| ||||||
| قصص و روايات تهتم بالقصص المنقوله وقصص الاعضاء الطويلة والقصيرة |
 |
| | LinkBack | أدوات الموضوع | انواع عرض الموضوع |
|
#1
04-28-2014, 06:24 PM
| |||
| |||
| السلام عليكم
__DEFINE_LIKE_SHARE__
هاذي اول رواية لي يمقن تعجبكم يمقن لا بس انا اقول انشالله تعجبكم طبعا الرواية اغلبيتها خرافية وفي بعض الاحداث حقيقه البداية بيكون فيها حدث بس بتعرفون ليش خليت هالحدث اول شي واتمنى ان الرواية ما تلهيكم عن صلاتكم اللهم بلغت اللهم اشهد الحين ببدا بالبارت الاول وانشالله يعجبكم حسآيفْ تقتلْ الضحكة ْ \ وهيْ بينْ الشفآيفْ.. البارت الأول كانت يالسه تشوفه تشوف كل حركة يسويها كل ابتسامه يبتسمها عقب ما مرت شهور ما ابتسمها تفكر فأخوها الوحيد تفكر فحياتهم يقطع حبل افكارها سالم وهو يناديها :نوووووووووورة نورة: هلااا شو تبا سالم: قومي بنسير العزبه ويا خالي نورة: بتلعبون بالدراجات؟ سالم: لا بنسير نقنص نورة: انت تقنص؟... شو بتقنص سالم(وهو يعدل سفرته ويطالعها بثقه ويتكلم بالفصحه): المعلبات المعدنيه (يقصد قواطي الديو,سفن اب,وغيره) نورة: ههههههههههه المعلبات المعدنيه مالت عليك على بالي عصافير ولا المشكله واثق. سالم(وهو فرحان ان اخته ضحكت): هههههه بعدني ادرب وبعدين بسير النادي نورة: صددق بتسير النادي عيل انا بسير وياك سالم: لااا القنص مب للبنات نورة: لاوالله ليش عيل في نوادي للبنات؟ سالم: ماشي ما بتسيرين نورة: عيل بسير الفروسيه سالم(الفروسيه عادي عنده بس حب يقهرها): لا ماشي سيره نورة: عيل وين بسير سالم: ما بتسيرين ولا نادي نورة(بحزن):يلا حرام عليك انا ما بتم فالبيت الا كم يوم فالاسبوع النادي سالم(يمثل انه معصب): يوم اقوول لا يعن... طااااااااااخ(ناصر يضربه عراسه) سالم: اييييييييي .... يعور ليش تضرب ناصر: لا تمثل انك قووو ترا الشور مب عندك اعرفكم عليهم نورة: بنت فالاعداديه عمرها 14 صف تاسع متوسطة الطول بيضا فيها حبت خال صغيره على فمها طبعا حبة الخال تحلي شكل فمها شعرها بني عيونها بني غامج رموشها طوال جسمها حلو طيبه رقيقه ما تحب الغلط وما تحب حد يتألم او يتأذى بسببها ابدا واحلى مافيها ابتسامتها بس غالبا ما تبتسم (بتعرفون ليش بعدين)الا ويا اخوها وخالها عشان ما يتضايقون وهم الي يونسونها طبعا سالم: اخو نورة الوحيد لان ماعندها اخوان اولاد غيره وهم قريبين من بعض من يوم كانوا صغار سالم يحب اخته لدرجة كبيره عمره 16 صف 11 مايرد اخته فاي طلب الا اذا شاف ان هالشي مب زين عليها اسمر طويل جسممه طرر عيونه شهل فيه لحيه خفيفه محلتنه شعره بني حلو وغليظ يسوي سبايكي خفيف طيب حنون يسولف ويدخل القلب بسرعه ويخقق ناصر: خال نورة وسالم عمره 22 طويل جميل عيونه شهل مايله للأخضر جسمه رياضي والي يشوفه يخق عليه ابيض شعره اسود بكل معنى الكلمة يحب عيال اخته واايد طيب حنون ما يرضى بالغلط ومايردلهم اي طلب يحب