مواقف عناس كتير !
تخيّل معي !
لو الله عز وجل نظر الآن لقلبك وشو فيه ، رح يرضى عنّك ؟
خـــذّ ،، نفس عميــق وفكّر ! ، شو ترك رمضان بقلبي !
وتذكّر إنه لازم تخلي قلبّك ‫#‏طيّب‬ صح !
واهمس بقلبك !
اللي خلقك ، جميل ! يحب الجمّال ، ربّ الجمال
جمّل قلبك حتى يتسع لجمالية هذا الدين !
، وسّع مدى حب الخير فيه !
وردد بنداء خفيّ : يارب الجمال إملأ قلبي بالجمال !
يَوْمَ لا يَنفَعُ مَالٌ وَلا بَنُونَ إِلا مَنْ أَتَى اللَّهَ بِقَلْبٍ سَلِيمٍ "
شو الدنيا قدام انك تسمع :
سلامٌ عليكم بما صبرتم فنعم عقبى الدار !؟
أيّوة أحنا
الي اشتقنا لمحمّد في هذا الشهر كتير !
إحنا الي اعترفنا بذنوبنا ،
وجينا مشتاقين لوصل منّك يارب !
لما كنا خايفين من الدنيا ، وحكينا يارب !
لمّا طمّئنا حالنا بيارب !
ولا تنسى بيوم القيامة :
بعد ما يإذن الله عز وجل ببدء الحساب ،
لمّا محمد يضل ساجد عشان الله يخفف عنّا !
احنا رح ننسى أهلنا وأصدقائنا كل شيء إلا ‫#‏عملنا‬ !
رح يجي محمّد ويشفعلك !
ويساعدك !
يا ترى اعملنا عشان نستاهل شفاعته !
وَيَا قَوْمِ إِنِّي أَخَافُ عَلَيْكُمْ يَوْمَ التَّنَادِ (32) يَوْمَ تُوَلُّونَ مُدْبِرِينَ مَا لَكُم مِّنَ اللَّهِ مِنْ عَاصِمٍ "!
وتأكد : ما راح يرتاح هذا الجسد إلا إذا استهلكته كلّه في سبيل إنك
تسمع : يا عبدي إنّي راضٍ عنّك .
بعد رمضان :
اجعل قلبك يتعلق بكلام خالق الكون !
اللي انت محتجله ، ومحتاج لكل آية فيه !
نستودع الله قلوبكم ، وأعمالكم ،



رمضان رحل ،
ورح نرجع للدنيا ،
رح تخلص التراويح !
ورح يخلص رمضان !

لكن خلي قلبك يعيش كل يوم رمضان !
خلي كل حياتك رمضان عشان الآخرة تكون ‫#‏عيد‬ !
وكل عام وأنتم لله أقرب ،، و لقلبك أصفى ،، أنقى ،، بل و أقرب ،، لأهلك وصحابك وكل اللي بتحبهم الأفضل والأقرب