إنضمامك إلي منتديات استراحات زايد يحقق لك معرفة كل ماهو جديد في عالم الانترنت ...

انضم الينا
استراحات زايد الصفحة الرئيسية

         :: الرمل في المنام للعزباء (آخر رد :نوران نور)       :: تفسير حلم رؤية الطفل الرضيع في المنام (آخر رد :نوران نور)       :: ما هو تفسير الحلم بشخص تحبه (آخر رد :نوران نور)       :: حلمت اني اشتريت سيارة (آخر رد :نوران نور)       :: الصرصور في المنام (آخر رد :نوران نور)       :: التداول والأسهم: دلالاتهم وأهميتهم في الاقتصاد (آخر رد :محمد العوضي)       :: التداول والأسهم: دليل شامل (آخر رد :محمد العوضي)       :: الجدوى الاقتصادية والأثر البيئي: إيجاد التوازن (آخر رد :amrelmansy)       :: الآثار المترتبة على الكفاءة الصناعية والاستدامة (آخر رد :amrelmansy)       :: برامج الرشاقة السعيدة (آخر رد :دارين الدوسري)      

قصص و روايات تهتم بالقصص المنقوله وقصص الاعضاء الطويلة والقصيرة

إضافة رد
 
LinkBack أدوات الموضوع انواع عرض الموضوع
  #1  
قديم 09-16-2013, 08:52 PM
عضو جديد
بيانات القبيسـيهه
 رقم العضوية : 148817
 تاريخ التسجيل : Sep 2013
الجنس : Female
علم الدوله :
 المشاركات : 8
عدد الـنقاط :100
 تقييم المستوى : 0

السلام عليكم و رحمه الله و بركاته

اشحالكم ؟ ربكم الا بخير و سهاله ..

امممم حبيت اعرض عليكم قصتيه وهاي اول تجربه لي و البارت بيكون كل اثنين و اربعاء ان شاء الله

(ما ابـي شي غير اني ابيك ولا ابي احد يكمل فرحتي غيرك )


بيت بوحمد



بو حمد : عمره 45 ريال طيب و راعي واجب و قلبه ع الكل


ام حمد : 42 ما علييها رمسسه حبوبه و ما ترضى ع عيالها


حمد : عمره 22 عيونه ناعسه و عسليه خشمه سيوفي مركب تقويم اسود شعرهه اسود و كثيف طويل شوية معضل بشرته برونزية و يدرس ف جامعه العين


روضه : عمرها 19 تطيح الطير من السما قصيره ع امها عيونها عسليه و ناعسه خششمها سيوفي و شفايفها صغيره و شعرها اسسود لين فوق ركبها غليظ واييد ويا بنت عمها ميثه تدرس ف الجامعه الامريكية



بيت بو سلطان


بوسلطان و سلطان متوفين ب حادث سلطان توفى ف وقت الحادث بس بو سلطان تم ف غيبوبه لمده شهرين عقب توفى


ام سلطان : قدرت تربي بناتها بدون ريال احسن تربيه و هب مقصره عليهم ب شيء طبعاا بو حمد و بو سيف و الشباب هب مقصرين وياهاا ب شيء


ميرهه تؤام سلطان : 21 طويله شوي عيونها سود و وسيعه خشمها ضعيف شفايفها كرزية شعرها لين كتفها ما تحب الشعر الطويل تدرس ف جامعة العين


ميثه : 20 ماخذه عيون ابوها ناعسه قصيره شعرها طويل شرات شعر روضه بس صابغتنه باللون الفستقي و تدرس ف الجامعه الامريكية ويا روضه


مهره : عمرها 18 اخر سنه علمي بس هالشيء ما خفف من مشاكلها و شرداتها جريئه و لسانها طويل و ملعوزه المسات كوبي بيست من ميره


بيت بو سيف


بوسيف : عمره 42 حبوب و راعي مقالب ملعوز ب عياله و حرمته و الشباب عنده 3 اولاد و بنتين


ام سيف : هب مقصرهه ع عيالها و ريلها ب شيء و ما ترضى عليهم و تستوي اخت بوحمد و بوسلطان


سيف : 22 اسمر شعرهه طويل شوي عيونه سود يدرس ف جامعة العين ويا حمد ولد خاله


راشد : 20 ع ابوه راعي سوالف و مقالب و ابيض و عيونه سود و وسيعه يدرس ف الامريكيه


اليازيه : 21 واييد كلوز ويا ميره بنت خالها بيضه و طويله شوي و شعرها طوييل و تدرس ف جامعه العين


حميد : 19 حياته كلها بنات و استهبال و هياط و اللي يساعدهه ع البنات جماله لانه كلمة قطعه شوية علييه


غلا : 18 اخر سنه علمي ويا مهره كوبي بيست من مهرهه طبعا حياتهم ما تخلى من الاستهبال و المشاكل


.................................................. ....................



بيت بو حمد


روضه نازله من الدري و يالسسه ع البيبي رفعت راسسها شافت حمد مندمج ع التلفزيون يطالع فلم يت من وراهه و باسته ف خده و نطت ف حضنه


روضه : اخخخخ فدييتكك انا احبك يا احلى اخو ف العالم


حمد ابتسم و لوى عليها : و انا اموت فيج يا احلى رويض


و لف يكمل الفلم


روضه : حمممد


حمد مندمج : هممممم


روضه تلعب ب شعرها : امممم عندكك الشي اليوم


حمد : ................


روضه صرخت : حمممممممممممممد


حمد فز : ها ها لبييه شو فييج


روضه : ارمسك من الصبح ساحب علييه


حمد : انززين حبيبي ما سمعتج شو ف خاطرج


روضه : عندكك شيء اليوم


حمد : مواعد سيف و راشد بنسسرح صوب دبي شو ف خاطرج


روضه : انا و الميث نبا نسير صوب دبي مول دخيلك دخيلك دخيلك ححممد خذنا وياك


حمد يطالعها : ...................


روضه : حمممد يييييلااا عععاد


حمد فخاطره "زين مره وححده بشوف ميروهه متوله عليها " : من عيوني بس ترمسسين بنات عميه بوسلطان الحين و تعطيهن خبر اني بخطف عليهن كلهن


روضه نقزت باسسته ف خدهه و ركييييضض فوق تتصل حق الميث و تخبرها



بيت بو سلطان


ميثه يالسسه ف الصاله ويا امها و خواتها و فونها رن شافت الفون ابتسمت و ردت


ميثه : هلا هلا ب رويض علووم !


