اليوم شفت شي غريب بسوق الحمام بالرياض ؟؟

محروم.كوم · #1 06-12-2009, 05:20 AM

السلام عليكم ورحمه الله
اليوم الخميس 18/6/1430 ذهبت لسوق الحمام للتمشيه واخذ بعض الاغراض وشاهدت راعي ونيت بسوق الحمام عليه زحمه بالمره ؟؟؟
قلت امر اسوف وش السالفه ؟؟
تخيلوا وش طلع معه ؟؟؟
الصندوق كله مليان خياش تتحرك ؟؟؟ ( خياش بمعنى شوال )؟؟؟
المهم الخياش عددها حول 15 وكل وحد مليانه ؟ اكيد عرفتوا وش في الخياش ؟
اللي فطين عرف والي مو فطين ؟ الخياش مليانه ضبان !!!!
المهم الخياش كلها بيعت على احدى العجائز اللي بالسوق وتم تفريغها بالشبوك المخصصه امام العجوز ؟؟؟
كلها ضبان (فريش)طازه ماشاء الله ؟؟
مع اني احب الضبان واموت فيهن ودايما استغل مثل هالفرص خاصة لين صارت توها واصله للسوق واخذ اللي يكتب الله .

المشكله واللي خلاني اطرح الموضوع هو الكمية ؟؟؟ والله يا اخوان الكمية تضيق الصدر مع حبي للضبان؟؟ ليش هالكمية ؟؟ هل الدعوه هوايه وإلا تجاره وإلا وش السالفه ؟؟ صراحه مدري وش اسميها الاكيد أنها صيد جائر جائر جائر بكل ماتعني الكلمه !!!!
المهم بعد فرز الضبان بدا البيع الكبير بـ 20 ريال والصغير بـ 15 ريال وبدأت الزبائن تنقي وطبعا ما اكذب عليكم نقيت لي كم واحد لإنها طيبه .
حاولت اعد الكميه لكن ما قدرت ولكن بشكل تقريبي الخيشة الوحده فيها تقريبا 15 ضب وعدد الخياش 15 خيشه تقريبا
يعني 15 × 15 = 225 في سعر الضب 20 = 4500 ريال ؟؟؟؟ ماشاء الله تبارك الله راتب شهر ؟؟ الله يرزقه لكن الصيد على الاقل في نظري الشخصي جائر جائر جائر ؟؟ والله يهديه .
ما ادري وش رايكم ياالربع هل اللي شفت عادي وإلا انتوا معي صيد جائر أم لكم رأي أخر ؟؟
كان ودي مصور الموضوع لكن لخصوصيه ذلك لم يتم التصوير .
تحياتي لكم .

__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
في سوق الحمام بالرياض	محروم.كوم	منتدى أخبار المواقع والمنتديات العربية والأجنبية	0	04-09-2010 05:40 AM
8.11 مليون درهم صافي الاستثمار الاجنبي كمحصلة بيع بسوق دبي اليوم	محروم.كوم	منتدى أخبار المواقع والمنتديات العربية والأجنبية	0	02-02-2010 09:20 AM
موقع سوق الحمام اللي بالرياض	محروم.كوم	منتدى أخبار المواقع والمنتديات العربية والأجنبية	0	01-31-2010 09:20 PM
سؤال عن اماكن بيع الحمام الفرنسي بالرياض؟	محروم.كوم	منتدى أخبار المواقع والمنتديات العربية والأجنبية	0	11-03-2009 02:50 PM
مشتريات قوية للأجانب غير العرب بسوق أبوظبي اليوم	محروم.كوم	منتدى أخبار المواقع والمنتديات العربية والأجنبية	0	10-26-2009 08:00 AM