• رواية : (( أخبرتك . . أن لا تحاول الاقتراب منهُم )) بقلميَ ، - الصفحة 18

أسرار قلب · 03-31-2014, 11:33 AM

المشاركة الأصلية كتبت بواسطة عيونك حلم

السـلآم عليكم و رحمة الله و بركاته .
بخير ربي يعافيج و من صوبج ؟
صبحج الله بالخير و النور و السرور .
كح كح زين انج يبتيها صح يـلآ أبدي و أكتبي و ربي يعطيج العافية و في أنتظـآر البـآرت من أنـآملج الجميلة .

و تقبلي مروري حبيبتي

مدييم حآلج يارب ،

وأنا الحمدلله تسلميينَ ،

صبآح الورد . .

من عيوني ،

بحط لكُم البارت اليوم . . .
__DEFINE_LIKE_SHARE__

عيونك حلم · 03-31-2014, 01:35 PM

المشاركة الأصلية كتبت بواسطة أسرار قلب

مدييم حآلج يارب ،

وأنا الحمدلله تسلميينَ ،

صبآح الورد . .

من عيوني ،

بحط لكُم البارت اليوم . . .

دآمت أنفـآآسجج , تسسلملي عييونج .
و أنـآآ في أنتظـآآرجج . __DEFINE_LIKE_SHARE__

أسرار قلب · 03-31-2014, 08:18 PM

[align=center]البارت التاسع :
.

.

يخفون الكثير ويتظاهرون بأنهم بخير !!

" مريوم وعلاوي والكل الي فالسياره التفتوو لهاا "

طالعتهم : ماشي سوري ارمسس ربيعتي .. عهوود من صجج؟؟؟

عهود بحزن : هيه تخيلي ..

رديت : الله يعييينجج زين لييش جييييه فجاه ؟؟؟

عهود : والله ما ادري ابوي مب ثابت ع قرار كان مايدري شو يسوي والحين كان يقول

اذا انا رافضه خالتي اطلع من البيت او اتزوج .. يحسسني اني حااجز في حياااته ..

رديت :لا حلوه ولا قوة الا بالله .. يالله ماعلي صبري لاتتستعيلين .. وبعديين اذا بيزوحجج منو يعني بيكون ؟؟

عهود : والله مدري ..

قلت : خلاااص لاتفكرييين الحييينهه .

عهود بحزن : بحاول .. !!!!

رديت : يالله ماعلي لا تضايقين بعمرج ..

عهود : ان شاء الله .. السموحه دوم أخليج تحاتين ..

قلت : عادي حبيبتي ..

عهود : فديتجج والله .. يالله أخليج بشوف خواتي ..

قلت : الله وياج " وسكرت " ..

راشد : شو بلآها ؟

قلت : ماشي .. إنزيين علاوي ماقلت عمي ش قال يوم كلمته ؟؟؟

علاوي : هههه شو بيقول يعني تدرين أن عمي يستانس عليناا ..

قلت : زيين والله ..

مرر الوقت .. أنا سرحانه أطآلع عنود .. عنود كل شوي تلتف لي ..

بعدها قالت : ميره بلاج سرحانه فيني ؟؟؟

رديت : هاا .. مااشي

علاوي :هههه من زينج عسب تسرح فيجج ..

العنود : لآ والله شو مب عايبتنك يعني .. والله مابتحصل مثلي

علاوي : خفي عليناا ..

مرر الووقت وكالعاده العنود وعلاوي مايسكتون أما مريومه رقدت .. وبعد ما وصلنآآ ..

وقف راشد السياره ونزلنا كلنا .. راشد : كل وحده تشل شنطتهاا ..

مريومه وتتافف : اوووف مافيني اسحب الشنطه ..

راشد : بلا دلع يالله .."وتحركنااا لين داخل .. طبعا بيتهم وايد حلو ماشاء الله وعندهم حديقه داخل

وخيمه .. كان عمي يالس مع أم هزااع، رحناا كلناا نلسسسم ..

