#poem_53c851e561738 td {font-family: 'Microsoft Sans Serif', Arial, Helvetica, sans-serif;font-size: medium;font-weight: bold;} حنيت لايام الثلاثين ياسعود ابي مراقيب الرجوم وعذابي ابي الوليف اللي هكاليوم موجود اللي جنابة مايمله جنابي بكيت ناسً لاخوالً ولاجدود لاهم بني عمي ولاهم أنسابي من شأن مسلوب الحشاء ناعم العود اللي سبايب عرفها هو عذابي فطن علي العنق وعيونها السود خشف النفود اللي بالاطعاس رابي علمي بها يوم المواثيق وعهود غرب التلول النايفات النوابي وهالحين ماني عن هوى البيض منشود لو مرني داف الحشاء ماشقابي من يوم شفت البيض غطن على السود ايئس هوى الخفرات قلبي وشابي يابن سعد ظنك هكالوقت مايعود نرجع لحياة الصباء والشبابي ماجاك من يعطيك الأخبار ياسعود محدٍ درى عن حالتي وش جرابي يوم استرحت وغفت العين برقود البارحة بالحلم جاني منابي الفاء علي بعز نومي وأنا انود من فوق فلكن في بحور السرابي صبحت لي ناسً رحيلً على القود شفت الغضي معهم وزاد العنابي غروٍ سكن بين الصلافيح والحود جاني يتخطأ عقب طول الغيابي يوم اقبلت ظنيت أنا العلم ماكود فزيت ابي ألبس مازهى من ثيابي تصويرعالم كل ماشفت مفقود حلمٍ هجدني بالمنام وغزابي