يشوفهم مبتسمين عطوف على خواته وامه والكل البعيد والقريب. نورة: هههههههههه احسن تستاهل (ترا خالهم بالنسبه ليهم اخوهم ابوهم ربيعهم وبتشوفونهم يتضاربون ويسولفون جنهم(كأنهم) ربع) سالم(يطالعها بطرف عين): مشكورة نورة: خلاص كله ولا اخويه ما ارضى خالي ليش تضربه ناصر(منصدم): لاوالله هذا يزاتي ادافع عنج نورة: ليش ادافع من حقه يرفض هو اخويه سالم(يطلع لسانه لناصر) ناصر(مسك العصا الي عداله): تعالوا اراويكم يالهرووم سالم(شل عمره وربع وناصر يلحقه) ناصر(وقف من التعب وقال): ال... الله يسود ويهك ......(ياخذ نفس) شو شارب الصبح مب نفس عليك نورة(تسوي عمرهها اتفل على اخوها من بعيد): تف تف بسسسمم الللله علللى اخووويه سالم(يضحك ويعلي صوته عشان يسمعونه): هههه قول ماشالله مشكله اذا الواحد كبر واستوى شيبه نورة(من بعيد): صدددقك واللله مشككللله اللشششووااب ناصر(يطالعها ويتقرب منها): تعالي انتي تعالي ما لحقت اخوج بلحقج نورة(ترد على ورا وشوي شوي تتقرب من البيت): خالي انا احببك ناصر: وانا اكرهج شوي تطلع ام محمد نبذه عن ام محمد: خوله تستوي ام خليفه وعندها عيال زوجة راشد الي هو ابو محمد طيبه حنونه على كبر سنها بس ما تستخدم عصا وتتحرك جنها فالعشرين وما تحب حد يقولها عيوز مب مقصره فحق احفادها ابد والكل يحبها وسوالف ماشالله عليها ام محمد: شوه الحشرة شو تسوووون نورة(تربع ورا يدتها): اماي هشو فيه يبا يضربني ام محمد(اطالع ناصر وتحرج عليه): شو تباها (سالم سار عدال يدته يحتمي بها) ناصر: حد قالها تقول عني شيبه ام محمد: يعني انت توك تدري انك شيبه نورة وسالم يضحكون:هههههههههه ناصر(متلوم): انزين يالغاليه الجبهه ليش اطيرينها ام محمد(اطالع نورة وسالم):وانتوا ليش تضحكون تراكم مب احسن عنه هو عالاقل يتحرك انتوا اربع وعشرين ساعه يالسين يالهرووم انتوا. ناصر(ضحك عليهم): هههههه احسن فديتج يالغاليه سالم (مفتشل): ردتها هجمه مرتده نوره(مفتشله): هي والله ودعت جبهتيه توني ام محمد: سالم ناصر تعالوا جدامي الحين ناصر (رد على ورا) : ليش ام محمد: تعالوا جدامي الحين سالم وناصر وقفوا جدامها وهم مطمنين ما شافوا فإيدها اي عصا ام محمد: ناااصر ناصر(عرف شو تبا): نعم ام محمد: عطني العصا سالم وناصر عرفوا الي بييهم ناصر مد ايه وعطاها العصا ام محمد(ضربت كل واحد ضربة عن مليون ضربه ): طول وعرض وترابعون جنكم (كأنكم) يهال اول روضه ولا كل واحد بلحيته سالم وناصر: اااايييييييييييييييييي .. يوم تشوفونهم تقولون جنهم سمج توه طالع من البحر .. نوره(كاتمه ضحكتها عشان ما تنضرب):هه... تستاهلون حد قالكم راقصوا جنكم يهال سالم وناصر ويوهم حمر ويالسين يتوعدولها نوره(ماقدرت تيود ضحكتها): ههههههههههه صدقوني بتفوتكم اشكالكم يدو شوفيهم يتوعدولي ام محمد (ضربت نورة على جتفها بالعصا وهي معصبه): سود الله ويهج منو يدو نوره: ايييي يعور امايه سالم وناصر يضحكون