تعرفون كهربائي محترف لتركيب طبلون إلكتروني

محروم.كوم · #1 04-23-2014, 11:10 AM

السلام عيلكم

شباب شريت طبلون إلكتروني ماركة dakota digital
http://www.dakotadigital.com/index.cfm

شركة أمريكية مشهورة لتصنيع الطبلون سواء كان عدادات أو رقمي لماركات الامريكية فقط جي أم وفورد ودودج

عندي سيارة جمس يوكون 94 وهذي الطبلونات موجودة لموديلات كثيرة لكن من 94 وتحت فقط

مثلا زي كذا

عموما أنا شريت هذا

من باب الأعجاب فيه والتجربة لأن دايم اجرب بموتري القديم

طبعا طلبته مواصفات خاصة بعد ماكلمت الشركة أن يكون بالكيلو والسرعة بالكيلو بدال الميل ودرجة الحرارة مئوية بدال الفهرنهايت ولون غير الازرق هذا فقط
غير أن الواحد يقدر يطلب مزايا أضافية بنفس الطبلون
مثلا أنه يقيس السرعة عن طريق GPS خاص فيه بحيث يعطيك قراءة صحيحة مهما اختلفت حجم كفرات السيارة
يسوي لك عرض للبوصلة بنفس الطبلون ودرجة الحرارة الخارجية وماشابه ومزايا أخرى ... ألخ
تقدرون تفاصيله بنفس الرابط الشركة بالاعلى

وهذا حق البلد (طبعا الصورة مشابه لطبلون موتري وليس سيارتي)

عموما عطيته واحد يركبه لي وللأسف ماضبطه لي 100% ولا كمله بعد ما عطيته الموتر بحكم أنه يقول قد ركب نفس الطبلون لسيارة ثانية وقالي باخر شيء هذا الي اعرفه فترك الموتر
واجهت 3 مشاكل فيه
الأولى مايعطي قراءة لسعة البنزين بالتانكي
الثانية كان عداد السرعة يعطيني قراءة 3 أضعاف السرعة الطبيعية؟!
والثالثة كان تسليكه مش حالك وسوالي مشاكل بالسيارة ماتوقعت أنه بسبب التسليك بالاخير صار التماس باحد الاسلاك الطبلون احترقت احد الاسلاك والحمد الله أن الموضوع ماوصل لحريق بالسيارة ورجعت الطبلون القديم

الان لسه أبي أركب الطبلون ثاني مرة لكن عند شخص فاهم
الطبلون يجي بكمبيوتره الخاص وبكل كيابله معه والحساسات الخاصة فيه يعني مايحتاج تمديدات أضافية للأسلاك أو تجريح وماشابه

ويجي معه بروشور كيف تركيبه لكن بحكم أن مالي خبره بالتركيب فأنا أبي كهربائي شاطر بمثل هذي الامور

وخلاصة الموضوع كله هو أنكم تعرفون هذا الطبلون أضافة سؤالي هو أحد يعرف كهربائي بالرياض يركب لي مثل هذا الطبلون؟ ويكون شغله نظيف
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
استشارة في افضل كهربائي لتركيب كشافات علوية للإف جي كروزر	محروم.كوم	منتدى أخبار المواقع والمنتديات العربية والأجنبية	0	03-12-2014 11:30 AM
متجر إلكتروني محترف ويقبل بطاقات إئتمانيه مباشره بالموقع الخاص فيه	محروم.كوم	منتدى أخبار المواقع والمنتديات العربية والأجنبية	0	07-02-2012 02:10 PM
%%%%%% محتاج كهربائي لتركيب جهاز انذار للسيارة %%%%%	محروم.كوم	منتدى أخبار المواقع والمنتديات العربية والأجنبية	0	06-24-2009 05:20 PM
%%%%%% محتاج كهربائي لتركيب جهاز انذار للسيارة %%%%%	محروم.كوم	منتدى أخبار المواقع والمنتديات العربية والأجنبية	0	06-24-2009 05:10 PM
الان عدل طبلون سيارتك العادي الى طبلون ليزر مثل طبلون الاكورد واللكزس	محروم.كوم	منتدى أخبار المواقع والمنتديات العربية والأجنبية	1	06-06-2009 12:03 AM