@@وكـــــــــــر الحنادســـــــــــــه@@

بن حمرور · #1 02-21-2008, 06:25 PM

الســــــــــلام عليكم

للشاعر نظرات قد تكون قريبه وقد تكون بعيده وانا الدها للبعد
حيث تصعب على غيري رؤية ما اراه ,, اظعها امامكم عسى ان
تصل الى اذواقكم ..

بانت هواجيسي وتبادن تلايــــل
واسترجعن نهج القروم الأوايـل

نهج العرب ياللي اطرقوبه قبلنا
ناسن لهم ف الحب سمت وملايل

ابا انتحي بالقول قدر استطاعتي
لاكن مدري وش يجر الحبايــــــل

احس في يوفي تشب بمرارتــــن
ليعه وحسره من شهورن طوايل

واوجدتها مابين وكر الحنادســه
يوم الدليه ف لذة النوم قايـــــــل

مبعد بشوفي ما الده جدا المــــلا
ارقابه بنايف على راس حايــــــل

واليوم حالي في هواهم متيمـــي
مخطر بعيني هرقها للسوايـــــــل

قد هلت العبره وسالت صبابتـــي

والعين ماتدمع بليا فعايــــــــــــــل

وياونتي من لاعج الشوق والهوى
والحب والليعات واللي مثايـــــــــل

لأنه يشربكني بمغزل هدايبـــــــــــه
ظيق علي الخام عند الفصايــــــــل

ومبداي سامي والسمو من كرامتي
ونهجي عزيز ودوم يبغي اليمايــــل

ادور الوافي الذي يفهم الغـــــــــزل
راعي المروه والوفا لي مخايــــــل

يوم العرب تشدو بصوتن على الطرب
ايجر لي بشوقه وصوته موايــــــــــل

ياعالمين الحال ياشف عزوتـــــــــــــي
ياهل المروه ياحمول الثقايــــــــــــــل

بندب لكم بالشعر خطي بدملـــــــــــــي
مضمون بيت القاف يصقل صقايـــــل

ولي مافهم معنى الشعر لا يراجعـــــه
ياخذ له التعلوم من حرف عايـــــــــل

الدرسعي والغطو فني ولي وســـــــغ
ومن يفهم التبجيل كاسب جمايـــــــل

غرنو تغرنا باللطيفه على كفـــــــــــن
مييوب من مأرب على تاج كايــــــــل

انا الذي تشدو به البيض ساعتـــــن
راسي مرسخ بين جمع الأصايــــــــل

لي له عليه دين له بهدي العمـــــــر
او يعل راسي مايذوق الظلايــــــــــــل

يامزملي بالله لا لا! لااتهدي اللعـــــــب
العب على بحر الشعر والمثايـــــــــــــل

وفي متدى( المحروم ) بين عراقتــــك
وبين موازينك بجزل الفعايــــــــــــــــل

فعايلن ما رامها من يشوفهـــــــــــــــا
وكل حد له عندي دين ودلايــــــــــــل

ولي من غلط ع الحق بعطيه مزملن
يرميه في غبة بحورن طمايـــــــــــــل

بالله يالعربان سمحو وعــــــــــــــــاذرو
شاعر يجره سلك الأشعار مايــــــــــــل

متكهربا" سلكه وضارب ف مهجتـــه
وافكاره اتسوقه بدرب الصمايــــــــــل

هذا مقالي بالعفو طالب اختمـــــــــــــه
وارجو السموحه منكم كان عايــــــــــل

والسموووووحه
__DEFINE_LIKE_SHARE__

نسايم العناب · 02-21-2008, 07:15 PM

.

.

وعليكم السّلام ورحمة الله وبركاته ..

الله عليك الله يالشـّاعر الجزل ..!

,

وصح الله لسانك ملايين على هالأبيات الجزلهـ

وأجدت صياغة الحروف والتمكن من الوزن بالرغم من صعوبة القافيه

وهالشي لا نجدهـ الا لدى ذوي الخبرهـ ..!

وسلمت ونترقب المزيد والمزيد من إبداعاتك

=)

.

.
__DEFINE_LIKE_SHARE__

εïз~اَلِمَيّث}● · 02-21-2008, 10:05 PM

~----{ حي الله الشاعر ..~

صح منطوقك الشيخ

عليه ذمه انه مافيك حيله ..

ابياتك طر وتثبت قدرتك وتمكنك من الشعر ~

معاني ابياتك محيره وقمه من الجمال

وربي انك ابدعت الشيخ وماعليك زوود

لو التصفيق يفيد ويثبت اعجابنا وتقدير لتمكنك جان صفقنا ~

لكنه قال الشاعر احمد بن خلف ... : ~

~---{ ومقياس الشعر اصلا ماهوب تصفيق وتصفير ..

.. يقاس الشعر بشاعر اذا يحمل جميل وصوف }---~

وانا اشهد انك تجملت بقصايدك الطيبه

ربي لاهانك الشاعر ع الطرح المتميز

وربي يعطيك الف عافيه

نترقب اليديد من جداك

والسموحه ع القصور البادر منيه

اختكم

الميث }----~

__DEFINE_LIKE_SHARE__

بن حمرور · 02-22-2008, 03:46 AM

مرحبــــا ومسهــــلا

ربي لاهانكم عى مروركم المتواضع

جزيل التحايا والموده لكم

__DEFINE_LIKE_SHARE__

ж شـمـوخ عـراقـيـه ж · 02-22-2008, 02:54 PM

-{ بن حمرور }-

سلاميييييي عليك يالشااعر

والله من اول قصيده نزلتها وقلت ان هالعضو شاعر

وماني مبالغه يوم اقوووول شاعر

ما شاء الله عليك تقوول الشعر

وبكلمات ومعاني شويه صعبه

يعني محد يقدر بييب هالكمات والفكره الا اذا كان شاعر ومثقف

عنده خبره فالشعر والادب

وانت ما شاء الله عليكك يعل عيني ما تصيبك

ابدعت بكل كصايدك الي كتبتها

وهالكصيده اكثر وحده عجبتني .. مع العلم كلهم طرررر

استمر يالشاعر بتنزيل اشعارك الحلوه

لا تحرم هالناس من لذه الشعر والمشاعر الي في كلماتك ^^

اتريا يديدك يالشيخ ... لا تبطي علينه طلبتك

مودتي واحترامي لك

خويتك

.+ شـمـوخ عـراقـيـه +.

__DEFINE_LIKE_SHARE__