روضه : علوم الخيير قلبييي شو بشارتيه ؟؟


ميثه : اللي خاطرجج فييهه فديتتجج بس ان شاء الله تسسوى


روضه : افا علييجج في مرهه انا يبت لج بشارهه ما تسوى


ميثه : لا ما يبتي المهم عطيني البشاره


روضه : السساعه 4 بنخطف عليكم انا و حمد و بنسير دبي


ميثه : قووووووللي قسسم


روضه تضحك : والله انزين الساعه اربع خلييكم زاهبات


ميثه : من الححين بعد المهم اظهر


روضه : ههههههههههه انزين اجلبي ويهج بنزل اكييد ابوية الحيين يا


ميثه : هههه براييج عيل سلمي


روضه : يبلغ ان شاء الله يو تو هاا


ميثه : ان شاء الله يلا سي يو


روضه :سي يو


ميثه لفت ع امها : امييييهه انا و خواتي بنسسير دبي ويا قوم عمييه


ام سلطان : منو بيسير ؟


ميثه : انا و خواتي و ميثه و حمد


ام سلطان : الله يحفظكن و متى بتسرحون


ميثه : ع الساعه 4 امايه


ام سلطان : على خير ان شاء الله
__DEFINE_LIKE_SHARE__
رد مع اقتباس
قديم 09-16-2013, 09:26 PM   رقم المشاركة : [ 2 ]
عضو جديد

الصورة الرمزية ALMHA

بيانات ALMHA
تـاريخ التسجيـل : Jul 2013
رقــم العضويـــة : 147759
الـــــدولـــــــــــة : UAE
المشاركـــــــات : 57 [+]
عدد الـــنقــــــاط : 100
الجنس : Female
علم الدوله :
الحالـــة : ALMHA غير متواجد حالياً

 

بيانات إضافية
 بينات الاتصال بالعضو
 اخر مواضيع العضو

 
Love

السلآم عليك حبيبتي شحآلج علاج بخير بصراحه ابدع تي حياتي و إلى الإمام فديتج والشخصيات روعه والرواية اروع ترقبج غناتي __DEFINE_LIKE_SHARE__

من مواضيعي


 


"* ڷـسٺ الأفــضڷ .. ۈڷـــڪن ڷـي أسـڷـۈبي"*

  رد مع اقتباس
قديم 09-18-2013, 07:34 PM   رقم المشاركة : [ 3 ]
عضو جديد

بيانات القبيسـيهه
تـاريخ التسجيـل : Sep 2013
رقــم العضويـــة : 148817
الـــــدولـــــــــــة :
المشاركـــــــات : 8 [+]
عدد الـــنقــــــاط : 100
الجنس : Female
علم الدوله :
الحالـــة : القبيسـيهه غير متواجد حالياً

 

بيانات إضافية
 بينات الاتصال بالعضو
 اخر مواضيع العضو

افتراضي ما ابـي شي غير اني ابيك ولا ابي احد يكمل فرحتي غيرك

ع الساعه 4 الا ربع حمد ع الدري يصارخ : رويضضض السساعه 4 والله بسير عنج ترى
روضه نازله من الدري : حممود الساعه 4 الا ربع تحمل ربع ساعه عنبو عرفنا انك تبا تشوفها اثقل مسستعيل ع الشوفه
حمد : اخخخ فديتها و حد يمل من شوفتها امشي امشي جدامي
روضه : ههههه الله يرزقني بحبيب شراتك
حمد يضربها ف راسها ع الخفيف : ياخي حشميني
روضه : هههههههههه احبك
حمد يوقف موتره قدام بيت عمه : يلا انزلي ازقريهن
روضه : ليش فديتك هب ناوي تسلم ع خالوهه
حمد : بنزل بس عشان اشوفها اكثر
روضه : ويا راسسك مستفرط هههه
حمد : هههههههه بس جب
روضه حدرت و حمد وراها
حمد : هود هود
ام سلطان : حياك حياك ولدي
حمد يروح صوبها و يبوس راسسها : شحالج خالوهه ؟ ربج الا بخير و سهاله
ام سلطان : بخير ربيه يعافيك شحالك انت ؟
حمد : عساهه حالن مديم خالوه انا بخير يسرج حاليه
روضه : اححم احم دوم يوم يشوفونه ينسوني
حمد : ههههههههههههه
ام سسلطان : فديتتجج انتي تعالي "تبوسسها ف خدها"
ميره نازله من الدري : هيييييييهه انتتي بعدي عن عيوزي هاي مالتييه اغار انا
حمد ضحك : وعليكم السلام
ميره قفطت و نزلت راسسها : السسموحهه السسلام عليكم
روضه ربعت صوبها و باسسستها بوسة قوية ف خدها : فديييييت روحج بنت عمييه اعشققجج اناا
ميره : ههههههههه شو هالمحبه اللي نازله عليج
روضه تساسرها : عسب ناس يغارون
ميره استحت و قرصتها
روضه صرخت : اااااااااااااايييييييييييييي
ام سلطان : بسم الله علييج رويض بلاج
روضه : خالوهه حممد شوفوا ميرهه تقرصني
حمد : عادي حلالها حتى لو تذبحج
ميرهه تطلع لروضه لسانها
حمد : روضه سيري ازقري بنات عمج تأخرنا ع الشباب
روضه : اوككيةة
ام سلطان : اي شباب ؟
حمد : سيف و راشد
توهه يخلص حمد جملته الا فونه يرن
حمد : هلا سيف
سيف : وينكك ييا ريال بطييب عليينا
حمد : انا ف بيت عمييه الحين بيين البنات و بنييك
سيف : لييش هم بيون وياانا ؟
حمد : هيه
سيف : خلاص ععيل انا الحين بيي بيت عمي عسب نتساير ب موترين
حمد : زين لا تبطي
سيف : ان شاء الله يلا باي
حمد : باي
سسكر الفون
حمد : ها سيف الحين بيون عسب نتساير موترين
ام سلطان : زين تسوون حمد حط بالك ع البنات
حمد : افا علييج خالوهه ف عيوني تراهن خواتي
ام سلطان : تسسلم الغالي
"فوق"
روضه : ياخخخخخي اخرتووننا بسسرعهه خ نرووح
ميثه تلبس عباتها : ها خلاص خلصت
روضه : انا بسبقكم تحت
ميثه : انا خلصت مهاري خلصتي
مهره : هيه قومن ننزل
نزلن تحت يلسن دقايق و وصلوا سيف و راشد و ركبوا مواترهم و حركوا
"ف موتر سيف "
راشد : اففففف الححين ميثوهه ليش ما يت ويانا
سيف ميت ضحك : ههههههههه خلاص شو فيك عرفنا انك تحبها بتشوفها ف المول لين ما تمل اثقل انت عاد
راشد : تخسسسسسسسي امل من شوفتها ان شاء الله تحب يا سيف و تعذبك اللي تحبها
سيف : هههههههههههه انا وين و الحب وين خلييها ع الله اصصلا ما افكر ف هالسوالف الححين
راششد : ................
سيف : حليلك يا رشود متبهذل ب هالحب
راششد : سسيف يوز عني و سوق و انت سساكت
سيف : هههههههههههه ان شاء الله
"ف موتر حمد"
ميره يالسه ورى حمد و حمد كل شوي يطالعها من الجامه و رويض ميته ضحك علييه
روضه : حمد خلاص
حمد : انتي ما تخلين الواحد ع راحته

ميره فاهمتهم و ساكته مستحيه اما مهرهه و ميثه ع راسسهم مليون استفهام
ميثه : شو فييكم
مهره : ميثه حسيتي انا وياج شرات الاطرش ف الزفه
ميره ضحكت و رفعت عيونها ع الجامه شافت حمد يطالعها و مبتسم نزلت راسسسها مسستحيه
حمد " عساها دوم هالضحكه ف شفايفج "
مد ايدهه ع المسجل و حط اغنية اتاملك مايد عبدالله و طول بقصد انها اهداء
قمت اناظر صورتك و اتأملك احلى انسان على هيئة ملاك
كان ودي لو تشاهد صورتك داخل عيوني ترى ما اجملك
كامل الاوصاف و لله الكمال ياللي بالاخلاق ربي كملك
انت ايه في دلالك و الكمال قلت يا سبحان منهو جملك
يا هنا قلبي و بهجة ناظري لو تصير جروح والله استحملك
لا يضيق الكون بك يا اسري مربعك قلبي و لك ما ملك
بركنوا مواترهم و نزلوا
سيف : شو الترتيب بتيون ويانا ولا بتسيرن بروحك
راشد يطالعه يحس انه يبا يذبحه
روضه : لا بنسير بروحنا احسسن
سيف : خلاص يوم بتخلصون اتصلوا فينا
روضه : اوكيية
و ساروا عنه
راشد : اوووفف تقهر
سيييف : ههههههههههه يعني غصب يتمن ويانا شو
حمد : ههههههههههه متخشع الريال امشي و انت سساكت
راشد يطالعه بنظره : مردودهه يا اخوي
سيف : اذا حبيت خير
صوب البنات كانن يتمشن و وراهم شباب بس مسوين لهم طاف
ميرهه : اقول امشن بس صوب ستار بوكس ع حسابي هالمرهه
روضه : افاا روضه القبيسي بكبرها واقف يدامج و تقولين ع حسابج تبين حمد يذبحني شو
واحد من وراهاا : حححححييههم القبيسسات
مهرهه : ننننععععمم اخووية امر شيء ف خاطرك
الشباب كلهم : خاطرنا فييكم
مهرهه : ههههههه تخخلف اقول توكل لا اللم عليكم المول ب كبرهه
واحد ضحك : و شو بتسوين يا حلوهه
مهرهه صرخت : انتوا ما تستحون ع ويهكم ما عندكم خوات شو
كل اللي كانوا ف البقعه يطالعونهم
واحد من الشباب:لا تصارخين فضحتونا
كان في قروب شباب يطالعونهم من بعيد وقف واحد رايح صوبهم
واحد من الشباب : ميود خلك عنهم ما يخصك فيهم
مايد خلى روحه ما سمعه
مايد : امر اخويه شو ف خاطرك
الولد : انت شو تبا تبا تطلع عمرك قو قدامهمم يعني
مايد : حبيبي هايول الاهل قلت لك شيء ف خاطرك
الولد : لا سسلامتك و السموحه منك "طلع برع المول من القفطه "
لفوا البنات يبون يرحون
ميرهه : مشكور اخوية
مايد عيونه ع روضه : ما سويت شيء ... روضه
روضه منصدمه ترمس صوت واطي : هئئئئئ منو ها كيف يعرف اسمي
مهرهه كالعاده لفت عليه : انت كيف تعرف اسسمها
مايد زخ فونه و دق حق حمد
حمد : هلا والله
مايد : هلاا فييك علومم
حمد : بخيير يسرك حالييه علومك انت
مايد : بخير و سهاله الا اقول انت وين ؟
حمد : والله ف دبي مول ويا الاهل
مايد : هلك ويايه بس ممكن اتيي صوب ستار بوكس
حمد : كييفف وياكك شو صاير
مايد : ما صار شيء بس انت تعال
حمد : دقايق و اكون عندكم
روضه خايفه و الدمعه ف عيونهاا اول ما شافت حمد صاحت و انخشت ف حضنه ميته صياح
حمد : روضه بلاج شو فييجج
روضه تصيح :.........
حمد وخرها عن حضنه و سار سلم ع مايد و خبره السالفه
حمد : تسسلم ميود والله ما اعرف شو اقولك
مايد : افا علييك تراك اخوية و هايول هلييه
حمد : ما عليك زود
مايد : يلا عيل اخليكم انا
حمد : لا لا وين ساير خلك ويانا ع الاقل ف الكوفي
مايد : مره ثانية ان شاء الله مخلي الشباب روحهم
حمد : خلاص ععيل برايك
حمد : الله يحفظك
حمد سار صوب روضه و رفع راسسها : ابا اعرف ليش تصيحين الحين
روضه : خفت يوم عرف اسمي و زقرني
حمد : هههههههه مشكله الخوافات
روضه : زين ما مت من الخوف
حمد : بسم الله عليج يومي قبل يومج
سيف : ع فكرهه الساعه صارت 9 و ورانا درب خلصوا
ميرهه : نحن مخلصين
حمد رفع راسه يطالعها و ابتسم
الكل الا حمد و ميرهه :هههههههههههههههههههههههههههههههه
ميرهه قفطت و نزلت راسها خلت روحها تلعب ف البيبي
حمد تم يطالعهم لين ما سكتوا : خلصتوا ؟ .... بسير ادفع الحساب و بيي خليكم جاهزين
كلهم قفطوا و ميره ضحكت ع اشكالهم
راشد و ميثه : طع الخايسه تضحك عشان حبيب القلب قفطنا
طالعوا بعض و ضحكوا
حمد من وراهم : اييه اشوفكم استلمتوا حبيبتي قوموا قوموا
"صوب مايد و الشباب"
ذياب: ههههههههههههه والله شكلهه كان تحفه
كايد : هههههههههه انا ابا اعرف هالمصخخره اي واحد اييهمم و يقولهم الاهل يصدقونه
ذياب يطالع مايد : كايد هب جنه الريال متخشع
كايد : والله انا اقول جذه بعد
ذياب يحرك ايده قدام مايد
مايد : ها شفيك
