محتآآج افضفض .. أتكلم .. أحكي !* مستعد تسمعني ؟!!* و لا أسكت من البدايه !* - الصفحة 3

łөcάłŷάђ ~ · #1 06-09-2009, 10:39 PM

الســــــــــــــلاآمــ عليييييييييييكمــ ,,

شحـآآآآلكمــ يـآآ عرب !؟ ,,~

فالبدآيييه قريييت هالموووضوووع وآيييد عيبنيي بس حبيييت آنقله لكمـ بطريقتي الخـآآآصه
وآنـ شـآ اللهـ ينـآآل آعجااابكمـ ,, ~

مدخل ~

- هلاآ مريوومـ .. شحــآآلج ؟ شوو آخبـآآآرج ؟ ..

* آهلييين .. مااشي الحال .

- آحس فيج شي ؟

* لاا .. ابدا ..

مب علي هالحركـآآت !! !

* .. هو شي بينرفزج .. ماودي اتكلم .

- ما بتنرفز .. يللا عااد قولي

* البارحه ميرة دقت

- يااالله .. هـآآ البنت ترا ما آييي منها الا المصاايب .

* مب جيي هي كلمتني تقولي ...

- اقوول لو انا منج كان من اول تركتهـآ .. اعوذ بالله منها

* بس هي ماسوتلي شي هالمره . دقت تسلم وتسأل عن اخباري .. مادري حسيت من صوتها انها متغيره عن اول قلبي متطمن من ناحيتها

- ادري اعرف شو تحسين فيه . قد صارلي انا وعنود نفس الشي

* اقولج حتى طريقتها في الكـ ...

- احسن حل آطنشينها ولا تعطينها ويه تراها تظحك علييج ,,

* اففف .. آنزيييين

- صدقيني ابا اساعدج يـآ مريوومـ .. تدرين هالبنت شكثر تكرهنا وتحقد علينا وانتي الوحيده اللي .......... الخ

أعمق احتياجاتنا .. انه احد يسمعنا ويفهمنا .. ~

يحس فينا لما نتكلم .. يحتوينا .. ويريحنا من همومنا .. ~

أياً كان هالشخص .. صاحبه , اخت , ام , اب , زوج , أخ ...~

بمجرد انه يسمعك ويهتم باللي تقوله .. ويأشرلك براسه انه فاهمك .. ويسكت للنهاية ~

من بعدها .. بتكون ممتن كل الامتنان لهالانسان ..~

أنا وانت ماراح نتجرأ ونفتح قلبنا لأي أحد .. الا اذا حسينا بحب وتفهم حقيقي من الطرف الثاني .. ~

ولما نلقى الامان عند شخص بنتكلم أكثر وأكثر من اللي متوقع يسمعه .. ~

هدفي .,

نقتدي برسولنا محمد – صلى الله عليه وسلم – ونتعلم آداب الحوار والإنصات .

روى الطبراني بإسناد صحيح عن عمر بن العاص رضي الله عنه قال:
" كان رسول الله صلى الله عليه وسلم يقبل بوجهه وحديثه على شر القوم ، يتألفه بذلك، وكان يقبل بوجهه وحديثه عليّ حتى ظننت أني خير القوم."

محتوى الموضووع ~

من الحين أقولك .. مش حتقدر تغمض عينيك

شوو اكثر شي يرفع ضغطك وانت تسولف ؟؟

انزل تحت وشوف بنفسك

!!!

خلينا صريحين مع بعض لما أحد يكلمك .. يا إما تكون سرحان بعيـد , ولا اتابع المسلسل ومب فاظيه لشخص ..

ولا جالس عالنت , ولا متنح في وجهه واتفكر في شي ثاني ..

عشان مانظلمك أكيد أوقات كثيرة تعطيه كامل انتباهك و تركز معاه ..

بس آهني بموضوعنا بنركز عالجانب السلبي ونشوف أسوأ أنواع الإنصات عشان نتجنبها .

1- التحليـق بعيدا ~

- مااقلتلج رحت البازاار يوم الخميس .. يالله يجنن . جايبين بروشات اوول مرره اشوفها فخممه .. وتقدرين تطلبين منها تسوي أي تصميم لو ودج ..

* يااسرياااااتي وين الشااهي ؟ اقول عبير روحي جوفي هاي وينها ويبيلي موبايلي ف الطريق ..

- خييير اكلم نفسي انا !

* هاه ! .. تكلميني .؟

- اااااااااااااه وانا من الصبح اكلم منوو ؟ انقلعي اللي تقولج سالفه مرره ثانية .

* مانتبهتلج والله

( هذا النوع أكثر شي يكرهك فيه النااااااس .. اللي قدامك يكون سرحااان وانت من كل قلبك اتقول السالفة آخرتها يقولك مانتبهت ! حلوها انتوا ! )

2-التظاهر بالإنصات ~

- شفتي شو سويينا اليوم في أبله صبحية ؟ انااا و هيااا خبلنا بهـآآ

* صدق

- هييييه فطاامي ياابت سلحفاة وصمغتهاا على كرسي الابله .. المهم كااانت تهااوش تهااااوش ومعصصصبه يلست عليهاااا وفغصتهااا . وكلللناا نقعنـآآ ضحك

* امممم

- هيييه . انتي مب ويااي .

