هذا زمان المسخرة‏

نبض روحي · #1 06-02-2009, 11:38 AM

السلام عليكم ورحمة الله وبركاته

هذا زمان المسخرة

بقلم الشاعر/ البحريني عبدالرحمن رفيع

هذا زمان المسخرة هذا زمان المسخرة

جوال ومشيه بفشخره في وسط السوق متبخترة

والكحله في وسط العيون والشفايف زود محمرة

والصدر تتعمد تفكه تخليه مفتوح ما تزرره

هذا زمان المسخرة هذا زمان المسخرة

لو يسألها ذاك الفقير وين انتي رايحه يامره

جاه الجواب يبهدله وتقوله كلام بيقهره

باروح السوق ابشتري فستان للحفلة المزهرة

وتروح الصالة كنها عروس مزينه ومعدله ومعطرة

وما ترجع إلا في الصباح وتشيل الزينة الساحرة

هذا زمان المسخرة هذا زمان المسخرة

آخر الشهر تقبض الراتب وتروح المجمع وتبعثره

وتعير ذاك الفقير لو إني مثل غيري ما عشت وإياك محسره

شوف فلانة وشوف علانه عايشين عيشه ميسره

فله جميلة وسيارة كشخه ما هو مثلك تركبني سياره مكسره

هذا زمان المسخرة هذا زمان المسخرة

لين استلمت ذاك التلفون تبمبع مثل البقرة

واتحش في الناس هذا طويل وهذا قصير وحكيها كله مسخره

وفلانه اليوم مطلقه وفلان ماتت له مره

وكلامها أصلا ماله أساس بس هذره فاضيه وبربره

والوقت يسرع والهاتف يحسب أمواله تروح مهدره

هذا زمان المسخرة هذا زمان المسخرة

الله يرحم ذاك الزمان الحرمة فيه مستره

كانت تجلس ويا الأذان وتصلي لله وتشــــــــــكره

وتدعي للناس الطيبين بنفس طيبه وطاهرة

هذا زمان المسخرة هذا زمان المسخرة

مو مثل بنات هذا الزمن تركب ويه الأجنبي بيدها روج ومنظره

وقصت الشعر أخر موديل كأنها ديك منفوش جناحه وعرعره

والعبايه تحطها على الكتف حتى الشعر ماتستره

ولو تقول لها هذا حرام قالت كلامك كله دندره

كلامك كله ما يعني لي شيء أني فتاه متطورة

لا يخدعونك باسم حضارة هالزمن آخرتها تالي المقبرة

وآخر كلامي بالصلاة على النبي وإياه العترة الطاهرة __DEFINE_LIKE_SHARE__

Wadeema · 06-02-2009, 12:31 PM

ههههههههههههههههههههههههههههههههههههههه

يحلييله __DEFINE_LIKE_SHARE__

نبض روحي · 06-02-2009, 09:10 PM

المشاركة الأصلية كتبت بواسطة wadeema

ههههههههههههههههههههههههههههههههههههههه

يحلييله

!!

تسلمين حبوووبه ع المرور الطيب .. __DEFINE_LIKE_SHARE__

الرهيب القطراوي · 06-03-2009, 02:39 PM

يسلمووووو يااختيييييي الغالية نبض روحي على الطرح وتقبلي مروري.......

& الودعاني عاشق الريان &
__DEFINE_LIKE_SHARE__

نبض روحي · 06-03-2009, 08:18 PM

المشاركة الأصلية كتبت بواسطة الرهيب القطراوي

يسلمووووو يااختيييييي الغالية نبض روحي على الطرح وتقبلي مروري.......

& الودعاني عاشق الريان &

الله يسلمك ويسلم غآليك من الشررر

اكييد اتقله

تسلم الشييخ ع المرور الطيب . . __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
صيد سمان (( صور ))	محروم.كوم	منتدى أخبار المواقع والمنتديات العربية والأجنبية	2	06-14-2016 11:04 PM
مقطع يوتيوب لحسن كراني والنشرة الجوية حق زمان والأمطار زمان	محروم.كوم	منتدى أخبار المواقع والمنتديات العربية والأجنبية	0	04-22-2010 08:40 PM
ايام زمان	محروم.كوم	منتدى أخبار المواقع والمنتديات العربية والأجنبية	0	07-10-2009 12:20 PM
عرس زمان اول ..	Esma7eli Yal'3ram	العاب , فكاهه , مسابقات	7	06-06-2009 08:12 PM
سمان لا ماهو سمان ياترى وش هالطير	محروم.كوم	منتدى أخبار المواقع والمنتديات العربية والأجنبية	0	05-01-2009 07:40 PM