أو ماشافوناا رحبوو فيناا وعمي يلس يسلم عليناا ويسال عن حالناا إلي أشوفه أنهم مستانسين بشوفتنا..

عمي : من زماان عيال اخوي ماشفتكمم ..

راشد : والله عمي تدري اشغال

عمي : هييه ماشاء الله حصلت شغل وكبرتوا ..

راشد : هيه الحمدلله كله فضل رب العالمين ..

علاوي : عمي عسى مب مضايقين من وجودناا ..

عمي ابتسم : لا تضايقونا ولا شي .. محد في البيت غير انا وام محمد ولا العيال كلهم برع ..

مريومه مستغربه : وينهاا عيل ممريووومم ؟؟؟؟

عمي : بييت ريلهاا ..

مريومه : حساااااافه .."كلنا انصدمنا بس محد بين هالشي ء الي اعرفه مواز من بعد زوجاها وهي فيالبيت "

قلت : عيل محد غيركمم .. خلاصص نحن بنونسكم ..

عمي : والله انا مستانس أنكم قلتو بتمون عندنا كم يوم على الأقل نحس في حد فالبيت ..

أم هزاع ودي البناات للحجر يحطن أغراضهن ..

تجدمت ونحن لحقناها لينَ داخل البيت .. ماشاء الله كل شيء متغير عن آخرمره عمي يحب التجديد ..

كان شي غرفتين للضيوف وحده أنا والبنات ووحده للأولاد ..

علاوي ورشود كانو يسولفون بشي ويتهامسون مافهمت شيء كنت أتربت الشنط داخل ،

عقب التفت لمريوم كانت تقول للعنود : غريبه ليش مريومه ما قالت شي مع انها تعرف بنمر عندهم ..

العنود : والله ما ادري ..

التفتت لي وقالت : وإنتي ميرووه تعرفين شي ؟

قلت :لا ..

سمعناا صوت عموه ام هزاع : يالله ارتاحوو شوي .. "وكانت شاله معاها صينيه ماي وعصير حطتها عالطاوله وظهرت "

راشد : شووفو أنا برتاح شوي مابي ازعااج .. ودخل الحجره وسكر الباب ،

علاوي : اييييييييييييييييييييييه صببرر هذي حقناا الاثنين ويين اررققد انااا ..

راشد من ورا البااب :ولاااا كللله رااااقد أناا ..

علاوي : ماعلي دواك عن عمي ..

عقب تحرك ييه صوبناا ودخل الغرفه ، وقال : أقول برقد هنيه ..

وانسدح ،

العنود : لاااااااااا والله عمي قال غرفه لكم وغرفه لنااا يالله برررع ..

علاوي تلحف وسواا عمره مايسمع .. عنود ماتت قهر هههههههههه أنا ومريوومه متناا ضحك ..

***

عندنا نجتمع .. تظهر الحقيقة بدون سابق إنذار ،

رغم أنهم يتظاهرون بأن لا شيء سيحدث !

بعد أذاااان العشااا . . . !!

يلسوو البناات مع أم هزاع، والأولاد في الحوش مع عمهم يشوون . .

مريوومهه : أهاااا تووني أدريي أنهاا حااملل ونااااسه بيكون عندهاا بيبي ..

عمووه : هيه حبيبتي .. واخييرا بنشوف أحفادناا بس بعد خلاص كبرناا ..

ردييناا : عممرجج طوييل ..

عموه : الله كرييم ، إلا بسألكن ..

رديناا : سالي ؟؟

عموه : سمعت راشد خطب بنت عمكم وعمتكم فاطمه ؟

إحنا انصدمنا كيف انتشرت الاخبار ونحن ماندري ..

رديت : هيه بس ماشي نصيب .. تبي تكمل دراستها ..

عموه : أها يالله ماعلي .. زين كيف تحسون بنت عمتكم زينه ؟؟

استغربت : هيه ماشاء الله عليها تدرس طب ألحين .. بس بعدها ثاني سنه ..

عموه : هيه هييه ..

مريومه اطالعني بنظره شوا لسالفه !!

