قصہ الحبـ ما يسگـنـ قلوبـ ومحانے الحبـ أسمىآ عاطفہ تسگـنـ الروحـ ..

سميتكـ غلاآآيهـ · #1 06-06-2009, 06:11 PM

مرحبـــآآآآآ ملآآآييــــــــن في ذمتيهـ ولا يسدنـ وان زادنـ فلآ بآآآسـ ....

شحالكمـ الغـــآآليـــن ؟؟

مممممممم .. اليوم يبت الكم قصة رووعهـ ما فيهــآآآ حيلهـ ...

أبا ريآآيكم فيهـآآآ بكــل صرآآآحهـ ....

" الحب ما يسكن قلوب ومحاني ..! الحب أسمـــــــــــــــى عاطفه تسكن الروح " ,,,

==========
العايلات ,,,,,
عايلة سالم بن راشد ( بو حميد ) ,,,
سالم ( بو حميد ) " ريال متقاعد من شغله , طبعه هادي وطيب .. نادر ما يسولف ... هاادي فـ كل شي . "
حمده ( أم حميد ) " انسانه طيبه شرى ريلها وتمووووت على عيالها , وما تفوت يلسات ولمات الحرمات "
حميد ( عمره 23 سنه _ يدرس فأمريكا تخصص كمبيوتر _ انسان طيووب وحبووب _ الكل يحبه والبيت بلياه هب شي ,, حلوو وجماله هادي .. عليه سوالف .. رومنسي بالقووو .. ولا يستحي كله فـ الويه .. )
حمد ( عمره 20 سنه _ يدرس فـ التقنيه _ عليه سوالف _ ماتنمل اليلسه فياه خص اذا تولف ويا عيال عمومته (سعيد وحمدان ولد خاله) .. حلو وجماله رهيييييب .. طول وعرض وهيبه ..شعره اعلى عن جتوفه بشوي ونعيييييم والكل غيران منه خخخخ .. فيه غمازة على جهة اليسار .. تذبح وعاد هو روحه من جماله ما شالله يذبح وان ضحك يذبح زوود يوم تبين غمازته .. وهو وحمدان وسعيد اذا شلوا او غنوا محد يرووم على صوتهم من حلاته ) ,,,,
الريم ( عمرها 17 سنه _بدش الجامعه ان شالله _ عليها جمال رهيييييييب .. جسم وعود وطول وعيون كبار ورموش طوال ونظره ذبوحيه ... ومنطوق عذب وصوت يذبح ورقص رهيب وهيبه فضيعه وبشره بيضه هاديه ونعيمه وفيها غمازتين .. ان رمست او ضحكت بينن حتى وهي معصبه تبين وخص اذا سكرت عيونها وعقت حوايبها .. انسانه فنانه وحبوبه وربشه وعنيييييده.. فرفوشيه من الخاطر ما تنمل اليلسه فياها واللي فقلبها ع لسانها ما تحب تيود شي فقلبها وويها لوح ما شالله .. ولي يحب الريم لا تلومونه لو صابه شي من سبايبها .. أحلى وحده فـ بنات العاايله ),,,

---------

عايلة معضد بن راشد ( بو سعيد ) ,,,
معضد ( بو سعيد ) " انسان طيب .. طول وقته يقضي أشغاله وبرى البيت نادر ما ييلس فيا عياله ... ومن سبايب حرمته والمشاكل لي تستوي بينهم منها كره البيت واليلسه فيه .. "
موزه ( ام سعيد ) " انستنه مزاجيه وعصبيه أحيانا ... والاجواء تكون متكهربه أحيانا بوجودها ... "
سعيد ( عمره 20 سنه _ يشتغل فـ الجيش وكل مره يحجزونه لأسباب مجهوله خخخ ... _ حلو ووسييييييييييم ع قولتهم ... ما شالله ربي عاطنه جمال رهيييييييييب وشخصيه حلووووووه ..)
الصغيره ( عمرها 17 سنه _ بدش الجامعه فيا بنت عمها وربيعتها الروح بالروح * ريمااانووه _ الريم * صح ربي عاطي صغيرووه جمال .. بس الريم أحلى عنها بواااااااااااااااااااااااااااايد .. رغم ان فيهن نفس الملامح وفيهن شبه .. بس الريم شخصيتها وجمالها غير .. )

