ابصرت نور العشق من عقب ظلمه .. بقلمي

فلاحيه خريش · #1 05-31-2014, 01:02 AM

السلام عليكم .
شحالكم عرب الاستراحه .
هذي روايتيه اطرحها بين ايديكم .

اتمنى انها تنال على اعجابكم .
طبعا الروايه واقع ممزوج بالخيال .
وعن تجارب اشخاص .
الشخصيات حقيقه وموجوده على ارض الواقع لكن بعض الاحداث مفبركه خياليا .
..
.
.
اتقبل الانتقادات . واتقبل النصائح .
.
اتمنى ما تضغطون عليه بالنسبه لتنزيل البارتات . لني كل سبت بنزل بارت او بارتين على حسب قدرتيه ان شاء الله .
عساها تروق الكم وتتعايشون معاها .

ارجوا الابتعاد عن الردود السطحيه

اختكم ..
فلاحيه خريش .
(الكايده )

.
.

.
.
.
.
.
.
.
.
.
.
.
.
.
.
.
..: سهيل انت وعدتني اني اكون اول وحده تركب الموتر .. خلك قد كلمتك ولا بزعل والله .
سهيل : من عيوني كم فاخره عندي لج منيه وعد انج اول من يركبه بس خليه يوصل وبخطف عليج
فاخره : فديت خشمك علني ما خلا منك ياربيه
سهيل : فداج لا عدمتج .. يالله ببند عنج انا الحين وانتي ادرسي لا تخربينها على اخر السنه
فاخره : تم من عيوني بدرس . يالله اجلب ويهك فديتك
سهيل : حسبي الله الحين كيف تتفدييني وتقولين قلب ويهك .. زين يالله انقلعي لقانا خلاف
فاخره : اوك فداعت الله .
.
.
.
.
:::::
فاخره : الووووو
سهيل : يالله اظهري انا خاري ما تبين تحوطين فالموتر اليديد يا النشبه انتي اول وحده ما خليت حد يركب عندي عشانج يالله انقفضي ..
فاخره : والله والله الحيين طيرااااان . باي باي
طوووووط
طووووووط
.
.
.
. بعد دقايق قليله .
سهيل : حسبي الله جلعتي الباب شوي شوي شفيج
فاخره : ياخي تولهت عليك يومين ما شفتك ما غصصت بك . هيه صح نسيت مبروك الموتر وطلعت قد كلمتك ..
سهيل : افا عليج ريال من صلب ريال جيه تبيني اخلف وعودي .. عاد اخلفهن عند من فاخره .. بتكشفيني ساحره . يالله حركنا .. وين تبين تسيرين في ذا الليل
فاخره : هههه زين يالريال مادري ودنا اي مكان المهم نحوط خلنا نفتر في ابوظبي وضواحيها .
سهيل : يالله زين بنخطف على الشيشه اول
فاخره : ياخي انت تحس فيني ونعم العم
سهيل : هههه عوذ بالله هب بطن عليج تصبحين وتمسين دحح خفي على عمرج .. المشكله وين يسير الاكل مادري
فاخره : اذكر الله يالعواذل .. والله اذا انا ما يبين فيني شو اسوي
سهيل : يالله يالله ..

..
..
... وعلى ههالمياحد ععم الهدوء فالموتر.

