ساعدوني :( اعشق الانوفا بس هو يكرهني

محروم.كوم · #1 06-12-2009, 10:50 AM

السلام عليكم

يا شباب ابي احكي لكم عن معاناتي مع هالجوال الفضيع بكل ما تحمله الكلمة من معنى

جهاز جبار , ويعجبني فيه انه ما يعلق ابد خخخخ

وانا انسان ايدي سم على الجوالات , يعني كل جوال اشتريه يتم معي 5 شهور , ويخترب

استخدم الموبايل بشكل مكثف سواء للتصفح او ارسال الرسائل او المكالمات 24/7

حذيت الاينوفا ومن اول يوم خذيته حسيت بضعف البطارية
بس ولا همني , لانه اصلا متعود اشخن جوالاتي القديمة يوميا

المهم , استخدمت الجوال ك مودم انترنت 3 جي , لتقريبا يوم كامل

تخيلوا يوم كامل وهو موصول على الكمبيوتر , وصارت البطارية حارة كثير

ومن يومها البطارية بدت تخربط , صارت بدل ما تتم معي يوم , كلها بعض ساعات وتفضي
لا وصار التلفون يسكر فجأة بروحه , يعني تكون الطارية فول , احطه في جيبي وبعد ساعه اطلعه ابي اتصل اشوفه مسكر !!! افتحه واحصل البطارية 3 شخوط

قلت يالله , يهون على الاينوفا , ورحت اشتري بطارية جديدة , ما ادري تقليد ولا اصلي , المهم هي الوحيدة الي حصلتها , رحت الوكيل قالي مامتوفرة عندهم , بس سرت لمحل وحصلتها عندهم!! شفتوا سخرية القدر :d

المهم شريت البطارية , وهي بالضبط تشبة البطارية الي جت مع الجهاز , استخدمتها , وصارت نفس القديمة!!! يعني المشكلة اكيد مو من البطارية , المشكلة من الجهاز نفسه , حذيته للوكيل وتم معهم 6 ايام :@ خدمتهم تعبانة في سلطنة عمان , المهم لما رحت اخذه قالوا لي نحن ما عملنا شئ في الجهاز غير اننا اعدنا ضيط حاجة خاصة بمنظم الكهربا داخل التلفون , وما خذوا عليي شئ , ولا حتى عملوا فورمات للجهاز

خذيته , والحين الجهاز احسن من اول ( ما يسكر بروحه , بس البطارية ما تقعد اكثر من 12 ساعه )

لا تقولوا لي اعمل طريقة الاخ نبيل , لاني كررتها الف مره

الوكيل قالي حط الجوال في الشاحن طول الليل وهو مسكر واستخدمه بالنهار عادي , المهم تخليه يشحن طول الليل لمدة 3 ايام ! عاد لي اسبوع وانا اشحن الجوال طول الليل ومافيه فرق

لما اصحى الصبح يكون التلفون فوول , اطلع من البيت الساعه سته الصبح واروح الجامعة , ساعتين واول شخط يختفي 6 ساعات , و3 او 4 شخوط تختفي , ويبقى التلفون بدون حيل للساعه 6 او 8 بليل بالكثير ويسكر , اقوم واقلع الشريحة واحطه بالشحن لليوم الثاني الصبح !

فرمت الجهاز بطريقة 7370 , وما استخدم لا بلوتوث ولا وايلس , السطوع منخفض وكل الاعدادات حاطها اقل شئ , ومسكر التدوير الذاتي وكل شئ حتى اقلل استهلاك البطارية , الميموري الخارجية فاصلها وما استخدمها , حتى الشبكة حاطها gsm فقط يعني جوالي ما يشبك على شبكة ال 3G

قلت يمكن المشكلة من الشاحن , اخترعت شاحن جديد ,وهو شاحن البوكيت بي سي " اتش تي سي دايمون " نفس الفولتيه !! صرت اشبك الكيبل اليواس بي على الشاحن ( لانه شاحن هالبوكت بي سي , يجي قطعتين , وحده تركبها على نقطة الكهربا بالجدار , وتوصل فيها كيبل اليو اس بي الخاص بالبوكت بي سي وتشخن من خلاله )

استخدمت طريقة الاخ نبيل اكثر من مره
البطارية تحر شوية , بس ما فيه اي فرق يذكر

على فكرة , من كثر ما انا معصب من البطارية , صرت اجهدها في الشحن , خخخخ اكررر الطريقة دايما , ليييين اختربت البطارية الجديدة
ههههههههههههههههههههههههههههههه
الحين لما اركبها على الجهاز ما يشتغل , اعتقد في البطارية اسنان نحاسية , صار فيه بقع سودة من كثر الشحن!!

المهم الحين استخدم البطارية القديمة , ولسه تتم معي 12 ساعه , اول اقل , مرات بس تتم 5 ساعات او 6

اعاااااااااااااااااااني :d

ابا اشتري تلفون جديد بس مغرم في الاينوفا , وازيدكم من الشعر بيت !! التلفون ما مكمل معي اكثر من 3 شهور فقط :d صدق انه ايدي سم!

شو رايكم؟
اشتري تلفون جديد؟ او اشتري بطارية جديدة؟ واذا حد يقدر يدبر لي بطارية اصلية اصلية ( ويبعثها لي بالبريد , انا مستعد ادفع الي يبيه ) وكل شئ لخاطر الاينوفا يهووون

انا اطلب من الاخ نبيل يبيع لي بطاريته نفسي تلفوني يكمل بس 20 ساعه , كافيه لي لا اكثر __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
وش اسوي samsung apps يكرهني	محروم.كوم	منتدى أخبار المواقع والمنتديات العربية والأجنبية	0	07-22-2010 04:00 PM
صور من تصوير الساتيو و مقارنة مع الانوفا	محروم.كوم	منتدى أخبار المواقع والمنتديات العربية والأجنبية	0	09-26-2009 02:10 AM
سوال عن الانوفا	محروم.كوم	منتدى أخبار المواقع والمنتديات العربية والأجنبية	0	05-17-2009 12:10 PM
الى من يكرهني ..	A7la brensisa	الإستراحه العامة	32	08-28-2008 11:47 PM
اهدااااء الي كل من يكرهني .... أ ح ب ك م	بنوتة عيناوية	الإستراحه العامة	25	07-02-2008 11:11 PM