----------

عايلة سلطان بن عبدالله ( بو زايد << اخو حمده ام حميد )
سلطان ( بو زايد ) " انسان طيب ومربي عياله احسن تربيه عشان جي مخلنهم شوي يعني فرييي ",,,
ظبيه ( أم زايد ) " طيبه وربشه وتيلس عند عيالها وتحاول تتفهم بلاهم ؟؟ وشو مضيج ابهم ؟؟ واليلسه فياها صراحه ما تنمل .." ,,,
زايد ( عمره 23 سنه _ ربيع حميد ويدرس فياه فأمريكا _ حلووو وطيوب وربشه .. خفيف دم ويحب يغلس ..),,,
سارووه ( عمرها 21 سنه _ تدرس فالجامعه _ عندها ربيعه سمها العاش خويتها الروح بالرووح _ حلووووووه من الخاطر وكلمة حلووه شوي عليها _ ربشه و قلبها صافي وكبير وما تحط فخاطرها بسرعه خخ ..عاقل .. * شيخة الحريم ع قولة بوها *.... حلوووه .. عليها عوود حلو ونظره تذبح وضحكه تعذب .. جسمهاحلو ),,,
حمدان ( عمره 20 سنه يدرس فـ التقنيه ... حلوو ... وجماله هاادي ... ),,,
فطيم ( عمرها 19 سنه _ ... ما شالله حلوووه .. _ ربشه وفرفوشه وراعية سوالف واليلسه بلياها هب شي .. عليها لسان وعنيده ودومها تتواقع فيا ختها العنود .. وهن الثنتين ربشه ..),,,
العنود ( عمرها 18 سنه _ آيـــــــه من الجمال ما شالله _ من جمالها فيها شوية غرووور ... ودومها تمدح عمرها ..خخخ حليلها بس سواالف _ اللي يشوفها يتخبل عليها من حلاتها _ ربشه وعليها سوالف وعنيييييده وكله كااااااش فالويه ما تيود شي فقلبها كله ع لسانها .. بس كل لي يخصها تكتمه ومستحييل تشكيه لحد ... هب بالساهل تنياب منها الرمسه ),,

----------

عايلة بو مجتوم ... ( الله يرحمه )...
بو مجتوم ( متوفي من زماااااان )
أم مجتوم ( هي لي ربة عيالها .. وربتهم أحسن تربيه والكل يمدح فيهم .... ما شالله ... هي طيبه وحبووبه )
مجتوم (ربيع حمد وسعيد وحمدان والشباب الباجين الرووح بالرووح وعمره 20 شراتهم ما يفارجهم بس قبل كان ساكن فبوظبي وما يعرفهم و يوم كان عمره 11 سنه و سكنوا فسويحان فتره عرفهم والحين رد بوظبي عند هله من اربع سنين وما قطع اتصالاته ويياته عنهم ... حلوو وجماله رهييب فيه هيبه ما جذبت ان قلت تبعثر عزة انسان من الخااطر .. وكل من شافه حبه .. اسلوبه رووعه وشكله يعق الطير من السما سبحان ربي جن ربي عاطنه نص جمال يووسف ... رهييييييييييييييييب بالقوووووو ... يويل من الخاطر .. محطم الرقم القياسي فـ اليووله ... صوته حلووو ... أحلى واحد فـ ربعه كلهم من دبي او بوظبي وحتى العين .... )
شيخه ( عمرها 19 .. نسخه مصغره من خوها .. حلوووووووه من الخاطر .. وحرمة بيت ... يعتمد عليها ما شالله .. والكل يمدح فيها .. وباره بامايتها ... ما شالله الله يحفظها لهلها )....

