التجار والتطبيل على الوافي

محروم.كوم · #1 06-14-2009, 12:30 PM

السلام عليكم
تحية طيبه للجميع

نتفق ان اذا غلت الاعلاف يبي يرخص حلالنا و اليوم التطبيل على الوافي بكل مكان والشعير فوق على شان يجبرونكم التجار تشترون الوافي وتعتادون عليه بعد كذا والله انكم تشوفون سعره فوق الشعير لاحد يقول الحكومه قصرت ولا الحكومه ما قصرت احنا نبي نحل الوضع بييننا نرخص الوافي قاطعوه ياجماعه ارخصوه والله ان تلاقونه ب12 ريال والشعير يرجع ل 11

لي متى يضحكون علينا هالتجار
وتطبيل ودعايات بكل مكان الوافي مافي احسن منه
( الوافي وحده / كافي ) الوافي يجعل الهرفي اسمن من الحاشي ويجعل الحاشي ناقة اكبر من حوت المحيط , ( الوافي , طبيعي صالح للاستخدام الآدمي ) وش هالكلام
(الوافي يسمن حلالك ) ( الوافي مع فول الصويا والذره ) ( الوافي بالاقط ) واللي نشوفه هم اللي يسمنون هالتجار وحلالنا يضعف اي والله ماصارت حاله , لين متى واحنا كذا غافلين ماخذينا من كلامهم شي وهم ماخذين حقهم وافي كاااااااااااااااااااااااااااااااااامل مكمل.

اليوم يا جماعة قاطعو الوافي وخلكم على الشعير
الشعير مدعوم من الحكومه المفروض ان سعره 10 ريال وهالتجار نطالب بالمسآئله عليهم طالما ان خادم الحرمين الشريفين ابو متعب الله يطول بعمره قدم الدعم فا لازم يمثل التجار امامنا ونسأل وش هالفوضى اللي مسوينه ماخذين حقهم من الحكومه كامل على شان الاسعار مايرفعونها
بيصدرون الشعير للخارج بعد وهو مدعوم ؟؟؟؟؟؟؟ ونمر كل يوم على الصوامع ونشوف طعوس الشعير مكومه ياكلها الحمام ليش ؟ فوضى هي

( الخلاصة ) ارخصو الوافي يا اخوان يرخص الشعير !!!! اهملوه لاحد يشتري

مقولة الحسن البصري:" إذا غلا الشيء استرخصته بالترك"، أو كما جاء في الأثر أن الناس في زمن الخليفة عمر بن الخطاب ـ رضي الله عنه ـ جاؤوا إليه وقالوا: نشتكي إليك غلاء اللحم فسعّره لنا، فقال: أرخصوه أنتم؟
فقالوا: نحن نشتكي غلاء السعر واللحم عند الجزارين، ونحن أصحاب الحاجة فيقول: أرخصوه أنتم؟ فقالوا: وهل نملكه حتى نرخصه؟ وكيف نرخصه وهو ليس في أيدينا؟ فقال قولته الرائعة: اتركوه لهم.
هذه نظرية عمر بن الخطاب رضي الله عنه إذا كان الغلاء لا يمكن التحكم فيه أو أن الدولة لم تكن لها المقدرة( مع ان الحكومه ماقرت قدمت الدعم للأعلاف ) على أن تحد من غلوائه، فالأحسن عدم الاستهلاك، لكن هل بإمكان أمة استمرأت البذخ أن تترك بذخها، وتتحمل الجوع في يوم من الأيام، وهنا نعود للنظرية الأخرى التي نادى بها الفاروق عمر بن الخطاب وهي اخشوشنوا فإن النعم لا تدوم.

اللي يتهجم علي والله يا أخوان راح يكون المعنى واضح ( اكيد له مصلحه مع التجار )
الله يرزقنا من واسع فضله ,,,,

اخوكم الهواوي 98 __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
الصافي الوافي	محروم.كوم	منتدى أخبار المواقع والمنتديات العربية والأجنبية	0	06-02-2010 06:30 AM
نقاش لما نحن شعب يسهل إستغفاله وإستغلاله ويحب المديح والتطبيل لشيء لم يفعله ؟ {دعوة للنقاش}..,	محروم.كوم	منتدى أخبار المواقع والمنتديات العربية والأجنبية	0	07-05-2009 09:50 AM
طلب ستايل الوافي	محروم.كوم	منتدى أخبار المواقع والمنتديات العربية والأجنبية	0	05-12-2009 02:10 AM
الوافي الذهبي	محروم.كوم	منتدى أخبار المواقع والمنتديات العربية والأجنبية	0	04-22-2009 05:10 PM
برنامج الوافي(n70) المطور	محروم.كوم	منتدى أخبار المواقع والمنتديات العربية والأجنبية	0	04-16-2009 04:40 PM