تعال وخلنا نرجع..تسمع وانا لك اسمع..

محروم.كوم · #1 06-07-2009, 12:10 AM

الحزن ماهو لعينك
الحزن خله علي..
خلني باشيل همك..
يابعد ناسي وهلي..

من علمك هذا الكلام.. من علمك هذة الأسيه..
وانت اللي متعود تنام..وتفتح عيونك عليا..
هذا اللي مااتوقعه.. واللي اشوفه واسمعه..
بعيش عمري من معه..لوتاخذ ايديك من ايديا..
من علمـــــــــــك..
حنيتك راحت لوين.. وش فيك ماتشتاق لي..
من بعد ذيك السنين..بديت تتمادى علي..
علمني وش سويت لك.. ش جاك مني.. ش قلت لك..
مو كافي اني مدللك..ومقدم عيوني هديه..
من علمـــــــــــك..
اول تتمنى جيتي والبعد عني يعذبك..
واللي مزود لوعتي.. الحين قربي يتعبك..
غريبه والله حالتك..ياللي الليالي غرتك..
شلون ابنسى عشرتك.. وانسى لياليها الهنيه..
من علمـــــــــــك..

تشتاقك روحي في كل لحظه..
تتعبني بغيابك عني..
قلبي وهو قلبي يحبك
يامحبوبي اكثر مني..

لا تتعبني يكفي القلب مجروح
لاقلت أحبك اسكت واسمعني
ماجيت أدور فيك لوعات وجروح
جيتك وانا كلى أمل تسعدني
جيتك وانا كلى أحاسيس ووضوح
جيتك ابي لو ساعة تفهمني
والله ماغيرك سكن داخل الروح
ولا غيرك انت وسط قلبي وعيني
...

فيك لايمكن اغير موقفي
انت محبوبي على كل الظروف
ثابت رايي ومهما تختفي
لك مكانه فايقه كل الوصوف
ترجمي يادمعتي له واوصفي
حالتي في الحب مكسور الكفوف
....

متى نرجع مثل اول..حبايب عن بعض نسأل..
وننسى كل شي صار.. ومهما يصير مانزعل..
خذتنا هموم وجابتنا..ومدري وين ودتنا..
صحيح الفرقا هزتنا..وكل ايايمها تنمل..
تعال وخلنا نرجع..تسمع وانا لك اسمع..
ترى هالغيبه ماتنفع..ياليت لحلها نوصل..

اسهر معي خلي خلق تبات وتنام..
اسرار قلبي وقلبك نفتح كتابها..
خلك معي وسط روحي..
اسكن العين بين الجفن واهدابها..

انا آسف على اعذاري.. عجرت القى عذر فيني ..
يليق بغلطتي بحقك ويرجع كل شي كان..
احبك كثر اخطائي..وادري انك تحبيني..
وادري لو تفارقنا..فلا نقدر على النسيان..
اذا تقوي على فراقي وبعدي عنك..خليني..
اما مليت من دور الكرامه لعبة الغفران..
قليل العمر ياللي انت دموعك ماتساويني..
حرام انه يضيع فراق.. هي من قلها الأحزان..
..............

لوفرضنا كنت انا البادي بخطاي.. واعترفت بذنبي كله وغلطتي..
اعذرني واسمع صوتي ونداي.. باتعذر لك واعاند عزتي..
من بعدت وانا في همي وشقاي.. ضيعت درب السعادة درب السعاده خطوتي..
ان رضيت شرقت شمسي بسماي.. وان زعلت فيني ضاقت دنيتي..
فوقك الله.. لاتزيد بعناي.. لاتردني وقدري عنوتي..
مايغرك ياشقى قلبي وهناي.. لو سمحت لي اوضح كلمتي..
اعتذاري كان اثبات لهواي.. ولا تخليني اعيش بحسرتي..

تعبت انزف جراحي

حبر وادور للألم اسباب..
لأجل احكي شعر
بعض اصغر معاناتي..
قفلت من الأسى بابي..
وسجنت الكون خلف الباب..
وعصتني دمعة فيها..سؤال لكل اجاباتي..
..........

ضـــــاقت بيك..تبقى عايزني اكون حواليك..
ضحكت ليك اخلاصي يكون حمل عليك..
في الحالتين ساكت..لابنساك ولا عايز انساك..

أنا لا شفتك بضيقة أحس اني أنا الغلطان
أعاتب نفسي بنفسي ولو ما كنت أنا الجاني
طلبتك كان لي خاطر
تبعد عنك الأحزان
فديت عيونك الحلوة
تبسم لو على شاني
تصدق بسمتك والله
تفرح خاطري الولهان

أناماأبي من الدنيا سوى لحضة لقى وحده-
أبي أطيح من طولي على صدرك وتحضني!!
تعبت أشد بك حبل الشوق وأمده..
أبي أشكي على صدرك عطش هالحب !!
أرويني..دخيلك لاتخليني ترى صبري وصل حده..
"أهيم بعالمك طفل أمانه لاتخليني؟؟!