ام محمد : اخطفوا جدامي سيروا داخل ناصر: لا امايه بنسير العزبه بدرب سالم عالقنص ام محمد : القنص ... دامك بتسوي فيه شي خير سر (سالم وناصر ركبوا سيارة ناصر النيسان اليديد لونه اسود) نورة(تحب راس ام محمد): يلا امايه انا بسير وياهم نورة تمشي ام محمد: تعالي وين بتسيرين وياهم بعد نورة(وقفت وتصد صوبها): بسير وياهم ابا اطلع من كمن يوم ما طلعت ام محمد: تعالي ماشي سيره بنطلع باجر انا وانتي وفاطمه فاطمه:اخت خليفه عمرها 20 تحب عيال خواتها كلهم ومسولفجيه وتدخل القلب بسرعه هالبنت خباال راعية مقالب جسمها متناسق قصيره عيونها بني جميله وشعرها اسود نورة: اتخيلج امايه ما اقدر اتريا لين باجر ناصر: يلااا بتسيريين ولا لااا نحن بنروح عنج ترا ام محمد(ما حبت تكسر فخاطرها):برايج امي سيري نورة(تحب راسها): فديتج والله يلا فأمان الله ام محمد: فأمان الحافظ.. ام محمد تدخل داخل وتقول فخاطرها: (انا مب مرتاحه لهالطلعه ابد) ... تتوقعون شو بيستوي فالبارت الياي؟ وليش ام محمد مم مطمنه؟ وشو رايكم بالشخصيات  |
|
04-28-2014, 08:01 PM
| رقم المشاركة : [ 2 ] |
| عضو جديد  |  حسآيفْ تقتلْ الضحكة ْ \ وهيْ بينْ الشفآيفْ.. انشالله الرواية ما تلهيكم وقت صلاتكم وانا ما اتحمل ذنب اي واحد يقراها وقت الصلاة البارت الثاني فالسياره مشغلين اغنية (يشبعوبك) يشبوعبك ما دروا عن عيوبك ياللي عني ابعدوك صرت ثاااني منت ذاك الاولاني ياحسافه غيرووك نورة سرحانه سالم سرحان ناصر سرحان الكل سرحان فشي شاغل بالهم الكل يفكر فالشي نفسه وصلوا للعزبه نزلوا ناصر وسالم الاغراض كراتين واسلحة قنص وقواطي وسماعات وغيره ناصر: يلا يود السلاح هاجي(يمثل له كيف يمسك ويلس يشرح له كل شي) ناصر: ها فهمت سالم: هي فهمت نورة من بعيد: انا بعد فهمت ناصر انتي خلج بمكانج احسن لج نورة بوزت: انزين يلسوا فالعزبه تقريبا ساعه ونص ونورة طالعتهم نص ساعه وهي تضحك على اشكالهم ويوم ملت سارت تمشي نورة وهي تمشي: ماعليه لاني بنت مااشل السلاح براويهم بس يصبرون ماكون نورة بنت.............. ان ما راويتهم نورة سارت شوي شوي لين السياره ويلست ادور عن سلاح لقت واحد كان تحت السيت شلته ويلست عدالهم بس شوي بعيد وتصوب صوب القواطي ضربت المره الاولى مايت الثانيه ما يت الثالثه مايت وسالم وناصر ما انتبهوا شوي وتضرب الرابعه وتضرب قوطي انتبهوا سالم وناصر عالقوطي وشافوا وراهم نورة مبتسمه واطالعهم بانتصار ها نورة: منو قال ان القنص مب للبنات سالم(وهو معصب): انا قلت ليش تمسكين السلاح ناصر معصب: من وين خذتيه انا دسيت السلاح عنج وانتي سرتي خذتيه نورة: شوفيها ما استوى شي عشان تعصبون ناصر: هاتوا الاسلحه سالم: ليش انا شو سويت الحين نورة: سالم ما يخصه فيني ليش بتاخذ السلاح منه ناصر معصب: انتوا ما تعرفون شو تسوي هالاسلحه واصلا من قبل كنت باخذه منه نورة: عالاقل زياده نص ساعه خله يدرب انا ما