عموه حست ب هالشي : ماشي والله نحن نفكر نخطبهاا حق ولدناا .. وماشاء الله هيه بتكمل طب وبتشتغل مثل ولدي هزاع ..

إهنيه حسيت شرار من عنودوه لين عندي ..

مريومه :اهاااااااااا حلووه دكتوور ودكتووره عموووه تفكيييرج خططير ..

العنود : وأنا اذا استويت مهندسه لازم أخذ مهندس مب حكم هذااا ..

مريومه فهمت عليها ضحكت : هههههه يالله كل نصيب ..

عموه : هيه .. وأنا قلت اسألكم إنتو بنات وتعرفون بعض .. بس للحين ماصا رشي ء

رديت : زين الله كريم .. ومريم ماشاء الله باي شهر ألحين ؟؟

عموه : السابع ..

رديت : يالله ربي يعينهاا شهرين بعد .. هيه ماتمر صوبكم ؟؟

عموه : هييه ، من شوي رمستها بتمر عليينا ..

مريومه استاانستت : يسسسسسسسسس بشووفهاا عيييل ..

مررر الوقت ظهرنااا برع ،

صوب الخيمه .. كان عمي يأشرر لنااا ..

نحن ركض رحناا لهمم ..

عمي : يالله تعاالوو إكلو " كان ريحة الشوي تجنن هههههه .. كلنااا مستاانسيين وناكل "

شوي وتوصل سياره .. نزلت مريمم وعقب راحتت.. نحن رحننااا لهاا وسلمناا ..

مريم : هلا والله بنات عمي بو راشد ..

مريوومه : هههههههههلااااااااااااااااااااااااااااا تووأمييي ...

" وحظنتهااا "

عنوود : ايييييييييييييييي النوونوووو " وسححبتهاا بعيييد "

مريم : هههههههههههه عااادي عااادي .. "شافتني " شحالج ميره ..

سلمت عليها : الحمدلله بخير وانتي ..

مريم : مثل ماتشوفين ههههه الحمدلله .. اووه اشم ريحة شوي .. عاد خاطري صراحه ..

مريومه مسكتها من ايدهاا " : تعااالي ..

عقب رحناا .. سملت مريم عليهم : السلام عليكم .. ها أبوي أكيد هالشوي عشااني صح

ضحك عمي : ههههههه هيه عيل حق منو تعاالي يلسي ..

يلسناا ..

علاوي يطالعني : هاي مريم صح ؟

رديت : هيه ..

علاوي : ماشاء الله كبرت ههههه ..

قلت : شفيييك هي أكبر عني ..

علاوي : شدرااني عنج انتي جنج عيووز ..

أنا ضربته : جبببببب ,,

علاوي :اخخخخ هههههههههههههه

مريم : شو بلاكم ؟؟

رديت : مااشي ..

راشد : ها مريم كيف ريلج معاج ..

مريم : الحمدلله ..

راشد : زين .. علاوي قووم نحن بروح انتو خذوو راحتكمم ..

عمي : وييين رايحيين يلسوو ..

علاوي : مب مشكله عمي بس راشد باجر دوام ..

عمي : خلاص راشد روح انت .. علاوي خلك معاي ..

راشد وقف : يالله تصبحون على خير ..

رديناا : وإنت من هله .. "عقب رد داخل "

كناا سولف .. وعلاوي مانطق ولا حرف ههههههههه حسيت يقول ليتني رحت ارقد أحسن لي ..

عمي : اتصلتي بأخووج ؟

مريم : هيه سلم عليكم .. بعده مطول ..

عمي : يالله ربي يوفقه .. ويوفقكم كلكم ..

ردينا : آميينننننن..

العنود تطالع علاوي : ههههههههه علاوي روح ارقد بدال ما اتم جيه ساكت ..

علاوي : عمي شووفهاا تطردنيي ..

عمي : هههههه خليييه براحته ..

العنود وتهمس له : حيوان وأنا يالسه أحاول أخليك تروح ترقد أدري مب عايبنك وضعك جيه ..