--------------------

الجزء الاول ....
فـ سويحان ........ فبيت بو حميد ....
الريم : اميــــــــــــه .. اماااااااااااااااااايااااااااااااااااا ................
محد يرد ...
الريم : لاااااااااا حوووووووول وين ساروا هل البيت ...... ميييييييييييرييي .... ميرررررررري وصمخ ..
ميري : واات مدام ...
الريم : امي وين ؟؟؟!
ميري : رووه بيت جيران ...
الريم : اووفففف يا امايا وقته تسيرين بيت يراانا الله يهداج ......!
ولن حمد حادر عليها ...: السلاموو عليكووو ..... كيفهووون الحلوييين ؟؟؟
الريم : وعليكم السلام .. منيحين ....
حمد : وين اميه ...؟؟؟؟
الريم : فبيت ام علي ,,,
حمد : انزين قومي حطي الفواله فالميلس ربيعي بيي ...
الريم : ان شالله ...
وقامت الريم وسارت المطبخ ويلست تعابل وترتب الفواله وميري تساوق الفواله صوب الميالس .... وعقب سارت الريم وحطت دخون وسارت الميلس ودخنت وردت داخل وسارت غرفتها وتسبحت وعقب نزلت الصاله ...
حمد ( وهو نازل عقبها ) : ها ريمانووه زهبتيها .؟!
الريم : هيه ...
ولن ام حميد حادره عليهم : السلام عليكم عياليه .....
حمد والريم : وعليكم السلام ....
الريم : اميه وينج عنبو ......؟! يوم أباج ما القاج ويقولون اليه انج فبيت ام علي .... شو جي ..............!
ام حميد : عاد يا بنتيه اتصلت اليه تباني اقصر الدوب عندها وما بغيت اردها .....
حمد : ما عليه ريمان صار خير .. ( وصد صوب امايته ) اميه مجتوم بيي صوبي اليوم ...
ام حميد : وااااااااايه علني فداه ... وصل والا بعده ؟!
حمد : بعده .. بس اليوم هو والربع بيتعشون عندنا ...
ام حميد : حياهم الله .. نورت سويحان بييتهم ...
الريم : حمد .. سعيد وحمدان بييون ؟؟!
حمد :هيه ..
الريم : خلهم ايبوون البنات فياهم ...
حمد : خلاص الحين بدق لسعيد وحمدان وبخبرهم .....
اتصل حمد لسعيد وحمدان وخبرهم اييبون البنات لان الريم تباهن يقصرن الدوب عندها ....

فبيت بو سعيد ,,,,
فغرفة الصغيره ,,,
الصغيره : فففففففف شو ألبس ؟؟؟!! يا اخي والله محتاره .............
ويلست صغيروه تيرب كل ساعه شي .. واخر شي لبست بدله بنفسجيه عليها خطوط ذهبيه بس رهييييييييبه .. ولبستها وتكشخت وتريت لين بو عسكوور يقولها ركبي السياره بنسير صوب بيت عمي ...

فالسياره ,,,
صغيروه : سعيد ... حمدان بييب خواته ....؟!
سعيد : هييه ...
الصغيره : اللاااااااااااااااااااي هههههههه ولهت على عنااادي ... سوالف فديتها ...
سعيد من يابوا طاري العنود طااااااااااااار ( يالله علني فدى هالطاااااااااري وراعيته ) ,,,
سعيد : جم يابت فـ نسبتها السنه لي مضت ؟؟؟؟؟!!
الصغيره : غالبتني انا والريم ........ ونحن قلنا بنغلبها ماااااااالت ... ما ضوينا شراتها ...
سعيد : جم ؟؟؟؟!
الصغيره : انت تتوقعها جم ضووت ؟؟؟؟؟؟!
سعيد : انتي يايبه 89 والريم يايبه 91 يعني مممممم يمكن 92 ....!
الصغيره : ما شالله عليها يابت 93 ....
سعيد ( مستااااانس من خاطره ) : والله ؟؟!

الصغيره : حليلها تستاهل ....

