رواية "خلك على صدك ترا خاطري طاب نفسي عزيزه والعرب خابريني"

يتيمة حبيبي · #1 02-14-2014, 11:49 PM

السلام عليكم ورحمة الله وبركاتة ..

خلك على صدك ترا خافقي طاب نفسي عزيزه والعرب خابريني ~
بين جبروة الاب وقسوة الحب
هناك رجل تهان كرامته من اجل امراءة فلا يكتب الله بينهما النصيب
عطف الام وحنانها
نفران الابناء من والديهما
الحب الصادق النادر في هذا الزمن
براءة الاطفال ورحمتهم
عطف الاخ على اخوته
خيانة الايام ونهاية السعادة
تبلد المشاعر وبرودتها
هناك زوجة تظلم بسبب زواج تقليدي
واخ يبتعد عن اخيه بسبب مشاكل تلدها الايام
كيف يتشتت شمل العائلة بعد ان كان ملتم
وكيف يكسر الاخواة الحاجز بينهم
وكيف ان المجتمع ينفرون من ابناء الحرام الذي لا دخل لهم باقدارهم

وكيف يتناسون الاشخاص ماضيهم المؤلم
كيف ينهدم الحب الذي انبنى لمستقبل بعيد
اترككم مع خلك على صدك ترا خافقي طاب نفسي عزيزة والعرب خابريني لتعرفو نهاية هذه الاقدار
اتقبل نقد الجميع لكن بدون قلة ادب
لا احلل من ينسب روايتي اليه
ولا تهملوا الصلاة بسبب القراءة
قراءة متتعة للجميع
يتيمة حبيبي
__DEFINE_LIKE_SHARE__

يتيمة حبيبي · 02-15-2014, 12:10 AM

*البارت الاول*

الله لا يهديك راحه لو تغيب بيوم عني . .

الساعة ثلاث ونص الفير دخل البيت وهو يدندن جافه كله ظلام الا الابجورات الصغار مفتوحات استغرب خواته مب واعيات ابتسم يعني ما ايون إلا بلعن الخير اتذكر يوم امس يا وجافهم عصب عليهم لانه محذرنهم ومارمسهم شكله فاد فيهم مستوي هل كم يوم ايي من وقت بالنسبه له ولسهراته وهو يمشي صوب الدري: منازع خواتك وانته بروحك احين داخل البيت
التفت جاف ابوه راح وبأسه على راسه: السموحه الوالد بس تعرف بعد انا ريال محد بيقول شي بس هن حريم يوم بيونهن بيسئلون كيف كانن عايشات والصراحة هلزمن مافيه أمان وماتعرف ع شو يسهرن
ابوه: ترا انته بعد يوم بتخطب بيسئلون عنك وبناتي انا اعرف كيف مربنهن
:اكم ها اخواني كانو اخس عني ومشالله كل واحد فيهم معرس وعنده عيال ومحد ذم فيهم انا اعرف منو خواتي ولو ما اخاف عليهن جان خليتهن ع هواهن
ابوه:عييت فيك ما قول إلا الله يهديك
باسه على راسه: انته تاج راسي بس تامر وأنا انفذ المهم ابويه شتسوي قاعد أهني ف ها الوقت
ابوه: اقرا قران لين ما ياذن يابوك
: انزين ترياني بروح اتيدد وبيي وياك بنروح رباعه بالسيارة بدال ماتمشي
ابوه: لا ابويه خل نتمشى احسن عن يتمرد علي شيطاني
ابتسم حق ابوه على هيبته وصرامته والكل يحسبله ألف حساب إلا انه جدام ربه يستوي ذليل: انشالله ابويه الي تامر به يلا خل اتيدد عن يخونا الوقت
وراح غرفته حط فوناته على فراشه فصخ قميصه وخذاله كندورا من كبته ووزار وفانيله ودخل تغسل و تيدد وطلع لبس ملابسه وجاف الساعه استوت اربع طلع من غرفته جاف البيت كله منور ابتسم احين كلهم بيقومون بهزبه من ابويه جافه ابوه من الفتحات الي فوق: فهد قوم خواتك من النوم
فهد: انشالله طال عمرك
راح صوب غرفة خواته وفتح الباب جاف الغرفة ظلام وفاتحين المكيفات وانتبه حق ليت الفون الي تسكر يوم فتح الباب: اها يعني بعدكم ما تسمعون الرمسه قومو صلو والخبر بيوصل عند أبوي اوكي يا خواتي المحترمات الي تسمعون الرمسه
: فهد تعال يعني مب من أول مرا ما نرقد من وقت
فهد: اسكتو مابا ولا وحده منكم ترمسني والطلعة الي واعدنكم فيها انسوها ما تستاهلون راد من وقت عشان أنام وأقوم من وقت واطلعكم بس طاعو منو بيوديكم
: فهد بنصلي وبنام سوري ولله
طلع وهو معصب يعني لو سهرانات على شي مفيد مابيقول شي بس سهرانات على الفونات والفونات هاي الأيام الله يستر من بلاويها جاف ابوه وهو يدق الباب على اخوانه ويقومهم: ها فهد قومت ريم وشيخة
فهد: قايمات بعدهم ما نامو