اباه يتضايق وانا السبب سالم: انا ما بتضايق بس ناصر خله عندي شوي بس وارده ناصر: هاته سالم: شوي بس ناصر: اقولك هاته سالم: اقولك ما بعطيك ناصر عصب وسار يسحب السلاح من سالم سالم ماسك السلاح مب طايع يبطله سالم: شوف انا بعطيك اياه بس مب تسحبه من عندي كاني ياهل ناصر: انت اصلا ياهل عطني سالم عصب : شووو ناصر يسحب السلاح وسالم يسحبه هو الثاني طااااااااااااااخ نورة: ااااااااااااااه سالم وناصر واقفين يطالعون منصدمين ناصر وسالم يصرخون: نووووووووورة نورة طايحة عالارض وثيابها خايسه دم ناصر يلس على ركبه : نووورة نووورة .. سالم قوم نوديها المستشفى سالم واقف ويطالع نورة اخته المغطايه بالدم ناصر: ساااالم .... ساااالم سالم يصيح من خاطر يشهق فصياحه ناصر شل نورة وركبها السيارة ومسك سالم وسحبه وركبه السياره وبسرررررعه المستشفى نزلها من السياره وهو شالنها فإيده وسالم فالسيارة منصدم ويصيح سالم يصيح ويشهق فصياحه: نو نورة اختيه ان انا ض ض ضربتها بالسلاح انا سب سببت مووت اخ اختييه ناصر فالمستشفى يزقر عالدكاترة الدكاترة شلوها بسرعه ودخلوها غرفة العمليات يبون يطلعون الرصاصه الي فقلبها وفنفس الوقت بنت دخلت غرفة العمليات للضرورة سالم اتصل فاالاهل وخبرهم السالفه ابو سالم كان اول الواصلين والباقين كلهم وصلوا عقبه بدقايق ابوسالم: راشد حنون طيب ريال غني زوجته عايشه ام سالم يحب عياله ومايقصر وياهم ويخاف عليهم من الصغيره والكبيره وعياله يبادلونه نفس الشعور. بوسالم: وين وين بنتي وين نووورة وين شحالها شو وضعها طمني ناصر ناصر يمسك بوسالم ويلوي عليه: خالي اهدا اهدا انشالله خير انت بس ادعي بوسالم: كيف اهدا وبنتي بين الحياة والموت كيف قولي الحريم فاطمه ام محمد علي واحمد (يكونون اخوان ناصر) موزة(اخت ناصر) وغيرهم يتريون الخبر سالم يصيح: نورة انتي قويه اكيد بتستحملين يارب اشفيها يارب بشرنا بالخير يارب. وفنفس الوقت عايله عدالهم اتصيح على بنتها حمدان يشمي بسرعه لين وصل عند امه: نوره نوره وين ام حمدان: تأشر فغرغة العمليات حمدان: شو استوابها ليش؟ ام حمدان وهي تصيح: حادث وفي زجاجة دخلت فجسمها وصلت قريب من قلبها وهم يحاولون يطلعونها حمدان معصب وخايف فنفس الوقت: ليش يت راك من بوظبي لراكل يش ام حمدان يزيد صياحها وتقول بصوت يادوووب ينسمع: كانت ويا واحد حمدان واقف مكانه منصدم: نورة كيف وصلت لهالدرجة (يلس عالكرسي ما يقدر يوقف واطلق العنان لدموعه) امايه بنتج ان ماتت بتدخل جهنم ,ان ماتت بيكون هذا سوء خاتمه والله اعلم ام حمدان تزيد صياح : انشالله ما تموت يارب ترحمها وتغفرلها ذنوبها يارب ماتاخذ روحها يارب حمدان: امين اماايه مب زين عليج تصيحين وتتعبين مب زين انتي تعبانه بمرض فالقلب وغيره مب حلو انج تسوين فعمرج جي ام حمدان: لأجل اختك يهون التعب بنتي الوحيده مالي غيرها اتعب برايه بس اختك تتعب ما اقدر اختك تعرف شو يعني