Xxxxxتم حل مشكله التفتفه ولله الحمد بعد معاناه 9 شهورxxxxx

محروم.كوم · #1 05-31-2014, 02:40 PM

السلام عليكم ورحمه الله وبركاته

حبيت انزل موضوع صارلي وكنت مزعج العالم منه هالمشكله الله لا يعيدها

المهم المشكله باختصار
سيارتي تاهو 2008
الممشى 297 الف
ويوم بدات المشكله 270 الف تقريبا

المهم,,,
المشكله كانت يا طويلين العمر والسلامه .
تفتفه قويه جدا مع التشغيل و اثنا الوقوف والمشي بسرعات عاليه تخف والمنخفظه ما فيه عزم مرررره
لدرجه اني بغيت اروح في ستين داهيه خاصتا اذا جيت بتجاوز كم مره بغى يصدمن واحد من ورا وما اسمع
الا صوت الفراامل عووووووووووو السياره اللي وراي

مع الطلعات العزم يطيح
ومع تشغيل المكيف السياره ما فيها عزم ولا اقدر اتعدى 160 كلم

طبعا غيرت البواجي والكويلات واسلاك البواجي
وبعد فحص الكمبيوتر طبعا ططارت حوالي 900 ريال في الفحص
ولا احد طلع العله
ناس قالولي جلد بلوف
وقالو اسلاك بواجي
وقالو كويلات
وقالو حساس ثلاجه
وقالو تكايات
وقالو وقالو

المهم بعد كل الفلم الهندي طحت بواحد منهم حرامي
في المدينه المنوره في محطه ابو ربعه
محل في الزاويه متخصص في الفوردات لوحه كبيره عريضه
فيها شعار فورد واسمه المكيانكي ....اقصد السباك!! ياسر على ما اظن
المهم قال اغير جلد بلوف 9000الاف ريال طبعا لازم يفك الراس
لككن خلينا هو نظارته ابو 10 ريال ومشينا
...........
بالنسبه للكويلات غيرتها وصارت مثل الحصان لكن للاسف رجعت في غصون ايام
...............
والبواجي غيرتها ولقيت اول بوجي على اليمين عليه كربووووووون وزيت
راح انزل صورته,,

وطحت في محل واحد فيه يخاف الله
اسم المحل السامرين لتطوير السيارت في المدينه المنوره عند دوار الملك عبدالعزيز ورا وكاله الجميح بالضبط
هذا محل مدسوس جوا وما اعتقد ناس كثير يعرفونه من اهل المدينه الا بالوصف
اصلا مجرد ما تشوف المحل تقول ما عندهم ساالفه
لكن اللي زادني ثقه فيه ان السيارات اللي عنده من النوع الفخم. بي ام..مرسيديس..رانج روفر

المهم دخلت السياره ابغاه يفحصها يقول انا بفحصها يددوي وبالكمبيوتر

وقلتله ليش قال احتمال الكمبيوتر ما يطلع المشكله وش هي يطلع فقط محل المشكله

فحصها وطلع مشكله في الاحتراق في البستم او البوجي رقم 1

طلع البواجي ولقى فيه كربون المهم فحصها وجلست السياره عند يوم وفي اليوم الثاني يعلمني بالمشكله

ولله الحمد(( طلع المشكله في التكايات)) ولازم فك الراس المهم فك الراس ونلقى التكايه رقم 1 مكسوور!!
و سالته وش سبب الانكسار؟؟
قال هذا يا طويل العمر اول شي ان الزيت اللي انت تحطه ماهو نفس اللي مكتوب على الغطا
وثاني شي انك تغير سيفون ماهو اصلى او مضرووب ...مع اني اركب ايسيدلكو..وهذا اكبر سبب
ليش لان السيفون من داخل المضروب او المغشوش فيه الصفايه تتفتفت ويسد الطرمبه او المواصير
فما يوصل على التكايات وهذا هو اللي خربهاااااا!!!
وثالث شي المشكله اساسا ما تكلف 25 ريال لو انك مشيت على جدول الصيانه ....وهذا كلام الوكاله بعد
الوجه حق كرتير الزيت لازم تغيره كل 150 الف كيلو ليش لان ضغط طربه الزيت ماهو قوي فلازم اخيره الوجه ومكتوب في جدول الصيانه لكن انا ما مشيت على الجدول
وهو صادق في كل كلمه قالها..
الزيت جي تي اكس خفيف
والصفايه من البنشري
والوجه ما دريت عنه اصلان
ورح للتوكيلات باخذ طقم تكايات2700 ريال
كنت بجيبله تكايه واحده فقط قالي جيب طقم افضل عشان ما تجيك المشكله
وطقم بواجي 300 ريال
وزيت وسيفون300 ريال
اصلي كلها
الجميح لقيت سعره طاااير التكايات سعره 3000!!!!!!!!!!!!!!!!!؟؟؟؟
ورحت على التوكيلات واشترتها وتوكل على الله

التركيب 1500 ريال

يعني كلها على بعضها ما كلفت 5000 ريال
والححمد لله رب العالمين
الحين بروح اسجد سجود شكر لله

اي استفسار انا حااااااضر:r:lr:l

واشكر من كل قلبي
اصيل حجازي
وبدوي جنوبي
وكل من ساعدني
ادري اني ازعجتكم والدليل انكم ما تردون على المواضيع اللي راحت ههههههه
وراح ادعيلكم باذن الواحد الاحد في الثلث الخير من اللي وفي رمضان باذن الله

__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
مشكله زي التفتفه بالباترول 2009	محروم.كوم	منتدى أخبار المواقع والمنتديات العربية والأجنبية	0	05-09-2012 10:50 AM
أول سبيطي لي ولله الحمد	محروم.كوم	منتدى أخبار المواقع والمنتديات العربية والأجنبية	0	02-27-2012 01:40 AM
[استفسار] وبعد معاناه السنين .. الحمد لله اتقبلت فى ادسنس :)	محروم.كوم	منتدى أخبار المواقع والمنتديات العربية والأجنبية	0	09-28-2011 01:10 AM
الحمد لله امطار متوسطه على مدينة الطائف ولله الحمد	محروم.كوم	منتدى أخبار المواقع والمنتديات العربية والأجنبية	0	04-02-2010 06:20 PM
تم السيطره ولله الحمد	محروم.كوم	منتدى أخبار المواقع والمنتديات العربية والأجنبية	0	06-24-2009 05:50 AM