علاوي ويضحك : هههههه شو اسوي احب اعاند وياج ..

العنود : ماعلي هذا جزاتي اسوي خيير ..

أنا : انزيين خلاص علاوي روح ارقد ..

علاوي ويوقف : هيه يالله تصبحون على خير .. كملو سوالف ..

ردينا : وانت من هله ..

" عقب تميينا نسولف .. مريم قالت بترقد اليوم في بيت عمي .. ومريومه على طول استانست "

***

(( اليوم الثاني الصبح ))

نشييت عالساعه 6 وشي .. توضأت وصلييت ،

والعنود ومريوم نفس الشي .. عقب ظهرت للمطبخ شفت عموه مجهزه الريوق وكل شي ..

استغربت ماشاء الله واعيه من وقت وتحاتينا يمكن ندور شي ناكله ، دورتها ماحصتهاا شكلها

رجعت الغرفه ترتاح .. وشكله رشود ظهر .. عسب الدوام أما العلاوي فراقد .. دقييت الباب ..

علاووووووووي علاوووووووووي ..

علاوي : هاا ميرو هشو تبيين ؟

رديت : صليييت ؟؟

علاوي : هيه من قبلج ..

قلت : أوك ..

العنود تطالعني : ميروه ف شي ناكله ؟

قلت : هيه روحي المطبخ شي أكل ..

العنوود : زيييييييييييين .. "عقب رااحت المطبخ تااكل .. ولحقتهاا مريوومه ومريم "

بعد ما خلصووا ..

أنا شربت حليب بس ما كان لي خاطر ..

مريم : بنات انا بكون في الغرفه ..

رديناا : أوكك ،

مريوومه : برووح انززل حلقة الانمي ...

العنود : من صباح الله خيير ..

مريومه : هيييه " وراحت "

ضحكت : هههههههه خليها تسوي جو لعمرهاا ..

العنود واطالعني : ميروه تحيد كلام عمتي أمس ؟؟

رديت : أي كلام ؟

العنود ومتردده : خلاص ماشي ..

قلت : قولي بلاج ..

العنود : ماشي .. بس كنت مستغربه من كلامها يوم سالتنا عن راشد ..

رديت : أها قصدج يوم راحو يخطبون له ..

العنود : هيه .. ماتوقع هيه بعد تفكر في شماا .. شو المميز الي فيها عسب اميه وعموه يفكرون فيها ..

رديت : والله ما ادري .. بس تعرفين شماا خلوقه ماشاء الله ومتفوقه ..

العنود : زين شدخل أنها شاده حيلها فالدراسه ..

قاطعتها : الحين انتيل يش مضايقه ؟؟

العنود : لااا مب جيه مب مضايقه بس مدري استغربت شوي ..

ضحكت : ههههه والله تعرفين الحريم .. وسمعتيهاا هيه عرفت انها تدرس طب فبرايها انهم بيتوافقون اكثثر ..

العنود : هيه فاهمه عليها ههههههههههه بس والله مب منططق ..

رديت : ع فكره هيه يمكن بس جيه تقول ..

العنود : اوهوو برايهاا انا شو يخصني برووح اتسبح ...

***

لن أختار أن أكون عوناً ..

لكن أحيانا ترغمنا الظروف على ما نريد القيام به َ !!

(( في الدوام عند راشد ))

وصلت متأخر الدوام بس الحمدلله مديري محمد محدد ..

دخلت وسلمت : السلام عليكم ..

أم حمد : وعليكم السلام والرحمه ..

يلست التفت يمين ويسار كأني أدور شي ..

أم حمد وباستغراب : شو ادور ؟

تنهدت : الحمدلله ..

أم حمد ومستغربه ؟؟؟؟

رديت : عبالي بعد اليوم يايبه عيالج ..

ام حمد : ههه لا عند أميه ..

قلت باستغراب : وشو يسوون عند أمج ؟

ردت : شو يسوون بعد يعني أخلي الدوام ما اقدر ..

رديت : والله عجيب امركم خلاص دام عندج عيال بعد ليش تداومين .. كيف ريلج راضي ؟

سكتت ..