وصلوا سويحان ولقوا حمدان وخواته موجودين قبلهم ....
العنود : مرحبا مرحباااااااا ملاااااااااااااااااااااااااااايين ولااااااااايسدن فـ ذمتيه وان زادن فلا باااااااس ....
الصغيره : ههههههههه يا ويلي ع اللي يرحبووون .....
العنود : نووورت سويحان ... ......... بوجودي طبعا ... خخخخخخخ ...
الصغيره : وانا اقول بنت سلطان ما تسير بعيد الا بترد وتمدح عمرها ....
الريم : من حقها والله .... حد يشوف هالجمال وما يمدحه ....
فطيم : بسكن بسكن لا تكبرن راسها ...
الصغيره : حليلها شكلها ما يدل على انها شيطوونه ...
سارووه : هااااي هب الا شيطوونه .. قوولي شياطين العالم راكبه راسها ...
العنود : بل بل ... لهدرجه انا كريهه ومغرووره .....؟!
الصغيره : هههههههههههه اكثر مما تتصورين .....
العنود ( اونها برطمت ) : حليلي ................
الريم : ههههههههه عاد كله ولا العنود .....
فطيم : محد مكبر راسها الا غرشووبووه << الريم .......
العنود : غيرانه .............؟( واطلع لسانها ) ...
فطيم : ماشي موونه ......
: ههههههههههههههههههههههههههههههههه ,,,
ويلسن يسوولفن ...

أما فالميلس ........
مجتوم : هههههههههههه غربلاتك ... ضيف انا مالت عليك .....
سعيد : غربلك الله قبل يومين تقول انا هب غريب انا من هل البيت واحين تقول ضيف ؟؟؟؟!
مجتوم : ههههههههههههههه شو اسوي انتوا ما تون الا بالعين الحمرا .....!
حمدان : يالله مجتوم عد علينا ....
مجتوم : هب مزهب شي خخخخ ... حمد شل شي .. ونسنا .........
حمد : يا ذا الوليف انته حياتي .. والله احبك موت بجنون .. يا من سكن في وسط ذاتي .. انا بجمالك صرت مفتون .. يا بو عيون مدعجاتي .. سوده حرسها رمش لجفون .. وخدود حمر مورداتي .. والخشم سلة سيف مسنون .. والا الثنايا الناصعاتي .. صف(ن) من الدانات مزبون .. لك يادل(ن) خمس رضفاتي .. مكسي وضافي فوق المتون .. تمشي شرى ظبي الفلاتي .. بالراض تتمخطر على الهون . . ما تخاف ربك يا غناتي .. من ناس حولك لا يموتون .. يا جامع(ن) احلى الصفاتي .. كل شي لجلك يالغلا يهون .. في غيبتك اسأل واحاتي .. ع البال دوم ودوم تطرون .. وان مر طيفك في سباتي .. فزيت له ورحبت مليون .. بعدك يسبب لي شقاتي .. ابات طول الليل مغبون .. ساهر وتخنقني عبراتي .. وارضف الونات بلحون .. ما همني قول الوشاتي .. ولا العواذل لو بيحكون .. يا ذا الوليف احفظ وصاتي .. صون المحبه يالغلا صون .. انته الغلا وسيد البناتي .. غصب(ن) عن اللي ما بيرضون ...
مجتوم : اوووووووووب لا لا الريال مستصيييييب ..............!!!
سعيد : لاتتخبر مستصيب مستصيب ...
حمدان : ومنو هاي سعيدة الحظ لي حبها الاخ الكريم ؟؟!
حمد : ســـــــــر ... لو سمحتوا لا تتدخلون فخصوصياتي .... خخخخخخخخخ ...
: هههههههههههههههههههههههههه ...
مجتوم : بو شهاب مردك بتقول ........
حمد : لا ماااااااا بقووووووووول ......
حمدان : هههههههههههه بنشوف .....
حمد ( يغير الموضوع ): ما بتظهرون اليوم صوب الموول ؟؟؟!
مجتوم : أنا ودي الا الوالده تباني اسير ابها صوب عرس فدبي .........
سعيد : وبتضرب خط من العين لبوظبي وعقب لدبي ؟؟؟؟؟! ما يخلصك .......
مجتوم : هههههههههه جيه لو السالفه فيها ضرب خطوط من البدايه بكنسلها .. الا امايا اليوم هني فالعين وبتبات هني .....
سعيد : والله زيين بتريح من الخطوط ....
وقاموا الشبيبه وساروا المول ومجتوم سار يودي امايته دبي .... ووصاها ما تتاخر لان ما فيه يتم ساير راد من العين لدبي ومن دبي للعين وعقب من العين لدبي ويرد مره ثانيه لانه تعب علييه ... طبعا امايته يوم نزلها سلمت ع الحرمات وخذنها السوالف وتأخرت لين الساعه 10 ونص فهالوقت ظهروا العرووس ... ومجتوم يوم طفر من اليلسه اتصللها وقالها تظهر لانه مواعد الربع .. وظهرت امايته ووداها بيت خالوته وعقب رد بيت ربيعه حمد .. يتحراهم هناك .....