اختك حمدان تنهد(عقب كل الي سوته بعدج تقولين بنتج وعقب كل الي سوته فيج بعدج تحبينها قلوب الامهات غير لو شو استوى ما يكرهون ضناهم) يطالع عداله: امايه شوفي حتى بنتهم فغرفة العمليات ما سوو مثلج ان طلع الدكتور انا بكلمه اول شي ام حمدان تهز راسها بمعنى انشالله . . . صوب بوسالم يتريون على اعصابهم سالم يوقف معصب ويقول بأعلى صوته: خطفت ساعه وما قالولنا شي لين متى بنتريا لين تى بس عاد قولولي شحال اختيه شحال نورة ناصر وبوسالم يهدونه ناصر متحطم نفسيا خايف شي يستوي بها ويكون هو السبب وسالم كذلك بوسالم خايف عليها والكل خايف عليها . . حمدان يسمع الاسم: نورة اسم بنتهم نورة بعد سبحان الله . . دقايق وطلعوا الدكاترة واحد سار صوب بوسالم والثاني سار صوب ام حمدان . . صوب بوسالم الكل مجتمع عند الدكتور بوسالم: ها دكتور بشر قول نورة بنتي بخير صح الدكتور:......... ناصر بخوف: شحالها نورة بخير صح الدكتور:......... سالم يمسك قميص الدكتور وبعصبيه مجتمعه مع خوف : جاوبني نووورة وين نورة شحالها قولي نورة ما اتسوى بها شي قول الدكتور يطالع سالم وبكل حزن وندم: للأسف الجرح كان عميق وما قدرنا نوقف النزيف والبنت عطت.... طااااااااااخ سالم ضرب الدكتور: شو تقول انت تعرف انت تتكلم عن منو عن نورة عن نورة اختي تعرفها ما ماتت مستحيل نورة تخليني مستحيييييل بوسالم يود سالم ولوى عليه وهو يصيح : سالم سااالم بس بس خلاص ربك كتب ان اليوم يومها سالم يدز ابوه ويدخل غرفة العمليات يدور يمين يسار ينادي نورة نورة لقى سرير وفيه بنت متغطيه كامل تقرب منها شوي شوي ورفع اللحاف عن ويها يطالع مصدوم : هاذي مب نورة لا مب نورة يدخل ناصر يمسكه ويشوف البنت الي طايحه يغمض عينه بقوه ويصيح : الله يرحمها ياسالم سالم: لا هاذي مب نورة نورة ما بتخليني تعرف شو يعني ما بتخليني نورة نورة (يحركها) نورة انا سالم اخوج انا الي تحبينه انا الي قلتي له ما بخليك نوره لا تخليني تخيلج اذا صدق لي محبة فقلبج قومي قومي فتحي عينج (يهزها) نورة قومي انتي قلتي ما بخليك قومي يلا نورة بس سوالف خلاص تبين تدخلين نادي القنص بدخلج عادي تبين نادي الفروسيه عادي عندي بس انت قومي (يصيييح بقوه ويشاهق) نورة ابوس ايدج قومي بعدين بشتكي لمنو همومي قوليلي منو بتهاوش وياه فنص الليل عالمكيف منو الي كل يوم يصبح عليه ويلوي عليه ويرمي كل الي استوى البارحه قوليلي ناصر ابويه امايه خواتي ولا واحد قومي قومي انتي الثانيه لا تخليني ناصر ما قدر يستحمل زياده وطلع برع شوي ويا السكيورتي يمسكونه يسحبونه برع سالم ما قاوم بس يصيح طلع وياهم وطلع السرير وياهم سالم يطالعها ويصيح بوسالم : بنتي انا مقصر فيج اعرف مقصر فيج وايد ماعطيتج حنان يابنتي سمحيلي والله ندمان سمحيلي ماكنت اقصد سالم مسك السرير ويصيح: ما ماتت ما ماتت انتوا جذابين هي جذابه شوفوا يدزها قومي قومي الكل يصيح على سالم ونورة الكل قلوبهم متكسره على نورة هالوردة الي كشفت عن نفسها بعد عزلة طويله هي واخوها الي اضفت لمسه للبيت فالليل والنهار . . نهاية البارت الثاني شو رايكم بالبارت؟ تتوقعون منو نورة اخت حمدان؟ تتوقعون منو حمدان وام حمدان؟ بيكون لهم دور فالرواية ام لا؟ ابا توقعاتكم للبارت الياي ...وشكرا... |