ابوه: يلا انزين عشان نلحق نصلي ف الصف الاول
فهد: انشالله جان قلتلي انا بدق الباب على اخواني بدال ما تتعنا لين فوق
ابوه: خلني دامني فيني هبه يوم بتكسر عقب مابتعنا
فهد: الله يعطيك الصحة والعافية
نزلو تحت وخمس دقايق ويو اخوانة
الابو: يلا فهد زايد حمدان
وطلعو كلهم وراحو المسيد تمو لين الساعة خمس الفير ورجعو البيت جافو امهم مجهزه الريوق دوم جي ف بيتهم أيون من الصلاة يتريقون ويروحون يجهزون حق الدوامات
بو زايد: السلام عليكم
ام زايد: عليكم السلام حياكم يلا يا بنات يبو الاكل الباقي
كلهم راحو صوب أمهم وباسوها على راسها ويو البنات ورتبو السفره وباسو ابوهم على راسه: شحالكم بناتي
البنات: بخير الحمدلله
أم زايد: فهد حبيبي متى رجعت تحسبتك بطول
فهد: لا وين توني راجع قلت بيي بناملي شوي واعد خواتي اطلعهم
ام زايد: ودر السهر ولدي مب زين حق جسمك الله يحاسبك ولدي
فهد: خليني عايش حياتي عقب بتيني حرمه بطلعلي قرون صح اخواني
زايد: لا غلط بس انته دورلك مثل حرمتي
فهد: احلام ترا اخوي بياع رمسه وغمزلها
احلام مرت اخوه: هههه حرام عليك
فهد: ههههه
أم زايد: الله يصلح حالك ولدي
فهد وهو يضحك: امين
بؤ زايد: بدال الهذرا الزايدة تعال كلك لقمة
فهد: لا بلعافية عليكم مابا
أم زايد: عشاني ولدي تعال كل شوي طاع شقايل غادي مصفر وضعفان
فهد: لا تلزمون علي يا جماعة احسني شبعان
أم زايد: تعال عندالي يلا ولا كلمة
فهد وهو يضحك: ههههه عشانج ولله ولا انا مافيني اكل
وراح يقعد حذال امه ومنزل راسه قاعد على فونه جان تضربة امه على جتفه: انا قلت كل ما قلت اقعد على ها الضر
فهد: ههههه اميه قلتلج مابا اكل
أم زايد: مب على كيفك يلا افتح حلجك بلقمك
شيخة: ماماتي تراني انا آخر العنقود مب فهد
فهد: انتي لا تدخلين بيني وبين أمي فاهمة
أم زايد: فهد بلاك على اختك
فهد: خل تولي
بؤ زايد: فهد اسكت
فهد: انشالله
ونزل راسه على الفون
ام زايد: يلا فهد افتح حلجك
فهد وهو متضايق ويهمس: مابا
ام زايد: بلاك حبيبي
فهد: مافيني شي
ام زايد: يلا عشاني
فتح فهد حلجه وكل القمة يوم خلص يبلعها وقف وهو معقد حياته: أكرمكم الله
ام زايد: وين ما كلت ابويه
فهد: تعبان امي بروح انام
ام زايد: انزين تعال كل شوي عقب بتقوم من الرقاد مابطيع تاكل واحين مب طايع تأكل قولي انت متى تاكل يلا اقعد ولا بزعل عليك
قعد فهد وهو ساكت
حمدان: بلاه الياهل زعلان طاع براطمك واصلات لين غرفتك
فهد: اسكت انت الثاني
زايد: فهد اليوم اجوفك ف الشركة الشغل كثران هل ايام وانت بس تسهر واداوم نص دوام وترد البيت تنام
فهد: حبيبي اليوم ويكند
زايد: مشكلتك امس مب مداوم تعال اليوم عوض
فهد: ياربي زايد انا أبا أنام عقب بودي خواتك ابويه قايللي اوديهم
بؤ زايد: خله ينام وعقب بيقوم بيصلي الجمعة و بيتغدا وبيودي خواته وعقب بيداوم
