السلام عليكم ورحمة الله وبركاته
اخواني واخواتي
بدت هذه القصه من بقرة عندنا الله يعطيه النقر وكم كنت اتمنى انه تموت كانت ماتعرف تقول الحمدلله ودايم تاكل الليل والنهار وغاثتن بريحته وكل مامريت من عنده بس تجرر وماه و بس هذ ا ان اللي اروح للمزرعه واحصد واجيبه له العلف لعله لطاعونه وتحبون العلوم الطيبه مرتين باليوم اروح الصبح وتالى النهار تقل اشتغل عنده
قطعت قلبي وكتوفي ونا ماغير رايح جاي يعله لطاعونه واذا ماشبعت تعال شف انواع الهوش كله على شان المزيونه وع
يوم من الايام كنت احصد بالمزرعه ذره سودانيه نوع من الاعلاف وكانت طوال تغطي الى نصف الرجال جنب بركه اصبع بوسط المزرعه وفكر وشلون املى بطن هاللي ماتنطرا احط له صنوخ وكرب لعله تشبع يامل الباقور
وناظر يمين وشوف الرجال اللي يختل على شوي شوي بنجنب البركه يما انسدح شوي يزحف على بطنه وشوي يطلع راسه من فوق المعدل اللي بالساقي وانا معه ومادري وش السالفه
اعرفو اني ركزت المخلب بالارض وتركت الحصاد من البلاغه بس ابا شوف اللي يبي يصير وليش هو يزين كذا
وشوف انا على يمين البركه نحم نوع من البط يوم دريت يوم بان خشم البندق

اوين متجه
علي مباشره
يوم انعقد لساني وغدا تقل تكاكه حبل وسد حلقي
وعينك ماتشوف الا النور
ودووووووووووووووووو
ونا اصرخ وطيح على جنبي وقوم اصوت ياوليه الرجال ذبحن ونا هاك الوقت صغير
الرجال المسكين يسمع اللي يصايح ولايدري وش اللي قدامه واوجعه قلبه
يوم قرب وشاف الوالد والدم والله ويصرخ ويهج
والله انه من السرعه انه تقل طير متقفيه هواء
الحمدلله الرميه بارده وجت على الفخذ والورك ونا مع التدربي جاء دم على بطني وهذ ا اللي هبل الرجال يحسبه ذبحن وبرقت بحالى واثر ماهنا شي كايد
قلت لنفسي بندق وصيد والله من اللعانه تدرون وين راح فكري
على طول التتن واستريح من تجميع القطوف
وروح لربع لى اباليس قلتلهم القصه كذا وكذا تحسبهم سألو عن
قالو الكلام وش تتزين بالبندق قلت اول خلونا نطلع الحلبي وذا قضينا علمتكم
المرا طلعوهن حتى وحده بعيده جاب واحد مشبك كبير ونخجروه لين طلعت حطينا عليه رماد وربطنا رجلي
والله وروح وبيع البندق 42 ريال وشري كرز تتن ابو بس والحمد لله اللي فكنا منه
وادفنه بالمزرعه وكل يوم انا والربع نطلع شوي ونشري خمس كراش او مشن كانت الوحده بأربع قروش وتعال شف الفسق وكان معنا واحد الله يقطع بليسه يقول مافيه احد يرمين ونستمر على هالحال وناخذه بالدور
لاكن ياجماعه والله انه مثل ما أوجعه قلبه اني موجعن قلبي وضميري وتصدقت عن الرجال بقيمة البندق عدة مرات باسمه ومحلله بالف حل وضل
وما كتبت هالموضوع الالعله يصله خبر او يسمعه من احد حتي يستريح وان كان بدار الحق فحل ورحمة ورظوان من الله عليه
اللهم امين
وان كان هناك مشورة لي بهذ الامر او تقصير فأشيرو علي
وصلى الله على سيدنا محمد