|
| |
| |
|
04-28-2014, 08:02 PM
| رقم المشاركة : [ 3 ] |
| عضو جديد | ما بكمل الروايه الا اذا حصلت عالاقل 3 ردود
__DEFINE_LIKE_SHARE__
|
|
| |
| |
|
04-28-2014, 09:57 PM
| رقم المشاركة : [ 4 ] |
| عضو جديد | حسآيفْ تقتلْ الضحكة ْ \ وهيْ بينْ الشفآيفْ.. انا ما لقيت تفاعل فقلت اكمل الرواية وتشوفون الاحداث وبعدين بتتحمسون وبنردون
__DEFINE_LIKE_SHARE__
الحين ببدا بالبارت الثالث اتمنى ان الروايه ما تلهيكم عن صلاتكم اللهم بلغت اللهم اشهد بسم الله البارت الثالث . . تفتح عينها واطالع يمين يسار تشوف الغرفه : وين انا؟ : نشت شوف اختك نشت يطالعها بعصبيه: انتي فالمستشفى بعد وين كانت تتأمل ويوهم وهي مستغربه . . صوب سالم ناصر ماسك دموعه: صل عالنبي سالم مب زين تسوي جي فروحك سالم يصيح : ليش نورة الي ماتت ليش ما كنت انا الميت ان الملفوف بالكفن انا الي صلوا عليه انا الي الحين موديني للقبر ليش .. ليش ناصر يصيح : شو هالرمسه سالم خاف ربك قضاء وقدر سالم يطالعه بعصبيه : انت .. انت السبب انت الي قلت خلنا نسير انت الي كنت تسحب السلاح مني والحين منو اتأذى نووورة ناصر يتقطع قلبه على كلام سالم ويصرخ : ما ماتت بسببي ما ماتت بسببك هذا الي كتبه ربك لازم تفهم هالشي سالم يصرخ: انت ما تحس انت ماتعرف شو تعنيلي نورة نورة الي لولاها ما تخطيت محنتي نورة الي كفتني عن اهليه كلهم كيف تروح وتخليني قوووووولي كيييييف ناصر يصيح بقوه هالمره: اعرررف اعرف شو تعنيلك اعرف انها غاليه عليك وان هي الي خلتك تصبر هالفتره كلها لا تنسى الي عانيته انا عانيته كيف تقول ما احس نورة بنتي اختي كل شي بعد بس انتوا الاثنين تحملتوا شي اكبر عنكم تحملتوا المصيبه الي يتكم انا بنفسي ماكنت بتحمله ...... بس سالم انت تحب اختك صح؟ سالم: اكككيد ناصر: عقب العزا صل لك ركعتين وصل مره ثانيه وادعيلها سالم: بسير بصلي بدعي بتصدق كل شي بس انت تعرف يا ناصر اني ما اقدر على فراقها ما ابا اعيش وحيد ناصر حضن سالم ويلس يمسح ظهره ويحب راسه عشان يهدا وسالم يصيح فحظنه بس شوي شوي بدا يهدا . . وقت الدفن سالم ناصر بوسالم محمد علي احمد (اخوان ناصر) شالين شخص ملفوف بالكفن الابيض ووجهتهم القبر الي حفره سالم بمساعدة خاله ناصر وابوه ينزلون هالجسد الميت داخل القبر وكل واحد خايف تخذله دموعه واطيح الكل متألم الكل يحس بالندم الي يقول انا سبب موتها والي يقول انا مقصر فيها والي يقول انا ماسعدتها وقت ما بغت وانا ماوقفت وياها وقت ضيجها. . . فليل بعد الدفن بساعات فغرفة سالم ونورة بالتحديد