أما البنات زهبن العشا ويا ام حميد وحطنه فالميلس هن والخدامات .... وعقب سارن بيردن داخل ....
دخلن البنات كلهن الا الريم لي طرشتها امايتها تزهب الجاهي اللي يحبه اخوها وربعه .....

دخل مجتوم ومالقى ربعه والمسكين كان عطشان وبما انه يدل المطبخ سار ودشه ........ ................................

الريم كانت عاطتنه ظهرها وتخبر الخدامه ترتب الكوبات فالصحن .. وهو يوم دخل ما انتبه الها لانه كان يلعب بتيلفونه .. ويوم وصل جريب من الثلاجه شااااااااااااااااافهـــــــــــــــــــــــــــا .......... جان يتفادى المووقف وبسرعه قال ...: أحم احم ...
جان تتغشى الريم عنه ........... بس عقب شو ......! خخخخ شافها مجتوم .. ما شالله لقط الصووره خخخخ ...
مجتوم : سمحيليه الشيخه ما دريتبج .......................
الريم ( غربلاااااااااته محلاااااااااااااااه .. الا شو من المذهب فيه الهرم حادر بيت العرب ولااااا وداش مطبخهم بليا اذن )<<ما كانت تعرف انه مجتوم لانها من زماااااان هب شايفتنه وتغير وحلوو بعد: بالحل الشيــــــــخ ....
مجتوم ( ويييل حاااااااااااااالي .. يااااااا ويلي ع المنطوووق حلووووه واايد الا منو هاي ؟؟ )<<ماكان يعرفها بعد لانه من زماان هب شايفنها .. من يوم كمل 14 سنه ما شافها .. : سمحيليه ياي اشرب ما ...
جان تسير الريم وتصبله ما وتناوله ولا ارادي لمس صبوعها ..... جان تستحي الريم : سمحليه ............
مجتوم : بالحل ....
وظهرت الريم عنه وظهر قلب مجتوم عندها الاااااااا يبا يعرف منو هاي الذبووحيه ... العيون الوسااع والرمش جنه سهم صووييييب ......................

