السلام عليكم ورحمة الله وبركاته

في ناس تجيهم افكار ابتكارية غير موجودة مسبقاً او موجودة لكن لديه طريقة ابداعية غير عن الموجود

والكثير ما عنده الدعم المادي ولا المعنوي ولا الخبرة الكافية

هذي بعض الجهات الموثوقة ان شاء الله الي ممكن تدعم مو معروفة للاغلبية
انا بعد بحث شهور عرفتهم
اغلبهم يفضلون يكون المؤسسين فريق وبعضهم يرغب بموقع تم انشاءه وليس مجرد فكرة وكل وحدة تختلف عن الثانية والميزة المشتركة بين اغلبهم هو الدعم المعنوي والارشاد والتوجيه والمساعدات الادارية


أبدأ بالموجودة في السعودية

بادر :
تقدم بس مكاتب ما في تمويل
لكن عندهم الحين شراكة مع اوسيس 500
واوسيس شركة مسرعة نمو اردنية عندها ناس اصحاب خبرات موقعها : http://www.oasis500.com/
راح يسوون مخيم تدريبي في الرياض ويعطون دعم مالي قرابة 50 الف ريال للفكرة الي تعجبهم وطبعاً مقابل اسهم ياخذون في مشروعك قرابة 20 في المية
اخر موعد للتقديم 10 مايو 2014
ما ادري اذا كانت مرحلة اولى وبيفتحون مرة ثانية ام لا
الموقع
http://www.badiroasis500.com/


واعد :



تابعة لارامكو
يعطون دعم لكن مو استثمار يعطون على شكل قرض بفائدة ( نفس نظام البنوك ) يعني ربا



افكار مي : http://afkar.me/
تابعة لشركة Intigral شغلهم مع stc
لهم مقر بالرياض ومقر في دبي
الي فيها خبراء اجانب والمرشدين اجانب ولازم تقدم الفكرة بالانجليزي والتعامل كله بيكون انجلش
هم يقبلون ناس من جميع انحاء العالم ويسون لهم تدريب بالرياض او دبي لكن ما ياخذون اسهم ماني فاهم طريقتهم حتى بعد ما تواصلت معهم مو واضحة لي طريقة استثمارهم
المهم الي يبي يتواصل معهم خليه يتواصل مع شركة Intigral
حتى بعد ما يقبلوك تاخذ مكاتب في الشركة تشتغل فيه
لانهم تابعين لها وما لهم مقر خاص


الاتصالات السعودية : http://stcventures.com
هو بالشراكة مع ايريس كابيتال شركة عالمية على ما اظن مقرها بوادي السليكون كاليفورنيا
الفرع بالرياض
ويقدمون دعم الى مليون دولار طبعاً بنسبة اسهم .


فلات 6لابز : http://www.flat6labs.com/?lang=ar
شركة مسرعة نمو مصرية سوت عدة مشاريع مواقع انترنت ومن فترة قريبة دخلت في جدة بالشراكة مع حاضنة قطوف
نفس فكرة غيرها من مسرعات النمو تعطي تمويل مقابل اسهم طبعاً مع التدريب والاستشارات

فيرسو : http://verso-sa.com/
خاصة بالمشاريع التقنية تطبيقات او مواقع الي تكون تعليمية

عقال : http://www.oqal.org/ar/
فكرتهم انهم يظبطولك لقاء وعشاء مع مستثمرين ورجال اعمال وتعرض فكرتك والمستثمر الي يعجبه يتفق معك ( يعني نظام بدو
بدون تعقيدات وانظمة الشركات والجهات )
المقر الرئيسي بالرياض وعندهم بالشرقية والقصيم والغربية

يمكن هذي اهم الحاضنات وشركات مسرعات النمو في السعودية في غيرها حاضنات تقنية يمكن حول 20 تختلف كل وحدة عن الاخرى واغلبها تقدم التمويل بالتعاون مع بنك التسليف والادخار وبعضها خاصة للنساء على سبيل المثال ريادة . صندوق المئوية . الهيئة الملكية للجبيل وينبع عبد اللطيف جميل ....... الخ
جميع الحاضنات موجودة في رابط الشبكة السعودية لحاضنات الاعمال : http://sbin.org.sa/ar/members/incubators
ادخلوا على الاعضاء ثم حاضنات التقنية وفيها الحاضنات وفي تحتها المنظمات وفيها بعض الجهات .