يلست مكاني : وصح لي شجييه عيالج صداااع ..

طالعتني بنظره : عيااالي صدااع أصلا مافي احسن من عياالي ..

رديت : كل الأمهات جيه يقولون ..

عصبت : لييش شوو فيهمم ؟؟؟

قلت : مدري .. سالي عمرج انتي ادرااا ..

ردت : أستغغفرالله ..

رديت : انزين وينه مديرناا اشوف دوم متأخر .. أباه يشرح لي عالبرنامج مافهمت له ..

أم حمد : مدري والله اظن هو موجود بس مشغول بشي اكيد .. سمعت انه طالب نقل لدبي ..

قلت باستغراب : وليش يعني ؟؟

أم حمد : مدري والله بس استغربت يعني اذا هو راح منو بيكون مسؤول عناا ..

رديت : انتي كم سنه هنيه ؟

ردت : سنه وشي ..

استغربت : ماشاء الله ..

كملت : بس خذيت آخر مره اجازه بسبت الحمل .. فتقريبا مب وايد عندي خبره .. اشتغلت متأخر ،

قلت بفضول : وليش اشتغلتي متأخر ..؟؟

ردت : بعد ظروف .. وايد تسال !!

دخل المدير : صبااح الخيير ..

ردينا : صباح النور ..

المدير : أم حمد ، روحي عند المصممه نوره واتفاهمي معاهاا !

درت : ليش هذي مب شغلتي ؟

رد : منوو المدير هنيه ؟؟؟

ردت : ان شاء الله وراحت ..

قلت : بلاك نفسيتك اليوم مب شي ..

المدير طالعني عقب ظهر مره ثانيه .. كنت بقووله لححححححظهه ويين !!

بس ظهر أوهوو بلاه اليوم يمكن بسبب النقل .. حسييت بملل لين مارن فوني ..

حمود " رديت : هلا !

حمود : قووووووووووووووووووووول مبرووووككك ..

أنا : خخخخخخخخ اشتغلت ؟؟

حمود : هيييه ي خي اخيييييييييرااا

قلت : مبرووك مبرووك ..

حمود : الله يبارك فيك ..

قلت : عيل اعزمناا على شي ب هالمناسبه ..

حمود : افا عليك .. تممم انت وفهوود .. تعال صحح بسألك عن فهود وينه مختفي؟

رديت : مدري عنه الي الحينه عندهم مشاكل في البيت ..!!

حمود : شو بعدهم .. سمعت يقول اخته تشتغل وياكم ف الشركه !

رديت : اونه ما قالي شي ؟

حمود : هههههههه مدري مره قلت له عن شغلكم خبرني اخته هناك بعد وهو يفكر ينقل صوبكم ..

رديت : هيه والله بدال الملل اييه صوبناا ..

حمود : هيه واتم اناا بروحي هههههههههه

قلت : أقولك تعرف استااذناا بو لحية بيضه ..

حمود : منووو مال لندن ؟؟؟

رديت : هيه منو بعددد .. بعده يعرف ايميلي ويتواصل يسالني عنكك ههههههههههه امس اشوف الايميل يقول كيف حمود عقل ولا بعد ..

حمود : احلللفف ههههههههههههههههههه الله يأخذ ابليسه حسسني اني ياهل ..

رديت : قلت له خلاص كبر الريال وعقل ..

حمود : هههههههههه .. نذل

ضحكت : هههههههههه يالله اجلب ويهك عقب بسولف بدور المدير ..

حمود : اووووك سي يوو ..

سكرت " وظهرت ادور المدير شفت ف المكتب الي عدال مكتبناا .. كانت احمد حمد مع المصممه ..

دخلت : السلام عليكم ..

أم حمد : هلا راشد ..

قلت : محتايين مساعده ولا شي..

أم حمد : لآ .. مثل ما اتشوف نخطط للاثاث ،

يلست اطالع شغلهم شي مرتب زين زين .. طالعت المصصمه معقوله اخت فهوود هذي ..

