يا شبــاب ,, رايكــم يهمنــي’’ وانتــوا البنــات -> حيــاكم اذا تقدرون تساعدون ( موضوع مميّز)

عذب السجايا · 03-21-2008, 05:51 PM

السلام عليكم ورحمة الله وبركاتهـ ...

تسلمين أختيهـ على الطرح..

عقب الثانوية العامة كل بنت تحتار أي مكان أنسب إلها حتى باجر إن شاء الله ما تندم على القرار الي هـي ختارتهـ.. وبعد الإستخارة كم من مرهـ ربج يسر الأمور

( أنت تريد وأنا أريد والله يفعل ما يريد )...

في بداية مسيرتي الجامعية أهلي كانوا معارضين وبشدهـ إنـي ادش التقنية لأنهـ سمعتها مب هاكي الزود .. ومن الرمسهـ الي توصل للأهـل.. أول ما دشيت حسيتهـ عالم غريب لانهـ بينهـ وبين المدرسهـ إختـلاف كبيـر وهذا طبعا إحساس الي يكون توهـ مجرب شيء يديد .. لكن بعد كم من سنهـ أختلف الأمر

عبارهـ دوم كنت اسمعها من امايهـ ( لاتحكم على الناس من مظاهرهم ) ..

أختيهـ الشين والزين موجود في كل مكان سواء كانت التقنية أو زايد أو حتى جامعة خاصة تعرفين شو الي يفرق الإنسان وتربيتهـ ومدى الوازع الديني الي عندهـ وأخيرا طبيعتهـ ..

انا شفت نوعيتين من البنات :

الأولى :

الي ما يواحيلهن يتغيرين وبسرعهـ قياسية .. بس ما يصدقن إنهن ينفتح عنهن حصار الأهل و عيونهم سوا كل الي يبونهـ لأنهـ بساطة أهلهم مب موجودين .. ناس سريعي التأثر بلي حولهم أو أقرب وصفا ناس شخصيتهم سطحية أي هبة نسيم خفيفة ممكن تجلبها من حال إلى حال وهذا طبعا على حسب استايل البنات والموضة الي تسيرهم في هاي السنهـ لو ويست تنورهـ مني وغيرهـ وغيرهـ.. وأغلبهم للأسف اهلم ما يرضون بالمناجر الي تستوي..

الثانية :
الناس الي اصلا يكونون ناس متربين ناس على خلق ودين ما تزعزهم رمسة البنات أو حتى رمستهم عنها بالقيل والقال .. منها إنها لإنها ما تلبس مثلهم تعتبر متخلفهـ وجاهلهـ بالموضهـ وعايشهـ في عالم ثانـي..رمسة الناس..

وعمر رمسة الناس ما ودت ولا يابت الناس يرمسون ويرمسون وما يعيزون لين ما يحصلون سالفهـ غيرها ..

نصيحة :

إذا اختج ، بنت عمج أو أي حد حتى تعرفينهـ شخصيتهـ سريعة التغير سريعة التغير لا تودينها أي مكان تعرفين لـيش..؟؟!!
لأنهـ بساطة الناس من النوعين لشين والزين موجودين في كل مكان وما اظن أي إنسان قادر على إنهـ يحتكر إي إنسان عن العالم ..

تسلمين على الطرح .. __DEFINE_LIKE_SHARE__

مشاهدة نتائج الإستطلاع: ( هل تمانع(يــن) من دراسة اختك فكلية التقنية ؟!)
نعــم ,,	12	35.29%
لا ,,	22	64.71%
المصوتون: 34. أنت لم تصوت في هذا الإستطلاع

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
عطسة الشبــاب و البنــات ...	بــنــ(الشحي)ــت	الإستراحه العامة	17	09-05-2009 08:14 PM
شرح قوانين كرة القدم عند البنــات	محروم.كوم	منتدى أخبار المواقع والمنتديات العربية والأجنبية	0	08-09-2009 11:00 AM
رايكم يهمنــي ،،	أثير الورد	تصاميم الاعضاء	10	03-13-2009 12:12 PM
ممكن تساعدون خويتكم ؟!!	Ŀάмάя	تصاميم , دروس , تصاميم الاعضاء	14	02-12-2009 12:54 AM
عطني فلوسك اعطيك شرفي !! ..( موضوع مميّز)	¤§][ أميرة بأحلامها ][§¤	الحوار والنقاش - الرأي والرأي الآخر	76	03-26-2008 06:44 PM