نروح للجهات برة السعودية الي ممكن تدعمك وتمولك

نبدأ بدبي

تورن 8 : http://www.turn8.co/
يقدمون تمويل و سكن ومعيشة كاملة في دبي على حسابهم مدة سنتين
هذي دبي يا ناس ما عندها مزح
الشركة تابعة لموانئ دبي طبعاً الي عندهم خبراء اجانب يعني اكيد كله بالانجليزي التعامل
يقبلون ناس من جميع انحاء العالم يعني المنافسة قوية وعني انا ما قد شفت حاضنة او مسرعة نمو بالدول العربية عندها مشاريع قوية زي تورن 8 مشاريع افكارها جباااااااارة .


واحة دبي للسليكون : http://www.dsoa.ae/en/index.jsp
مملوكة بالكامل للحكومة عندها برنامج دعم لكن مو موضح في موقعهم


سيد ستارتب : http://seedstartup.com/
أغلب الي يقبلونه للي بدأ بالعمل وليس مجرد فكرة .

قطر

حاضنة قطر للاعمال : http://www.qbic.qa/?lang=ar
مملوكة للحكومة راس المال 100 مليون يعتبر اكبر حاضنة اعمال بالشرق الاوسط لسع ما تم افتتاحه و بيفتح في الشهور القادمة لكن التقديم مفتوح الان وتقدر تقدم فكرتك .

مركز حاضنات الاعمال الرقمية : http://www.ictqatar.qa/ar/innovation-center
تابع لوزارة الاتصالات بقطر

البحرين

تنمو : http://www.tenmou.me/
ماني متاكد اذا يقبلون غير البحرينيين .

لبنان
معهد ماساتشوستس للتكنولوجيا : http://www.mitarabcompetition.com/contactus.php
مدعوم من من عبد اللطيف جميل يدعمون المشاريع في الدول العربية


هذي الي اعرفها من مسرعات نمو وحاضنات
في جهات باوروبا وامريكا تدعم المشاريع بالدول العربية واغلبها تدعم الشركات الناشئة وليس الافكار
هذا رابط لبعضها :
http://ar.wamda.com/2014/04/%D8%AB%D...7%D9%82%D8%A9-

بالنسبة للنساء تقريباً كل الي مذكور فوق فيه للنساء
الي مذكورة داخل السعودية اغلبها للسعوديين ولغير السعودين
الي تمويلها عن طريق بنك التسليف هذي الي خاصة للسعودين اما غيرها تقريباً كلها مفتوحة للكل المشاركة .

بعض النصائح :
لا تظن ان افكارك بتضل عندك مكتومة اذا ما تكلمت
ترى الانترنت فيه مليارات الناس واذا ما بديت بفكرتك اليوم بكرة بتخطر ببال واحد ثاني ويسويها
كثير من الافكار جتني وانا خلاص قلت هذي الابداعية الي مستحيل احد يفكر فيها وبعد ما ابحث بالمواقع ( خاص الاجنبية ) احصلها موجودة .
الي يقول يمكن اقدم عليهم ويسرقون الفكرة
الي يخاف عمره ما راح يشتغل ولا يمكن حتى المبرمج الي تتفق معه يسرق الفكرة ممكن موظفك يسرق الفكرة ممكن شركة البرمجة تسرق الفكرة الا اذا عاد بتسوي الفكرة لوحدك وتقفل على نفسك بالبيت

والي يبي يحتاط ممكن تقدم برؤوس اقلام ونبذة قصيرة وحاول ما تقول كل خطة العمل
واغلب هالشركات اصلاً يقولوا لا تعطينا كل خطة العمل بالبداية عطنا بس شرح بسيط سطر سطرين

ان اصبت فمن الله وان اخطأت فمن نفسي والشيطان
ياليت اذا كان عندي اي خطأ تصححون لي وياليت اذا احد يعرف اي شركة مسرعة نمو او حاضنة ما ذكرتها يذكرها في الموضوع .

بالتوفيق للجميع ودعواتكم لي

تحياتي لكم

المصدر: www.adslgate.com/dsl/showthread.php?t=1846370