#poem_53769a73e7583 td {font-family: Arial, Helvetica, sans-serif;font-size: x-large;font-weight: bold;} سلام ياقسمٍ سليم النوايا ياجامعٍ نخبة لهم بالفخر ساس وازكى سلامي والشكر والتحايا للي لهم في الطيب ذكرٍ ونوماس حب اللغوز اللي طغى في الخلايا وكلٍ على صيده بخيصٍ وغطاس احدٍ الى من هل سيّل قرايا واحدٍ يعبي بالتعب نصف ذا الكاس الاولي اطلع جنون وحيايا وصارن بنات افكار تقدح من الراس واللغز جاكم وانطلق في العلايا سقته على مكشات ذاعوه في واس انشدك عن رجلٍ يكابد بلايا له عقل في راسه ويفزع لجل ناس وله رجل في بطنه شبيه العطايا مثل البسوس اللي خذت قوم جساس وذيله مثل من دار خلف السرايا اما دهاء ولا ضعيفٍ ومحتاس اربع حروفه جامعات المزايا ركبتهم في لغز طازج وحساس