حـيّ جـيلٍ يـا بِلَمْثَالي

راعي الونات · #1 02-20-2008, 02:44 PM

[frame="1 80"]حيّ جيلٍ يا بِلَمْثَالي .... عند شهمٍ شَخَّـصْ أوصوفَـه

طرّزه اوْ عنّاه في الحالي.... من ذَهَبْ وِمْزيِّن حْروفَه

بان ليِ فِي فَسْره أمْسَالي.... لِلْهِوىَ اوْ مَعْناه وِصْرُوفَه

الغشيم ايتابع الّلالِـي.... يقصـده وِيْوَاجِـهْ احْسُوْفَـه

والخبير إيْجِسّ لحوالي.... قَبلْ لا يعنـي لَهَـا ابْلوفَـه

ما يِبِدِّه صُوعْ وأهْوَالِي.... يِفْهَمْ الواقع مـن ايشوفـه

الملامح تَلْفِتْ البالـي .... لِلنِّبِيْـه اْتكـون معروفَـه

ايْشَخِّصْ الأَشْيَا ولا يْسَالي.... حَذِر عن لا تِلْحَقَه حُوْفَه

لِلْمَحَبِّة طِرْقٍ اطْوالي.... عَدْلـةٍ والبعـض مَحْرُوفَـهْ

تقصد اَلاْشَواقْ جِهّالي .... طامِسْ الاعلامْ مَـا تْلُوفَـه

لو اتْجِدّ أوتْبغي اتْنالـي .... لَغْلِبّيِـه إِتْخَسِـر شُوْفَـه

للمودّة وَصِفْ ينقالي.... مَا يْغَتِر عَـارِفْ وَلاَ ايْطُوفْـه

بشّةٍ من خاطر الغالي .... تنبني الغالين مَـا صُوفَـه

الهوى ما فيه مِتْعَالي .... بيـن لِمْحِبِّيـن مَنْصُوفَـه

[/frame] __DEFINE_LIKE_SHARE__

ж شـمـوخ عـراقـيـه ж · 02-20-2008, 03:20 PM

[align=center]

-{ راعي الونات }-

صح منطووقك على الكلمات الغاوويه

وأبدعت والهل

وما شاء الله علييك صار هالشي عادي بالنسبه لك

طريقه كتابتك للشعر حلووه

وعيبنيه هالبيت :-

لِلْمَحَبِّة طِرْقٍ اطْوالي.... عَدْلـةٍ والبعـض مَحْرُوفَـهْ

يعطيك ربي الف عافي

يعلني ما انحرم من طلتك الغاويه

اترقب يديدك ^^

والسموحات

خويتك

.+ شـمـوخ عـراقـيـه +.

[/align] __DEFINE_LIKE_SHARE__

22الهاجس22 · 02-20-2008, 03:48 PM

يعطيك العافيه ياراعي الونات
صح منطوقك
روعه الكلمات
ننتظر الزود منك __DEFINE_LIKE_SHARE__

εïз~اَلِمَيّث}● · 02-21-2008, 12:59 AM

~----{ صح منطوق الشاعر

الله الله وربي كلمات قمه من الروعه

كل بيت احلى من الثاني قصيده تستاهل الطرح وربي

بس يا خويه ما ذكرت من اللي كاتب القصيد انته ولا منقوله ؟!

وربي طرح يستاهل ربي يعطيك الف عافيه ع اللاختيار والذوق الطيب

لاهنت نترقب اليديد من جداك

والسموحه ع القصور البادر منيه

اختكم

الميث }----~

__DEFINE_LIKE_SHARE__