فقسم البنات ..........
الريم : غربلاااااااااااااااااااته هب حلااااااااااااااااااه عليه ... ملك استغفر الله من حلااااااااااااته .. مزيووووووووون والله حلووو بالقووووو ..... يعق الطير من السماااااا ..... ما شاااااااالله ..
الصغيره : شوي شوي ... لا تموتين علينا ... بسج لا يستوي عليه شي ....
العنود : ودي اشوووفه ... قومن بوايج من البلكونه .. هزرج يبين يعني بشوفه والا هب من هالجهه ؟؟؟!
فطيم : عناااادوووه ينيييتيييي ...!!!!!
العنود : عادي ما يضر .. لمحه بسيييييطه .... فطيم ادريبج حتى انتي متخبله تبين تشوفينه بس تكابرين .. خااااااابرتنج ...
ساروه : ههههههههه نحن محد بيجرب أخرتنا الا عناادووه ...
العنود : حلييييييييييييلي ...
فطيم : حلج حلول خمس سنين ورى بعض قولي آمين ...!
العنود : خيييييييييييييييييييييييبه خييييييييييييييبتج يا فطييييييييييييييييييييم .. تبيني اقبض زام فالحماام ( عزكم الله ) ..................!!!؟!
: ههههههههههههههههههههههههههههههههههههههههههههههههه ....
الريم : خسكن الله .....
يوم كانت العنود تقول هالرمسه .. بالصدفه كانوا حمد وسعيد مارين بيسيرون صوب قسم حمد .... ومن سمعوها تقول ( اقبض زام فـ الحمام ) نقعوا من الضحك ........ وسعيد تم سرحان يفكر فيها ... بيتخبل من سبايبها .. وحمد عيبته شخصية فطيم بس طنش لان قلبه حب وحده بس هب لين هناك ... ع قولته مشاعره مضاربه .. << هذا دومهن مشاعره جي ... خخخخخخ........
المهم وقامن العنود وفطيم والباجيات وسارن صوب البلكونه ووايجن .. ولان غرفة الريم يبين فيها المطبخ والميلس .. على جهة اليمين المطبخ وعلى جهة اليسار الميلس .. وجدامها سيده يبين باب الدروازه .. مكانها استراتيجي طـــــر .....
الريم : هااااااااااذوووووووا شوفن بو غتره حمره تشووفنه ؟؟!
العنود : اللـــــــــــــــــــــــــــــــــــــــه حلووو .....
فطيم : خيييييييييييييبه ذنيه الله يخسج يا عنااادووه ...
والبنات يضحكن على هالبنتين وين ما يلسن لازم يتناقرن ويغلسن ع بعض ........
ساروه : الله يخسكن قصرن على حسوسكن لا حد يسمعنا والله بزوالنا ....
الريم : هههههههههههههههه والله بننفد من صريخج يا عناادووه ...
الصغيره : حلوووووووو من الخاطر ما شالله عليه ...
الريم : احم احم ما يطيع زينهم شباب العايله ....
الصغيره : وخص حميــــــــــــــد وخوه وولد عمــه و.................
العنود ( تقاطعها ) : نعم نعم وحمدان وين وديتيه .. ماكون هب تارس عيوونج ؟؟!
الصغيره : آآآآآآآآآآآآه بقـــــــــــــــره بنت خالج ... وبعدين انتي ما خليتيني اكمل ...
ساروه استحت ونزلت راسها وفطيم صدت بنظرها بعيد لانها تعرف انهن يبن يحرجن سارووه ولانها تقصد حميد اللي يحب ساروه ويبااها من خاطره وهالشي ما تدريبه عناادووه عشان جي العنود لانها هب فاهمه السالفه تمت تهازب .. ( وشوفيه اخويه ؟؟؟ وهب مالي عينج ؟؟) ومن هالكلام .... عاد صغيروه وريمان ما تحملن جان ينقعن من الضحك .....
العنود : ضحكتن بليا ضروووووووووووس ..... شو يضحك ؟؟؟!
سارووه : عناادووه سدي السالفه صدعتي براسي .. وحمدان حلو غصب عن الكل ... جب .. مالت عليج صدق بقره ....
العنود : اتحرى هب تارس عيوونهن .. كنت بدمهن بالرمله ...
الصغيره ( وهي صدق ودها تنقع من الضحك فووووويه عناادووه اللي هب داريه بالحب لي معذب ناااااااااس بسباااايبهاااا ) : دميهن جان فيج خير ....
العنود : يالله ننزل تحت ورى الفله عشان ادمهن ...
فطيم : يهاااااااالوووووووووووه ... ما تقول هاذيل الحين فالجامعه .. جنهن بنات توهن داشات كيجي ون ...
الريم : ههههههههههههههه حليلناااااااااا ...
فطيم : حلكن حلوول ....
العنود : بتخبرج شايفتنا متان ودرامات ما نروم نهبط من البااااااااب ... من اصبحتي وانتي تدعين علينا بهالحلوووول ......!!