هيه استغربت !!

قلت : ماشي تذكريني بحد ..

ردت : حد منو ؟

كنت محتار اسالها ولا لا .. بس شكلها هيه ، : ماشي يالله كملو شغل ..

أم حمد مستغربه .. ظهرت وخليتهم يكملون شغل .. ماحصلت المدير مدري وينه !!

اتصلت بفهد : هلا فهووود وينك مختفي ..

فهد : موجود ..

رديت : حمود يسال عنك يقول اشتغل هههههههه أخيرا ..

فهد : هههههههههه هيه زين الحمدلله ..

قلت : فهود بتنقل صوبناا .. حياك والله

فهد : مدري مب اكيد ..

قلت : سمعت اختك اهنيه شو شغلتهاا ؟؟

فهد : منو قالك !!!

رديت : هااا .. حمود

فهد : هذاا حموود يباله ضرب .. هيه مصممه ف الشركه عندكم ويالس اقولها تقنعهم يقبلوني باي طريقه ..

رديت : خلاص وانا بعد بحاول بس عطني اوراقك وتعال ..

فهد : هيه بس مب الحين ..

قلت : أوك مب مشكله أي وقت .. المهم تعااااااااال ملل بروحي ..

فهد : هههههههههههههههههههه عسب جيه تسالني ..

قلت : ههههههه هيه شو عبالك يالله عقب اكلمك

فهد : ههههه أوك..

يلست طول الوقت بدون شغله استغرب شو صاير وعقب .. ظهر المدير كملنا كم شغله ،

لين ما خلص الدوام كان يوم ممل وطوييل . . أكيد الحين علاوي والبنات مستانسيين وانا انكرف

صح الحين شو اسوي ارد لهم ولا لا ..

مافيني هلكان شكلي بمر عند حمود ،

ظهرت من الشركه ..

حسييييت بحد ماسكني من ورا التفت انصددددمتت : انتووووووووووووووو !!

... : عمييي ..

قلت : لا تقوول عمي انت شو يابكم اهنيه " شفتها يايه صوبناا" ..

مسكتهم : حممد تعاال ..

قلت : ليكووووووووووووون !!!!!!!

هيه اطالعني بنظره : لاتخبر حد

انا اصدمت : كاااااااااانووو دااخخخل !!!!!!!

ردت : لالالا ربيعتي يابتهم من شوي ..

قلت : انتي ناويه على عمرج .. صدقيني اخرتها بتنطرديين بسبت عياالج

ردت : محدد يدري ..

قلت : شدرااج يمكن حد شافجج !!!

قالت بشك : ليكون تخبرهم !!!!!!!!!!

قلت : عادي جداً .. انا انسان نذل

ردت : لا ما اظن ..

تحركت : باي رايح ..

حمد : معع السلاممه عمييي ..

أنا : لا حوووول ..ابتلييييييييت " ركبت سيارتي .. ورحت عند حمود "

***

في الشك كل شيء سيحدث!

لكن هنالك جزء مفقود في الحكاية ..

في اليوم الثاني ..

(( الصببح .. في بيت عمهم ))

مرييت غرفه الأولاد .. ماحصلت راشد غريبه شكله ما قدر يرد هنيه ..!

خاطري أعرف شو صار في البيت .. مع خالد وغاليه معقوله ساء وضعهم ولا

.. عمي وعموه راقديين أتوقع والبيت هدوء ، شفت العنود راحت الصاله شاله حليب ..

أكيد مريومه راقده رحت الصاله عقب رحت في الممر الي بين الصاله

والمطبخ ..

سمعت صوت حد خفت بسم الله منو هنيه فالبيت ..

لحمت كندوره رااشد ! رحت : راااششد !!

انصدمت مب راشد ..

.... : منو ؟؟ مريم بنت عميي

بدااااية خفففت كنت ناويه اصرخ بس عقب انتبهت

وزيين اني كنت لابسه شي عدل وشيله رديت : لآ ميره ..

طالعني باستغراب كانه انصدم مني : ميره !!

