كابريس 6.0l صوت بالمكينة وضغط الزيت منخفض .. افيدوني !

محروم.كوم · #1 12-11-2013, 05:50 PM

كابريس 6.0l صوت بالمكينة وضغط الزيت منخفض .. افيدوني !

السلآم عليكم
كيف حالكم جميع .. آن شآء الله بخير

طبعا بعد دوخة رآس فترة طويلة بالورش وشغل كذب ونصب
وبعد ما تعبت من الورش ولعبهم وكل واحد يسوي هو الفاهم
وانا من اول لي دخول على منتداكم وكنت استفيد والله من معلومات طيبه ومفيده للجميع ووجود خبرات بالمنتدى والله يعطيكم العافيه جميع ويقويكم

بدخل بالموضوع ..
انا معي كابريس 6.0l v8 2007 وماشي قليل ما كمّل 160 الف - مآشآء الله -
طبعا عندي صوت طقطقه بالمكينه واستمرت فتره تركتها
وقبل ثلاث شهور تقريبا قررت اشتغل فيها وبعد بحث عن ورش كويسه ارسلني واحد لورشه بالرياض ورحت له ونزلت الموتر عنده طبعا قالي الغالب عندك طرمبة الزيت تعبانه ويبيلها تغيير واذا فكيت اقولك وش تحتاج قطع غير الطرمبة المهم بدأ يشتغل وكلمني ثاني يوم قالي يبيلك مجموعة قطع وعاد انا نظامي اذا فكيت شغله اغير بعض الامور الاستهلاكية بطريقي واعتمد على القطع الاصليه وما اتنازل عنها

المهم قالي الورشه ابي تجيبلي :
طرمبة زيت
تكايات
طقم وجيه
هذي اهم القطع وناسي اذا فيه غيرها

وجبت له كل القطع اللي طلبها وبدأ يشتغل وكملت السياره عنده 4 ايام تقريبا وبعدها خلصت وجيت استلمها طبعا شغلتها وسمعت صوت طقطقه بالذات وهي بارده وصوت مو طبيعي واضح شوي المهم قالي الصوت هذا ماله علاقه هذا صوت عمود التايمن او جلب حقت العمود وقلت ليش ما غيرتها قالي شفت عمرها باقي فيه 30% وتركته يتغير بعدين تضايقت من هالشي يعني مدخلها ورشه كم يوم ودافع آلاف واخرتها القى فيها مشكله للحين
المهم استلمت الموتر على كلامه واستعملته شهرين تقريبا لكن حسيت الصوت صار اقوى واضح جدا وماني مرتاح له ورحت ورش اسال هنا وهنا طبعا اغلبهم يقول مستحيل عمود تايمن او الجلب على كلام الورشه الاولى
يقول احتمال طرمبة ويمكن اعدمت التكايات بعد وانا مالي شهرين مغيرهن يعني شي ما يدخل العقل او فيه خلل بالموضوع وقالي واحد يمكن الطرمبة تركيبها غلط بشوف ارجع اركبها وشافها طلع تركيبها صح بس الربله حقت الطرمبة تعبانه راعي الورشة الاولى مو مغيرها وغيرتها جديده وقالوا هالربله احتمال تعدم كل شي بالذات الطرمبة حتى لو جديد وحاليا اخر توقعات الورش يقولون احتمال نغير طرمبة ويضبط الموتر واحتمال طرمبة وتكايات وفيه واحد يقول احتمال تنظيف داخل المكينه لان الزيت ما يوصل زين يمكن شي مسدود واوساخ والمشكله عندي ضغط زيت منخفض مو طبيعي حسب فحص الكمبيوتر ان كان الفحص مضبوط تقريبا ضغط الزيت تحت 12 او وصل 10
واخر نقاشي مع الورش اللي رحت لهم قالولي كل اللي قلناه توقعات
لكن حاليا لازم نفك المكينة ونطلعها برى ونشوف وين الخلل بالضبط
وهذي بعد يبيلها تكاليف الفك وتكاليف القطع الاستهلاكية اللي لابد تغيرها اذا فكيت بعض المكينة ومن غير القطع اللي احتمال يكون العطل منها ولازم تتغير
والمشكله اني راعي خطوط ومشاغلي كثيره وخايف اسافر عليها وهي كذا وادخل بشغله اكبر او المكينة تتأثر وهذا اللي خايف منه
حاليا محتار ويجي ببالي هاليومين الجايه ادخلها الورشه واتوكل على الله وافك المكينة ونشوف وش عطلها ونصلحه

وبصراحه الموتر ماخذه ممشاه قليل جدا ونظيف واستخدامي انا محافظ عليه لابعد درجه وما يسوقه غيري وتعبان عليه

وما جيت هالمنتدى الا لاني واثق القى ناس تساعدني بحل المشكله ونسمع نصايحهم ويعطيكم العافيه جميع والمعذره على الاطاله
وعساكم ووالديكم للجنه جميع .. __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
حراره بعد سرعة130 وضغط طرمبة الزيت ضعيف سوبربان 2000	محروم.كوم	منتدى أخبار المواقع والمنتديات العربية والأجنبية	0	08-09-2012 09:50 PM
جمس :ضغط الزيت منخفض	محروم.كوم	منتدى أخبار المواقع والمنتديات العربية والأجنبية	0	01-25-2012 11:00 PM
وش حل ضغط الزيت منخفض	محروم.كوم	منتدى أخبار المواقع والمنتديات العربية والأجنبية	0	10-01-2010 03:00 AM
مشكلة بالمكينة افيدوني	محروم.كوم	منتدى أخبار المواقع والمنتديات العربية والأجنبية	0	04-04-2010 03:39 PM
عبارة Low Oil Pressure " ضغط الزيت منخفض " جمس 2003 وش الحل ؟	محروم.كوم	منتدى أخبار المواقع والمنتديات العربية والأجنبية	0	03-05-2010 06:40 PM