• رواية : (( أخبرتك . . أن لا تحاول الاقتراب منهُم )) بقلميَ ، - الصفحة 11

أسرار قلب · 02-18-2014, 04:11 PM

المشاركة الأصلية كتبت بواسطة meemalshehhi

متى البآرت الغآليه ..وايد طولتي 💔🚶

هلا حبوبه ,
السموحة عالتاخير .. يوم الخميسَ إن شاء الله __DEFINE_LIKE_SHARE__

أسرار قلب · 02-21-2014, 04:52 PM

(( البارت السادس ))

.
.
.

أحيانا هنالك تصرفات تزعجنا منهم ،
ولكن نحاول أن نتجاهلها كي لا تكبر تلك التصرفات ..

_

حمود : اقولك لاتكبر السالفه شو يعني مافيها شي ،

قلت : يالله باااييي . "وسكرت"

انا ليش ابتلي في نااس جيه .. عدلت غترتي وتعطرت ، عقب ظهرت خطفت صوب حجرة عنود ..

دقييت الباب : يالله اناااا تحت ..

العنوود : اوووووك دقايق ونازله ..

ضحكت : هههه دقايق يعني اقل شي نص ساعه ..

كلمت دربي ..

حسيت بحد يمشي وراي .. سمعت صوتها : ليش هالاهتمام بعهود ؟؟؟

إلتفت وأنا أضحك : ههههه إهتمام شو !!

ردت علي : لا تستغبى ؟

قلت : ما استغبى .. ليش مايستوي أسأل عن حد إلا اذا كنت مهتم ؟

تمت تطالعني بنظره قلت : شوفي ميره مايهمني شو الي يدور في راسج .. أنا بظهر مع العنود ألحين باي ،

ظهرت رحت سيارتي شوي وتدخل العنود ..

العنود : يالله تحرركنااا ..
قلت : متحمسه ..

العنود : من زمان ما رحت مكان معاك ..

ضحكت : ههههه .. اذا بتمين زعلانه مني ما باخذج مكان ..

العنود : هههه خلاص الي فات فاات ..

رديت : حسستيني أني سويت شي ..

العنود : صصصصصحححح ليش ماناخذ معانا مريومه ؟

رديت : ما أظن بتوافق ..

العنود : أها .. اوك ..

***

مزعج أن يحدث أمر يفرحنا ولكن في
المقابل لا يرضي من نحب .. فنكون
نحن السبب في حدوثه في نظرهم !!

(( بيت عهود ))

بعد صلاة العشا .. خلصت صلاة ويلست مع ساره وشويخ ..

في الصاله كانو يلعبون وأنا يالسه أفكر .. أبوي قرر يتزوج

الشهر الياي .. وخالتي صارت ما تسال عنا هالفتره .؟

معقولة حست أني مب موافقه على هالشي !!

رن فوني كانت خالتي !!

رديت : هلا خالوه .. شحالج ؟

ردت : أهلين حبيبتي الحمدلله شحالج إنتي وخواتج ؟

قلت : الحمدلله .. " عقب لحظة صمت شوا لسالفه !! "

عقب قالت بصوت متوتر : حبيبتي تعرفين أن أبوج يفكر ياخذني أعيش معاكم ..

هنيه أنا رديت بدون نفس : هيه ..

كلمت كلامها : شوفي حبيبتي أنا قلت لأبوج أنا مابي هالشي وقررت اتم في العين عند يدوتج ..

مدري فرحت أو تضايق بس حسيت بشعور معرف كيف أوصفه .

كملت كلامها : تحملي من خواتج ومن عمرج .. إن شاء الله إنتي مب محتاجه حد يأخذ مكان أمج وبتقدرين تدبرين عمرج ..

طالعت شواخ وساره ويلست أفكر أنا بقدر أعوض مكان أمي ؟

كانت خالوه تتكلم بس سرحت ماكنت أسمع ..

إلا لما قالت : عهوود يالله اخليج ..

رديت : ان شاء الله لاتحاتين .. الله وياج

" عقب سكرت "

حسيت بشي يقولي يمكن أبوي يلومني أو يفكر أني خربت إلي كان يخطط له !

أنا مابي يفكر في هالشيء ..

تحرك رحت أسوي شي ناكله ..

شوي اسمع صوت الباب كان ابوي دخل المطبخ ..

أبوي : بنتي اليوم في المطبخ ..

التفت : هيه بسوي كيك لليهال ..

