تجربتي مع خدمة الليموزين الفارهة uber بالرياض

محروم.كوم · #1 04-17-2014, 07:30 AM

السلام عليكم ورحمه الله وبركاته

الاسبوع اللي راح كنت بالرياض والصراحه خبرتي بشوارع الرياض معدومه بالكامل والزحمه الصراحه تجيب المرض ( الله يعينكم ويآجركم:shiny01: ) وعندي كم مشوار تافه ودي اخلصهم سريع سريع

اول يوم مشيت حالي بليموزين عادي ومتوسط المشوار كان يطلع علي 35-45 بعد المكاسره من شرق الرياض الى غربها :strongly:

المهم بنفس اليوم كنت ادور على شركات تجيني السياره بمكالمه مثل تاكسي لندن وغيرهم

وبالصدفه لقيت اعلان لشركه جديدة عالميه تواجدهم بالشرق الاوسط بدبي والدوحة و مشغلين خدمتهم من شهر بالرياض اسمها Uber والخدمه عن طريق تطبيق خاص فيهم على الـSmartPhones والدفع عن طريق الكريدت كارد على طول بعد ما توصل لوجهتك ، والسيارات اللي عندهم بي ام الفئة الخامسه وآودي مدري آي موديل صراحه ، ويوكن اكس ال ، المهم كل سياراتهم 2014 بجلد وشغل مرتب :nosweat:

توكلت على الله وسجلت بياناتي وبطاقتي وطلبت سيارة عن طريق التطبيق حقهم للايفون ، وقلت خل نسير على الرياض جالري ، وطلعلي بالبرنامج صورة السائق مع نوع السيارة وارقام اللوحات وتقدر تتواصل مع السائق عن طريق التطبيق ، مع العلم ان التطبيق نفسه يعرضلك مكان السائق الفعلي على الخريطه ، يعني مافي داعي تنزل وتنتظره بهالحر

السواق نزل فتحلي الباب الخلفي وركبت ورا بالبي ام
الجو كان يومها غيوم والسواق كان سلس جدًا بسواقته واول ما بدآ المطر ينزل هدى سرعته وصار يسوق بحذر شديد

طبعًا من الصدمه اللي كنت فيها ، ماتوقعت الخدمه بهالمستوى الراقي ، مثلي مثل اي شخص غيري طول المشوار كان بالي مشغول بحساب القيمه اللي رح يخصموها من بطاقتي بعد شوي

عشان كذا ماصورت وانا بالسياره ، كنت جالس احسب

اول ماوصلت للمول بالجو الماطر الرهيب ، نزل فتحلي الباب بكل هدوء حسسني وحسس الناس اللي عند البوابه ان المول مسجل بإسمي

القيت نظره خاطفه على جوالي عشان اشيك على المصيبه اللي رح تنخصم مني ،، طلعت 59 ريال بالتمام والكمال ، صراحه كنت متوقع 120-200 ريال على اقل تقدير . بعدها صرت اطلع معاهم بشكل دوري ، اغلى مبلغ طلع علي 69 ريال بمسافه 22 كيلو وكانت مدته نص ساعه .
هذي المبالغ اللي طلعت علي معاهم

عيوب الخدمه ، لازم كريدت كارد فيزا او ماستر كارد ، عن نفسي استخدمت فيزا تسوق من الراجحي ، وممكن باي بال لكن ما اعرف طريقه ربطه مع الاسف

وبنفس الوقت ميزتهم اذا الاهل عندهم مشوار ولا شي تقدر تتابع السياره من اول ماتحرك لحد ماتوصل للوجهه .