فهد: تبعان ياناس افهموني
بؤ زايد بصرامه: محد قالك تم لين الفجر برع البيت
فهد: اوكي خلاص احين بروح أبدل وبيي الشركة وبطلع وبودي خواتي وبرد الشركة ومابطلع من الشركة الا الساعة ثنعش فليل وبرجع البيت وبنام وبقوم الساعة اربع الفجر وبخلي حياتي مثل الحريم أظن جي بيعيبكم صح كل ما أسوي شي مايعيبكم
بؤ زايد: إذا هاي حياة حريم عيل حياة الريايل شو انته بس الي فاهم كل شي غلط تداوم وترجع البيت تبدل و تفرفر طول اليوم وترجع الفجر تناملك ساعتين ثلاث ماتمل انته
ام زايد: خلاص بؤ زايد هدي مابيصير الا الي يطيب خاطرك
وقف فهد وراح غرفته وهو متغصص كل حد حاط عليه فر فوناته وبوكه على الفراش ودخل تغسل ولبس بجامته طلع من الحمام جاف امه على فراشه: هلا اميه فيج شي
ام زايد: لا حبيبي بس تعال اقعد عندالي ابا أتكلم وياك شوي
راح فهد وقعد حذال امه: امري الغالية
ام زايد: فهد ابويه انته احين ريال الي كبر معرسين وعندهم عيال وكم مرا اكلمك وتقول بعدني مابا أعرس احين ابا استانس ف حياتي وخليتك على راحتك بس مب جي عاد تقعد لين أنصاف اليالي برع البيت أبوك يضايق من هالشي وخواتك حبيبي انته سندهم من بعد عين ابوك خف عليهن فهد
فهد: الله يطول بعمره اميه انا اعرف شو أسوي انا فاهم وما اطلع أسوي منكر ولا شي حرام اقعد ويا ربعي وايي وخواتي خل يراجعن تصرفاتهم وبعاملهم زين كلمتهن وسون عمارهم خلاص ودرن كل الي يسونه ها الخربطان وآخر شي ينخشن ف غرفهم جنه محد يجوفهم وقوليلهم طلعت اليوم أبوي كلمني مرا ثانية ف المسيد وقال ودهن ولا انا كنت ما بوديهن
ام زايد: الله يهديكم يلا ابويه ما اطول عليك يوم بتقوم بنرمس نام احين ريح طاع ويهك كيف غادي وفهد اخوانك يحبونك يبون مصلحتك لا تزعل منهم
فهد: انشالله امي انا مب زعلان على حد
ام زايد: يلا تصبح على خير
فهد: وانتي من اهله
قامت ام زايد وقام وياها فهد: ها اميه وين رايح ما بتنام
فهد: امبلا بس بسكر اليتات
ام زايد: خله انا بسكره
فهد: مشكوره أمي الله يطول بعمرج انشالله
طلعت ام زايد وهي تدعي حق عيالها وتغطى فهد وغفل جان يسمع الباب يندق وانفتح: فهد نايم
فهد: شتبين خلصيني بوديكم أظن قالتلج امي ها الي يهمكم بس خلاص بسويلكم اياه وبجوف لين وين بتوصلون وطلعي برع وسكري الباب ابا أنام تعبان
شيخة: انا اسف فهد ماكنت اقصد ونحن سمعنا كلامك ولله حتى ماقعدنا ف الصالة عشان انام بس مانقدر انام على طول
فهد: خلاص شيخة جفت وسمعت بما فيه الكفاية منج انتي واختج توعدون وماتتفذون خلاص انا بسكت عنكم وانتو دورولكم أخو مثلي بس اعرفي مابتحصلون أخو يعامل خواته مثلي كلهم متشددين وكلهم عصبين ومحد منهم يسوي سالفة حق خواته بس انا لأني ماباكم تطلعون مثل هايل البنات قاعد اسويلكم جي بس انتو طاعو بشو تجازوني شيخة الله يخليج تعبان يوم بقوم بنرمس اطلعي وسكري الباب