أبوي : وأبوج مايبي كيك ..

ضحكت : ههههه لا مب زين لك فيك سكري ..

أبوي : يالله عيل أنا بظهر وبرد لكم بسرعه مابتأخر إن شاء الله ..

رديت : أوك مب مشكله " عقب ظهر "

***

لا نقارن لكي تكون أفضل ولكن
كي نشعرهم بأنهم ليسوا كذلك بل مختلفون !!

_

علاوي ويتأفف : اوووف اوووككك امشي

رديت : شفيك معصب هذا بس لاني قلت لك اباك توصلني لبيت ربيعتي ..

علاوي : لو عندي سياره مب مشكله بس تبيني امشي معاج هذا شي ثاني ..

قلت : ياربي ليش تحسسني ان بيتهم بعيد عهود دوم اتييه بيتنا وترد وبعدين شوف راشد ظهر مع عنود

ماقال لها والله مافيني اظهر الحين وخليني العب ومدري شو ..

علاوي : ميروووه سكتي زييين يالله امشي لاتتكلمين زياده ..

عقب ظهرنا ونحن نمشي ..

علاوي : ما احيدج تقارنيني براشد ؟

رديت : انتو الأولاد جيه مايفع معاكم الا نحسسكم بأن ف حد غيركم أحسن منكم ..

علاوي ومنصدم : ومن متى رشووود احسن عني !!!!

ضحكت : هههههه أسولف معاك ..

تم يفكر التفت له : شو سكت ..

علاوي : ماشي ..

عقب شوي ووصلنا بيت عهود ..

علاوي : متى تبيني امر آخذج ؟؟

رديت : بتصل لك عقب ..

علاوي : أوك ..

كنت بدخل بس هو تكلم : ميرووه ..

التفت : هلا ؟؟

علاوي وحسيته محتار : مممم ، خلاص عقب بقولج ..

رديت : شو قول ألحين ..

علاوي : لا عقب .. يالله في أمان الله .. "عقب كمل دربه وأنا أطالعه مستغربه شوا لسالفه شو كان بيقول "

عقبها دخلت بيتهم وفتح لي عهود الباب ..
عهود : هلاااااا حيااج " سلمت علي وحضنتني "

قلت : شحالكم ..

" سرنا المطبخ هيه كانت حاطه عالطاوله كيكه ويالسه تغطيها بكاكاو "

عهود : والله الحمدلله ..

قلت : يمييي شو مسويه ..

عهود : تبيين جربي ،

عقب يلست آكل الكاكاو هههه .. دخلت شواخ وساره وعلى طول هجوم على الكاكاو ..

عهود : لاتتوصخووون المطببخ .. " نزلت لهم المله الي فييها الكاكاو حطتها عالارض "

ضحكت على منظرهن : ههههههههههه شوفي لعوزت ثيابها شواخ ..

عهود : دووم جيه هههههه ماعلي ..

عقب قصت الكيك وعطت خواتها كنت اطالعها ماشاء الله عليها وايد مهتمه في خواتها

وتعابل فيهن .. حبيت هالشعور ماعندي خوات صغار ..

عهود : شفيج جيه اطالعيني " كانت مسحيه من نظراتي "

رديت : هههه ماشي معجبه فيج ..

عهود : ههههههه فيني ولا فالكيك ؟

ضحكت : ههههه الاثنين .. امزح بس مدري حبيت اهتمامج فخواتج ..

عهود : اذا انا مابهتم منو بيهتم ..

رديت : الله كريم ..

عهود : صحح بقولج شو صارر اليوم مابتصدقيين تعالي بنروح الصاله ..

رديت : أوك ..

عقب شلت صحن الكيك وتحركنا للصاله ..

ويلست تخبرني شو صار معاها ..

***

(( مر الوقت وفي سيارة راشد ،))

ضحكت : والله هههههههههههههههههههه اسكت انت خبل من يومك يالله اجلب ويهك ... يالله باااي .. لآ حوول .. باي بااي ..

العنود اطالعني مستغربه : شو فيك ..

رديت : هههه ماشي ربيعي خبل شوي .. صح تدرين مسوي حساب في الاستقرام ..

العنود : أونه ..

قلت : خخخخ والله بس جيه ربيعي يقول تصويري حلو ..

العنود ومستغربه : من متى انت تصور وتحب التصوير !!!!

رديت : يوم كنت برع اكمل دراستي كنت احب أصور ..

العنود وتضحك : هههه حركات ..