كايد : اللي ماخذ عقلك
مايد تنهد و ابتسسم
ذياب تعدل ف يلسته : لا لا طلع الريال صدق متخششع
كايد : و منو اللي ماخذتنك عنا
مايد مبتسم : اخته
ذياب و كايد : ؟؟؟؟؟؟؟؟؟؟
مايد مبتسم :..............
كايد : اخت منو
مايد : حمد
ذياب : اي حمد لايكون حمد القبيسي ؟؟
مايد : هيه
كايد : هي تحبك
مايد : هي ما تعرف اصلا
كايد : كيف ؟؟ ياخخي ارمس عدل
مايد : اول مره شفتها كانت ضايعه ف المول و كانوا شباب وراها هههه كانت خايفه و فونها مفضي
.................................................. .............
مايد رايح صوبها : السلام عليكم
روضه :..............................
مايد : الشيخه ارمسج انا
روضه و الدمعه ف عيونها : اففففف شو تبا رقم هب شالتنه بس روح عني ياخي استح ع ويهك ما عندك خوات
مايد : ههههههههههه السموحه بس فاهمتني غلط شكلج ضايعه تبيني اساعدج
روضه : لا توكل اصلا الحين اخوية بيي
مايد : انزيين عندج فون
روضه : اخخخيه خلاص توكل شو تبا قلت لك مابا رقمك
مايد طلع فونه من جيبه و مده لها : اتصلي حق اخوج مب حلوه تمشين روحج و وراج شباب
روضه خذت الفون و دقت
مايد يطالعها و ف خاطره مشبهنها ع حد
روضه: الو ... حمد انت وين سرت ... فوني مفضي .. ها فون راعي المحل ... انا صوب فور ايفر .. انزين بسرعه لا تطول .. باي
مدت الفون لمايد و هي قافطه : مشكور و السموحه منك اخوية
مايد : افا علييج المهم مابا اخوج ايي و يشوفني وياج بوقف بعيد عنج
روضه : اوكيةة
بعد عنها يطالعها من بعيد انصدم يوم شاف حمد ربيعه وياه و حمد ربه انه عطاها هالفون ولا الثاني ولا حمد بيعرف انه رقمه مش رقم راعي المحل
.................................................. .........................
كايد : و جي حبيتها
مايد : عيونها تذبح
ذياب : هي فديتها تجنن
مايد لف عليهه : اييييييييه لا تتفداها
كايد و ذياب : هههههههههههههههههههههههههههه انزين كمل
مايد : امم ثاني مره شفتها ف الجمعيه وياها البنات اللي كانن وياها اليوم
كايد : رمسستها ؟
مايد : لاا اصلا هي روحها ما عرفتني
ذياب : كيف ما عرفتك
مايد : تدري اني يوم شفتها اول مره من كثر ما هي محترمه حتى ما طالعت ويهي
ذياب : كايد قول امين
كايد : امين بس ع شو
ذياب : اححم عسسانا نتخشع شرات الحبيب
كايد : اممممممممممممممميييييييييييييين
لفوا ع مايد الاخ سرحان
ابتسموا و تموا يسولفوا و خلوا مايد اللي صورة روضه ما فارقت خياله بس قاطع تفكيره صوت فونه طالع الشاشه
مايد : اففففففففففففففف
كايد : بلاك تتأفف بعد
مايد فر الفون ع كايد : صوبك ما اباها
كايد يوم شاف الشاشه ع طول رد : هلاا هلاا والله
نوره : افففففففففففففف ابا ميودي
كايد يقلدها : اوفففففف ابا ميودي .. ويعه ان شاء الله ميود شو يبا فييجج ياخي فجي عنه عنبو ناشبه فييه
نوره : انت غبي و ما تفهم اصلا هو يحبني و يموت فيني
كايد رد يقلدها : انت غبي و ما تفهم اصلا هو يحبني و يموت فيني .. ع شو يموت فييج من حلاتج ولا من اخلاقج تراج خايسسه من هالخايسات اللي نرمسهن المهم كح كح الريال متخشع و الحين يفكر ف الحب لا تقطعين تفككيرهه
مايد بدون ما يحس: اخخخخخ فديتها اححبها احببهاا ياخخي
نوره سمعت رمسته و انقهرت و بندت ف ويهه
كايد و ذياب : كككككككككككككككااككككككك
قروب بنات مروا و وحده فيهن تطالع مايد : صووبنا يالمزيون
كايد : ويييييععععع مقفاكن دخيلكن
.....: انت محد رمسك نبا المزيون ما نباك
مايد : المزيون ما يباج
.....: افاا ليش ما تباني
مايد : اباهاا هي و بس مابا غيرها محد يملي عيني غيرها
كايد يرمس ذياب : اقوول شكل الريال مب مصدق انه حب شوية و بيوقف يصارخ و يقول اححبهاا
مايد طالعه و ابتسم و صرخ : احححححبببببهاا
كل اللي ف الكوفي لفوا علييه و ضحكوا و البنات مشن و هن منقهرات
كايد : هههههههههه الله يهديك
ذياب : هههههههههه اقول انا بسسير البيت ابرك لي باجر ورايه دوام اخاف ايلس وياكم استخف
مايد : هههههههههههه توككل توكل ربيه يحفظك
ذياب وقف : يلا اخليكم
كايد : ف حفظ الله
مايد وقف : و انا بروح البيت احسسن عن مجابل ويهك
كايد : احسسن عن مجابل ويهي ولا عسب تفكر فيها ع راحتك
مايد ابتسسم : فاهمني الهرم
كايد : هههههههه توككل و الحساب عليه بعد شوية بحرك انا
مايد : براييك ععيل ف وداعة الله
كايد : الله وياك
__DEFINE_LIKE_SHARE__

من مواضيعي
0 ما ابـي شي غير اني ابيك ولا ابي احد يكمل فرحتي غيرك

  رد مع اقتباس
قديم 09-23-2013, 11:14 PM   رقم المشاركة : [ 4 ]
عضو جديد

بيانات القبيسـيهه
تـاريخ التسجيـل : Sep 2013
رقــم العضويـــة : 148817
الـــــدولـــــــــــة :
المشاركـــــــات : 8 [+]
عدد الـــنقــــــاط : 100
الجنس : Female
علم الدوله :
الحالـــة : القبيسـيهه غير متواجد حالياً

 

بيانات إضافية
 بينات الاتصال بالعضو
 اخر مواضيع العضو

افتراضي ما ابـي شي غير اني ابيك ولا ابي احد يكمل فرحتي غيرك

"بوظبي"
روضه ترمس ميثه ف البيبي
روضه : ميثوه تدرين اللي زقرني اليوم
ميثه : هيه بلاهه ؟
روضه : احس اني اعرفه حتى صوته هب غريب عليه
ميثه : اممم دامه هو عرفج اكيد شافج قبل و هو يعرف حمد بعد
روضه : مدري حتى انا استغربت و من الصدمه ما سألته كيف يعرفني او يعرف اني اخت حمد
ميثه : ههههههههه يالخوافه وين تسألين و انتي تصيحين
روضه : هههههههه جب جب اقولج انا برقد احسن شيء ف الخاطر
ميثه : سلامتج و عوافي
روضه : الله يعافييج
حطت سليب و خلت فونها و يلست تفكر ف مايد بعد نص ساعه لين ما رقدت
ف بيت مايد
بو مايد : ريال طيب و راعي سوالف و وايد قريب من ولده مايد و مايد يعتبره ربيعه و ما يخش عنه شيء
ام مايد متوفيه
مايد : عمره 21 طويل حنطي عيونه وسيعه و فيه غمازات و مركب تقويم احمر و شعره اسود و كثيف
حمده : عمرها 19 تشبه مايد وايد و شعرها لين اخر ظهرها اسود و صابغتنه خصل ثلجية
مايد يالس ف الصاله ويا ابوه سرحان و ابوه يطالع اخبار
لف بو مايد ع مايد و حط ميوت : مايد
مايد :................
بو مايد على صوته : مايييييييييد
مايد : لبييه ابوية امر
بومايد : بلاك من ييت و انت سرحان
مايد يطالع ابوه و ابتسم
بومايد : بسسم الله عليك تخبلت شو
مايد : ابوية تعرف اني احبك
بومايد بثقه : اعرف و ما يبت شيء يديد بس اللي ابا اعرفه ب شو تفكر
مايد تنهد و صد جدام تم ساكت فتره عقب تكلم : حبيتها
بومايد : و منو هاي اللي حبيتها
مايد انسدح ع ريول ابوهه : حبيتها عيونها تذبح " ابتسم " تشبهه حمد بس هي احلى
بومايد ساكت يترياه يكمل
مايد يكمل : اكثر شيء عيبني فيها احترامها محترمه لدرجة اني ثالث مره اشوفها و ما حطت عيني ف عينها ولا فكرت تطالعني "ضحك ع الخفيف" خوافه من يجربوا صوبها الشباب تتيمع الدموع ف عيونها .. عيونها غرام "يطالع السقف" عسليه و ناعسه احسها ياهل بريئة .. لما طاحت ف حضن اخوها تصيح اللي يشوفها يقول شيء صاير و اخر شيء عشان شباب تحرشوا فيها .. نادر ف هالزمن تحصل حد بأحترامها او برائتها .. ع كثر البنات اللي عرفتهن ف حياتي ما عرفت وحده شراتها
بومايد تنهد و يحاول يخفي دموعه عن ولده : امك
مايد رفع عينه و طالع ابوه
بومايد ابتسم و عينه تلمع : امك بعد كانت عندها هالنظرهه اللي سحرتني .. البرائة تنقرى ف عيونها "ضحك و دموعه ف خده " اشتقت لهاا .. كنت كل يوم الصبح اوقف قريب بيتهم اشوفها و هي تروح المدرسه و يوم ترد بعد اكون واقف اترياها .. يوم ما اشوفها الصبح قلبي ينقبض عليها اقول يمكن مريضه او شيء ما رمت اتحمل و خليت يدك يخطبها لي و يبناك و امك متخبله عليك توفت و هي ف شهرها كانت حامل ب حمدهه .. ماتت و ما شافت بنتها و هي اللي كانت تتمنى تشوف ضناها اخت ولدها
مايد : الله يرحمها
بومايد ابتسم :................ منو هاللي حبيتها
مايد : اسمها روضه بنت حمدان القبيسي اخت حمد ابوية جان تحيده
بومايد : هي عرفته ... مايد انت ترمسها
مايد بأندفاع : اخسسي ابوية ارمس اخت ربيعي ......."ابتسم" اصلا حتى لو فكرت هي مابا تعطيني ويهه
بومايد وقف : عيل اخليك ويا فكرك و بسير ارقد عنك "حط ايده ع جتف ولده" مايد ابوية لا تتعلق فيها و انا ما تعرف عنها شيء يمكن مخطوبه او تحب
مايد خاف من هالفكره : الله لا يقول ان شاء خلاص ابوية ارقد عوافي و انا بعد بخطف ع حمدوه و برقد
بومايد : الله يعافيك
راح عنه فوق و مايد لحقه بس صوب حجره حمدوه يالسه ترمس ربيعتها ف الفون مايد دق الباب
حمده : منو
مايد : انا مايد
حمدوه : تفضل
فتح الباب و دخل راسه شاف الفون بيدها : اذا مشغوله برمسج عقب
حمدوه ترمس عواش ربيعتها ف الفون : عواش حياتي دقايق و برمسج بشوف ميود شو يبا
عواش : خلاص بخليج انا اصلا نودانه و برقد
حمدوه : اوكية عوافي
عواش : الله يعافيج يلا باي
حمدوه : باي
لفت ع اخوها لقته يالس ع الغنفه و سرحان سارت صوبه و زخت ايده لف صوبها و ابتسم
حمدوه : هلا ميود شو ف خاطرك
مايد يحك راسه و منزل عينه : امممم ابا ارمسج ف موضوع بس مستحي منج
حمدوه : ويا راسك قول لا تستحي
مايد : اممم من فتره لما خطفت عليج ف الكولج كنتي واقفه ويا بنات
حمدوه : انزين
مايد يطالعها : روضه
حمدوه شهقت : رويض ربيعتييه ؟
مايد : روضه القبيسي
حمدوه : كيف تعرفها
مايد : اخت ربيعي
حمدوه : بلاها
مايد : انتي كيف وياها ؟
حمدوه : ما فهمت عليك
مايد : يعني تعرفين اذا كانت مخطوبه او تحب
حمدوه : هييييه لاا مش مخطوبه ولا تحب ليش تسأل
مايد شق حلجه و عفس شعرها : احححححححبببببببهههههاااا
وركيض برع الحجره حمده تمت مكانها منصدمه عقب استوعبت ركضت حجرته و فتحت الباب بقوه و نطت حذاله ع الشبريه
حمدوه مفهيه تأشر ع مايد : انت تحب رويض "تأشر ع روحها" ربيعتيه
مايد : هيييهه .. حمدوه عندج رقمها
حمدوه : هيييييييي انت تخبلت شو تبا البنت تكرهني اصلا رويض محترمه و هب راعية هالسوالف يعني لا تحاول
مايد : اوفففففففففففففففففففف
حمدوه : روضه تحبك ؟
مايد ابتسم بأسى : اشك انها تعرفني اصلا ها و انا شفتها 3 مرات و رمستها مرتين
حمدوه ابتسمت و ضربته ع كتفه : باجر تعال خذني من الكولج و بضبط لك اياهاا
مايد : تقدرين
حمدوه : بحاول بس خلني ارقد الحين
مايد يبوسها : لج مني اللي تبينه لو صارت من نصيبي
حمدوه ضحكت و راحت حجرتها


"بيت بو حمد الساعه 7 الصبح "
سوريتا تدق باب حجره روضه : روزاا ماما كلام انتي في تأخير
روضه : ها ها نازله دقايق بس
سوريتا تنزل :ماما الحين يجي
ام حمد : اوكية "تلف ع حمد" فديتك اصب لك عصير ولا تبا حليب
حمد : ابا عصير امايه
ام حمد صبت له و مدت له القلاص و دخلت عليهم روضه
روضه تبوس راس امها و ابوها : صباح الخير
الكل : صباح النور
بو حمد : متأخره اليوم
روضه تشرب عصير : هب متأخره ابوية كلاسي الساعه 9
حمد : عيل ليش سايره من وقت
روضه : بخطف ع المكتبه "توقف" يلا مع السلامه
ام حمد : وين كملي ريوقج
روضه : مستعيله امايه بنخطف انا و ميثوه ع الشيشه بنتريق لا تحاتين
بو حمد : زين الله يحفظج
باست راس امها و ابوها و باست حمد ع خده و ظهرت خطفت ع ميثه و خطفن ع الشيشه خذن لهن كرواسون و عصير و سارن
"ف مكان ثاني"
مايد : حمدوه دقي لها و حطي سبيكر
حمدوه دقت لها : الو
روضه ب صوت مخنوق : هلا حمدوه
حمدوه : بسم الله علييج بلاج
روضه : اوففف بصيحح حمددوهه شكلي مابا احضر الامتحان
حمدوه صرخت : ايييييييييهه شو فيج هالامتحان لازم نحضره ضروري بعد
رروضه : ما يمديني متأخره و ابا اخطف ع المكتبه ما شيء وقت
مايد اشر ل حمدوه انه هو بيسير المكتبه ياخذ لها الاغراض
حمدوه : تدرين انا ف الموتر طرشي لي اللي تبينه ع البيبي و انا باخذ لج
روضه : حمدوه ابا وايد اشياء مش شيء واحد
حمدوه : رويض عاد هب بيننا و بعدين عادي خلصيني طرشي لي اللي تبينه ع البيبي انا الحين بسير المكتبه باي
روضه : حمـ.............
سكرت ف ويهها
مايد : ايييييييييه ليش تسكرين ف ويهها
حمدوه : لانه لو ما سكرت مابا ترضى
مايد : اخخخخ فديت هالصوت انا
حمدوه : ههههههههههههه
راحت المكتبه و خذت اللي تباه و وقفت قدام الكولج و اتصلت حق روضه
حمدوه : رويض انتي وين
روضه : 5 دقايق و بوصل
حمدوه : خلاص عيل انا اترياج عند الباب
روضه : اوك
مايد : يلا انزلي
حمدوه : ليش
مايد : عشان اسير بعد ليش
حمدوه : ما تبا تشوفها
مايد : هيييهه
حمدوه : خلاص عيل جب
مايد : مقبوله منج بس لعيونها
وصلت روضه و وقفت وراهم و نزلت حمدوه نزلت الجامه و نزلت سلمت عليهم فجت الباب الوراني
حمدوه : مايد ساعدني ابا انزل الاغراض
نزل مايد و نزل الاغراض روضه يوم شافته شهقت
روضه : انننتت اخو حمدوه
مايد استانس لانها عرفته ابتسم عطاهم الاغراض و سار و اتصل حق حمدوه و خلته ع الخط
روضه : حمدوه متأكده انه ها اخوج
حمدوه : هيييييهه شفييج
ميثه : رويض بلاج
روضه : ميثه ها هو
ميثه : منو
روضه : ربيع حمد اللي كان ف المول امس اللي رمستج عنه فليل
مايد : رمسسست عني شو قالت حمدوه اسأليها شو قالت
حمدوه : اييييه رمستيها عن اخوية شو قلتي لها
ميثه : خيبه ما ترضى عنبو لو رمسنا عن توم كروز م سوى جيه
روضه : ايخسي توم كروز ايي صوبه مايد احلى
مايد : ديييييتها انا و فديت اسسمي منها
حمدوه : اوب اوب ما ترضى علييه
ميثوه : روييييييييضض ليكون حبيتيه اشوفج مسطله اليوم شكلج طول الليل تفكيرين فييه
روضه : نععععععمم احبه ليش اعرفه انا يمكن بس اعجاب و بعدين انا قلت لج تميت افكر فيه لانه احس اني اعرفه صوته هب غريب عليه مع اني ما ركزت ف ملامحه واييد
حمدوه : روضه تخيلي تحبين اخوية
روضه :..................
ميثه : انزين تخيلي هو يحبج
روضه : و يعني ؟
ميثه : انزين عواش وين تأخرت
عواش من وراهن: انا وصلت فزن بسرعه عن نتأخر
حمدوه بندت الخط ف ويهه مايد و روضه طول الامتحان تفكر بالصدفه و للحين تحس انها تعرفه
"نروح صوب جامعه العين"
سيف يرمس حمد : الحب وين ماله حس
حمد : و انت شو تبا فييها
سيف : نسيت انها بنت خاليهه شو
كايد : سيف يوز عنه لا ينفجر عليك ما يخصك ف الحب ماله
حمد : فديت خشمك انا "صد صوب سيف" تعلم تعلم منه "ضحك باستهزاء" عيزت و انا اعلم فييكك
سيف : ككككككل تببن لاهه قال اعلم فيك
كايد : ههههههههههههههههههههه حلفت عليكم قوموا تضاربوا بعد
حمد : هههههه ليش نتضارب عادي امون انا و نفسياتي المتقلبه ع ولد عميهه
سيف : يخررب بيت الثقه
حمد يعدل يلسته : كح كح و شاف ميره من بعيد و غص
سيف ربع صوبه و ضربه ف صدره كايد لف صوب ما يشوف حمد
كايد : ككككككككككككككككككككككككككككككككككاااككككككككككككك ك شفتها غصيت اركض اركض سير لها
شاف حمد خالد ورى ميره و ميره هب عاطتنه ويهه
حمد راح صوب خالد معصب و ركيض كايد و سيف وراه
حمد زاخ خالد من كندورته : انت متى بتيوز عنها موتك ع ايدي يالـ**** وايد سكتت عنك انا ترى
كايد و سيف بينهم يحاولون يحايزون بينهم بس حمد قابضنه بقو ويهه صار ازرق ميره طاحت من طولها من الخوف حمد اول ما شافها ودره و ركض صوبها و خالد طاح ف الارض يكح و يحاول ينظم تنفسه
حمد يضربها ف خدها و حاط راسها ف ريوله : ميروهه ميروهه قومي حبيبي نشي
ميره :...............
كايد : حمد بسير ايب موتريه ايبها عسب نوديها المستشفى
ركض كايد يجدم موتره و حمد شل ميره و ظهر و سيف لف صوب خالد و عطاه بوكس من وقته طاح ع الارض و طلع من خشمه دم
سيف : وربي ما اعديها لك ع خير
خالد يمش دمه و يضحك : هه سير سير يالـ***** بنشوف منو اللي مابا يعديها ع الثاني اركض ورى المتخبل ع حبيبة القلب
سيف تفل علييه و سار عنه و لحقهم المستشفى و حمد كان خايف علييها و كايد يهدي فيه حمد سار ياخذ له ماي اول ما طلع الدكتور كايد ركض له
كايد : دكتور شو فيها
الدكتور : انت تقرب لها
كايد : لا زميله ويايه ف الجامعه
الدكتور : و من سمح لك اتيبها و بصفتك منو
كايد : انا ياي ويا ولد عمها بس سار الحين بيي
شافهم سيف من بعيد و ركض لهم
سيف : ميروه شو فيها و حمد وين
الدكتور : انت تقرب لها
سيف : انا اخوها قصدي ولد عمتها بس ابوها و اخوها متوفين دكتور طمني بنت خالييه شفييهاا
دكتور : هي تعرضت لصدمه بس عدت على خير ان شاء الله العصر بنرخصها
وصل حمد : ميروه وين
كايد : داخل تعرضت لصدمهه و بيرخصونها العصر
لف ع الدكتور : اقدر ادخل لها
الدكتور : انت ولد عمها ؟
حمد : هيه
الدكتور : ادخل
حمد دق الباب : هود هود
ميره : حياك
دخل حمد و وياه سيف و كايد
كايد : الحمدالله ع السلامه ميره
ميره : ربيه يسلمك
كايد يرمس سيف : انا ساير شيء ف الخاطر
سيف : سلامتك و مشكور تعبناك ويانا
كايد : افا علييك
و طلع .. حمد راح صوب الكرسي و سحبه صوبها و سيف ظهر حب يخليهم ع راحتهم
حمد : الحمدالله ع السلامه
ميره : الله يسلمك
حمد : وقفتي قلبي علييج لو تأخرتي شوي جان ذبحته
ميره : بسم الله عليك حمد هذا لوث لا توصخ ايدك وياه انت م تعرف شو يمكن يسوي لك
حمد بأستهبال : تخافين علييه
ميره نزلت راسسها و ابتسمت
حمد : يلا عاد
ميره تبا تغير الموضوع : متى بظهر
حمد ضحك : اشكره تغير الموضوع المهم بيظهرونج العصر
ميره : هييييييييي لا ابا اظهر الحين
حمد : ما يستوي انتتي تعبانه
ميره : ما احب المستشفيات حمد و غلاتي عنك ظهرني
حمد : برايج عيل بسير ارمس الدكتور
ميره ابتسمت و حمد سار رمس الدكتور و ظهروا
"صوب مهره ف السكول"
مهره طالعه من الحمام و طلعت الاخصائية ف ويها
الاخصائية : ما شاء الله شو هالميك اب
مهره : اي ميك اب الا هو بلاشر و روج و جحال قالت ميك اب
الاخصائية : سكري ازرار مريولج
مهره تسسكرهن و تتأفف : زين جي
الاخصائية : لا و ليش هالاكسسوارات انتي علمي و جي شو خليتي حق الادبي
مهره : ليش فديتتج علمي اولاد و ادبي بنات و احيدنا بنات لازم نلبس اكسسوارات
الاخصائية : لسانج طويل بعد والله قلة ادب سحبتها من شفاتها و مسحت الروج مهره تطالعها جازه منها طلعت تيشو من جيبها و تمسج شفاتها
مهره : وييع الله يلوع ب جبدج و بعدين انا قليلة ادب لاني خليت الادب حقج يا كثيرة الادب
الاخصائية : اللحقيني ع المكتب بسرعه
مهره تجدمتها و راحت المكتب و يلست الاخصائية يلست و تتحرطم
الاخصائية :بنت شوارع و هب مربايه شو اتريا منها انا
مهره تنرفزت و وقفت : هييييي انتتتي احترمي نفسسج وايد سكت لج انا و انا مربايه احسن منج بعد انتي بنت الشوارع ياللوث
الاخصائية فرت الفون ع مهره : الحين تدقين ع هلج مالي رمسسه وياج
مهره ع طول دقت ع راشد
راشد : الو
مهره : هلا راشد انا مهره
راشد : هلا مهره امري
مهره : راشد اذا ما ييت الحين السكول ترى برتكب جريمه ف بنت الشوارع هاي اللي قدامي
راشد : و منو هاي بنت الشوارع
مهره : تعال و بتشوفهاا باي
راشد : باي
فرت الفون ع الطاوله و حطت ريل ع ريل تتريا راشد ربع ساعه و وصل راشد و خبرته السالفه و تضارب راشد ويا الاخصائية
الاخصائية : انا لازم انقلها نقل تأديبي عشان تعرف تقل ادبها علييه
راشد : و انا بشتكي عليج ف الوزاره عشان تعرفين انتي ترمسين منو
الاخصائية : و منو عاد مهرهه تراها الا بنت شوارع لا راحت ولا ردت تهز شعره مني
فهاللحظه دخلت موجهه يايه من الوزاره
الموجهه : اتوقع نحن مدرسه حكومية تحت شعار التربيه قبل التعليم و ما في اخصائية تتلفظ بالالفاظ السوقية ف مكان شرات ها و مع ولي امر طالبه
الاخصائية : انتي فاهمه غلط
الموجهه : انا مش فاهمه غلط انا سمعت كل شيء بأذني و السموحه منج انتي لازم تنفصلين
الاخصائية : بس
الموجهه قاطعتها : لا بس ولا شيء اتمنى تفضين مكتبج اليوم "لفت ع راشد و مهره" السموحه منكم بس الاخصائية و فصلناها تقدرين ترجعين صفج او اذا تبين ترجعين البيت ع راحتج
مهره لفت ع راشد تتريا منه جواب
راشد طالعها : سيري ايبي شنطتج عسب ترجعين البيت و انا بترياج ف الموتر
مهره : اوكية
"ف دبي"
روضه : حمدوه عندج شيء الحين
حمدوه : لا ليش
روضه : بنسير نتغدى برع تعالي ويانا
حمدوهه : امم اوكية
ركبوا موتر روضه و ساروا صوب دبي مول حمدوه طرشت مسج حق مايد انها سايره دبي مول و يدبر اي شيء و يسوي اي شيء ع انه يصادف روضه
مايد يالس ويا كايد وصل له المسج و ابتسم بدون ما يحس : فديتتجج انا
كايد : اوب اوب منو هاي اللي تتفداها
مايد توهق : ها محد امم اختي
كايد : و ليش تتفداها
مايد يحك راسه : اممم بقولك بس لا تعصب و لاتقاطعني و اسمعني للاخر
كايد : شو مسسوي بعد
مايد : اخت حمد ربيعة ختيه
كايد : شفيها ؟
مايد : اممم سألتها اذا تحب او مخطوبه او محيره و جي قالت لا و الحين تخبرني كل مكان تروحه عشان اصادفها و هي عرفت اني اخو ربيعتها
كايد تنرفز : مايد انت تستهبل شو
مايد : ياخي ربي ما اكلمها بس اوني اصادفها و هي معجبه فيني يعني اذا حسيتها تحبني مابا ارمسها ف فالفون او من ورى هلها بتقدم لها و انتهى الموضوع
كايد مش عايبنه الوضع :..............
مايد بنظره يترجاه فيها انه يفهمه : كايد
كايد رفع راسه تنهد و ابتسم : لو ما اثق فيك كنت الحين بدفنك
مايد : ههه انزين ممكن نسير الحين ؟
كايد : وين
مايد : دبي مول بيسيرن يتغدن هناك
كايد : هه ععيل انا عازمك ع المطعم اللي بيتغدون فيها "غمز له" و ترد لي اياها بعد عرسك ها
مايد : اخخ بس لو يستوي اللي ف بالي عرسك ب كبره عليه هب بس اعزمك ع الغداء
كايد : ععيل الله يوفقكم
مايد : هههههههههههه يعني هب عشان اني ربيعك عشان عرسك ها
كايد : هههههههه "وقف صوب موتره" بتيي ويايه ولا بتسير ف موترك
مايد : لاا بسير ف موتريه عسب ختيه بترد ويايه
كايد يركب موتره : ع هواك و تجدمه و مايد وراه
مايد طرش مسج حق حمدوه و سألها عن المطعم و خبرته و مطول ع المسجل
على فكرة على فكرة ترى قلبي ملكتأمرة

ملكت احساسي وروحيوعقلي شاغلن فكرة
حبيبييانظر عيني منايه وبهجة سنيني
تجمل لاتخليني وانا في داخلي جمرة

لقاك يعالج اعواقي وتجنح صوبكاشواقي
كنك بين الاحداقيملاذ الحب ع الفطرة
كلامكمنوة ايامي وقربك ثمت احلامي
ويروري قلبي الضامي ويهدي للغلا زهرة


اذا تخطر على بالي خفوقي فزفالحالي
اريدك تعرف احواليوتعرف حبك وقدرة
اذا تناديانا ألبيك انا لبيه ياقلبي
تفضل عيش في قربي ولا تحرمني النظرة
__DEFINE_LIKE_SHARE__

من مواضيعي
0 ما ابـي شي غير اني ابيك ولا ابي احد يكمل فرحتي غيرك

  رد مع اقتباس
قديم 09-24-2013, 02:32 AM   رقم المشاركة : [ 5 ]
عضو جديد

بيانات شيخه سعيد
تـاريخ التسجيـل : Sep 2013
رقــم العضويـــة : 149001
الـــــدولـــــــــــة :
المشاركـــــــات : 11 [+]
عدد الـــنقــــــاط : 100
الجنس : Female
علم الدوله :
الحالـــة : شيخه سعيد غير متواجد حالياً

 

بيانات إضافية
 بينات الاتصال بالعضو
 اخر مواضيع العضو

افتراضي

بصراااااحه قسم انها طررررررر روووعه نتريا التكمله وبالتوفيج __DEFINE_LIKE_SHARE__

من مواضيعي
0 كيف تكتب انجليزي معرب
0 كيف تمسح ذنوبك بدقائق

  رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
فرحتي يا فرحتي كبر ضلع في الخميس(جديد) محروم.كوم منتدى أخبار المواقع والمنتديات العربية والأجنبية 0 12-23-2011 12:40 PM
ابـي حـل .........؟ محروم.كوم منتدى أخبار المواقع والمنتديات العربية والأجنبية 0 09-18-2011 04:20 AM
ابيك ماأبي غيرك على كتفي تعال ونام محروم.كوم منتدى أخبار المواقع والمنتديات العربية والأجنبية 0 05-05-2010 08:50 PM
شاركوني فرحتي محروم.كوم منتدى أخبار المواقع والمنتديات العربية والأجنبية 0 11-26-2009 12:40 PM
يا فرحتي سيف عبدالله الشعر المنقول 3 01-21-2009 12:37 AM


الساعة الآن 03:00 PM


Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO 3.5.2 TranZ By Almuhajir

RSS RSS 2.0 XML MAP HTML