@أتركيني@

22الهاجس22 · #1 02-20-2008, 04:12 PM

ليش نزلتي عيونك إرفعيها وطالعيني
والا يعني إنحرجتيي يوم جاوبتي سؤالي

ليش قلتيلي أحبك ليش كنتي تخدعيني
ليش قلتيلي حبيبي ليش قلتيلي ياغالي

كان ممكن ما أحبك كان ممكن تتركيني
كان ممكن من بدايه تخدعي غيري بدالي

ليش أنا بالذات يعني ليش قولي جاوبيني
بعد غدرك خبريني وقولي بس شلي بقالي

والله إني ما جرحتك ليش أنتي تجرحيني
هنت على قلبك حسافه وإنقضت أجمل ليالي

والقهر للحين أحبك وادري إنك ماتبيني
والمحبه من طرف واحد نهايتها زوالي

كان عمري بيدينك قولي وش كان بيديني
أذكر إنه من غلاتك كان قدرك فوق عالي

كنت أتجاهل وأطنش يوم نغزاتك تجيني
وكنت أقول الحب أكبر من تصرف لا مثالي

أبغي من وقتك دقيقه وليت أنك تمنحيني
بس أبا أقولك ثلاث أشياء وأروح أمشي لحالي

أولا فعلا أحبك كنتي قلبي كنتي عيني
وكانت الدنيا بوجودك شي روعه شي خيالي

ثانيا عاللي بدر مني دخيلك سامحيني
يمكن أنه زل لساني وقلت إنك راس مالي

ثالثا أسألك بالله وأطلبك لا تذكريني
احرقي كل القصايد وانسي أشواقي ووصالي

المهم إني أببعد وأنت روحي وأتركيني
ارجعيله ومثلي دور البريئه اللي تبالي

تقبلوا تحياتي....ال.ه.. __DEFINE_LIKE_SHARE__

انسان محروم · 02-20-2008, 05:23 PM

الله عليك صراحه قصيدة في غاية الروعه والجمال

ما فيك حيله خويي

صح السانك ملايين ويكفون

ارقب الزود منك __DEFINE_LIKE_SHARE__

ж شـمـوخ عـراقـيـه ж · 02-20-2008, 09:38 PM

[align=center]

-{ الهاجس }-

الله عليييييييك صراحه ما عليك زوود

شاعر وربي وحروفك تشهدلك

وصح منطوقك على الكلمات الرووعه

حبيت معاني الابيات وقصتها

أولا فعلا أحبك كنتي قلبي كنتي عيني
وكانت الدنيا بوجودك شي روعه شي خيالي

ثانيا عاللي بدر مني دخيلك سامحيني
يمكن أنه زل لساني وقلت إنك راس مالي

الله علييييييك

أبدااع يالهاجس

روووح والقلب داعيلك

عسى ربي يوفقك ويحرسك

اترقب يديدك لا هنت

مودتي واحترامي

خويتك

.+ شـمـوخ عـراقـيـه +.

[/align] __DEFINE_LIKE_SHARE__

22الهاجس22 · 02-20-2008, 10:04 PM

المشاركة الأصلية كتبت بواسطة انسان محروم

الله عليك صراحه قصيدة في غاية الروعه والجمال

ما فيك حيله خويي

صح السانك ملايين ويكفون

ارقب الزود منك

تسلم يالغالي على مرورك الغاوي
عطرت صفحتي بتواجدك __DEFINE_LIKE_SHARE__

22الهاجس22 · 02-20-2008, 10:08 PM

المشاركة الأصلية كتبت بواسطة .+ شـمـوخ عـراقـيـه +.

[align=center]

-{ الهاجس }-

الله عليييييييك صراحه ما عليك زوود

شاعر وربي وحروفك تشهدلك

وصح منطوقك على الكلمات الرووعه

حبيت معاني الابيات وقصتها

الله علييييييك

أبدااع يالهاجس

روووح والقلب داعيلك

عسى ربي يوفقك ويحرسك

اترقب يديدك لا هنت

مودتي واحترامي

خويتك

.+ شـمـوخ عـراقـيـه +.

[/align]

شموخ شاكر لج تواجدج الغاوي في صفحاتي
وبصراحه نحن نتعلم منج وأنتي بصراحه بعد دومج مبدعه وانا وايد معجب في كل شي ينكتب بقلمج الرائع دمتي بحفظ الرحمن وعسى الرب يحفظج
أخوج الهاااجس __DEFINE_LIKE_SHARE__