احلى الفكاهيات .. - الصفحة 2

زهور 2007 · #1 02-19-2008, 10:33 PM

الـسـلام عـلـيـكـم

ومساكم الله بكل خير...

عندي لكم اليوم :

فـكـاهـيـات الـشـاعـر خـالـد بـوشـحـيـمـة ..

قال سلوم ذات يوم لأبيه متسائلاً : مايصير أبويه نشتري بيت في القمر ؟

الأب : يصير أبويه بس ماشي فلوس ؟

سلوم : بكم يعني بميه ؟ (حليله)

الأب : هيه أمية مليون ؟

سلوم :

(فاج ثمه وطالعن عيونه)

عثره !! صدقك ولا تمزح ..

الأب : لا صدق ..

سلوم : الله يقطع مدير البلديه الخلافه ..((مادري شو يخص مدير البلديه ههههه: ))

الأب :شحقه تسأل إنته ؟ ماتباها بوظبي ؟ ولا هب عايبنك بيتنا هذا ؟

سلوم : لا أبويه بس الزلمه اللي عدال بيتنا ماخذين بيت في راس يبل في فرنسا عاد قلت أنا
لازم أيي من معاليه لازم أوايق عليه من فوق وماشي فوق اليبل غير القمر ..

الأب : منو قالك أنه زلمه هذا مواطن .. جوازه نفس لون جوازك .. خلاص مافيه فرق ..

سلوم : يخسي .. زلمه مايعرف يرمس ..

الأب : لو كل واحد مايعرف يرمس هب مواطن شعب الإمارات مايتعدى
عشرة آلاف ياولديه .. بعدين مع الوقت بيتعلمون الرمسه وبيغدون شراتنا..

سلوم :يعني نحن كنا زلمات أبويه ؟

الأب :تهبي يا السبال ..

سلوم :وين ما فيه فرق ونفس اللون... الحين تقول تهبي ..

الأب :مهما كان يدّك السابع عشر مدفون هنيه ..(واليد السابع عشر الي يسمع بيقول هنري الرابع عشر ههههههه )

سلوم :والزلمه يدّه السابع عشر مدفون وين ؟

الأب :في غزه الله يرحمه ..

سلوم :بس هو عنده فلوس وايد وأنته زطي ..

الأب :عادي شو المشكله .. أهم شي الأصل ..

سلوم :عنده بورش عليها كت هامان .. وأنته ذبحتنا بالنيسان موديل
99 وحاط عليه VTC ..

الأب :فيه مكيف ورا ولا مافيه ..؟؟

سلوم :فيه ..

الأب : بس جب عيل ..

سلوم:يلبس باشوتي أنته تلبس نورس ..

الأب :شو دراك أنه أصلي يمكن يكون تقليد ..(ظنتي من تايلند )

سلوم:يدوخ دوفي دوف إنته تدوخ مدواخ ..

الأب :وده هو يدوخ مدواخ لو يروم له جان داخ .. يباله رياييل ..

سلوم :أنزين أبويه نبا نسافر ملينا كل صيف تودينا ليوا نسوي برونزاج ونرد ..

الأب :وين تبا تسافر يعني ؟؟

سلوم :جنيف , باريس , لندن .. مكان حي ذا الويه .. يتشاهد ..

هب ليوا شهيق وزفير لاهوب وعي ..

الأب :أنا من زمان بعد أفكر أوديكم صلاله بس أمك الله يهديها معانده ماتبا تخسرني أونها ..

سلوم :أبويه حرام عليك .. أقولك باريس تقولي صلاله ؟

الأب :كيف باريس هب ف عمان ؟

سلوم :لا أبويه باريس في زنجبار ..

الأب :أنزين وين عنها تراها ألا حولها ..

سلوم :أنزين أبويه أبا سياره ..

الأب : شبلاه الكلوزر ؟؟

سلوم :كسّر ظهريه .. شبلاه بعد .. هذي سيارة طالب في محو الأميه هب في الثانويه ..

الأب : أييييييه .. يوم أنا كبرك .. أسوق الدناكر الكبار والبد فرت عشره غيار وأنته هذا غالبنك لاتسوقه ..

سلوم : عادي عادي غالبني .. أنته الرجل الحديدي .. أنا ولد الماما ..
خذ لي سياره ..

الأب :شو تبا من السيايير ؟

سلوم :سياره رخيصه وزينه وحلوه وإقتصاديه في البترول وفور ويل ..

الأب :إنته تبا سياره ولا تبا تسويلها دعايه !!

سلوم :لازم أمهد عشان ماتنصدم ..

الأب :لا من ناحية الصدمات متعود ..