سالم طايح على شبريتها وميود فايده صورتها صورة حبيبته نورة وكان يتأملها نورة كانت يالسه بين ناصر وسالم ووراها بنت بوقايتها الي هي ظبيه (بتتعرفون عليها بعدين) كانت متسفره بسفرة سالم ووحاطه ريل عريل واتشوف ناصر وتبتسم . . سالم: شو تسوين نورة ببراءة: ما اسوي شي سالم: خلي سفرتيه فراسي ولا تشلينها نورة شلت سفرة سالم وسارت ورا ناصر سالم يسير عندها: هاتي السفره نورة: مابا سالم: هاتيها خلينا نتصور نورة: ناصر ظبيه قولوله انا بتصور بالسفرة سالم خلها ذكرى كل ما تشوفها كل ما تشوف الصورة تبتسم وتتذكر اختك الهبله ناصر: زين عرفتي عمرج ظبيه كانت تشوفهم وتضحك عليهم بس كانت نظراتها متركزه على سالم ,شوي يلتفت سالم صوبها وكان يشوف نظراتها وسرحانها فيه وسرح هو الثاني فيها ما عدت ثواني الا وظبيه تنتبه لعمرها ارتبكت واتلومت منه واايد وصدت الصوب الثاني سالم بعد ارتبك واتلوم منها وحب يغير الموضوع وقال: قولي لبنت عمتج تردلي السفره هي بس تسمع كلامج انتي رمسيها ظبيه بلوم وما كانت ترفع راسها: نورة ردي له السفره نورة: مابا سالم شوف حبيبي قلتلك خلها ذكرى سالم تضايق ويلس مكانه نورة سارت ويلست عداله وباسته على خده: ها رضيت الحين تراني سالم يسوي عمره زعلان: لا نورة: جذاب ناصر اونه معصب وغيران: خلاص انا زعلت باسته نورة على خده : شوف انا حبيتك وغيرك يتمنى بوستي هاي فغصبن عنك بترضى ناصر يبتسم: يالواثقه انتي هي رضيت يشوف ظبيه بطرف عين : انتي ما بتحبيني ظبيه ابتسمت وحبته وناصر كان يطالع سالم بعينه ويبتسم . . سالم كان يثور من داخل نورة وناصر يضحكون عليه وظبيه ماتعرف شو السالفه مستغربه ناصر سوى عمره مستحي: خلاص استحيت الكل يلحقني ويبا يحبني نورة تحط ريل عريل واطالع ناصر: لاااا صدددق وفنفس الوقت سالم كان يطالع ظبيه وظبيه صدت صوبه لانها حست انه كان يشوفها وفهاللحظه فاطمه صورتهم واحتفظوا كل واحد منهم على نسخه من هالصوره طبعا عقب مووت وافقت ظبيه ان الكل ياخذ صورة لانها كانت مستحيه من سالم . . يبتسم ويقول صدق خليتيها ذكرى وصدق اني يوم شفتها ابتسمت اختفت الابتسامه بسرعه عن ويه سالم ورجع للذكرى ورا ويتذكر مواقفه ويا نورة . . ناصر فغرفته يفكر بمصير سالم يفكر اذا هو السبب فموتها ناصر: استغفرالله شو اقول انا هذا الي كتبه ربي (تدمع عينه) بس صح كتبت ربي وصح اني راضي بالمكتوب بس فراقها صعب والله فراقها صعب يتذكر . . ناصر عيونه مغمضه ويأشر عالباب: طلعي برع نورة: مابا قوم امايه قالت سيري وعي ناصر ناصر: ....... نورة: قوم عليك دوام(ترا ناصر يشتغل فالشرطه) ناصر وهو مغمض عيونه: قلتلج ما بسير ما تشوفيني تعبان نورة تهز راسها: وتقول هذا منكركم كل يوم تعبانين واحد ما يبا يسير الجامعه وواحد ما يبا يسير الدوام ليش لأنهم تعبانين ناصر يفر عليها المخده: ذلفي عن ويهي ابا ارقد نورة: اييي .... ماعليه تفر عليه المخده بتشوف