رواية الى حكى فيني قبل لايقول شي قولوله يعدل وقفته لاطراني

العبقرية ميمي · 03-20-2014, 02:56 PM

الدكتور راح صوبهم انتو أهل راشد عبدالله ال
حمد : لادكتور نحن أهل راشد محمد ال
الدكتور : اوهه السموحة منكم على بالي انتو أهل راشد عبدالله المهم بغيت اقولكم انا راشد محمد في غرفة رقم 306 الطابق الثالث
منصور ماصدق راح صوب الدكتور : دكتور انتا شو تقول يعني رشود مافيه شي ً ً ٍ ً مسح على ويه وقال : الحمدالله الحمدالله يا بي
ام منصور : ودوني عنده ابا اشوفه

ملاحظة : ترا ناصر مايعرف عنده زام بيرجع على يوم السبت وهم يوم الجمعة
بو منصور : الحمدالله الحمد والشكر لك يارب
الكل توجه صوب غرفة راشد اما راشد كان ينوح ويصيح : ليش مامت ياربي ليش يعلني أموت ويفتكون مني
وفي اخر كلمة كلهم دخلو
ام منصور راحت صوبه وحظنته : فديتك يابوي ليش نفتك منك فديتك شوف من قالولنا انك مت كلهم صاحو عليك
بو منصور راح صوبه وحبه ع رأسه : الحمدالله ع السلامة ابوي ليش جي انا اعطيك السيارة عشان تسرع وتقتل عمرك
رشود والدمعه فعينه : أسف ابوي والله أسف بس انتا لو تدري أني انا ما استاهل كل خير منك المفروض تخليني مثل الكلب انه اصلن حيوان ماتعلم الصح اذا سويت شي غلط الحين خواتي شو ذنبهم شو ذنبهم وتم يصيح
بو منصور : ياولدي لاتقول هل الكلام الحين المهم صحتك واخواتك مافيهم شي
رشوود شاف الدم الى في كندورة مروان صرخ عليه : ليشششش ليششش انتا ماتفهم ليش رحتله ليش خليته حمود هاذا واحد خايس مابيخليك في حالك انتي غبي شو الحين شو بيفكك منه وتم يصارخ
مروان : وانته شو ذنبك ها شو ذنبك شو ذنبك اخواتك لكن هو لووووث وانا وحمود بنتصرف وبندفع الدين خلاص ارتحت
رشووود : لا انتا وحمود مابدفعون شي انا اصلن كلب أني تسلفت من عند هذا الحيوان معن أهلي ما مقصرين وياي بشي بس انا حمار
الكل علامة تعجب ع روسهم يفكرون شو مستوي منصور تكلم
منصور : رشود انتا عندك دين
رشود نزل رأسه : شو تباني اقولك ياخوي تباني اقولك عن سواد ويهي
منصور راح صوبه وبكل حنان : راشد انا اخوك قولي بساعدك وانا مابا حد يضرك
رشود : انا كنت ابا اتسلف عشان اعدل سيارتي قلت مابخبركم بعتمد ع نفسي رحت وتسلفت من واحد لوث ماكنت اعرف عنه شي بس بعد فتره بعد ماعدلت السياره اكتشفت انه مال سوالف وهددني اذا ما رجعت فلوسه باجر بيدخل أخواتي في السالفة انا كنت ابا اعتمد على نفسي كنت ميمع كم درهم يعني نص المبلغ بس باقي نصه بس هو مايبا يتريا
منصور بكل حب : كم المبلغ وكم نص المبلغ الى عندك
رشود : المبلغ ااا 20,000 والي عندي 11,000
منصور : خلاص يعني باقي 9000 خلهن علي اسمع اخر مرة فاهم وابتسم
رشود حظن منصور وقاله : الله يخليك لي ولا يحرمني منك لا انتا ولا امي ولا ابوي لا خواتي
كان يكملون مروان و حمود : ولا يحرمك منا
الكل : هههههههههه
بو منصور : الله يخليكم لي الحين ارتحت اذا الله خذ عمري عندكم منصور ونعم التربية
اليدة : الله يخليكم لي
الكل : أمين ويخليج النا
( عاد العيوز قولي الله لايحرمني منج يزاتي اكتب الرواية مالت عليج ، اليدة : جب جب كتبي وانتي ساكته ، العيوز قويه بعد انشاءالله يدوه )
مروان : يالله الحمدالله ع سلامتك
رشود : الله يسلمكم كلكم اختصر هههه
الكل : هههههههه
قامت نوفيه ويلست على كرفايته وحضنته وقالت : اذا ثاني مرة سرعة انا بقتلك سمعت
فيصل : حشى يبوج مب إنسان جانج بتذبحينه
نوفيه : بابااااا شوفه
الكل : هههههههه
ام حمد : هيييييي نسيت شواقه واحمد
بو حمد : دقي على احمد اكيد يالس وياها يلعبون السوموني مالتهم
الكل : ههههههههه
بو عزوز : لا بالله اخوي خرف ههههه اسمها سوني سوني
بو حمد : وانا شدراني فيها الى هي شو التفكرني فاضي مثلك ماعندي شغل
بو عزوز : ههههه البركة في عزوز ومروان وله انا ماعرفها ههه
الكل : ههههههه
عزوز : ابوي عاد بدال لاتكحلها عميتها انا ريال مالعب هالسوالف ) يكذب عليكم عشان الحب موجودة
بو عزوز : هي مرة الا كنك كل يوم معسكر فيه
عزوز : معسكر وله جيش ههههههه
الكل : هههههههه
بو عزوز : يالسخيف مايضحك
عزوز : ابوي عيب الحين كبرت انا بعد بعرس شو تبا اكثر
اليدة : زين زين أشر وانا بخطبلك اياها
عزوز : لا لا يدوة بتريا حمد ومنصور لين يختارولهم بعدين بنعرس مع بعض عشان كل واحد يحط نص المبلغ عشان الصالة والكوشة والترتيبات
حمد ومنصور : هي صح لسانك
اليدة : ها ها اشوفكم مستعيلين عيل خلاص يالله عندكم هذن نوروه ومريوم وشواخ
نورة ومريم وشيخة فتحن عيونهن : شووووو
هندوووه وزوز ونوفيه وعلايهه : ههههههه واكككك كيكككك مصخرره
اليدة : اي اصطلبن تراكن الا شراتهن إمرة مابتروحن بعيد
( العيوز انا منو خليتيلي ، اليدة جب جب سكتي انتي انتي حدج البنقالي مال الدكان ، اي العيوز ماعليه دواج عندي )
شوفن اشرت على هندوووه وقالت : انتي محيرة لرشود سمعتي سمعت بو حمد سمعت بو منصور من الحين اقولكم
هندوووه فجت عينها وتمت تكح : كح كح كح ش كح ي كح كح يدو كح انتي يدوه انتي الى بتعرسين ولا انا
اليدة : طبي ثمج وانا حيرتكم لبعض ومالج شغل
رشود اكتفى بالسكوت لانه باقي وايد يعني لين ماتتخرج هي
اليدة أشرت على زوز وقالت : انتي لمروان خلاص حيرتكم لبعض سمعت يابو عزوز سمعت يابو منصور
زوز : اا يدووووووه شو ها موب كيفج
بو منصور : زوز عيب سكتي وسمعي
اليدة أشرت على علايهه وقالت : انتي لحمود سمعت يابو حمد سمعت يا بو عزوز
علايهه : ييييدوهههه
اليدة : جب جب سكتن أنتن الحين محيرات عنبوكن ريايلكن أهني سكتن عيب ماتستحن ام عليكن
نوفيه : ككككك مصخروكن
البنات : وانتي مب زد عنا
هني فصول ابتسم
اليدة أشرت على نوفيه وقالت : انتي لفيصل سمعت يابو عزوز سمعت يا بو منصور الحين كلكن محيرات وان سمعت الكن صوت ياويلكن وسمعن أنتن يالحريم اي حد اي يخطب قولن محيرات لعيال عمومتهن سمعتن