ام حميد : الريييييييييييييييييم .... ساروووووووووووه ... ريمااااااااااااااااااانووووووه ..... صغيرووووووووه فطيييييييييييييييييم ... آآآآآآآآ عنااااااااااااااادووووووووووووووه .....
الريم ( وهي تفج باب غرفتها ) : لبيييييييييييييييييييييه ....
ام حميد : تعالن عشـــــــــــــــا ... زقري البنيات .. لا يستعيلون الشبيبه ويقولون الهن يرووحن ...

الريم : خمس دقايق ونازلات ...
ام حميد : دهديـــــــــــه ....
ونزلن البنات وتعشن ... وعقب اتصل حمدان وقال لسارووه انهم بيسروون ....
سلمن البنات على ام حميد والريم وصغيرووه وظهرن ...........
حمد من شاف فطيم تسمـــــــــــر مكاانه بس كالعاده يلس يقول فخاطره( لا لا يمكن معجب بشخصيتها .. لاني أحس أني أحب شما ... << وحده تعرف عليها كانت فيا قوم الريم تدرس ) .. وسعيد بغا يتخبل على العنوود وهي ترمس فطيم وتسوي حركات بايديها .... وسارووه فحاااااااااالها المسكينه وسااكته ....
ركبن السياره وعقب ما سلم حمدان ع الشبيبه ركب السياره وقبض دربه صوب فلتهم ...
فطيم : عنااااادووه خسج الله قوووووومي لا تنسدحين وصلي البيت وسيري غرفتج ورقدي ...
وحمدان وسارووه يضحكون ع تووم وجيري اللي كل يوووم على هالحاااااااااااااال ...
عناادووه : فطيم والله تعبانه ابا ارقد ...
الكل يعرف ان رقاد عناادووه ثجييييييييييييل .. ولو رقدت بيسهر حمدان الا يوعيها ...
حمدان : لا لا دخييييييييييييييلج عناادووه وصلي البيت ورقدي لو تبين جدام باب الفله بس فالسياره لا ترقدين وابات سهران اوعيج ........
فطيم : هههههههههههههههههههه يعني طيعي الرمسه .... لا تتسبحين بالما وانتي رااقده ...
: ههههههههههههههههههههههههههههههههه...

هااااااااااااه شو رايكم بالباارت الاول __DEFINE_LIKE_SHARE__

قلب حاير · 06-10-2009, 05:25 AM

يسلموووووووووووووووو ع البارت __DEFINE_LIKE_SHARE__

reemoooh95 · 06-10-2009, 01:54 PM

[glow=ff0066]يسلموووو ..

\و نتريا البارت الثاني بأسرع وقت[/glow] __DEFINE_LIKE_SHARE__

سميتكـ غلاآآيهـ · 06-10-2009, 09:48 PM

وين التفاااعل
ما عيبتكم القصة ترا ببطل انزل __DEFINE_LIKE_SHARE__

النيادي مجنون · 06-11-2009, 02:43 AM

مرحبا الساع
شحالج اختي سميتكـ غلايه
الصرااحه البارت طرر

ونتريا البارت اليديد
متى بتنزلينه __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
قصہ الحبـ ما يسگـنـ قلوبـ ومحانے الحبـ أسمىآ عاطفہ تسگـنـ الروحـ ..	سميتكـ غلاآآيهـ	استراحة قصص وابداعات الاعضاء	2	02-19-2010 12:39 AM
أنـــــــــــــــــ الحبـ ـــواااعـ **	وحشـ عيونكـ ـتني	الشعر المنقول	2	10-06-2009 11:26 PM
هلـ يستمر الحبـ رغمـ البعد والمساافاتـ..	الاميرهـ الصغيرهـ	الحوار والنقاش - الرأي والرأي الآخر	18	02-04-2009 03:39 PM
...{ ٌٌُ كآآفيـ تعيشـ أحسىآس الحبـ نعمه من ربي وهبهآآ > فدآآعه الرحمــــن	яôǾô7-έłĢsёёđ	تصاميم الاعضاء	14	12-29-2008 12:20 AM
16 سببـ منها تعرفـ انكـ تعيشـ اجواء الحبـ	ريـ القطرية ـم	المواضيع المكرره	10	01-23-2008 12:10 PM