نعم والله في حبك.. واحلف اني انا احبك..
ولكن بيننا حاجز.. وخوف وبرد..
وعالم همها دايم تدوس..
انا روحك انا بوحك
انا اللي في هواك اهيم..
انا صدقك وانا ضنك
وانا المكتوب في دنياك
وغيري مادرا عنك..
انا تاج الوفا المحسوس
وطوق العاشق الملبوس..
وزهره مشرده في الريح...
تبي تلمك..
تبي الدنيا تكون عيون..
وانت النوم وتضمــــــــك..

فقدتك!!!
والزمن ما يرحم أوجاع الحزين ولا يداويها...
فقدتك!!!
وانكسر قلبي ومدري كيف تاليها...
فقدتك!!!
وانطفى فرحي من الدنيا وما فيها...
فقدتك!!!
وآآآآآآه لو تدري حياتي كيف أقضيها...

صباح الخير ياعمري.. عسى عمرك صباح وخير
صباح الامنيات الحالمه.. والورد والمرمر

طيور القلب طارت لك .. وباقي في خفوقي طير
بيحضن حبك الخالد .. ويرعى بيتك الاخضر

من الغربه أنادي لك ..واناديلك واشوفك غير
أشوفك غير ما شفتك .. أشوفك اجمل وأكبر

وكل ما قلت اتغزّل .. يخون عيونك التعبير
أعوّد واعترف إني .. على التعبير ما أقدر

أحبك قد ما أحبك .. أحبك مالها تصوير
سوى إنك ملكتيني ..وعشتي داخلي وأكثر

تعالي نترك الدنيا .. ورانا وآخذك ونطير
تعالي رجعيني لي .. وخليني أعود اسمر

تعالي من ورى شمسي .. تعالي نترك التبرير
شموخي واحتجاجاتي .. وصرخاتي بدت تصغر

أنا عاشق اذا جيتي .. وعاشق لو بدا تقصير
على كل حال انا عاشق .. وحبّك داخلي يكبر

نسيت أقول لك انك .. عناوين الفرح والخير
وذكرت آقول لك .. اني أحبك قد ما أقدر

ليه لاقلت احبك
ينزرع بالقلب ورد ؟
والهجير يصير برد
واشعر بقيمة حياتي
وان هذا الحب ذاتي ...
ليه لاقلت احبك
الظلام يصير نور ؟
والغياب اللي ذبحني يموت في يد الحظور ..؟
وتولد بفمي قصيدة ريحها عطر وزهور ؟
والطيور تطير بدري وتصبح الدنيا تدور ؟
ليه لاقلت احبك
ينتهي فصل الخريف ؟
وتنتهي قصة ورق اصفر تكاثر عــالرصيف ...
ويبتدئ " فصل التلاقي " مثل مااحلم في لقاك
وتحلم انت في عناقي ...
" ياحنااااااااني "
يا أشتياقي ... واحتراقي ..
ليه لاقلت احبك
يوم احبك
ينتهي ذاك الجمود
وينصهر ذاك البرود
وتنلغي في عالمي كل الحواجز والحدود
ليه لاقلت احبك
يصبح العالم خيال
كلها بكلمة احبك
الأمل يصرخ تعال
ليه لاقلت احبك
أشعر بمعنى الجمال
ودي اعرف ياحياتي
وش إجابة هالسؤال ..؟ __DEFINE_LIKE_SHARE__

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
(قصص لم تسمع بها) إلى من يريد التوبة اسمع أخي .. نفعك الله بعبره ..	محروم.كوم	منتدى أخبار المواقع والمنتديات العربية والأجنبية	0	04-20-2009 05:20 PM
(قصص لم تسمع بها) إلى من يريد التوبة اسمع أخي .. نفعك الله بعبره ..	محروم.كوم	منتدى أخبار المواقع والمنتديات العربية والأجنبية	0	04-20-2009 05:10 PM
(قصص لم تسمع بها) إلى من يريد التوبة اسمع أخي .. نفعك الله بعبره ..	محروم.كوم	منتدى أخبار المواقع والمنتديات العربية والأجنبية	0	04-20-2009 05:00 PM
(قصص لم تسمع بها) إلى من يريد التوبة اسمع أخي .. نفعك الله بعبره ..	محروم.كوم	منتدى أخبار المواقع والمنتديات العربية والأجنبية	0	04-20-2009 04:50 PM
من صغر سني وانا اسمع الدنيا تدور	أم عفراء	شعر و خواطر	7	06-12-2008 11:28 PM