قصة وقصيدة المرأة التي عندها 7 اطفال وتزوج عليها زوجها...حياكم.....

الرهيب القطراوي · #1 06-06-2009, 03:33 PM

السلام عليكم ورحمه الله وبركاته.........

حكايه القصيده حزينه قرئتهاوأردت نقلها هنا لأخذ العظه .
الحكايه طويله اختصارها.
ان امرأه متزوجه وعندها سبع عيال واراد زوجها ان يتزوج عليها بدون علمها.
فأحتار بتجهيز العروس الجديده .
راح الزوج لزوجته وقال لها ابي تروحين معاي للسوق وتشترين كل
اللي بخاطرك من ملابس وغيره
المهم الزوجه فرحت المسكينه وراحت واشترت كل شي بنفسها من
مكياج وملابس وغيره وغيره وهي مو مصدقه نفسها
ولما رجعت للبيت كانت الصدمه حيث سألها زوجها عن الاغراض سألته .
عن السبب قال اصلاا الاغراض هذي للعروسه الجديده لاني بصراحه .
ماعرف اذواق الحريم وانتي اكيد تعرفين اكثر منى.
الزوجه المسكينه من هول المفاجئه اغمى عليها ونقلها للمستشفى.
وجلست فى المستشفي وهي بغيبوبه كامله بعدها سبحان الله افاقت .

بقدره الله سبحانه اخذت تسأل الاطباء والممرضات عن اهلها وعيالها .
ولكن للأسف ماحد سأل عليها .
وجلست خمس سنوات وهي ماشافت واحد من اولادها.
بعدها قالت هذي القصيده :
تكفيـن يـا طـيـور الـحـرار افزعيـلـى .
ابـى عـن ديـار الاهــل مـنـك اخـبـار .
تكفـيـن حـومــى فـوقـهـم وارجعـيـلـى .
وإلا ان حصل لك حومه داخل الـدار .
تـكـفـيـن حــــول بـيـوتـهـم دوريــلــى .
سبعـة فــروخ يــوم اخليـهـم صـغـار .
شوفـى ضنـاى وعـودى وانكفـى لـى .
واشلونـهـم يــا علـهـم صــارو كـبـار .
نـسـوا دفــاي ونومـهـم فـــى شلـيـلـى .
وش علمهم يا علهـم بطـول الاعمـار .
قـولــي لـهــم ان امـكــم لـــه عـويـلـي .
خمـسـه سنـيـن دمـعـهـا دوم مـــدرار .
وقولـي لهـم إنــي عـلـي طــول ليـلـي .
أنــوح ولـيـا قــرب الـصـبـح أنـهــار .
وقـولـي عيـونـي دايـمـا لـــه همـيـلـي .
تبكـي ليـا شـافـت مــن الـنـاس زوار .
كـل يـوم اقـول غـدى حديهـم يجيـنـي .
راحــت سنيـنـي مـابـهـم واحـــد زار .
وانـا اللـي مـن سبـت سـوات الحليلـي .
حـالــي تـــردة كـــل مـالــه وتـنـهـار .
وفرقـا ضنـاي الـلـي تــردت بحيـلـي .
كني علـى شوفتهـم اصلـى علـى نـار .
يـاويـلـي كـــان الله عـجــل رحـيـلــي .
وانـا لـي سنـيـن ابــي لـوهـي اخـبـار .
ياعـونـة الله مــن يـبـي يرتـكـي لـــي .
جـارت علـي بأمـر الله كــل الأقــدار .
تـنـكـروا مــــن يـدخـلــون الـدخـيـلـي .
واللـي بوسـط ديـارهـم يـامـن الـجـار .
قـولـي لـهـم يـاطـيـور قـلـبـي علـيـلـي .
الله يكافـي قلوبـهـم صــارت احـجـار .
وانـا اللـي لـبـراق الخـيـال استحيـلـي .
وقـــول يـاعــل ديـرتـهـم لـلأمـطــار .
تكـفـيـن وســـط ديـارهــم صوتـيـلـي .
شوفي عسى لأسمي مع الناس تذكار .
وقـولــي لـمــن نسيـانـهـم يستـحـيـلـي .
يالـلـي نسيتـوهـا تــرى الـوقـت دوار .
ياهـيـه يالـلـي بالـسـمـا لـــك هـديـلـي .
ردي خـبــر تكـفـيـن يـكـفـي امــــرار .
شوفـي هـاك اللـي نومهـم فـي شليلـي .
مـن اذان المـغـرب لـوقـت الأسـحـار .
شوفي هـاك اللـي ماتهنـى فـي مقيلـي .
إلا مـقـيـل مـعـهـم كـبــار وصــغــار .
وقـولـي لـهـم ان كــان حمـلـي ثقيـلـي .
مـره يجـون وعقبـهـا شــي مـاصـار .
وانــــا يـتــولانــي كــريـــم جـلـيـلــي .
ياعلـنـي فــي جـنّـة وســـط الأبـــرار .

لكم مودتي وتقديري.....

مــدام ان ديــرتـي دار التميمـــي .....فنا ما ضنتـي يحجــب شـــعـاعــي
تـربينـا علـى حـــب الطــــــليـعـه ..... وندعس للوطـن روس الافــاعـي
نعيـش الــرفعته ونعيـش لاجلـــه .....وانمــوت العـزتـه مـوت جمـاعـي
قطـر داري ودار ابـن الفجـــــاءة ..... بـلادٍ نبتهـا سـيـف ويــــــراعـــي

& الودعاني عاشق الريان &
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
قصة الفتاة التي بكت عليها الملائكه.... حياكم .....	الرهيب القطراوي	قصص و روايات	2	06-11-2010 08:37 PM
المرأة التي قتلت زوجها!! .: قصة حقيقية ترويها صاحبتها :.	محروم.كوم	منتدى أخبار المواقع والمنتديات العربية والأجنبية	0	02-19-2010 01:10 AM
قصه وقصيدة الشاعره(موضي الدهلويه) مع زوجها!	محروم.كوم	منتدى أخبار المواقع والمنتديات العربية والأجنبية	0	01-10-2010 08:30 AM
قصة المرأة التي ابكت ملك الموت....حياكم.....	الرهيب القطراوي	قصص و روايات	7	09-24-2009 01:04 PM
مارأيكم الشخصي في المرأة التي تتجسس على زوجها؟!	محروم.كوم	منتدى أخبار المواقع والمنتديات العربية والأجنبية	0	07-16-2009 08:30 AM