[ مسكين قلبي عشقه وتاه في باله ]

[ملاك الروح] · #1 06-12-2009, 02:10 PM

××

ابي وعد منك انك ما تخليني
ولاتساوي غلاي بواحد ثاني
وان كانك تحبني صدق وتغليني
لامني خطيت اسمح لي على شاني
اما انا في محبتك مايلزم توصيني

من يمك الروح تامرني وتنهاني

××

مرحب بعيال زايد ...~

شحالكم ... ان شاء الله ما تشكون باس ...

المهم ...

اليوم قررت ... انا ... أحم أحم ^

اممممممممممم اقول والا لا ...

انزيل لكم قصتي اللي كتبتها في الصيف اللي فات ...

ترا هذي اول قصة لي ...

و ابغي رايكم و تشجيعكم لي ...

واللي بينقل القصه ع منتدى ثاني بليز يذكر المصدر

حقوق النشر محفوظة لدى "ملاك الروح "
اخليكم ويا التعريف بالشخصيات ... __DEFINE_LIKE_SHARE__

[ملاك الروح] · 06-12-2009, 02:16 PM

التعريف بالشخصيات:....

عائلة بو علياء ( غانم ) :.. بو علياء رجل اعمال معروف بين الناس بطيبة و رفقه على الكل .. ام علياء ( هدى ) ماخذة ولد عمها محمد "غانم "طيبة و حنونه وايد على عيالها و تحب الناس .. علياء 19 سنه بيضة و طويله و ضعيفة و تحب تمشي على الموضة ... مايد اكبر من علياءبسنة وعمره 20 سنة هب مكمل دراسة و ما يشتغل وهو وايد ويا علياء ... خالد 24 سنة و مرته سعاد دوم يسمع كلام مرته وما يحب يرفضلها امر لكنم ثنائي صدق لايقين لبعض ..محمد 26 سنة عقب ما توفت حرمته حصة قرر انه ما يتزوج مرة ثانية و عنده بنت وحدة لكن تعيش بيت اهل امها لانه هذي هي وصية حرمته حصة و هو الحين رافض شي اسمه زواج ...

عائلة بو حمد ( عبدالله ) : بو حمد يستوي اخو بو علياء و ما خذ اخت ام علياء و عنده شركات وايد تارسة البلاد و يحب الخير .. ام حمد ( مهره ) ماخذة ولد عمها بعد و تحب الخير و تحب اعيال اختها ام علياء .. ميرة 19 سنة يعني في سن علياء دوم هم الهنتين توائم اللي يشوفم يقول جية ... حمد .. شاب وسيم ما يحب حد يغلط عليه ولا على اهله و حبوب و هو دوم ويا مايد .. سعاد .. 23 سنة اكبر وحدة من اخوانها متزوجة ولد خالوتها ..

عائلة بو ريموه : بوم مريوم ( جاسم ) ريال معروف بين الناس بالسمعة الزينة و بالكرم ما عنده غير بنتين واللي هم مريوم و ريموه و حرمته لطيفة اخت ام علياء توفت يوم ولدت بمريوم و من وقتها ما تزوج عايش بيت اخته فرح ام حمدان ... مريوم : 19 سنة طالبة مجدة متفوق في دراستها بيضة و حلوة و طويلة و ضعيفة لكن بصراحة كيوت .. ريموه : 24 سنة كانت مخطوبة حق حمدان ولد خالتها لكن ما يعرفون الحين وينها ..

