موقف عجيب: صيد الأمس هرب وسحبته يوم ثاني !!

محروم.كوم · #1 03-17-2014, 01:00 PM

السلام عليكم

هل حصلت لك أن هرب منك صيد وفي اليوم التالي سحبت صيدك من البحر ؟!!

اسمع ماحدث لي

اليوم الأول:

كنت يوم الجمعة الماضي أسحب الجلة بعد الإرسال داخل البحر
كان السحب قووي وجامد حتى توقعت انه مشير لكن بالهداوة لقيته يجي معي لكنه يقيل وببطئ
وسحبت سحبت منه مسافة قربته مسافة معقولة من الشاطئ فجأة توقف وحسيت لو سحبت أكثر بيقطع وكان الخيط 90 نوعية ممتازة أتوقعه ألماني (من فترة شاريه)
تركته وثبت الجله ورحت أكمل بشغل ثاني..

بعد تقريبا 20 -30 دقيقة رجعت للجلة بسحب لقيت الخيط خفيف ومقطوع !

طبعا عض الأصابع لابد منه خاصة ماكنت أعرف شنو هذا اللي صار وهل كان فيه صيد ولو اني كنت وقتها متأكد 90% كان فيه شيء..

اليوم الثاني :

ماكانت لي النية أحدق يوم السبت لكن قررت أروح بسبب الحسرة وعض الأصابع للموقف اللي صار لي..

كان الهواء خفيف لما وصلت اشويات كل قلب الهواء قوي وغيم فقلت دام اني وصلت والعدة جاهزة ما بتراجع أكمل لو إرساليتين ممكن يكون خير...
أرسلت ثلاث سنارات وما خلصت إلا الخيوط طايرة في الهوا وعدت حجر الكورنيش وصلت الى الكورنيش على العشب ههههههههه والطعم ضل في البحر..

أخذت نفسي أشيل العدة خلاص مافي فايدة.. وكنت أشيل في السنارة الثانية حسيتها ثقيلة وانها تسحب معها شي.. قلت ممكن كيس لان ماكان فيه جر.. وصلت نهاية الخيط وكان خيط ميدار السنارة ثلاثي شابك في ميدار ثلاثي من خيط الأمس المقطوع عندي !! قلت جابك الله سبحان الله.. في خاطري مثل مابخاطركم يطلع في هالخيط شي طيب.. بديت أسحب خيط الأمس بيدي ولاحظت انه ثقيل وأنا أدعي بالخير في وسط السحب مافي جر فقلت شكله كيس أو شي هيك بالبحر حتى وصل لي عند الحجر وكان في بالي مرسوم انه كيس لانه ما يتحرك دققت فتحت عيوني طالعت بقوة شنو هذا !! طلعت لخمة ضخمة ... بسحبها فوق الحجر قلت حرام أخليها تموت على الفاضي مسكت الخيط بيد بطلع الجوال أصور إلا اللخمة مثل فيل كان نايم وصحصح فقامت تجرررر كان بتقص يدي أبي أمسك أتحمل ما في فايدة حاس يدي بتروح فتكرت الخيط وطارت به في البحر !!

في خاطري اقول الحين عرفت شنو اللي كان معي الأمس الحين بطل العجب يا سبحان الله

ليته كان هامور ^^
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
مشاهدة تحميل حلقات مسلسل غريب عجيب 2 الجزء الثاني الحلقة التاسعة 9 بعنوان موقف السيارة	محروم	مسلسل غريب عجيب 2	94	04-16-2016 07:00 PM
موقف عجيب فهد يرحم قرد صغير عبرة وعظة . لبني البشر	محروم.كوم	منتدى أخبار المواقع والمنتديات العربية والأجنبية	0	01-26-2014 06:50 PM
مشاهدة تحميل حلقات مسلسل غريب عجيب 2 الجزء الثاني الحلقة العاشرة 10 بعنوان موقف السيارة2	محروم	مسلسل غريب عجيب 2	75	02-23-2012 05:05 PM
موقف طريف لسمو الشيخ حمد بن خليفه ال ثاني في باسكن روبنز	محروم.كوم	منتدى أخبار المواقع والمنتديات العربية والأجنبية	0	09-05-2011 12:00 PM
أرجو من الجميع الدخول والتعليق على الموضوع والرد بجد وصراحه -موقف موقف موقف	محروم.كوم	منتدى أخبار المواقع والمنتديات العربية والأجنبية	0	06-12-2010 01:20 AM