سهيل طاح فونه صوب الريس والبريك تحت يعني ..
وطى عسب يشله .
فاخره : سهييييييييييييييييييييييييييييييييييل سياااااااااااااااااااااااااااااره
...
......
........
....................
لييييييييش لييييش رررررررحت عنننيييي .. انا السببب انا الي ذبحتتتك كله مني ليشش حنيت عليك تظهرني .
ليش ظهرنا
سهيييل رد خلاص لا تتصمخر والله محتايتنك دخيييلك
نهيان : بسم الله عليج فخوور نشي فديتج تعوذي من ابليس .
فاخره : نهياان هو قالي ما بيخليني انت تعرفه سهيل ما يخلف بوعده بس هالمره خلف به .. والله اباه يرد ليي والله ما احن عليه ولا اغصص به خلوه يرد لي
نهيان : فاخره تعوذي من ابليس وترحمي عليه صار لج اربع شهور على هالحال . سهيل توفى الله يرحمه ولا تعقين اللوم عليج لنه مكتوب ومقدر كلنا حزنا بس خلاص الحياه ما توقف . لا تسوين بعمرج جيه دخيلج . شوفي حالج شقى مستوي
فاخره : اطلع برررع تبوني انساه تبوني افررح وهو مش موجود تبوني وتبوني اطللللع برررع انتوا منافقين ما تحسسووووون ما تحسوووون ماحد يفهمني غيره ماحد يحس فيني غيرره .. لييش خلاني ليش ما شلني معاه ليييييش
نهيان : فاخره خلااااص ..... طرااااااخ .. عطاها كفف خلاها تسكت وتطالع السقف
فاخره : اطلع برررع مابا اشوفك
نهيان : ان شاء الله بس نشي توضي وصللي واقري قران .
فاخره : اقولك اطلللع ما تفهممم
نهيان : هاه طالع طالع
......
.....
..
فاخره : شفت سهووول ههه يبوني انساك .. ادري ما تحبني ازقرك سهول .. كنت تباني ازقرك عمي بس ولا مره نطقتها . رد وبقولها لك كل يوم صبح وعشيه رد دخيلك .. ليش ما شليتني معاك .. اربع شهور وانا ما شفت ويهك . اربع شهور وانا مش مصدقه الي حولي .. يقولون لي مت بس انت ما مت انت عدك عايش .. والله عدك عايش صدى صوتك .. صوورتك .. ضحكتك روحك عدها فالبيت .. كيف تباني استانس واضحك وياهم وانت هب معانا .. هب بين الشباب .
انت تدري اني ماقدر اشوفهم ملتمين وانت هب موجود .. آآآخخخخ يوووفي يحرررقني من الشوووق اشتقت لك
.
.
. مسحت دموعها ونشت تصلي ..

...
في صباح يوم مشرق للبعض ومظلم للبعض الاخر .
اليده : يالله بصباح خير .. اميه فاخره نشي نش فديت روحج ..
فاخره : هممم يدوه خليني ارقد بلييز
اليده : نشي يا اميه بياذن الظهر وانتي عدج راقده ..
فاخره : انزين ان شاء الله ناشه الحين ..
اليده : بارك الله فيج يا اميه .. يالله فديتج وانزلي تحت مزهبين لج الريوق ..
فاخره : ان شاء الله امايه ..
...
..
..
ذياب : يدوه متى بتشرف الشيخه يعني ما نتريق .. عشان حضرتها تشرررف

اليده : صه سود الله ويهك ارقب ختك لين تنزل الحين هبابها تنزل .. ما تروم تصبر عوذ بالله
ذياب : زين زين بنتريا لكن ان ابطت والله باكل ما عليه منها ورايه شباب مواعدهم
اليده : وانت هالشباب دوم مواعدهم ما تعرف تصك فالبيت يا مسافر يا عند ربعك ايييها .. صك الدعنه يالله ماشس ظهره الحين
فاخره : صباح الخخير .
ذياب : زين شرفتي انسه فاخره بنت سعيد . تعالي تعالي يوعان انا باكل ويدوه تترياج .
فاخره : زين كل حد قبضك بطيني عوذ بالله . فديتج بنت محمد تترياني ..
اليده : اقذاانا اخوج يبغي ياكل وانا اقوله تريا ختك لين تيي ما يصير
فاخره : ما عليج منه هذا من يصبح لين يمسي وهو يطحن .
ذياب : من حلالج اكل انا .. حلال ابويه فديت خشمه

فاخره (ابتسمت) : انزين عليك بالعافيه فديتك .. يعله مداخيل العافيه
.
.
.
.
تعريف بالشخصيات الي خطفت عليينا