سارت الحمام ومزرت الكوب ماي بارد وردت وصبته على ظهره شهق ناصر ونش من الفراش وفتح عيونه على وسعهن يصررررخ: يااااااحيييوواااااانننه نورة ميته ضحك على شكله شوي ويجدم صوبها نورة شردت وطلعت من الحجرة ناصر متغمض عرقاده: الحيوانه كافي انها موعتني عن حلمي تسير واطير الرقاد من عيني بتشوف دواااها بعدين سار صوب الحمام وشوي سمع نورة تقولها بصوت عالي وتقلد اليهال: انت احثن واغلى وافضل خال فالدنيا تعرف هالشي يصد وراه ويشوفها واقفه عند باب اطرش له بوسه فالهوا وتقوله :اححححببببك وتغمز له وروحت ضحك وابتسم وهو يقول فخاطره (الحمدلله على نعمة العقل .... الله يخليها لينا يارب) . . دمعت عينه بحزن وهو يقول: يارب اغفر لها ذنوبها واجعل قبرها روضا من رياض الجنه يارب . . طايحه عسرير المستشفى وهي تحاول تتذكر شو صار بالضبط يقطع تفكيرها صوت فج الباب تصد صوب الباب وتصررخ : اططلللع بررررع . . نهاية البارت الثالث تتوقعون منو هالبنت الي كل شوي اتكلم عنها؟ شوب يستوي فالاحداث اليايه؟ سالم وناصر بيتقبلون فكرة ان نورة ماتت وبيتخطون مرحلة الحزن؟ وبغيت انتقاداتكم وشو الي ماعجبكم بالرواية بس ارجوا انها تكون بطريقه حلوه |
|
| |
| |
|
04-29-2014, 03:00 AM
| رقم المشاركة : [ 5 ] | |
| عضو جديد  | كمليييييهاااا بدايه حلوه
__DEFINE_LIKE_SHARE__
| |
| ||
| |
|
| مواقع النشر (المفضلة) |
« نقول آه ياللى عمر ما عارف فى غيبتك راح وين الفرج والصبر ضيعت مفتاحه
|
روايتي الاولى لا تخاف من جور المفارق والايام بكره يجيب الله صدف ونتلاقى »
العرض العادي
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| الالعاب الناريه تقتلع رأس شاب سعودي في احتفالات العيد | محروم.كوم | منتدى أخبار المواقع والمنتديات العربية والأجنبية | 0 | 08-12-2013 09:00 AM |
| نغمة الضحكة المرعبة 2010 | محروم.كوم | منتدى أخبار المواقع والمنتديات العربية والأجنبية | 0 | 09-25-2010 02:26 PM |
| السيول تقتلع وتكسر 200 شجرة في وادي شعم | بــטּـت ٱڷـξــرب | اخبار محلية و عالمية | 9 | 03-05-2010 04:01 PM |
| لو ما دخلت هتفوتك الضحكة | محروم.كوم | منتدى أخبار المواقع والمنتديات العربية والأجنبية | 0 | 11-21-2009 10:50 PM |
| إذا مادشيت بتفوتك الضحكة . | عطسة فار | عجائب و غرائب | 85 | 06-20-2009 03:43 AM |
الساعة الآن 09:21 AM
- اخبار رياضية
- اخبار الامارات
- اخبار ريال مدريد
- اخبار برشلونه
- العاب فلاش
- مسلسلات وافلام
- مسجات
- فيديو كليبات
- سيارات للبيع
- ارقام سيارات
- ارقام هواتف
- هواتف للبيع
- حيوانات للبيع
- قوارب ويخوت للبيع
- ملابس واكسسوارات
- ساعات ومجوهرات
- اناشيد اسلامية
- نغمات اناشيد
- نغمات اسلامية
- ادعية اسلامية
- رقية شرعية
- قران كريم
- ديبيات اسلامية
- اذكار المسلم
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227