#poem_53498ad1e0d93 td {font-family: Arial, Helvetica, sans-serif;font-size: x-large;font-weight: bold;} امس المساء عديت رجلي على جال رجمٍ ينادمني صغير المساحة رجمٍ يسليني ويبعث على الفال يسوى مع الصدة ثمانين واحة واخذت لي ساعة هواجيسٍ اثقال والقلب ينزف كاثراتٍ جراحه وطير الفكر قام يتكافخ ويحتال يبي الهوى ينفض سبابق جناحه لاني بصقارٍ ولاني بوبّال ولاني من اللي يتقنون الفلاحة ولاني برمايٍ ولاني بخيّال ولاني من اللي يعشقون السباحة ولاني من اللي يتبع السيل لاسال وسرب المهاجر مافلقنا سلاحه ولاني بحطابٍ ولاني بنحال ولاني من اللي همهم بالسياحة ولاني بقصاصٍ ولاني بدلال ولاني من اللي وقتهم في استراحة وان كان تنشد ياعميلي عن الحال بعطيك نبذة من مشاعر صراحة كل الذي احتاج له حبر سيّال ومع الحبر احتاج صفحة مساحة انا على رجم العنا ليلنا طال انا اشهد ان العشق ما فيه راحة هاجس يسريني وهاجس له افعال اليا عطيته بال يغرس رماحه وساقتني الذكرى على سمح الاقبال ياحبني له بارعٍ في السماحة غضٍ صغيرٍ مابعد جاء له اعيال كنه عنيقيدٍ بأول نجاحه له شفةٍ منها الشهد والعسل سال شفت الزهر؟ يسعى النحل في لقاحه له مبسمٍ يادوب يكفي لفنجال وله بسمةٍ تذبح عيون الشفاحة اليا هرج كنه يغرد بموال غروٍ ذبحني بين جد ومزاحه اليا مشى مال النظر والفكر مال هافي خصر والصدر فيه انشراحه لاهو بنكادٍ ولاهو بزعال وارجي عسى المولى يهيئ قراحه قد زج بي في الغي واحكم بالاقفال وكتب على باب الهوى بالصراحة كتب كتب تعميم صارم وفعال هذا الفتى ممنوع يطلق سراحه واصبحت انا في داخل الحبس رحال هاجس يسريني كبيرٍ جناحه قمت اصنع القيفان ناظم وحبال انقض وافتلها سوات الجراحة قدمت له طالب عفو .صاح بي قال انت السجين اللي نسجنا وشاحه خلك في سجن الحب ياراحة البال وانا وانا طاب العمس بأقتراحه انت الذي وسط القفص خير نزال واشر على صدره وتم الرجاحة واخذت اقدم له قصايد ويختال يهمني ابرز مفاتن نجاحه اصبح على طاروق وامسي بموال والشوق غاشيني بقوة ذحاحه سلام يافاتن. تمخطر بخلخال دبل قفولك مانويت الازاحة

#poem_53498ad1e10fe td {font-family: Arial, Helvetica, sans-serif;font-size: x-large;font-weight: bold;} اللغز جاكم حام وسط الفضا جال ولي الشرف اعلن لكم افتتاحه انشدك عن رجلٍ ولاهو برجال اسمه يعاكس فعلته بالوقاحة اذهل واتعب بالفعل شغل الانذال اسمه كذا.راعيه ماذاق راحة