رديت :ليش تضحكين ؟؟؟

العنود : مدري ما توقعت تحب تصور .. ههههه

قلت : زين يالي ماتوقعتي خبريني متى بتخلص اجازتكم ؟

العنود : ويين للحين ليش جيه تنكد علي ..

ضحكت : هههه آخر سنه ثانويه عامة وحركات هاا ..

العنود : هااهااهااا حسستني أخي العزيز ..

رديت : بتكملين دراستج عقب شرا ت ميروه ولا بتعرسين ..

العنود شهقت : شووو

رديت : شوو الي شووو ههههه ..

العنود سكتت ..

رديت : بلاج جيه انقلبتي فجأه .. كأني قلت شي غلط ؟

العنود : لا ماقل تشي غلط بس للحين مابي افكر في هالمواضيع ..

قلت : زين ع راحتج ..

كلمت دربي لين ماوصلنا البيت نزلت انا والعنود من السياره ..

شفت ميره وعلاوي يمشون !!

عقب يوم وصلو .. قلت : وين رايحين ؟

علاوي : مايخصك !!

رديت : أرمسسك معاك عدل احترم نفسك " التفت لميره" : وين رايحه ؟

ميره : بيت ربيعتي في شي !

رديت : اهاا .. زين قولي من البداية ماله داعي هالاستهبال من الأخ ..

العنود : يالله ندخل داااخل ..

عقب دخلناا ..

كان ابوي موجود في الصاله : هاا عيالي وين رايحين ؟

رديت : ماشي ابوي نغير جوي وردينا ..

أبوي مستغرب عباله رايحين كلنا مع بعض : زين زين الله يديم هالمحبه الي بينكم ..

علاوي طالعني بنظره : أبوي انا بروح اصلي وبرقد تصبح على خير ..

" وراح باس راسه "

أبوي مستغرب : وين والعشاا !!

رد : مب يوعان " وكمل دربه "

العنود : هذاا دوم جيييه سخييف ..
ميره : عنوود!!!

العنود : شفيج شوي وبتاكليني .. " عقب راحت حجرتها هيه الثانية "

أبوي ويطالعني انا وميره باستغراب عقب قال : يالله روحو صلو وعقب تعشو ..

ردينا : إن شاء الله ..

تحركنا وميره تمشي حذالي قالت : اذا حس ابوي بشي تحملو النتايج ..

ضحكت : اقولج ميروه انتي اخر وحده ترمس ولا نسيتي ..

" عقب رحت حجرتي اتسبح وعقب اصلي "

***

الحياة في كل يوم قد تجمعنا في أشخاص ..
قد نجهل حقيقتهم ونعرف تفاصيل بسيطة عنهم
فنخطأ في معرفتهم ..

_

(( في اليوم الثاني الصبح ))

رحت الدوام وتكلمت مع المسؤول خبرني ان بكون ضمن فريق انا واثنين ..

بوعلي : يالله عيل اخليك الحين هذا مكتبك ..

رديت : ماتقصر ..

عقب يلست مكاني اسوي شغلي..

دخل واحد طالعني : السلام عليكم صباح الخير..

رديت : صباح النور، شحالك

رد علي : يسرك الحال عقب يلس في مكتبه ..

قال : عيل انت راشد ال .. تشرفنا أخوي معاك محمد مديرك ،

وقفت مستغرب : مديري ..

ضحك : هههه هيه نعم مديرك ..

يلست : غريبه عبالي نحن بنشتغل مع بعض يعني محد مسؤول عنا ..

رد : ماعلي توك يديد هنيه .. مع الأيام وبتتعود عالشغل ،

يلست أفكر : عيل منو الثالث ؟

رد : يمكن يتأخر كالعاده ..

رديت : خخخخ بعد تتأخرون ..

شل أوراق : اسمحلي رايح شوي وراد ..

رديت : أوك ..

يلست اتعبث في اللاب .. شوي دخلت وحده : السلام عليكم ..

رديت : وعليكم السلام .. اختي خير تبين شي ..

طالعتني باستغراب : انت منو ؟!

رديت : أنا يديد هنيه .. فماعندي خبره في الشغل للحين اذا تبين شي يلسي انتظري لين مايرد
مديري ..

كانت مستغربه : أنا أشتغل اهنيه !!

أنا انصدمت : هاا !!