شيخة: عشان انته غير نحن نحبك وندور رضاك وطلعت وسكرت الباب فهد ماعطا نفسه يفكر ف رمست شيخة ونام على طول من التعب

******
وبجذي نعتبر نهاية البارت الاول تريوني في بارت يديد واتمنى البارت ينال اعجابكم واتريا تعليقاتكم كلكم وقراءة ممتعة للجميع

******
اختكم ..
يتيمة حبيبي .. __DEFINE_LIKE_SHARE__

شضايا المشاعر · 02-15-2014, 12:27 AM

روايتج حلووه وكمليها الغاليهه وبنتظاارج

اول تعليق __DEFINE_LIKE_SHARE__

memowla · 02-15-2014, 06:17 AM

السلام عليج حبيبتي

البارت حلو

ملاحظة :-

لا تخلين اكثر الدور لفهد +عرفينا بشخصيات

ماعندي أي تعليق ثاني

انتظر البارت الياي بفارغ الصبر

اختج\ Memowla __DEFINE_LIKE_SHARE__

يتيمة حبيبي · 02-15-2014, 12:18 PM

المشاركة الأصلية كتبت بواسطة شضايا المشاعر

روايتج حلووه وكمليها الغاليهه وبنتظاارج

اول تعليق

عيونج الحلوة حبيبتي من ذوقج ,, انشالله بكملها ,, تسلمين حبيبتي على التعليق
اختج ..
يتيمة حبيبي .. __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
نداء ل ((ذراع الذيب )) محبينك ينادونك """""""""""""""""""""""""""""""""""	محروم.كوم	منتدى أخبار المواقع والمنتديات العربية والأجنبية	1	05-10-2024 05:34 PM
عائلة بداح: ترفض رواية "الداخلية" وتؤكد حادث "الدهس" متعمد	محروم.كوم	منتدى أخبار المواقع والمنتديات العربية والأجنبية	0	11-20-2011 02:10 PM
بلاك بيري تورش 9860 فل تتش مع بن ممير """"""""""""""""""""""	محروم.كوم	منتدى أخبار المواقع والمنتديات العربية والأجنبية	0	10-28-2011 11:00 AM
"""""""""""""""""""""""""""فساتين زفاف راقية ومميزة """"""""""&am	محروم.كوم	منتدى أخبار المواقع والمنتديات العربية والأجنبية	0	07-13-2010 12:00 AM
هـلآأ .,. بليـز بغ‘ـيت كلمـأت غ‘ـنية ( نفسي عزيزه )	ع ـنوني	كلمات الاغاني	0	05-26-2008 12:55 AM