#poem_53ad6a415b7a3 td {font-family: Arial, Helvetica, sans-serif;font-size: x-large;font-weight: bold;} نوبٍ يجيني قاف خاضع ذليلي ونوبٍ هجوسي قدم قافي ذلايل تكفى يابو ذيبان داو العليلي اللي مع قافه يلاقي هوايل نوبات شطرٍ دون نظمه يحيلي ونوبٍ تجي ابيات تترا عجايل نوبٍ يجي قافي ضعيفٍ هزيلي نوب ابشهادتكم يدش الجزايل تكفى يابو ذيبان شف وش يبي لي علّي اصير لمطلب البعض طايل عن مطلب الزلزال شحٍ مسيلي ون جت على الغطوات جادت مسايل واليوم لغزي والعشم به جزيلي قدم الدهاة اللي بها الغطو زايل اثنين وكلٍ به نلاقي حصيلي لغزٍ وما دونه عن الحل حايل نفس الحروف هذا وهذا يشيلي وليابغيت الشرح جتك الدلايل مابالوسط هذا لهذا مثيلي بس الطوارف بين حروفه بدايل ذا سرني من فوق لاصرت اخيلي لامن غدا يم تحت للبنت آيل والثاني اللي بالوطا هو نزيلي الياعتلا سر الذي له يخايل


مع تحيات ابو ماجد

منتديات مكشات 0 خيمة الالغاز