ردت : انا اشتغل هنيه .. عندك أي مشكله " عقب حطت اغراضها ويلست تسوي شغلها "

قلت بصوت مب مسموع : اهاا هيه الثالث .. هيه لازم البنات متأخرات .. يلست أضحك

حسيت بملل الوقت يمر وأنا قاعد جيه .. قلت : الثالث .. أقصد إختي لو سمحتي تعرفين متى بيرد المدير ..

ردت : لا

قلت : زين تعرفين شو المطلوب مني ..

ردت : لا

قلت : إنزين شو لازم اسوي الحين يعني ماعندي شي اسويه !!

ردت متنرفزه : أخوي هذا شغلك انت ليش تسألني أنا !!!

حسيتها عصبت شوه المزاج من الصبح : السموحه ..
طلعت فوني ودخلت الانستقرام ..

شفت شي تعليقات من جولي هههه يالله من هالبنت ،

رديت عليها وشكرتها على تعليقاتها ..

صورت المكتب وكنت حاط الفلاش البنت ع طول التفت صوبي وطالعتني بنظره !!

قلت : ههه ماشي اصور المكتب ..

عقب حطيت الصوره كتبت .. أخيرا اشتغلت ،

عقب شوي دخل المدير راح صوب مكتب الثالث : هاا مها خلصتي الي طلبته منج ..

ردت : كيف بخلص وهذا مسوي ازعاج " كانها تقصدني !! "

المدير : حاولي تخلصين واطرشين الشغل لي ..

ردت : إن شاء الله .. ألحينه بروح أتكم مع المصمم وراده " شلت الأوراق وراحت "

المدير يطالعني : راشد .. تعال عندي لك شغله "

جان استااانس : اوك ..

عقب ظهرنا ورحنا غرفه كانو مجموعة كبيره متواجده وشي جنسيات مختلفه ..

يلست يفهمني شو شغلتي وعقب اشتغلت أخيرا مر الوقت ماحسيت فيه كانو جدا متعاونين

ويحترمون أفكار بعض قررنا نسوي مشروع نادي وكيف تخططيتنا له ولشكله وتفاصيل وايد ..

***

الظاهر ليس كل شيء هنالك حقائق أعمق بكثير من مجرد
ما هو ظاهر لنا ..

_

(( بيت بو راشد ))

العنود : رشوود في الدوام ..

ام راشد : هيه ..

العنود : ان شاء الله يسوي شي عدل ههههه

ام راشد : ليش ماشاء الله ولدي كل شي يعرف ..

العنود : هيه اكييد بتمدحينه ولدج العوود ..

ام راشد : هيه هذا الغالي ،

علاوي : عموه شكلج نسيتي انه راح عنكم كم سنه وماكان يسال ,,

العنود : اسسسكت انت بس فالح تسوي مشاكلل ..

علاوي : عنوودووه مايخصج زييين ..

ام راشد : بسس خلااص .. علي وين أمك ؟

علاوي : راحت بيت عمتي فاطمه ..

أم راشد : زين عيل ماعلي أنا بروح أسوي لكم الغداا " وتحرك راحت المطبخ "

علاوي ويطالع العنود : عنودوه تلعبيين ؟
العنود : لااا ..

مريومه : اييييييييييييييييييييي تخيلووووووووو

العنود : شو فيج !! انتي السوسه يوم تقولي تخيلو اكيد سامعه خبر ..

مريومه : هيييههه .. يقولون ولد عمنااا الدكتووور بيسافر استرالياا ..

العنود ملامح ويها تغيرت : ليش !!

مريومه : مدري ..

علاوي : وانتو شو تبوون فيه هااا !!!

مريومه : شوو نبي يعنيي مانبي شي بس قلت فيني فضوول ..

العنود : منوو قالج !!!

مريومه : مابقووول المهم سمعت الخبررر ..

علاوي : يمكن عنده شغل ..

العنود : كيف يعني شغل شو في استرالياا ..!!!!!!

علاوي بنظره : وانت ليش جيه مهتمه كيفه الريال ..

العنود : زيين يرايه المهم وينهاا اختك اقصد ميروه ؟؟

علاوي : راقده ..

العنود : غرييبه !!

شوي ويظهر خالد وغاليه .. كان مبين عليهم ان في شي صار ..

خالد بنوع من العصبيه : غااليييه روحي المطبخ ساعدي اميه انا رايح الدوام ..

غاليه : إن شاء الله ..

علاوي : بلاك معصب .. !!

خالد " بدون أي كلمه ظهر من البيت "

علاوي : ماعلييج منه استحمليه هذاا دوم جيه نكدي ..