الحريم : انشاءالله عمووه
الحين اليدة أشرت على ميرة وقالت : انتي لحمد سمعت يابو حمد سمعت يابو عزوز أهني حمد ابتسم
اليدة أشرت على شواخ وقالت : انتي لعزوز سمعت بو عزوز سمعت بو منصور
الحين اليدة أشرت على مريم وقالت : وانتي لمنصور وجي خلصنا ومحد ناقص غير شوق واحمد هاذيل عاد الله كاتبلهم جي حظهم سمعتوا يا عيال الحين يوم الخميس هذا بنسوي خطبة رسميه من بين حمد وميرة ومنصور ومريم وعزوز وشيخة سمعتوا اتجهزوا وبتيلسون مع بعض لمدة نص ساعة سمعتوا
الشياب : انشاءالله اماية
الحريم : انشاءالله عموه
البنات والشباب : انشاءالله يدوه
اليدة : يالله خلو راشد يرتاح الشباب بيلسون وياه
الكل راح بس الشباب تمو مع بعض
حمد : يدوة يابتها في الصميم
منصور : هي والله
عزوز عايش الجو : فديتها والله شفتوها كيف فجت عينها
منصور : بابا ترانا هني
عزوز : مراحب الشيخ حياك
الشباب : هههههه ارقد ارقد
كلهم رقدوا بعد السوالف طبعن الشي الى ماتعرفونه انه الشباب والبنات فرحانين لانهم محيرين للي يحبونهم

توقعاتكم هل الخطبة بتمر على خير ام شي بيستوي
هل زوز موافقة ع مروان وليش
هل بتخترب خطبة منصور ومريم
بنشوف كل ها في البارت الياي واقولكم ترا انا منزلة بارت احتياط عشان اذا شفت ردود وايد بحط بارتين __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
رواية اكشن:(ماهو العيب فيك العيب فيني؟؟يوم حبيك)	دااانه غير	استراحة قصص وابداعات الاعضاء	44	05-10-2014 04:01 PM
Ampe A10 لايقوم بتخزين شبكات APN	محروم.كوم	منتدى أخبار المواقع والمنتديات العربية والأجنبية	0	03-04-2013 05:20 PM
ويش الذي في وقفته شيف مايل	محروم.كوم	منتدى أخبار المواقع والمنتديات العربية والأجنبية	0	10-07-2012 09:40 AM
رواية جديدة للدكتورة ناعمة الهاشمي 2012 تعالوا يا بنات رواية شما وهزاع احلى رواية	محروم.كوم	منتدى أخبار المواقع والمنتديات العربية والأجنبية	0	04-21-2012 05:50 PM
يا اهل الهير قولوله	هنووده	طلبات الاعضاء	4	09-15-2009 05:11 AM