سلوم :أبا رنج سبورت ..

الأب :بس ؟؟

سلوم :هيه بس والله العظيم وراس أمي وراسك أنه بس..

الأب :أشوفه هب لين هناك .. شو رايك ناخذ الفراري الإنزو اليديده ..

سلوم :لاحرام أبويه وايد غاليه ..

الأب :أونك تدور الرخص يوم تبا الرنج إنته ..

سلوم :لا بس سعر معقول ..

الأب :تدري لو نبيع البوش والهوش وأمك مايمعنا فلوسه هذا ..

سلوم :شمعنى طريت أمي معاهن يعني ؟

الأب : نفس الفصيله ..

سلوم : يعني أنا ولد العنز ..

الأب :قصدك أنا تيس ياحيوان ؟

---------------------------------------------------------

سلوم : برررررررررد .. أبويه نورّ ضو ؟

أبوه : ور جان تبونها انا ما آنس برد ..

سلوم : ماشي حطب ..

أبوه : شحقه حطب .. كشة أمك تسد ..(اونه قرضها الشيبه )

سلوم : مانبا معمول نحن نبا حطب ..

أمه : واايه تفاقدن عيده وسعيده .. من زين شعوركم واحد أصلع والثاني غادي هدهد ..(عطيهم فديييت خشمج انا )

سلوم : ههه .. قويه أبويه ..

أبوه : هيه هيه .. يايره العيوز اليوم .. ما تنرام ..

سلوم : لا بس أول مره أشوفك متهزئ بالطريقه هاي.. في الصميم ..

أبوه : أونك سلمت إنته يالهدهد ..

سلوم :أفا .. أبويه تحمل تأثر عليك الدخيله هاي نحن أصدقاء ..

أبوه : ياريال .. مخلوقات من ضلعٍ أعوج ..

سلوم : ناقصات عقلٍ ودين ..

أمه : صأ صأ .. عن الهذربان ..

سلوم : ياخي الحرمه هاي جباره ..

أبوه : توك تدري .. هاي الله يسلمك بنت الرجل الأخضر ..

سلوم : أبويه أنا ولا مره شفتك توديها سينمه ولا تعشيها في مطعم ..

أبوه : وايد عليها جمعية الظفره التعاونيه ..

سلوم : أنا حرمتيه بدلعها .. عادي أحجز الها ع البست في الديسكو ..

أبوه : يعتمد على الشكل عاد ..

سلوم : لا ماعليك .. أنا شارط على الي بيوّزني .. أشوفها ..

أبوه : ياريال آخرتها ماخذ العورا بنت عمك ومودنها الفجيره شهر عسل ..

سلوم : أنته وين وديت أميه في شهر العسل ؟؟

أبوه : ليوا ...

سلوم : حشا ناقه ..

أبوه : إنته أول ما تاخذ نيسان ماتوديه الرمله تجربه؟

سلوم : هيه ..

أبوه : طلعت مصخره .. ما تنفع كله تغرز ..

سلوم : لا بس أنا لو أدري أنك مودنها شهر عسل ليوا صدقني ما بكون ولدك ...

أمه : شهر الدبس الله يخليك .. مودني أخرف نخل أمه ..

أبوه : أيوااااااااا ... طلعي الوالده من الموضوع عشان مانخسر بعض ...

أمه : شو بتسوي يعني ؟

سلوم : أنا قسم بالله لو حرمتيه تييب طاري والديّه أطلقها ..

أبوه : جب جب إنته .. أم سلوم هاي .. مابتعوضنيه فيها إنته وضروسك ..

سلوم : ثانكس ..

أبوه : ولكم بيبي ..

( م ) __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
منتاااج فيديو وموسيقى و احلى صور و احلى شبااب ( المحترف )	محروم.كوم	منتدى أخبار المواقع والمنتديات العربية والأجنبية	0	04-05-2010 12:00 AM
اهداء احلى صور من مركز الصقاقير في الكويت ، لصاحبه احمد مجعد	محروم.كوم	منتدى أخبار المواقع والمنتديات العربية والأجنبية	0	08-21-2009 07:10 AM
سوي احلى توقيع عادي ودلعه اخر دلع مع احلى تاثيرات بدقائق معدودة	محروم.كوم	منتدى أخبار المواقع والمنتديات العربية والأجنبية	0	06-18-2009 05:30 AM
سوي احلى توقيع فلاشي ودلعه اخر دلع مع احلى تاثيرات بدقائق معدودة (الشرح بالصور )	محروم.كوم	منتدى أخبار المواقع والمنتديات العربية والأجنبية	0	06-17-2009 11:00 PM