* الا اسمع

( التظاهر بالانصات يعني تسوي نفسك تسمع وانت ابدا مو وياه )

3- الإنصات الإنتقائي ~

- اليوم يلست افكر في العيال . هالمدارس الخاصه مب نفس الحكومية أبد .

* ذكرتيني على طاري العيال .. يختي احترت وش البسهم في عزيمة أم نوورة… يوم اقول بلبسهم عاادي ويوم اقول لاا . لازم لبس كشخة بس ياخوفي يعدمونه باللعب .

( الانصات الانتقائي . هو اللي تاخذ من اللي تسمعه الكلمة اللي تهمك وآطنش الباقي .. حركة تقهر )

4- الإنصات للكلمات ~

الإنصات للكلمات يعني تسمع الكلمات بس بدون ماتشعر بمضمونها . مثلاً :

تقولج ربيعتج و نبرتها شوي حزينة : " شو رايج ف عوآش ؟ " .

وانتي تجاوبي : " ياحليــلها آتخبل "

بس لو حسيتي بنبرتها وشعورها بتعرفين انه في شي مب اوكيه

( اذا ركزت على الكلمات .. ماراح تفهم المشاعر . لازم كلمات ومشاعر ويه بعض )

5- الإنصات المرتكز على الذات ~

* يالله ياني اكتئااب , أحس اني ضاايعه من بعد ماخلصت الجامعه .

- انتي يااج اكتئاب ؟ بس عشان خلصتي جامعه ! عيل شو اتقولين لو اقولج شو استوالي عشان تعرفين الاكتئاب عدل أنا ياحبيبتي لي شهرين وانا … الخ

الانصات المرتكز على الذات يعني اللي قدامك لما اتكلمه عن موقف صارلك ..علطول بيقولك.. أنا و أنا.. ويتكلم عن مواقف له ولايهتم فيك ..

يركز على نفسه وبس ويبدأ عاد يقولك قصة حياته . وإذا عارضت كلامه .. ياسااتر

هذا الحوار يكون فيه منافسة كل واحد يهزم الثاني بكلامه ..

6- تقديم النصائح ~

- الدكتورات في قسمي يسدون النفس . تعاملهم زي الزفت .

* يوم كنت قدج وانا ادرس في الكلية كانوا يحقرون دفعتنا كنا صغار ومانعرف شي في الجامعه وهم دايما يحطمونا.

بس تحديت نفسي وسرت أشارك في المحاضرة وخليتهم يحفظون اسمي من كثر ما أسألهم .

- ياخي أحسهم شايفين نفسهم . يعني مايعطونا ويه حتى لو رحنالهم . هذاك اليوم سألتها عن الـ ..

* ياابنتي , الجامعه عالم ثاني لازم ترزييين ويهج في كل مكان مااعلييه خلها تهاوشج أهم شي انها تعرفج ..

(تقديم النصائح .. يكون من أهلنا أو اللي أكبر مننا , هم يبوون يفيدونا من خبرتهم . لكن أحنا كل اللي نبيه أنهم يسمعونا وبس . )

7- الإستجواب ~

- أهلاً حبيبي اخبارك ؟

* الحمدلله .

- كيف الدوام اليوم إن شاء الله ماتعبت ؟

* لا ماتعبت .

- المدير قالك شي عن المشروع ؟

* لا

- غريبة !! ... هو طلبه منك أمس ؟

* هيه .

- انت قلتله انك تشتغل عليه ؟

* هيه

- لااازم تقوله لايحط احد بدالك , ما جفته اليوم ؟

* نورة خلااااص تراني تعباان مالي خلق اتكلم

- ليش تهاوشني هذا وانا شايلة همك

(الاستجواب يصير لما واحد يسألك في وقت انت ماتبغى تتكلم فيه ويسألك سؤال ورا سؤال .

اذا يوم حسيت أنك تساءل شخص .. وكان الجواب مختصر أو مارد عليك
اعرف انك تسوي استجواب . الناس أوقات تحس انها مو مستعده للكلام.. اتركيه فترة بعدين اسمعيله وقت مايرتاح . )

ما أظن تبـآ تكون نفس الناس اللي فوق ! تعالي انكون أحسن منهم ..~

Brb ~ __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ودي افضفض واقول اشتقت لك والله العظيم mms	محروم.كوم	منتدى أخبار المواقع والمنتديات العربية والأجنبية	0	06-14-2010 03:50 AM
ندى للأخ (الكنعد) هل تسمعني؟؟؟	محروم.كوم	منتدى أخبار المواقع والمنتديات العربية والأجنبية	0	06-04-2010 10:50 PM
ريثان القصيم ان كنت تسمعني اجب	محروم.كوم	منتدى أخبار المواقع والمنتديات العربية والأجنبية	0	05-02-2010 03:10 AM
للبيع ببغاء امزون يلوناب (متكلم)	محروم.كوم	منتدى أخبار المواقع والمنتديات العربية والأجنبية	0	03-12-2010 01:20 PM
حل هالأسئلهـ وأطلب أي شيء تبيه <<<أي شيء جد أتكلم	xXx DooBaH FallaH xXx	المواضيع المكرره	3	06-10-2008 05:06 PM