بسم الله الرحمن الرحيم

السلام عليكم ورحمة الله وبركاتة



,,
*****



***********



يالله تحيي هالوجيه الطيبة ويعلم الله أني مشتاق لكم ولشوفتكم لكن ما باليد حيله
والأشغال ما تخلص وعلى قولة المثل (ما يبطي السيل ألا من كبره) QQQ@*

بعد هالأمطار والخير الي جاء المملكة الله يجعلها أمطار خير وبركة وينفعبها البلاد والعباد يارب , قررت أنا وطير شلوى الخوي أبو عمر نكشت يم (روضة الشبرمة) والي سبب تسميتي لها بروضة هو بعد الربيع الي غزاها عساه دايم

زهمت رفيدزي أبو عثمان جعله يسلم وطلبت منه مكان فيه ربيع وخير
وعطاني وصف لهالمكان الي بتشوفون صورة ان شاء الله في تقريري

وكلمت أبو عمر وقلت أبو عمر تبي نكشت يم الشبرمية وش رايك قال تم

وحركت من الدوادمي على الساعة 3:33 دقيقة تقريبا وهم يصلون العصر وقفت عند المحطة صليت العصر ورحت للبقالة أخذ بعض النواقص ومشيت م الشعراء جعلها للسيل والخط كان مليان وأنا في الطريق وقفت شوي وألتفت يميني ألا هالربيع الي يوسع الخاطر






وكملت طريقي ويوم وصلت وأزهم رفيدزي أبو عمر وقال أنا عن الباب أحتريك
وفعلا بيض الله وجهه لقيته متولم ويحتريني والأبتسامة ما تفارقه عساها دايمه



طريق الشعراء العام



يسار الصورة جامع الشعراء الكبير




~~~~~~




ثهلان




أثناء التوجه الى روضة الشبرمية :h1:




~~~~





~~~~~





وحنا ماشين وسوالف وقصيد ألتفت على أبو عمر ألا وهو يشرب لبن
قلت أبك يا أبو عمر ما يصير هالحتسي لبن بعز الشمس وبعد شوي العلوم السفره
قال معليك ألحين لبن وبعد شوي شاهي قلت جعله مهابيط العافية يالأمير QQQ@*





وقفت على جنب وقلت لابد أخذ كم صورة لربعي وحبايبي الي ينتظرونا في المنتدى
وتستاهلون كل خير جعل عمركم طويل





هذا المكان الي تشوفونه بالصورة له ذكرى خاصة لاتنسى لي أنا وأبو عمر
القصة وما فيها كنا ناوين نكشت للشبرمية وكان موتري وقتها القديم ددسن وكاشتين بالليل وجينا للمكان هذا وغرزنا وبلشنا حاولنا في الموتر وطلع لكن طحنا بهلاش قوي وعجزنا نطلع

ونلتفت ندور أحد ومالقينا وأخذنا الجوال وما فيه أبراج وبلشنا وشوي وجت الأبراج وجانا رفيدزنا أبو عثمان جعله يسلم وسحبنا والحمدلله طلعنا بعد هلاش دام أكثر من ساعتين : QQQ@*






فخر تويوتا بيض الله وجهه



والى الآن مبعد وصلنا للروضة :h1:




~~~~~~





ووصلنا لروضة الشبرمية :h1: