الهاموررر ..والدعيع ..... بيترالسروات

محروم.كوم · #1 11-11-2013, 05:30 PM

السلام عليكم ورحمة الله وبركاته

سالفة ... بنشر الحريم ذكرتني بهذي السالفه وخفت انساه ....

سالفه خطافيه.....

يقول.... خيمنا حنا وربعن لنا وقت الربيع في منطقه يحبها قلبك .....وتخابروا الربع بمحلنا وكل يوم يجينا ضيوف من بني عمنا ومن حولنا ..

والشياب الي لهم حلال قريبا منا صاروا متكين عندنا سوالف وسعة خاطر ...

والشباب ما يقصرون بالضيافة والقهوة والتراحيب ...

وفي عصر يوم جمعه جانا واحد من ربعنا هامور ربي موسع عليه

وتبي الصدق قليله هامورررر قل حوت ما شاء الله عليه والرجال وانعم فيه ...

اقبل طال عمرك علينا في هذاك ال في اكس ار وارد سنته قراطيسه باقي عليه

يلق لق ........

يقول تناقزت اعيونا وقاموا شيابنا وكلنا رحبنا بالرجال وقلطناه

وعاد تعرفون الدراهم تشيخ... ههههه .... وهو وانعم وشيخ من دونها لكن اكتملت الرصه ......

وكلنا نراعي الموتر ما شفنا موديله في هذيك السنه ...والله العالم انه ..ورده خاص .. قبل ما ينزل السوق ....

اقبل واحد من العيال بالقهوة وصب لضيفنا الهامور وتخبرونا الشباب تشدهم المواتر

أكثر من الشياب ...

وهو يصب لهامورنااااا ههههههه حلوه هامورنا ......صب له القهوة ... قال يا جعله مبروك الزين و الله يعطيك خيره ويكفيك شره يا أبو فلان ....

ويوم وصل الولد نصف المجلس صاح عليه الهامور فلاااااااان التفت الولد ... واحذف عليه المفتاح قال ترى الموتر جاك ... الولد مسكين انقلب(( الدعيع ))القهوه في يد والفناجيل في يد

وهو يجمع يديه ويلقط المفتاح بحركة احترافيه ههههه.... أنحرج الولد والعالم تطالعه ... وقال تسلم يا ابو فلاااان والله يهنيك فيه ... وما يجيني حرركااااااات يعني اني هههههه .. وهو عظامه ما عاد تشيله من الفرحه ....

قال الهامورررررر والله انك تستأهل وما يرجع
... ((ما بارك لي إلا أنت ))......

وهو صادق حنا وشيبانا طقتنا البوووووهه يوم شفناه ونسينا نبارك لرجال اقلها من العين .......

*************

وصلى الله على سيدنا محمد ،،،،،،،

__DEFINE_LIKE_SHARE__