السلام عليكم ورحمه الله وبركاته

يامرحبا بالغالين كلكم صغيركم وكبيركم ذكركم ونثاكم وليا حيا كثر ولياكثر تنثروليا تنثر تزبر :d يقولنه العجيزات منول

هماي قالولي ناس واجد كل ماشافو الجوال الي معي استح على وجهك يالبخيل يالي ماتخجل من الناس انت وجهك الي مغسول بمرق قلت جيبو خبز وغطو في وجهي هماه مغسول بمرق :d ثمن قالو وشلون تجسر تطلعه وتكلم الناس ثمن قالو لي اجل قد شفتااحد معه جوال الشيطان الا هلحين فشيطان يطيربك:d قلت وشفيه وشفيه بعد قالو الناس هلحين يحطونه في المتحف :d ونت الا هلحين تستعمله اشتر لك ياملا الدقاق من الجوالات الذكيه وخلك مع الناس يالبخيل وقالو بعد كلمه بعد يالبخيل منيب قايلها لكم:d وروح وشتري لي جوال ذكي كن الجوالات الي قبل مهنب ذكيات المهم يوم شريته وقعد اتعلم وتعلم مادافع الله كان اعظم هذا كلش بالمس لا حولا ولا قوه الا بالله بس ونا متعود على النقر بصيبعي جعله يسلم انقربصيبعي مثل نقر الدجاج للعيش المهم وحاول وحاول ولا جيت ابا اختار اسم طلع لي اسمن ثاني ولا جيت ابغا اتصل ولا كني اباالد ازمل ويجيني زمل يروع وعجزت اعرف اتصل والله العظيم اني صادق ولا جيت اروح لشي ولا شي اخذت الشيطان معي تراه مهوب الشيطان نفسه لا نشاالله قصدي جوال الشيطان وهلحين توي بادي اعرف للشيطان المهم دليت اخذ الاثنين معي ولا رن الجوال الذكي طلعته عند الناس يعنني معي جوال جديد وذكي ثمن صكيته في وجه المتصل ثمن اروح لمكان صاد وطلع الشريحه وحطها في الجوال الشيطان ثمن اتصل على الي متصل علي ولا قالي وراك صكيتا الجوال في وجهي قلت معليش بس انا عند الدكتورولا انا اصلي ونا والله اكذب وش اسوي ولاهيب تسلط علي ذا المكالمات الا اذا كنت عند الناس ولا رايح لشي وقول بعد لعيالي لا تتصلون علي تراي اقصر من القومه والقعاد وكل مايرن اقوم وصكها في وجه الي متصل وعلا ذاالحال تلقون الناس يبي يقولون اكيد هذا عنده اتصالات مهمه يوم انه كل اتصال يقوم ويروح لمكان بعيد وذا الذكي يبيله من خمس سنين الا عشرسنين علشان اعرف له ولا عرفت له يصيرطالع للناس جوالات ماتنشاف


خل اعلمكم بشي هماي يوم عندنا شات يعني غنمه بس مهيب العنز لا الاخرا وش اسوي بكم اخاف تخلطون بينهن انتم ذكرتو الشات حقتي هماي مسميها نوره ومن اصبح الين امسي ونا طول بطني الا فكيتها من رباطها نوره تعالي ونوره روحي يعني ابعدي وغني عليها قبل وقول لها نوره يانوره يااغلا من البنوره نوره ياغاليه يااغلا شات في الدنيا وهي وراي تمشي وتقول باع باع وكل يوم ونا على ذا الحال تلقون الجيران ولا الناس الي يمرون منعند بيتنا يسمعوني و يقولون ياحليل سحسح قبله يلعب اخيته ما يدرون ان نوره شات عندنا