عائلة قوم حمدان : عايش ويا امه و خاله بو ريموه من اختفت ريموه هو ختفا ويها يعني يوم كان عمره 19 سنة و الحين لازم يكون عمره 24 سنة لكن محد يعرف وين سار .... ام حمدان ( فرح ) : انسانه طيبة تتمني الخير لكل الناس و تتمنى رجعت ريموه و حمدان بالسلامة عشان يملجون ..
__DEFINE_LIKE_SHARE__

[ملاك الروح] · 06-12-2009, 02:17 PM

××

يا أجمل الناس في قلبي وفي عيني

"يا احلى طيف يمر العين ويشقيها"
انا أشهد إن لك غلا مبطي وهو فيني
"قصة غريبة ولا أدري ويش اسميها"
لو قلت أعزك قليلة ماتكفيني
"شعوري أكبر من الدنيا وما فيها"

××

]البارت الأول ..~

نزلت علياء فجافت اخوها محمد اكبر واحد لكنه عصبي و عايش حياته مثل حياة اول

علياء : هلا والله بخوي محمد
محمد : عليكم السلام و رحمه الله و بركاته ... انا كم مرة قلتلج قولي السلام عادي .. المهم شو هى اللبس اللي لابستنه .
علياء : اخوي انا مب لابسة شيء غلط كل اللي لابستنه جنز و تيشرت .
محمد : قومي بدلي هى اللبس واذا شفتج مرة ثانية لابسة مثل هى اللبس و نازلة الصالة بحرقن عليج و بكسر راسج يلا قومي و لبسي شي عدل .
ام علياء تدخل عليهما
ام علياء : بلاك محمد على اختك الصغير خلها تعيش حياته مثل أي بنت ثانية ... بعدها البنت صغيرة

محمد : خلاص انا ما يخصني يوم بنتج بتخترب بيكون هذا كله من دلعج لها بعدين لا تلوموني ترى انا نصحتكم.
ام علياء : انزين محد بيلومك ترى انا اعرف انه بنيتي طالعة ع امها شاطرة .
محمد : اماية انا ظاهر ..
مايد: اماية انا بغيت ....
ام علياء : شو بغيت
محمد : يعني ما عرفتي شو يبغي .. يبغي فلوس
مايد : اسكت انته و اظهر هب توه تقول انك ظاهر
محمد : والله اني هب مفيج اعور راسي ويا يهال والله اظهر ويا الشباب احسن لي .
مايد : والله احسن تفكنا شوي من حشرتك
ام علياء : اسكتوا الحين من حشرتكم و شو تبا يا مايد
مايد : انا بغيت اتزوج .
ام علياء : ومنوه هي اللي بترضا تاخذك
مايد : اماية انا بغيت اتزوج بنت خالوتي ميرة .
ام علياء : اونك بعد عرفت تختار

يدش خالد ويا مرته سعاد

خالد : احم احم خالد و سعاد وصلو
سعاد : السلام عليكم و رحمه الله و بركاته .
الكل : وعليكم السلام و رحمه الله و بركاته
ام علياء : خلوووود سمعت اخوك ميووود فكر انه يتزوج
خالد : مبروك و منوه هاي سعيدة الحظ اللي بتاخذك .
ام علياء : بنت خالوتك ميرة
.خالد : عرفت تختار و المهم مبروك منك المال و منها العيال .
علياء : عيل انا اترخص
.مايد : توه نازله تمي بعد .
علياء : يلا عيل اترخص
مايد : توه الناس اكيد الحين بتسرحين حجرتج ع المسن
علياء : منو قال ..
مايد : تراج ع عادتج
علياء : لا ما بسرح ع المسن بس بسير اجهز لاني بظهر و يا مريوم بنت خالوتك
مايد : اها .. بس لا تتاخرين ترا ع محمد اخوج يقولج شي
علياء : اطمن اوك اليوم بيسافر و يا قوم خالد
مايد : وهو شو خصة يسير وياهم
علياء : مثل ما تعرف رزت الفيس من طبايع التيس المهم انا سارحة حجرتي .

واجهزت علياء و لبست جنز ابيض و قميص اسود و احمر و لبست نعال كعب و لبست عبايتها المطرزة المفتوحة و طلعت شوي شعرها من وراء و ظهرت القصة ..

وعقب ظهرت هي و مريوم بنت خالتها << وكان اللي مودنهم دريول لاكنه حشرة بدرجة ما توصف ..

