اخواني اخواتي
السلام عليكم ورحمة الله وبركاته
قبل ماقولكم السالفة البارح افطر وتعشى عندي ابو محمد تعرفونه
( الهامه اللي بالسالفه الاوله )
يوم حنا صغيرين انا وهالهامه اول مابدينا نصوم وتحديدا ثاني سنه في عمرنا وكان رماضان الله يشرفه حر موت والعم هذ ماغير يعطي من النصايح اشرب هذا واشرب هذا وكل هذا وخل هذا ونا اطيعه لنه خبير بالبلع لاكن المشكله اذا صار قبل الظهر تقل بليس مر علي وقال خل نروح نتبرد بالعشه الله يبلاك تقل قاعدن بوسط لبنان حر موت وين مارحت
العجيب انه دايم يسبح بالبركه ويقولي اسبح ترى يبرد جسمك ولاتحس بالعطش

واستغرب من كل يوم اذا صار العصر يلعب ويناقز تقل جحش وركض ودبكه
يوم صار مره قلت اباسأله اذا صار بكرا وش مصدر هالنشاط
على العويده مر قبل الظهر ومثل العاده نبي نروح نتبرد وهالكلام اللي مايدخل الراس
وحنا نمشي قلتله ابو فلان وشلون ماشاء الله هالنشاط اللي
الله اكبر ما امدان ولى اكمل وينطلق علي بأنواع الكلام وصار تقل مكينة منطلق سيره
ونا احاول يابن الحلال ياعدل يابدل وعجز اهرج
وماشاء الله على هالنفس قعد خمس دقايق وهو يهرج بنفس واح والله لو هو يقرا قصيده من 500 بيت إن يخلصه
وازعل ولقن علابيه ورح وخلن
اصوت له يابو فلان ما كنت اقص اسمعن والله ما كني اخلق
الهمن الله وقلت خلاص ارض علي والله لاجيبلك صطل عنب عربي من المزرعه
يوم دريت ( هال؟؟؟؟؟؟؟؟؟؟؟؟؟؟؟ )
يوم كع بريك تقل جيب ربع بنزله وبرمل
قال ايه هالحين ارجع وعد قلت وعد
قال اجل خلنا نروح نسبح احس اني احتميت قلت خير انشاء الله
رحت الله يكرمكم اقضي حاجتي يوم جيت ادور رفيقي ماشوفه يوم ناظرت تحت والى وش اشوف الرجال غاطسن راسه بالماء وبحنب راسه دوامة ماء تعرفونه اللي تدور تقل دينمو سمنان 2 حصان وما تسمع الا صوت التكريع يوم احتمت كبدي وانا واخذ لي هاك الجذمار ( الجريده ) والين جلده واللي اقهرن زود اني كل ما دقيته زاد ضحكه الين فحمت وتفلت العافيه حسب الله عليك كان افحمتن
يوم دريت يوم قالي نسينا ماكلينا ترانا العام ماصمنا والسنه وش اللي غبرك قلت انا ابااصوم قال ياشيخ رح بس قال يصوم قال
قلت ان مانيب مثلك وعلى طول الرد عند جاهز قال والعام يعني ماطلع قلبك يارجال اشرب وتبون الصدق والله انه ردت نفسي وشربت لين طق بطني
ورجعت حليمه لعادتها القديمة
وتحياتي للجميع