غاليه : لآ عادي .. " عقب راحت المطبخ "

العنود : تحسون بلي أحسه !!

مريوومه : شو !!

العنود : في مشكله صايره بس محد يعرف شو هيه بين خالد وغاليه ..

علاوي سحب نفسه وراح يلعب ..

مريوومه : مشششكللللله !!!!!!!!!

العنود : مدري احس جيه ..

مريوومه : بروووح اسألهااا ..

العنوود : لااااااا تعاالييي ..

مرييومه وتحركت للمطبخ : بشوووف شووو بتقووول ..

***

تصرفات متسرعه قد تجلعنا نندم لاحقاً ..
بعضها قد تكون مجرد بداية لندم طويل أو
مجرد تسرع قد يكشف أمور كثيره لاحقاً ..

_

رجعت المكتب وشفت الأوراق الي لازم أطبعها والمخططات .

المدير قال بيروح يختارون شركه عسب الأثاث والاغراض الي لازم يوفرونها ..

يلست اشرب كرك .. وأطبع الأوراق ،

دخلت الثالثه : ويلست ترمس في الفون وكان شكلها معصبه ..

حسيت لو أنا مب موجود كان فرت الفون ولا صرخت ،

كنت أطلعها مستغرب ..

هيه سكرت الفون والتفت : نعم خيير !!

رديت : الخير منج وفيج بس ليش معصبه ..

ردت : لو سمحت مايخصك .. وكمل شغلك

عاد أنا أكره شي يوم بنت ترفع صوتهاا كأنها ميروه : اذا مايخصني فانتي بعد ماايخصصج اكمل شغلي ولا لا ..

ردت : أول مره اشوف متدرب يالس يتفلسف ..

أنا هنيه انقهرر : أول مره أشوف وحده لسانها متبري منها ...

قالت : شرايك بعد تحاسبني شو أقول !!! آخر مره اقولها لو سمحت لا تكلمني وكمل شغلكك ..

عصبت انا ناقص اخلص من ميروه تطلع لي هذي : احترمي نفسج .

ردت : محتررمه نفسي الحمدلله بس الي مايحترم غيره لايتريا غيره يحترمونه ..

ضربت الطاوله : بتسكتييييييين ولا كيييف ..

شلت أغراضهاا وتبي تظهر من المكتب ويدخل عليناا المدير ..!!!!!!!!!!!!!!!!!!!!!!!!!

تم يطالعنا مستغرب !!!!!

كات ..
__DEFINE_LIKE_SHARE__

أسرار قلب · 02-21-2014, 04:56 PM

السلآم عليكم ورحمة الله وبركاته ..

قراءة ممتعة للجميع وعذراً عالتأخير ،

في إنتظآر رايكم وتعليقاتكم " يهمني رايكم " مابي ..

* ولاتشغلكم عن الصلاة *

والسموحة .. ))
__DEFINE_LIKE_SHARE__

S3ad · 02-21-2014, 07:22 PM

جميييييل جماال بي دوم عند الحماس توقفين __DEFINE_LIKE_SHARE__

Amooon_Alnahdi · 02-22-2014, 12:28 AM

تسسلمين على هالبارت الأكثر من رائع ..
امم بصراحه ماعندي توقعات ..

فأنتظار البارت القادم بحماآآس.
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
يا أمه الأمجاد أين رجالُك أم أنهُم باتوا كما النِسوان ..	محروم.كوم	منتدى أخبار المواقع والمنتديات العربية والأجنبية	0	09-22-2013 06:40 PM
( فن الاقتراب )	ما تنحني هامه إلا لخالقها	الإسلام والشريعة	6	06-10-2012 07:27 AM
آهدآء من ؟؟؟؟؟؟؟<> بقلميَ	ما تنحني هامه إلا لخالقها	شعر و خواطر	1	06-02-2012 06:01 PM
رواية جديدة للدكتورة ناعمة الهاشمي 2012 تعالوا يا بنات رواية شما وهزاع احلى رواية	محروم.كوم	منتدى أخبار المواقع والمنتديات العربية والأجنبية	0	04-21-2012 05:50 PM
(( سيُـآرة لِمْ يُصنع منهَآ فِ العآلِمَ سؤىَآ ؤآححِدَةِ ! ))	ذيبہـة شّےـوِٱمِےـسًے	سيارات و دراجات	9	11-11-2011 12:27 AM