لتحميل التطبيق والحصول على العرض قم بالتسجيل عبر هذا الرابط
http://uber.com/invite/v24bk

او قم بالتسجيل عن طريق تحميل التطبيق وادخال الكود الخاص بالعرض عند التسجيل v24bk من خلاله راح تحصل على 80 ريال مجانا !! ورحلتك الاولى راح تكون مجانية بشرط ماتتجاوز 80 ريال

للأيفون
https://itunes.apple.com/us/app/uber/id368677368?mt=8

اندرويد
https://play.google.com/store/apps/d...id=com.ubercab

او دوره بالمتجر ، اسمه Uber

وعلى حسب كلام السواقين اللي طلعت معاهم ، رح يضيفوا سيارات جديده اقتصاديه ارخص من هالاسعار بالاضافه الى بنتلي وكم سياره فارهه ثانيه خلال شهر باذن الله

طريقه حساب التسعيره
فتح العداد بـ9 ريال
الكيلو بـ1.75 + كل دقيقه بـ0.70 وادنى حد للاجره اتوقع 20 ريال
هذي تسعيره السيارات من فئه البي ام اللي حطيت صورها
حاليًا مافي غير فئة وحدة بما انهم بانطلاقه تجريبيه اللي هي UberBlack تشمل اودي وبي ام ويوكن اكس ال وتاهو وسعرهم يبدآ من 9 ريال و1.75 لكل كيلو و0.70 لكل دقيقه

الفئات اللي مفروض انها تنزل بعد ماينطلقوا بشكل رسمي هي
UberX رخيصه وسياراتهم كورولا كامري وطقتها واتوقع رح تكون ارخص من الليموزين العادي
Taxi هم يحجزو لك ليموزين عادي ويبلغوه بمكانك بس اللهم الدفع يكون كريدت
UberSUV هذي رح تكون فيها الجيوب والجموس والاسكاليد الحين حاطين الجموس بUberBlack بس بعد الاطلاق رح يفصلوهم
UberLUX السيارات الفارهه اسعارهم اكيد رح تكون اغلى بما انك رح تركب بنتلي ومرسيدس اس كلاس مازيراتي الخ ..
طبعا بجانب فئه UberBlack الي انا حاط سعرها وتشمل اودي A6 و بي ام الفئه 5

اقتباس:

وبسبب التكنولوجيا الراقية، تعتبر أوبر إحدى أرقى وسائل التنقل في الرياض، وبكبسة زر عبر هاتفك الذكي، تصلك سيارة فاخرة نظيفة خلال دقائق؛ لتقلك إلى أي مكان داخل الرياض. وباستخدامك للبطاقة الائتمانية، لست في حاجة لحمل الأموال النقدية من أجل الدفع.
مما يتميز به أوبر، أن سلامة العملاء هي أهم أولوياته، ولذلك يتم اختيار سائقي الخدمة بعناية؛ لضمان الأمان والثقة، هناك أيضاً ميزة تقييم السائق، ونظام تحديد المواقع، كل ذلك سيتمكن من خلاله الركاب من مراقبة مستوى الخدمة. ومن الرائع معرفة أن خدمة أوبر تعمل على تأسيس شراكات مع شركات محلية لتأجير السيارات، وشركات الليموزين؛ لتقديمِ خدماتها في الرياض.
يجب ألا ننسى أن خدمة أوبر تتوافر في أكثر من 70 مدينة أخرى حول العالم، بما في ذلك دبي، لندن، نيويورك، وزيورخ، وسنغافورة، وكذلك باريس، وغيرها من الدول الأخرى في القائمة، أينما كُنت في إحداها، سيارات أوبر ستكون دوماً بانتظارك.

__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
للبيع خيمة هرمية بالرياض	محروم.كوم	منتدى أخبار المواقع والمنتديات العربية والأجنبية	0	09-08-2012 12:40 AM
ذبايح للبيع مع خدمة التوصيل بالرياض	محروم.كوم	منتدى أخبار المواقع والمنتديات العربية والأجنبية	0	02-15-2012 12:40 AM
مطلوب خيمة بيت شعر مستعمل بالرياض	محروم.كوم	منتدى أخبار المواقع والمنتديات العربية والأجنبية	0	01-10-2012 04:10 PM
مطلوب خدمة من شخص بالرياض	محروم.كوم	منتدى أخبار المواقع والمنتديات العربية والأجنبية	0	09-30-2011 07:40 PM
خيمة المبيت الشتوية وين ألقاها بالرياض	محروم.كوم	منتدى أخبار المواقع والمنتديات العربية والأجنبية	0	02-08-2010 05:40 PM