و ساروا مول الامارات
علياء : مريوم انا بسرح باريس غالري بتين والا لا
مريوم : اكيد بي عيل بتخليني بروحي بروحي اخاف
علياء : يلا انزين ادريبج عادة هب بس تخافين بعد تستحين .
مريوم : يلا يلا خلينا نسرح عن يتاخر الوقت

يوم كانت علياء تشرا عطور مسك واحد مريوم من ايدها .
..........: مرحب
مريوم : نعم شو تبي
..........: ما عرفتني ..
مريوم : اسمحلي اخوي
.........: افا مريوم نسيتيني
مريوم : ليكون انته .....
..........: هيه انا حمدان ولد عمتج
مريوم : انته حمدان خطيب ريموه .
حمدان : هيه لكن انتو وين انتقلتوا من البيت
مريوم : هيه لانه البيت طلع مسكون
حمدان : انزين لا تقولين حق حد انج شفتيني
مريوم: ليش
حمدان: يوم بلقا ريموه بييكم
مريوم : انزين لاكن طمني عليك لا تقطعني
حمدان : افا عليج .... الحين اخليج بوسيلي اماية بس لا تقولين انج شفتيني
مريوم : ان شاء الله .. دير بالك عن نفسك .
حمدان: فـ داعة الله
مريوم : فـ داعة الرحمن
علياء : منو هااا ؟ٌ!َ
مريوم : اقولج وما تقولسن حق حد
علياء: انزين مو هاي
مريوم : تذكرين خطيب ريموه اختي
علياء : حمدانووه
مريوم : هذا هو ...
علياء .: بصراحة احليو ...لاكن لقا ريموه
مريوم : لا بس قال لي ما اخبر حد اني شفته و ما بيرجع لين ما يلقا ريموه
علياء :اها ... انزين خلينا نروح لانه تاخرنا و تعرفين ولد خالج محمد شو بيسوي
مريوم : الله يعينج
وسرحوا للبيت

علياء : امايه ميود وينوه
ام علياء : في حجرتج يالس
علياء : في حجرتي شو يبا بعد ها
ام علياء : ما ادريبه

------------------------------------------------

ليش كان مايد يالس في حجرت علياء ؟؟ شو كان يبغي منها ؟؟
وهل تتوقعون حمدان يلقا ريموه ؟؟ __DEFINE_LIKE_SHARE__

[ملاك الروح] · 06-14-2009, 10:56 PM

افا ليكون القصة ما نالت اعجابكم .. __DEFINE_LIKE_SHARE__

غلاااا العين · 06-14-2009, 11:18 PM

لا فديتج حلوة بس كملي __DEFINE_LIKE_SHARE__

مشاهدة نتائج الإستطلاع: شو رايكم بالقصهـ
نااايسو ]	4	80.00%
هب حلوه ]	0	0%
سخفيه ]	1	20.00%
عادية ]	0	0%
جيده ]	0	0%
مقبوله ]	0	0%
حلوووو ]	0	0%
المصوتون: 5. أنت لم تصوت في هذا الإستطلاع

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
يالله نعد لين الخمسة ونرش العضو اللى نباه بماي بارد هع هع	راعية الحب	العاب , فكاهه , مسابقات	1597	01-11-2014 01:33 PM
& حر تام وشهانه بحريه تامه &	محروم.كوم	منتدى أخبار المواقع والمنتديات العربية والأجنبية	0	07-13-2010 10:20 PM
اول قرناسه تامه في هبان .. صوره	محروم.كوم	منتدى أخبار المواقع والمنتديات العربية والأجنبية	0	09-26-2009 12:50 AM
مسكين..مسكين أيها المعلم	محروم.كوم	منتدى أخبار المواقع والمنتديات العربية والأجنبية	0	05-26-2009 08:50 AM
على باله نحله بعدسة (ابوالجازي)	محروم.كوم	منتدى أخبار المواقع والمنتديات العربية والأجنبية	0	05-12-2009 08:00 PM