اليده ظبيه : حرمه طيبه تحب فاااخره وتغليها والها مكانه غير باقي اخوانها .. هي مربيه فاخره ومكبرتها وبعدين بتعرفون ليش هي مربيه فاخره .
نهيان : اخو فاخره عمره 23 رغيد هالانسان وخريش يحب الحواطه ما يصك فبقعه . معضل . ابيضاني شعره لين اخر رقبته . جميل . والي محليه حياته المقرونه وعيونه الناعسه . مغازلجي شويه . يدرس فجامعه الامارات .
ذياب : اخو فاخره بعد . عمره25 رغيد نفس اخوه بس مخلص الجامعه وقاعد فالبيت ما يبغي يشتغل . ما يقعد فالبلاد دومه مسافر . شاعر . راعي صوت جميل .. وهو جميل جسمه عادي طويل
فاخره : انسانه هاديه . طبعا بتعرفون عنها اكثر فالاجزاء اليايه . ضعيفه . وقصيره ههه هب وايد قصيره طولها 155 بس بالنسبه لاخوانها هي قزمه . شعرها لين ركبها . تعاني مع يدتها ما تخليها تقصه . جميله . بس ملامحها وايد ذبلت عقب الي صار . صف 3 ثنوي تدرس فمعهد التكنلوجيا التطبيقيه . دلوعه البيت .

.
.
.
.
خلص البارت الاول

توقعاتكم للبارت الياي .
.
. __DEFINE_LIKE_SHARE__

t7lm tlageny · 05-31-2014, 01:28 AM

مم وفاخره اكيد اهلهاا ماتو من جي يدتها مربتنها او منفصلين ومخلين اليده تربيهم
تسلم ايدججج فديتج ع البارتت الجمييل
ونرقققب البارت الياي احرر من الجمر
واتمنى البارت الياي يكون اطول ولا تركزين وايد ع فاخره واسمحيلي ع الانتقادد __DEFINE_LIKE_SHARE__

فلاحيه خريش · 05-31-2014, 02:13 PM

المشاركة الأصلية كتبت بواسطة t7lm tlageny

مم وفاخره اكيد اهلهاا ماتو من جي يدتها مربتنها او منفصلين ومخلين اليده تربيهم
تسلم ايدججج فديتج ع البارتت الجمييل
ونرقققب البارت الياي احرر من الجمر
واتمنى البارت الياي يكون اطول ولا تركزين وايد ع فاخره واسمحيلي ع الانتقادد

.
.
.
.
بنعرف ان شاءالله فالبارتات اليايه .
يسلمج صديقتي .. طلتج الاجمل .
ان شاء الله

ركزت فالبارت الاول .. لن الاحداث كلها فالبارت الاول حول فاخره ..

اما فباقي البارتات بيصير تنوع كبير ..
اشكرج على الانتقاد البناء وباخذه بعين الاعتبار ختيه . . __DEFINE_LIKE_SHARE__

memowla · 05-31-2014, 05:43 PM

السلام عليكم ورحمة...

شحالج كاتبتنا...

أتوقع:-

ان فاخرة كانت وايد قريبة من عمها سهيل ومن مات يتها حاله .

ويدتها هي مربيتنها هي و نهيان وذياب لان أهلها منفصلين او ميتين {ماعرف شو بضبط}.

وبس ما عندي توقعات ثانية اتريا البارت الثاني بفارغ الصبر اختج:Memowla

__DEFINE_LIKE_SHARE__

3la Hoonk · 06-01-2014, 10:44 PM

ححلو البداييهه
اتوقع انه فاخرهه عند يدتها لان اهلها منفصلين
و فاخرهه اكثر وحدهه ويا عمها و بييها انهيار بسسبته هالششي !!

تسسلمم ايدجج ع البارتت ولاا تطولينن ف انتظارجج __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ابصرت نور العشق من عقب ظلمه ..	آلصيرميه	استراحة قصص وابداعات الاعضاء	4	12-13-2013 03:04 PM
#bahrain 8مونتاج : ( العشق الثوري ) - عاصمة الثورةحيثُما يتجلّى العشق	محروم.كوم	منتدى أخبار المواقع والمنتديات العربية والأجنبية	0	07-21-2012 05:20 PM
#bahrain 8مونتاج : ( العشق الثوري ) - عاصمة الثورةحيثُما يتجلّى العشق	محروم.كوم	منتدى أخبار المواقع والمنتديات العربية والأجنبية	0	07-21-2012 05:00 PM
مزاد على عمله الفجيره أبولو 8 , عمله نادره	محروم.كوم	منتدى أخبار المواقع والمنتديات العربية والأجنبية	0	09-26-2010 03:30 AM
مزاد على عمله الفجيره أبولو 8 , عمله نادره	محروم.كوم	منتدى أخبار المواقع والمنتديات العربية والأجنبية	0	09-26-2010 03:27 AM