#poem_53506a94e0723 td {font-family: Arial, Helvetica, sans-serif;font-size: x-large;font-weight: bold;} سلامٍ الله على ربعٍ حشاما سلامٍ يتبعه مزنٍ تناما يهل القاف من خافي طعوني يهل القاف والعالم نياما سرينا ليلةٍ سودا ظليمة اسوق القاف لرجالٍ كراما اوضح قصةٍ عيت تعدل حلال اللي جرا ولا حراما خضار القلب يشكي من بروده عقب ماكان مرتع للغراما يغذي نبتة المعلوق خلي يدفيها بقربه والهياما يرصد الصدر فوق الصدر مرة وينعش مسمعي حلو الكلاما تنام العين والبسمة عليها وكانت دنيتي خير وسلاما وشوف الوضع من تالي تغير يبكيني نواحك يالحماما اعيش الفرق واضح في سنيني ظلاما في ظلاما في ظلاما عقب ماكانت الدنيا ترحب على قلب العنا ترمي سهاما اكابد شوق يشويني لهيبه ضلوعٍ ضمته صارت حطاما انادي له وتصرخ لي جروحي انا والنزف صرنا كاليتاما جروحٍ مالها في الطب حاجة مضاربها غشت حتى العظاما تكالب في فضا راسي همومي بلا ترتيب ولا نقطة نظاما الا ياذبحٍ قلبي فراقه وعن الخفرات عازم بالصياما على شان الوفا صديت عيني لزاما تحفظه حبي لزاما سهير العين يبعث بالقصايد وعينك من فراقه ماتناما تحيزم للوصل واقهر ظروفك والى من شفتني طش اللثاما بحط الخشم قدم الخشم وانظر عيونك بس.مسكٍ بالختاما

#poem_53506a94e0a68 td {font-family: Arial, Helvetica, sans-serif;font-size: x-large;font-weight: bold;} ترى لغزي تجهز وانتشى لك ياخيمة في الكرم ذروة سناما انا بنشد عن اللي ماتغير قديمٍ انوجد شرقٍ وشاما هشيم العود معدوم الصلابة حمل اسمه معاني بالتماما بداية عودنا ماهو براحل عن الترحال قد شيّد خياما ونهاية مقصدي وافي عهوده حشيمٍ عندنا عالي مقاما سميه وان نظرته مايبشر حرامي راضعٍ ديد الحراما من الاجرام قد جاء له اصابة علوه واسفله فيهم علاما