شكله مايعرفني لان من زمان ما التقيناا : هيه ميره ..

رد : أهاا

حسيت يقولها كانه مب واثق .. عقب قال : شو يابج هنيه ميره !!

رديت بتوتر : انا وخواني هنيه .. قلنا نيلس كم يوم ..

قاطعني : تعرفين انا منو صح ؟

قلت : هزاع !

رد وهو يلتفت : هيه .. اميه وابوي راقدين ؟ .. قلت بصدمهم اني رجعت ..

قلت : راقدين .. هيه انت مب مسافر !!!!!!!!!!

قال : هيه .. رجعت من امس .. صار ظروف ورجعناا وقلت ارد البيت لين مانقرر اذا بنروح ولا ..

صوت العنود من الصاله : مييييره ميييييييروووه وييينج

طالعني باستغراب : العنود معاج !!

استغربت كيف عرفها من صوتهاا وانا ماعرفني ! : هيه ..

ابتسم : زين .. انا بروح حجرتي لاتخبرين حد اني هنيه اوك ؟؟ "وسوا حركه انا بروح"

قلت : اوك ..

عقب تحرك راح حجرته .. وانا بعدني افكر شو السالفة كل يوم يطلع شي يديد ..

مب فاهمه شي !! هو صج مسافر ورجع ولا شو .. وشو سالفة عنوودووه ، والله

غريب امرهم .. صح حتى في المستشفى اظن انه شافها يمكن لان العنود وايد تشوفه

فحفظ شكلها .. الحين شو يعني اسكت ما اخبر حد

العنود يت صوبي واتطالعني باستغراب : شوو فييج ازقرج ؟؟؟

رديت : هاا ماشي .. شو كنتي تبين ؟؟

العنود : امييه اتتتصللت تقوول غاليه وخالللددد

ردييت باستغرااب : شوو صااار بعددد

العنود : طلقهااا ..

أنا بصدمه : شوووو !!!!!!!

كات ،
[/align] __DEFINE_LIKE_SHARE__

أسرار قلب · 03-31-2014, 08:31 PM

السلآم عليكم ورحمة الله ،

شكراَ على الإنتظار .. والمتابعه

قرآءة ممتعه وفي إنتظار رايكم =)

ولاتشغلكم عن الصلاة ..

__DEFINE_LIKE_SHARE__

Amooon_Alnahdi · 04-01-2014, 06:40 AM

[align=center][/align]تسلمين على هالبارت الأكثر من رائع . .
يااللااااااااااه حمماس ابي اعرف ليش خالد طلق غاليه ..
والعنود بعد سالفتها سالفه ..
انزين سؤال بس؛ المريومتين كم فرق السن من بينهم ، يعني كيف جي وحده عمرها 14 "على ماظن" المهم و وحده متزوجه وحامل بعد وجي ويا بعض :: اتمنى توضحيلي !!

ووبس والله هذا الي عندي وفأنتظار البارت الياي بحماس ....
ويعطيج العافيه. __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
يا أمه الأمجاد أين رجالُك أم أنهُم باتوا كما النِسوان ..	محروم.كوم	منتدى أخبار المواقع والمنتديات العربية والأجنبية	0	09-22-2013 06:40 PM
( فن الاقتراب )	ما تنحني هامه إلا لخالقها	الإسلام والشريعة	6	06-10-2012 07:27 AM
آهدآء من ؟؟؟؟؟؟؟<> بقلميَ	ما تنحني هامه إلا لخالقها	شعر و خواطر	1	06-02-2012 06:01 PM
رواية جديدة للدكتورة ناعمة الهاشمي 2012 تعالوا يا بنات رواية شما وهزاع احلى رواية	محروم.كوم	منتدى أخبار المواقع والمنتديات العربية والأجنبية	0	04-21-2012 05:50 PM
(( سيُـآرة لِمْ يُصنع منهَآ فِ العآلِمَ سؤىَآ ؤآححِدَةِ ! ))	ذيبہـة شّےـوِٱمِےـسًے	سيارات و دراجات	9	11-11-2011 12:27 AM