هماي يومني جذع قبل ابوي جعله للفردوس وميمتي وخيي وجدي هماه ياخذني للنخل حقنا قبل قبل كن ماعنده عيال الا انابس المهم ويطلع معنا ذاك اليوم اخيي جعله للفردوس وكان عندنا بندق سبعه وعشرين المانيه ولاه ذاك اليوم فيه طيور مهاجره اصبرو خل اعلمكم عن الاولين الا نشدناهم عن الطيور وقول يبه يبه ويقول هاه وذاك اليوم جالسين وعندنا يجي اربعه رجاجل قلت له يبه منوين يجن ذا الطيورقالو كلهم من وين يجن بعد هذولي يجن من السماءولا تكثر البربره الله يصلحك قلت طيب ثمن قالو العويد ياحليل وليدك يعانون ابوي ينشد من وين يجن الطيورمايدري انهن يجن من السماء المهم والله يعين على المهم ونطلع انا وبوي وخوي للنخل وذاك الوقت وقت صرام النخل ويجن ذوليك الغرانيق البيض وياقعن حولنا ونا مامعي فشق للبندق مخلصات وخوي معه وااااجد وقوله سلفني ياخيي ويقولي لا وروح انقب الفشق الي في كرب النخل وقصرت وجي مره ثاني وقول لخوي ياخيي سلفني فشق وعطيك بعدين وااااجد قالي ولا تحلم منيب معطيك ولا فشقه وكان ابوي راقي في راس النخله وكان اخوي واقف جنب الجابيه الي يجتمع فيها الماء حق القليب وكانت الجابيه مليانه ماء وغرب يعني شبا ذاك الي يطلع اخظر في الماء ونا اقول ياخيي ادلعه بعد جعله للجنه ياخيي عطني فشق ويعيي ونا الي اقرب من اخيي وعطيه حركه مع الورك وهذي حركه بهلوانيه ويطير اخيي ولاه في وسط الجابيه هههههه ويقعد يصيح طلع كله يركخ ويصبصب ماء وغرب اثر ابوي يناظرني وهو في راس النخله وهو الي يحول من النخله وهو مابعد خلص من الصرام ويجي يمي وهو يقولي هلحين ماتقولي يالهيس الاربدي يومك تجدع اخوك في الجابيه ونا ودي انحاش بس ابوي سبيق طمرتين ولاه ماسكني واقف في مكيني اتنافض وهو الي ياخذ ذاك العذق وينفض التمر منه ويجيني جاك الموت ياسحسح اين المفروهو الي يمسكني من جنبي ويلف ثويبي علي ويوم ارتزت مقعدتي ههههههههههه وهو الي يلشطني بالعذق ويلشطني ثانيه يوم بدن العصافير يدورن على راسي ويلشطني الثالثه ونا مسبط منيب اصيح ابد وتفخ رويحتي يعني زعلت ويجلس اخوي يناضرني ويضحك ونا ودي امسكه ورنه جعله للجنه بس خايف من بابا ويرجع ابوي ويرقا النخله مره ثانيه بس محول يمسطني ويرجع بس ويوم جا وقت الغدى ونروح نتغدا وجلس ونا زعل وتجيب امي جعلها للفردوس الغدا ثمن قالت لي امي اقرب تغد ونا امك ونا اهزبراسي معيي ومي ياوليدي اقرب تغد قلت اقول مابيش يعني مابيش ولا ابوي توه يبدا يتغدا وهو يسمع امي وهي تقولي اقرب تغد ومادريت الا ببوي يقولي انت وراك ماتغدا هلحين ونا الي اقررررب وتغدا على طول ومن خاف يقولون سلم

خل اعلمكم بسالفه فيه ناس من اهل الدوادمي كانو مقدمين على شغاله مدري اندنوسيه ولا فلبينيه كلهن واحد يشبهن لبعض ماعلينا منهم المهم مقدمين على شغاله وذا الكلام قبل عيد الضحيه بيوم ولا بيومين ويجيهم علم ان شغالتهم جايه ويوكلون يجيبها وحاد منهم ويوم وصل الرياض ونصا محل بيع الغنم يبي كوده يالقاله ضحيه ولا لقا الا شين غالي ويلقا واحد معه عناقين يعني بنات العنزوهن توهن صغيرات ويركبهن معه في الغماره وهو معه ددسن غمارتين ويحطهن في مرتبه ورا ويروح لمحل يبيع السكاكين والساطور وشرامنه علشان الضحيه ويروح للمطار وياخذ الشغاله وهي اول مره تشتغل ويركبها الشقردي مع العناقين في مرتبه ورا ويوم خافت الشغاله منهن المهم ويجيه خبر ان العيد بكرا ويفرح الرجال ونتم خابرين المسافه من الرياض الين الدودمي طويله شوي ومن زود فرحته يبي يعلمها ان بكرا عيد ويقوم ويطلع سكين من الي توه شاري ويلتفت على الشغاله ويشر بالسكين على رقبته وهو يقول تمورو تمورو جغ جغ يعني نبي نظحي ومادرا الا يوم اغمي على الشغاله فقدت الوعي الله لا يلومها اجل تمورو جغ جغ ويشر بالسكين على رقبته تحسبه يقول ابا اذبحك ويروح بها لمستشفى الدوادمي ويدخلونها في العنايه المركزه ويوم كشف عليها الدكتور وجا سئله راعي الغنم وش فيها يادكتور قال فيها انهيار عصبي ههههههه كله من تومورو جغ جغ :d

وفي النهايه مااقول الا سبحان الله والحمد لله ولا اله الا الله والله اكبر عددخلقه وزنه عرشه ورضا نفسه